Monday, October 29, 2012

உள் பெட்டியிலிருந்து - 10 2012


வலைச்சரத்தில் எங்கள் முதல் பதிவு "இங்கே சொடுக்குக!"


காதல் உளறல்


என் தவிப்பு
அவளுக்கு 
சிரிப்பாக இருக்கலாம்
ஆனால்
அவளுக்குத் தெரியாது,
நான் தவிப்பதே
அவளின் சிரிப்புக்காகத்தான் என்று...!

********

பிரிவு என்பது
உறவின் முடிவு அல்ல...
நினைவின் ஆரம்பம்.
=========================

என்ன அர்த்தம்?


உங்கள் அனுபவங்களை நீங்கள் விரும்பும் எல்லோருடனும் பகிருங்கள்.

உங்கள் உணர்வுகளை உங்களை விரும்பும் ஒருவருடன் பகிருங்கள்!!
===============================

பதில் சொல்ல முடியா காரணம்!


உங்கள் நண்பரிடமிருந்து உங்கள் கேள்விக்கு நேரிடையான பதில் வரவில்லை என்றால் ஒன்று அது உங்களுக்கு அதிக துன்பத்தைத் தரலாம் அல்லது அவர்கள் ஒத்துக் கொள்ள முடியாததாய் இருக்கலாம்.
==============================  
   
கெட்ட நேரமாத்தான் இருக்கணும்!


சூரியனைப் பார்த்தும் நேரம் சொல்லலாம்...கரண்ட் போறதை வைத்தும் நேரம் சொல்லலாம்..  
---------------------------------------

அப்படிப் போடு...


எல்லாரையும் இழந்து தனியாக நிற்கும்போதும் 'அப்பாடி, இனி இழப்பதற்கு ஒன்றுமில்லை' என்ற எண்ணமே பாசிட்டிவ் திங்கிங்!    
===========================

ஜோக்'கடி' 1


டீச்சர் : "ஏன் லேட்?"

மாணவன் : "அப்பாவும் அம்மாவும் சண்டையிட்டுக் கொண்டிருந்தார்கள்.."

டீச்சர் : "அவர்கள் சண்டையிட்டால் உனக்கு ஏன் லேட்?"

மாணவன் : "என்னுடைய ஒரு ஷூ அப்பா கையிலும் இன்னொரு ஷூ அம்மாவின் கையிலும் இருந்தது"   
=================================

ஜோக்'கடி' 2


பெண் : "ஹலோ....இது 'கஸ்டமர் கேர்'தானுங்களே..."

கஸ்டமர் கேர் : "ஆமாம் மேடம்...சொல்லுங்கள் என்ன பிரச்னை?"

பெண் : "என் அஞ்சு வயசுப் பையன் சிம் கார்டை முழுங்கிட்டான்...அதுல எழுபத்தைந்து ரூபாய் மிச்சம் இருந்தது...."

கஸ்.கேர் : "சொல்லுங்க மேடம்..."

பெண் : இப்போ அவன் பேசும்போது காசு போகுமா.."    
=================================================

ஆமாம்...தெரிஞ்சுக்குங்க..!


பிரார்த்தனை என்பது கடவுளின் சித்தத்தை மாற்ற அல்ல... நம் மனதைத் தயார் செய்ய...   
==========================================

அற்புத கணங்கள்...


தனிமையின் கணங்கள்தான் உலகின் மிகச் சிறந்த கணங்கள். ஏனெனில் அப்போதுதான் அப்போதுதான் நம்முடைய ஆழமான ரகசியங்களை உலகிலேயே நாம் நம்பும் ஒருவரிடம் நாம் பகிர்ந்து கொள்கிறோம். நம் உள்மனதுதான் அது!     
================================

முதியோர் இல்லத்தில் தாயின் கண்ணீர்


நீ இருக்க
ஒரு
கருவறை இருந்தது
என்
வயிற்றில்...

ஆனால்
நான் இருக்க 
ஒரு
இருட்டறை கூடவா
இல்லை உன் வீட்டில்....    
========================

ஆமாம் இல்லை?!


குழந்தைகளின் மனம் ஈர சிமென்ட் போல.... எது விழுந்தாலும் பதிந்து விடுகிறது!  
======================================

வாழ்க்கை ஒரு வட்டம்டா...!

     

கரப்பு எலிக்கு பயப்படுகிறது
எலி பூனைக்கு
பூனை நாய்க்கு
நாய் மனிதனுக்கு
மனிதன் தன் மனைவிக்கு
மனைவி கரப்புக்கு...   
====================================

ஜோக்'கடி' 3


கணவன் :"ஹிப்னாடிசம் என்றால் என்ன...?"

மனைவி ;"அடுத்தவர் மனத்தைக் கட்டுப் படுத்தி நம் இஷடத்துக்கு ஆட்டுவிப்பது..."

கணவன் :"என்னை முட்டாளாக்காதே...அதற்குப் பெயர் திருமணம்..."    
=============================

சிந்தனை முத்து...


கௌரவமான, உண்மையான இதயங்களை வெளியில் தேடுவதை விட ஏன் நாமே அபபடி இருந்து விடக் கூடாது?    
===============================

இது பதில்...!


கடல் ஆற்றைக் கேட்டது. "இன்னும் எத்தனை நாள் என் உப்பு இதயத்துக்குள் ஊடுருவிக் கொண்டே இருக்கப் போகிறாய்..."

ஆறு சொன்னது " நீ இனிப்பாகும் (இனிமையாகும்) வரை"    
================================  
                               

18 comments:

ராமலக்ஷ்மி said...

எல்லாமே அருமை.

அடித்த ஜோக்ஸ் கடிக்கவில்லை! அதிலும் இரண்டாவது சூப்பர்:)!

திண்டுக்கல் தனபாலன் said...

அனைத்தும் கலக்கல்...

வலைச்சரம் செல்கிறேன்...

நன்றி...

மீனாக்ஷி said...

பாசிடிவ் திங்கிங், அற்புத கணங்கள் இரண்டுமே அற்புதம்.
ஜோக் 2 சிரிச்சு மாளல.

வல்லிசிம்ஹன் said...

வலைச்சர ஆசிரியராகப் பொறுப்பேற்றதற்கு வாழ்த்துகள். வாழ்க்கை ஒரு வட்டமா ஹாஹாஹா ஹா.
முதியோர் அச்சோ அம்மா:(
பிரிவு நினைவு சூப்பர்,.

Lakshmi said...

எல்லாமே நல்லா இருக்கு

அமைதிச்சாரல் said...

//எல்லாரையும் இழந்து தனியாக நிற்கும்போதும் 'அப்பாடி, இனி இழப்பதற்கு ஒன்றுமில்லை' என்ற எண்ணமே பாசிட்டிவ் திங்கிங்!//

ஆஹா.. என்னா ஒரு தத்துவம் :-))

ரெண்டாவது ஜோக்கு.. சிரிச்சு முடியலை :-))

Sasi Kala said...

எல்லாமே அருமையாக இருந்தது.முதுமையின் வரிகள் சிறப்பு.

RAMVI said...

உள் பெட்டி சிரிப்பு, சிந்தனை.. கலவை..சுவையாக இருக்கு.

இமா said...

அடடா! அருமை. :)
படிச்சதும் மனசு காற்றாகிப் போச்சு.

ஜீவி said...

முதல் நாள் 'நமக்கு நாமே' அங்கே முடிந்ததா?..

போகட்டும். இன்னும் 6 நாட்கள் பாக்கி.

'வலைச்சரத்'தில் புதுசாக ஏதாவது செய்யுங்கள்.. முதன் முதலாக இவர்கள் என்கிற பெயராவது கிடைக்கும்!

மோகன் குமார் said...

Lot of content this time. Good

Geetha Sambasivam said...

உங்கள் அனுபவங்களை நீங்கள் விரும்பும் எல்லோருடனும் பகிருங்கள்.

உங்கள் உணர்வுகளை உங்களை விரும்பும் ஒருவருடன் பகிருங்கள்!!//

அருமையான கருத்து; உண்மையானதும் கூட. வலைச்சரம் ஆசிரியரா இந்த வாரம்? ஐந்து பேரும் சேர்ந்து எழுதுவீங்களா? இல்லாட்டி ஒவ்வொருத்தர் ஒவ்வொரு நாளுக்கா? அப்போக் கடைசி இரண்டு நாள் யார் எழுதுவாங்க? சீனியாரிடி உண்டா இதிலே? இன்னும் நிறைய சந்தேகம் இருக்கு. மெதுவா வந்து கேட்கிறேனே! :)))

Geetha Sambasivam said...

ஹூம், இந்தப் பதிவே இப்போத் தான் அப்லோட் ஆயிருக்கு. :( நாளைக்கு நான் பார்க்கிறதுக்குள்ளே விடிஞ்சுடும். :(((

ஜீவி said...

//ஐந்து பேரும் சேர்ந்து எழுதுவீங்களா? இல்லாட்டி... //

'எங்கள்'லேயே அஞ்சு பேரையும் பாக்க முடியறதில்லே...

வெங்கட் நாகராஜ் said...

சிறப்பான பகிர்வு. அனைத்தையும் ரசித்தேன்.

கோவை2தில்லி said...

அனைத்துமே அருமை.

ஹுஸைனம்மா said...

”உளறலை”த் தவிர எல்லாம் ஓக்கே. :-)))))

எங்கள் ப்ளாக் said...


பின்னூட்டங்களுக்கு நன்றி.

_/\_

Post a Comment

இந்தப் பதிவு பற்றிய உங்கள் கருத்து எங்களுக்கு முக்கியம். எதுவானாலும் தயங்காம எழுதுங்க!