முக(ம்)மூடி முத்தம்

​

முகமூடி 

ஒப்பனை இல்லாமலேயே 

முகத்தை மறைக்கிறேன் 

இயல்பாய்த்தான் 

வந்து விடுகிறது இவையெல்லாம் 

உண்மை உணர்வுகளை 

ஒரு புன்னகையால், 

ஒரு நெற்றித் தொடுதலால், 

ஒரு மீசை வருடலால், 

ஒரு கைக்குட்டை துடைப்பால் 

மறைத்து 

செயற்கை பாவம் 

தருகிறேன்.

எந்த முகம் என் முகம் 

என்று தெரியாமல் 

சமயங்களில் 

நானே குழம்பிப் போகிறேன்.

===================================================================================================

ஜூலை ஆறாம் தேதி உலக முத்த தினமாம்.  2015 ஆம் வருடம் முத்த தினத்தை ஒட்டி ஃபேஸ்புக்கில் நான் பகிர்ந்த சில முத்தங்களை..  மன்னிக்கவும் முத்தக் கவிதைகளை இங்கு பகிர்கிறேன்.  இதற்கான உறுதியை சென்ற வாரமே உங்களுக்கு அளித்திருந்தேன்!

சென்ற வாரம் துளஸிஜி என் கவிதை இல்லையா என்று கேட்ட பாவத்திற்கு இந்த வாரம் தாளித்து விட்டேன்!  அவர் மனசுக்குள் "இனிமே கேப்பியா?  கேப்பியா?  கேப்பியா?" என்று தன்னைத்தானே கடிந்து கொள்ளக்கூடும்!

=====================================================================================================

​

வேண்டும்...... வேண்டும்..

கல்வியை காசின்றி பெற 

மறுபடியும் ஒரு 

காமராஜர் பிறக்க வேண்டும்.

காவிரியில் தண்ணீர் தேக்க  

மறுபடியும் ஒரு 

கரிகாலன் பிறக்க வேண்டும்.

இந்தியர்களுக்குள் ஒற்றுமை வர 

மறுபடியும் ஒரு 

பொது எதிரி வேண்டும்.

மொபைல் மற்றும் 

கணினிகளிலிருந்து நிமிர்ந்து 

உறவுகளுடன் கலக்க 

மறுபடியம் ஒரு 

கற்காலம் வரவேண்டும் 

மரங்கள் நட்டு குளங்கள் வெட்டி 

மண்வளம் காக்க நீர்வளம் பெருக்க 

மறுபடியம் ஒரு 

அசோகர் பிறக்க வேண்டும்.

==============================================================================================