அது ஆண்டு 1975. டிசம்பர் மாதம்.
சென்னையில், பிரிட்டிஷ் கவுன்சிலில் - நான் ஒரு பகுதி உறுப்பினன். பகுதி உறுப்பினன் என்றால் என்ன? சந்தா தொகை அந்தக் காலத்தில் என் பைக்கு அடங்காதது என்பதால் - நண்பர் பெரம்பூர் கிருஷ்ணமூர்த்தியுடன் கூட்டு சேர்ந்து - சந்தாவைப் பிரித்து, புத்தகங்களையும் பிரித்து எடுத்துப் படித்துவந்தோம்.
அந்த நாட்களில், எனக்கு பி ஜி வோட்ஹவுசை ( P G Wodehouse) புத்தகங்களில் அறிமுகம் செய்து வைத்தவர் - என் தம்பி தியாகுவின் தோழர் - வழக்கம் போல் பெயர் மறந்துவிட்டது - முகம் ஞாபகம் உள்ளது - ஒருவர்.
அப்போ நான் பிரிட்டிஷ் கவுன்சிலில் நிறைய விரும்பி எடுத்துப் படித்த புத்தகங்களில் - பி ஜி வோட்ஹவுஸ் புத்தகங்கள் நிறைய உண்டு. ஒரு புத்தகத்தில் (பி ஜி வோ - புத்தகம்தான்).
கடைசி பக்கத்தில் யாரோ ஒருவர் அழகான கையெழுத்தில் எழுதியிருந்தார்:
16.2.1975
"What a sad day for us, the Wodehousian lovers - even Pelham had to hand-in his dinner pail "
இந்த வரிகளுக்கு முகம் இல்லை - அதாவது யார் எழுதினார்கள் என்று தெரியாது. ஆனாலும், இதை என்னால் மறக்க முடியவில்லை.
