"திங்க" க்கிழமை : க்ளூட்டன் ஃப்ரீ குதிரைவாலி வெனிலா கேக் - கீதா ரெங்கன் ரெஸிப்பி

க்ளூட்டன் ஃப்ரீ குதிரைவாலி வெனிலா கேக் 

எபி கிச்சன் நேயர்கள் மற்றும் எல்லா அக்காக்கள், அண்ணன்கள், நண்பர்கள் அனைவருக்கும் எங்கள் எபி கிச்சன் குழுவின் வணக்கம்! நண்பர்களே நாம பூஸாரின் பிறந்தநாள் கொண்டாட்டத்தில் எக்ஃப்ரீ ஸ்விஸ் ரோல் செஞ்சு எல்லோருக்கும் கொடுத்து சாப்பிட்டோம் இல்லையா! ஆனா பாருங்க நம்ம ஏஞ்சலுக்கு அது ஒத்துக்காது என்பதால் அவர் அதைச் சாப்பிட முடியைலை. 

அப்போவே நான் நினைத்தேன், ஏற்கனவே சிறுதானியத்துல கேக் செஞ்சுருக்கோமே அதையே அடுத்த எபிசோடுக்கு செஞ்சு ஏஞ்சலுக்கும் கொடுத்து (பூசாரின் கர்ர்ர்ர்ர்ர்ர்ர்ர்ர்ர் என்ற சத்தம்!!!) எல்லாருக்கும் கற்றுக் கொடுத்துவிடலாமே என்று நினைத்துக் கொண்டிருந்த போது என் நாத்தனாரின் அழைப்பு. ரெகுலர் கேக் ஒன்று வேண்டுமென்று அதுவும் அங்கு சென்று செய்ய வேண்டும் என்று.  நான் அவர் வீட்டு கிச்சனை ஆராய்ந்த போது குதிரைவாலி கனைத்தது! நாத்தனாருக்கும், நம்ம ஏஞ்சலுக்கும் அதிலேயே கேக் செய்து உங்க எல்லாருக்கும் சாப்பிடவும் கொடுத்து, கற்றும் கொடுத்துவிடலாம் என்று எடுத்துக் கொண்டுவந்துவிட்டேன்.

சரி இப்ப செய்முறைக்குப் போலாமா? இம்முறையும் செய்து கொண்டே சொல்லிக் கொடுத்துவிடுகிறேன். எல்லாரும் இந்த டேபிளைச் சுற்றி நில்லுங்க! ஆ! இருங்க போன எபிசோட்ல நம்ம பூஸார் 

ஸ்ஸ்ஸ்ஸ்ஸ் கீதா இஞ்ச பாருங்கோ அஞ்சு இடிக்கிறா:) கர்ர்:) மீதான் முன்னால நிற்பேன்ன்:) இடிக்க வேணாம் எனச் சொல்லுங்கோ கீதா:)).. அதாரது என்னைத் தள்ளுறது டோண்ட் டச்சூஊ மீஈஈஈஈஈஇ கர்ர்ர்:)) வர வர ஒரு ரெசுப்பெட்டே:)) கிடைக்குதில்ல நமக்கு இங்கின: என்று எல்கேஜி பாப்பா போன்று கரைந்திட…..

ஆனா இப்ப பாருங்க, நம்ம பூசார் எங்கிருக்கார்னு ஸ்ரீராம் நெல்லை, மதுரை, கில்லர்ஜி , துரை அண்ணா எல்லாரும் தேடுற நிலைமை! பூஸார் வரவில்லை என்றே நினைச்சுட்டீங்க இல்லையா? ஹா ஹா ஹா..கீழ பாருங்க…….டயட் அண்ட் ஜிம்! நம் பூசாரை எப்படி ஆக்கியிருக்குனு! அவரே சொன்னார் அவரைப் பார்த்தால் அடையாளமே தெரியாது என்று!!!

“தெ ரா கு இல்லை இல்லை தெ ரா பு போலனு சொல்லுங்க”…ஹா ஹா ஹா யாரு அது? அதானே பார்த்தேன் ஸ்ரீராம் குரல்! பாவம் பாருங்க புலியூர் பூஸாநந்தாவாக தவம் எல்லாம் செஞ்சு டயட், ஜிம் அது இதுனு இப்படியா ஆகணும்!! சரி நான் டேபிள் அடிலருந்து கொண்டு வந்து இங்க நிறுத்தறேன். வாங்க பூஸானந்தா வந்து கேக் எல்லாம் சாப்பிட்டு உடம்பை தேத்துங்க! ஓகே! ஷாட் ரெடி….கேமரா ரோலிங்க்….

செய்முறை இதோ..

குதிரை வாலி – ½ கப் (கேக் செய்யப் பயன்படுத்தும் கப்) படத்துல காட்டிருக்கேன் பாருங்க.

மில்க் பௌடர் – 2 பாக்கெட். நம்ப கிச்சன்ல ஹட்ஸன் தான் இருந்துச்சு. நீங்க எந்த ப்ராண்ட் வேணாலும் பயன்படுத்தலாம். (10 ரூ பாக்கெட்)

கார்ன் ஃப்ளார்/ஓட்ஸ் ஃப்ளார்/கோதுமை மாவு – 2 டேபிள் ஸ்பூன். இங்கு நான் ஓட்ஸ் ஃப்ளார் (ஓட்ஸை மிக்ஸியில் பௌடர் செய்தது) பயன்படுத்தினேன். க்ளூட்டன் ஃப்ரீ என்பதால்.

பேக்கிங்க் பௌடர் – ½ டீ ஸ்பூன்

பேகிங்க் சோடா – ½ டீ ஸ்பூன்

ஓட்ஸ் பௌடர் கலந்துவிட்டேன் 

வெண்ணை – 2 டேபிள் ஸ்பூன்

படத்தில் ஒரு டேபிள் ஸ்பூன் காட்டப்படியிருக்கு. இப்படி இரண்டு டேபிள் ஸ்பூன் வெண்ணை 

சுகர் ஃப்ரீ/அல்லது வெல்லம் – சுகர் ஃப்ரீ என்றால் 1 டீ ஸ்பூன். பொடித்த வெல்லம் மட்டும் என்றால் 3 டேபிள் ஸ்பூன். நான் இரண்டும் எடுத்துக் கொண்டேன் சுகர்ஃப்ரீ 1/2 டீ ஸ்பூன். பொடித்த வெல்லம் 2 டேபிள் ஸ்பூன். வெல்லத்திற்குப் பதில் நாட்டுச் சர்க்கரை அல்லது ப்ரௌன் சுகர் பயன்படுத்தலாம். வெள்ளைச் சீனியும் பயன்படுத்தலாம். 

வெனிலா எஸன்ஸ் – 3/4 டீ ஸ்பூன்

தண்ணீர் – ½ கப் (முதல் படத்தில் உள்ள கப் அளவு)

முதலில் ½ கப் தண்ணீரில் வெல்லப் பொடியை போட்டு ஊற வைச்சுடுங்க. நாட்டுச் சர்க்கரை என்றாலும், ப்ரௌன் சுகர் என்றாலும் தண்ணீரில் போட்டு வைத்துவிடலாம். கரைப்பதற்குச் சௌகரியமாக இருக்கும். குதிரைவாலியை மிக்ஸியில் பொடிச்சுக்கங்க. பௌடர் பண்ணிட்டீங்களா? ரொம்ப னைஸ் மாவா எல்லாம் ஆகாது. ரொம்ப ஃபைன் ரவை மாதிரிதான் பௌடர் பண்ண முடியும்.

பேக்கிங்க் ஓவனை 200 செல்சியஸ் பாயின்டில் வைச்சு, 30 நிமிஷம் செட் பண்ணி ஆன் பண்ணிடுங்க. ப்ரீஹீட் ஒரு 10 நிமிஷம் போட்டும். அதுக்குள்ள பொடித்த குதிரைவாலியுடன் ட்ரையான சாமான் எல்லாம் ஒரு கிண்ணத்தில் போட்டு நன்றாகக் கலந்து வைங்க. இப்ப வெல்லத்தைக் கரைச்சுட்டு வடிகட்டியில் வடிகட்டிவிட்டு அந்தத் தண்ணீரை மாவில் விட்டு மெதுவாக நன்றாகக் கலக்கவும். எக்பீட்டர் இருந்தால் நல்லது. நன்றாகக் கலந்ததும் வேகமாக சுழற்றிக் கலக்கவும். கேக் வகைகள் அனைத்திற்கும் ஒரே பக்கமாகத்தான் சுழற்றிக் கலக்க வேண்டும். மாற்றி மாற்றிக் கலக்கக் கூடாது. கலக்கும் போது வெனிலா எஸன்ஸும் கலந்துக்கோங்க. கேக் கலவை ரெடியாகிவிட்டது. தோசைமாவு பதம்.

கேக் மாவு அரைக்கப்பிற்குத்தான் போட்டதால் சிறிய அறுமுக்கோணம் டின்னை எடுத்துக் கொண்டேன். கேக் கலவை எப்போதுமே நாம் பயன்படுத்தும் டின்னில் பாதி அளவுதான் இருக்க வேண்டும். அப்போதுதான் அது உயர்வதற்கு இடம் இருக்கும். இப்போது க்ரீஸ் செய்த ட்ரேயில் கேக் கலவையை ஊற்றிவிட்டு ஓடிஜி (OTG) ஓவனில் நடு ராக்கில் வைக்க வேண்டும். 

20 நிமிடம் எடுக்கும். அவ்வப்போது செக் செய்ய வேண்டும். ஒரு வேளை 20 நிமிடத்தில் கேக் வேகவில்லை என்றால் கூட 5 நிமிடமோ, 10 நிமிடமோ வைத்துவிட்டுப் பார்த்துக் கொள்ள வேண்டும். பாருங்க நமக்கு இங்க 25 நிமிடம் எடுத்திருக்கு.

இதோ கேக் ரெடியாகிவிட்டது. அது ராக்கிலேயே 15 நிமிடங்கள் இருக்கட்டும். பின்னர் அதை எடுத்து வெளியில் வைத்துவிட வேண்டும். கொஞ்சம் சூடு ஆற வேண்டும் பின்னர் ஒரு தட்டில் கவிழ்த்தினால் கேக் தானாகவே வந்துவிடும்.

இதோ வெளியில் எடுத்துத் தட்டிலும் கவிழ்த்தாச்சு. இனி என்ன? கட் செய்து எல்லோருக்கும் கொடுத்துச் சாப்பிட வேண்டும் தான். வாங்க நண்பர்களே, நேயர்களே வந்து கேக் எடுத்துக்கோங்க. பந்திக்கு முந்திக்கோங்க!! ஏஞ்சல் சாப்பிட்டுப் பார்த்து எப்படி இருக்குனு சொல்லுங்க! க்ளூட்டன் ஃப்ரீ!

டிப்ஸ்:

இதில் வெனிலா எஸன்ஸ் கலக்கும் போது கூடவே ஒரு டேபிள் ஸ்பூன் கோக்கோ பவுடர், ஒரு டேபிள் ஸ்பூன் ட்ரிங்கிங்க் சாக்கலேட் கலந்து செய்யலாம். அல்லது ஹெர்ஷே சாக்கோ சிரப், அல்லது அமுல் சாக்கோ சிரப் (இப்போது 10 ரூ சாஷேக்களில் கிடைக்கிறது!) இவற்றைக் கலந்தால் இதில் சர்க்கரை இருப்பதால் நாம் கேக்கில் போடும் சர்க்கரை அளவைக் குறைக்க வேண்டும். எக் பிரீ கேக்கிற்கு சர்க்கரை அளவு குறைவாக இருந்தால் கேக்கின் பதம் அதாவது டெக்ச்சர் நன்றாக வரும். சாக்கோ சேர்ப்பதற்குப் பதில் வெனிலா செய்துவிட்டு அதன் மேல் ஹெர்ஷே அல்லது அமுல் சாக்கோ சாஸ் மேலே கோடு போல போட்டு டிசைன் செய்யலாம். எல்லாம் உங்கள் கற்பனை!

இந்தக் கேக்கை செஞ்சு பார்த்துட்டு எங்களுக்குச் சொல்லுங்க உங்கள் கருத்துகளை. மிக்க நன்றி எபி ஆசிரியர்கள் மற்றும் ஏபி ஷோ டைரக்டர் ஸ்ரீராம்! அடுத்த திங்க பதிவு எபிசோடில் சந்திக்கும் வரை அனைவருக்கும் எபி கிச்சன் குழுவினர் நன்றி கூறி விடை பெறுகிறோம்! வணக்கம்!