கேள்வி - பதில்கள் - கேள்விகள்

நெலலைத்தமிழன் : 

தனக்குப் பிடித்தமாதிரி பதில் மற்றும் ஆலோசனை சொல்பவர்களை மட்டும்தான் நாம் விரும்புகிறோமோ? 

# அது நாம் எதற்காக ஆலோசனை கேட்கிறோம் என்பதைப் பொறுத்தது. வாழ்வாதாரமான பிரச்சினை, தீர்வு நமக்கு நாமே காணும் வகை இல்லை என்றால், நாம் நம்பும் ஒருவரது எந்த ஆலோசனையையும் ஏற்கத் தயாராக இருப்போம். அப்படியின்றி பிரச்சினை காஸ்மெடிக் (யார் அழகி - அ or த ) ஆகுமானால் நம்மோடு ஒத்துப் போகிற கருத்தை வரவேற்போம். மனித இயல்பு.

& '#' சொல்வதை ஆமோதிக்கிறேன். 

சகிப்புத் தன்மை ஏன் நமக்கு அத்தியாசவசியமான குணமாக இருக்கவேண்டியிருக்கு?

# சகிப்புத்தன்மை இல்லாதபோது எதிரணி பெருகிக் கொண்டே இருக்கும்.

& சகிப்புத் தன்மை இருந்தால்தான், மற்றவர்கள் என்ன சொல்கிறார்கள் என்பதை முழு கவனத்துடன் உள்வாங்க இயலும். சகிப்புத் தன்மை இல்லை என்றால், யார் சொல்வதையும் - குறிப்பாக எதிர் கருத்துகள் சொல்பவர் என்ன சொல்கிறார் என்பதை நம்மால் புரிந்துகொள்ள இயலாது. 

டயபடிஸ் வருவதற்கு இந்த பற்பசைகளும் ஒரு காரணமா? இல்லை பற்கள் பாதிக்கப்படுவதற்கு மட்டும்தான் காரணமாக இருக்கா? வெல்லச் சீடைக்குப் போடற மாதிரி இனிப்பு சேர்க்கறாங்க. அதுதான். ஹாஹா

$ எங்க டாக்டர் டயாபடிஸ் வர நாக்கு தான் காரணம் என்கிறார்.

# டயாபடிஸ் இருந்தால் இனிப்பு விலக்கம். இனிப்பு சாப்பிடுவதால் வராது. 

உடனே சுத்தம் செய்வதால் பற்பசையால் கூட  கெடுதல் இல்லை.

=====

சென்ற வார படப் புதிருக்கான விடை :  S D சுப்புலக்ஷ்மி . 

இந்த பதிலை எங்கள் பிளாக் gmail  மூலம் கேட்டு, அதை அங்கே சொல்லியிருந்தார் திருமதி ரேவதி நரசிம்ஹன். 

அவர் அது யார் என்று கேட்ட கேள்விக்கு, நான், " செல்வி பத்மா சுப்ரமணியத்தின் தம்பியின் அம்மா " என்று சொல்லியிருந்தேன். பெயரை சரியாகக் கண்டுபிடித்துவிட்டார். 

பெரும்பாலானவர்கள் அதை கவனிக்கவில்லை. 

அப்புறம் mvgs  (அது யாரு ?) என்று ஒருவரும் சொல்லியிருந்தார். 

mvgs9 செப்டம்பர், 2020 ’அன்று’ பிற்பகல் 6:19

SD Subbalakshmi. 

அதையும் யாரும் கவனிக்கவில்லை என்று நினைக்கிறேன். 

(அதற்கப்புறம் நேற்று கீ சா மேடமும் அதை வழிமொழிந்து கமெண்ட்  பதிவு செய்துள்ளார். )

இந்த வாரக் கேள்விகள் : 

நெல்லைத்தமிழன் கேட்கிறார் : 

உங்களை எரிச்சலூட்டும் விளம்பரம்(ங்கள்) என்னன்ன?

எங்கள் கேள்வி : 

அக்காவுல இருக்கு தங்கையில இல்லை 

அப்பாவுல இருக்கு அம்மாவுல இல்லை

சிங்கத்துல இருக்கு சிகரத்துல இல்லை

பள்ளியில் இருக்கு பல்லியில் இல்லை

'வாளால்' காணலாம் - 'வாலால்' காண இயலாது 

எல்லோல இருக்கு பில்லோல இல்லை

'நகம்'ல இருக்கு 'நலம்'ல இல்லை

ஒவ்வொன்றாகக் கண்டுபிடித்து தட்டி கொட்டி வரிசையில் 

அமைத்து பதிலை சொல்லுங்க! 

படம் பார்த்து கதை சொல்லுங்க : இது என்ன? 

==========

>>>> கூகிள் சுட்டி : மின்நிலா 017 

=========