நீ கே, நா சொ .... புதன் 180718

   

அதிரா :

உண்மை விளம்பியிடம் ஒரு கிளவி:) சே.சே.. கேள்வி:).. அந்த உண்மை விளம்பியின் இன்றைய வயசென்ன? 

ப: இன்றைய வயதா? நாளைய வயதைவிட ஒருநாள் குறைவு!

நேற்றைக்கு ஒன்று கூடி..?

              ஒ! இப்படியும் சொல்லலாமோ!

நெல்லைத்தமிழன் :

தெரியாமல் நான்வெஜ் சாப்பிட்டிருக்கின்றீர்களா ?// - விளக்கம் இல்லாமல் உண்டு/இல்லை என்றா பதில் சொல்றது?  

ப: ஆமாம்!

தெரியாமல் அசைவம் சாப்பிட்ட அனுபவம் என்று கேட்டிருந்தால் விவரமான பதில் தரலாம் அல்லது கேள்வியை "ஒத்தி வைக்கலாம்".

மற்றவங்கள்லாம் உண்மை சொல்ல விருப்பம் இல்லையா? 

ப: இருக்கும். 

          அட! 

//பலநாட்கள் தயிர்சாதம், உப்பு நார்த்தங்காய் // - தற்போது நல்லா வசதியா, அவங்க அவங்க பசங்களும் நல்ல நிலைமையில இருக்கற பெரும்பாலான மத்திய தர வர்க்கம் இதைக் கடக்காமல் வரமுடியுமா? 

ப: வந்திருக்க முடியாது. முன் காலத்தில் lower middle class, இப்போ upper middle class. 

தயிர்சாதம் நார்த்தங்காய் என்பதை இல்லாமையின் அடையாளமாகத்தான் பார்க்க வேண்டியிருக்கிறது என்பதை மறுப்பதற்கில்லை.

                                                     ஐயோ, பாவம்! ஏழைங்க! 

ராஜி :

இதுலாம் ஒரு கேள்வி பதிலா? 

ப: இதுவா? ஆமாம்! கேள்விக்குறி இருந்தாலே கேள்வியாதான் பார்க்கிறோம்!

இதெல்லாம் பல கேள்வி பல பதில்கள். எண்ணிக்கை தெரியாத குற்றம்.

கீதா சாம்பசிவம் :

கேஜிஜி சார், நாங்க கேட்கிற கேள்விகளாலே உங்களுக்கு உலக அறிவு அதிகம் ஆகிறது தானே?  

ப: நாங்க சொல்கிற பதில்களால உங்களுக்கு உலக அறிவு அதிகமாகுதுன்னா, கேள்விகளால் எனக்கும் கொஞ்சம் உனா அனா அதிகமாகி இருக்குன்னு நான் சொல்லிக்கலாம்! 

  

அறிவு, புத்தி, ஞானம், மனசு, மூளை எல்லாமும் ஒண்ணா?

ப: இல்லை. ஐம்புலன்களால் அறிவது அறிவு. அப்படி அறிந்ததை, மூளை பகுத்தறிந்து தெரிந்துகொண்டால் புத்தி. இவை எதையுமே சாராமல், சிலருக்கு மட்டும் ஏற்படுவது ஞானம். மனசு என்பது நம் ஐம்புலன்களால் நமக்கு ஏற்பட்ட அனுபவங்களின் தொகுப்பு. மூளை ஒரு மெஷின். ஐம்புலன்கள் அனுப்பும் செய்திகளை, உடனுக்குடன் ப்ராசஸ் செய்து, எதிர் வினை ஆற்றக் கட்டளை இடுகின்ற அல்லது சிக்னல் கொடுக்கின்ற இயந்திரம். 

அறிவு தகவல் பெட்டகம்.

புத்தி இனங்கண்டு செயல் படும் ஆற்றல்

ஞானம் இயல்பறியும் மனப்பாங்கு.

அறிந்தும் மதிக்காமல்,  புத்தி இருந்தும் ஆற்றாமல் இருக்கக் கூடும்.  ஞானம் அப்படி யல்ல என்பதால் இவை வெவ்வேறு தானே.

சிந்திப்பது மூளையா? மனமா? அறிவா? புத்தியா? 

ப: இந்தக் கட்சிகளின் கூட்டணி.

மனம் தூண்டி, அறிவைக் கொண்டு  மூளை சிந்திக்கிறது என என் மனம் சொல்கிறது.

Kayena Vacha Mana-Sendriyair Va Budhyaatmana Va Prakruteh Swabhavath

நீலவண்ணக் கண்ணர் பதில்களையே காணோமே? அடுத்த பதிவிலாவது வருவாரா? 

ப: அவருக்கு என்னவோ கோபம்! என்ன கேட்டாலும் பதில் சொல்லமாட்டேன் என்கிறார். அடுத்த வாரம் பதில் எழுத வருகிறாரா பார்ப்போம்! (வந்துதான் ஆகணும்! நான் ரெண்டுவாரம் விடுமுறையில் குரோம்பேட்டை செல்கிறேன்!) 

                          அப்பாடி! ரெண்டுவாரம் தலைவலி இல்லாம இருக்கலாம்!

இன்னொரு கேள்வி இருக்கு! அதைக் கேட்கலாமா? 

ப: உம்.

இப்படி எங்களிடம் கேள்விகள் கேட்டு பதில் சொல்வதன் மூலம் உங்கள் அறிவு விசாலம் அடைகிறதா? 

ப: மேலே உங்க முதல் கேள்வி ^ இதுதானே!

தேடல் விளைவித்த கேள்வியும் தெளிவில் பிறந்த பதிலும்

கேடில் ஞானம் புகல்.

யோசித்து யோசித்துக் கேட்பதன் மூலம் நாங்க புத்திசாலியாகறோமா? 

ப: யோசிக்காம பதில் சொல்வதால் நாங்கதான்       ______________  ஆகிவிடுகிறோம்! 

    

                                              இது  யோசிக்க வேண்டிய விஷயமோ? 

கேள்வி கேளுங்க பதில் சொல்றேன்னு சொல்லிட்டு இப்படி மாட்டிண்டோமேனு நீங்க நினைச்சது உண்டா? அல்லது நினைப்பீங்களா? நினைக்கிறீங்களா? இறந்த காலம், நிகழ்காலம், எதிர்காலம் மூணிலேயும் கேட்டிருக்கேனா? 

ப: ஜூலை நான்காம் தேதி கேள்வி பதில் பகுதியில் இதே கேள்விக்கு பதில் அளித்துள்ளேன். 

நினைத்தது இல்லை, நினைக்கவில்லை, நினைக்கமாட்டேன். 

எதிர்காலம் இனிமேல்தானே வர இருக்கிறது ?

வாட்ஸ் அப் 

பானுமதி வெங்கடேஸ்வரன் : 

தினமும் அதிகாலையில் எழுந்து கொள்வது, 

தினமும் உடற்பயிற்சி செய்வது

உணவு கட்டுப்பாட்டை கடைபிடிப்பது இவைகளில் எது கஷ்டம்?

ப: என்னைப் பொறுத்தவரை, இரண்டும் மூன்றும். 

நடைப்பயிற்சி தவிர வேறு உடற்பயிற்சி தினமும் செய்வதில்லை. எந்த நிலையிலும், எனக்கு எது பிடிக்குமோ அதை உண்பதற்குத் தயங்கமாட்டேன். 

எழுந்து விட்டால் நடந்து விடலாம்.  உணவுக்கட்டுப்பாடு குறிப்பிட்ட வயதுக்கு மேல் தானே கைவந்து விடும் அல்லது வாய்வந்துவிடும்!!!

உணவு கட்டுப்பாடு. நாக்கு நீளம் காரணம் இல்லை

Availability தான்! 

 

அடுத்தவாரம் நீலவண்ணக் கண்ணன் பதில் என்று போட்டிருக்கீங்க! இப்போ பாருங்க ! கேள்விகள் பல பாய்ந்து ஓடிவரும்!

அடுத்தவாரம், அவருக்கு நானும் கேள்விகள் கேட்கப்போகிறேன்! 

ஜூட்! ஸ்டார்ட் மூசிக்கு !!