"​திங்க"க்கிழமை : அரிசி வடை - கீதா ரெங்கன் ரெஸிப்பி.

அரிசி வடையும் ராஷ்மியும்

கீதா ரெங்கன்  

ட்ரிங்க் ட்ரிங்க் எபி கிச்சன் ஃபோன் அடித்தது.  “ஸ்ரீராம்! பாட்டினா ராஷ்மினு சொல்லுங்க ராஜலஷ்மினு சொல்லிடாதீங்க. அவ்வளவுதான் அல்லோகலம்.”

“ஹலோ! மே ஐ ஸ்பீக் டு த எபி கிச்சன் டைரக்டர் ஸ்ரீராம்?”

“ஸ்ரீராம் தான் பேசறேன். ராஷ்மி பாட்டியா?”

“ஓ! காட்! ஸ்ரீ! ஜஸ்ட் ராஷ்மி. நோ பாட்டி! வெல்! கார் அனுப்பிட்டீங்களா?” (ஹோ! பாட்டினு சொல்லக் கூடாதாம். பீட்டர் வேற… கார்….அனுப்பணுமாம்… …அலட்டல் பாட்டி போல…..இந்த கீதா சொல்லவே இல்லை…!! கீதாஆஆஆஆஆஆஆஆஆஆஆஆஆ!)

“நம்ம எபி கிச்சன் காரை அனுப்பறோம்னு சொல்லிடுங்க”

அதை ஏன் கேக்கறீங்க இன்றைய நம் ஷோவுக்கு வரும் ராஷ்மி! காலையிலேயே மூட் அவுட்! வேறு ஒன்றுமில்லை அந்தக் காலனியில் புதிதாய்க் குடி வந்திருக்கும் வைபு - வை புவனாவின் சுருக்கம் – காலையிலேயே தன்னை அறிமுகப் படுத்திக் கொள்கிறேன் என்ற பேரில் வந்தவள் தன்னை அறிமுகப் படுத்திக் கொண்டு போயிருக்கலாம்.

“ராஜி பாட்டி! உங்க ஹஸ்பண்ட் பத்து அங்கிள் சூப்பர்! இந்த வயசிலும் என்ன யங்க்! சின்னக் குழந்தை மாதிரி என் குழந்தைகளுக்கு ஈக்வலா விளையாடுறார். அதுக்குத்தான் மனசை குழந்தை மாதிரி வைச்சுக்கணும்னு சொல்றாங்க போல! என் குழந்தைங்களுக்கு அங்கிளைக் கண்டாலே ஒரே குஷி!” என்று சொல்லியிருக்க வேண்டாம்.

“போச்சு போ! வைபு ராஜியிடம் மாட்டிக் கொண்டுவிட்டாளே என்று பத்து தாத்தா டென்ஷனாகி பாட்டிக்குத் தெரியாமல் வைபுவைப் பார்த்து கண்ணைக் காட்டி வாயில் கை வைத்துக் காட்டியது வைபுவுக்குப் புரியவா போகிறது. ராஜி பாட்டி, பத்து தாத்தா என்று ராஷ்மியின் காதில் விழுந்தால் காலனியே அல்லோகலப்படும் என்பதை காலனிக்காரர்கள் இவளுக்கு வார்னிங்க் கொடுக்கலை போலும்.

ராஷ்மிக்குக் காதில் ஈயத்தை வார்த்தது போல் இருந்தது. கண்களில் கனல்! “ஐ ஆம் நாட் ராஜி பாட்டி! கால் மி ராஷ்மி!” இந்தக் கிழவனை யங்க் அங்கிள்னு சொல்லிட்டாளே இந்த வைபு. சின்னக் குழந்தையாம்… வந்து பாத்துக்கறேண்டி வைபு உனக்கு இருக்கடி அப்பு” என்று மனதில் கருவிக் கொண்டவள், “ஹோ! அப்பு! இந்த “ஆப்பு” ந்ற லாங்க்வேஜக் கத்துக்கறதுக்குள்ள பிராணன் போயிடுது. சண்டை போட நேரமில்லை.’

“வெல்கம் டு அவர் காலனி. நைஸ் டு மீட் யு! ஐ ஆம் கோயிங்க் ஃபார் எ கிச்சன் ஷோ! ஸோ வில் மீட் யு இன் த ஈவினிங்க்”. கோபத்தில் வியர்த்ததில் மேக்கப் கலைந்து விட மீண்டும் டச்சப் செய்து கொள்ள ரூமிற்குள் சென்றார் ராஷ்மி!

“அது வேற ஒன்னுமில்லை வைபு! எங்க ராஜி ஸாரி ராஷ்மி பெரிய சமூக நலச் சேவகியாக்கும். .அமெரிக்காவில இருக்குற ஏதோ ஒரு லொட்டு லொசுக்கு அவாஇபெசசேச (அமெரிக்க வாழ் இந்தியப் பெண்கள் சமூக சேவை சங்கம்) இவள அழைக்கப் போக, ராஜலக்ஷ்மி ராஷ்மியாச்சு. என் பேர் பத்மநாபன் என்னை எல்லாரும் பத்துனு கூப்பிடுவாங்க. ”அசிங்கம். இங்க என்ன டெத் செரிமொனியா நடக்கறது? இல்லை பத்து பாத்திரமா? நோ மோர் பத்து! ஹீ இஸ் எ வில்லேஜ் மேன். ஸோ PADDY!” அப்படி எனக்கு நாமகரணம் சூட்டினா ராஷ்மி. அமெரிக்கா ரிட்டர்ன்!” என்றார் தாத்தா.

உள்ளே போயிருந்த பாட்டியின் காது, ஊசி விழுந்தால் கூடக் கேட்கும் அளவு செம ஷார்ப். மத்ததெல்லாம் விழுந்ததோ இல்லையோ “அமெரிக்கா ரிட்டர்ன்” மட்டும் காதுல விழுந்துருச்சு. “அமெரிக்கா ரிட்டர்னா?! இங்கிலிஷ் வரலைனா வாய மூடிட்டுப் பேசாம இருக்கணும்.” என்று சொல்லிக் கொண்டே வேகமாக வெளியில் வந்தவள்,  “இப்படித்தான் கேட்டுக்க வைபு. ஒரு நாள் நான் இந்த மனுஷனை தியேட்டர்ல டிக்கெட் வாங்க அனுப்பிருந்தேன். தியேட்டர் வெளில கூட்டமா இருந்துச்சுன்றத இந்த மனுஷன் பெரிசா இங்கிலிஷ்ல பேசுறேன்னு, “அவுட் ஸ்டாண்டிங்க் க்ரௌட்” அப்படின்னு சொல்ல என் ஃப்ரென்ட்ஸ் முன்னாடி “யு க்னோ ஐ வாஸ் எம்பேரஸ்ட்” உன் பிள்ளைங்களோட இவர் பழகினார்னா உன் பிள்ளைங்களுக்கு இருக்கற இங்கிலிஷும் மறந்து போகும்…பி கேர்ஃபுல்…”

“ஹான்! மிஸ்டர் Paddy! எனக்கு எபி கிச்சன்லதான் லஞ்ச்! நச்சு, கிச்சு, சச்சு, அச்சு, பிச்சு, எல்லாம் கூட்டி வெச்சு கூத்தடிக்கக் கூடாது. கிச்சன் க்ளீனா இருக்கணும். வென் ஐ கம் பேக் பி ரெடி வித் காஃபி அண்ட் கார வடை.” தாத்தா முழி முழி என்று முழித்தார். “கார வடையா”!!! அது ஒரு தனிக்கதை!! பின்னர்…

இதுதான் இன்றைய ராஷ்மியின் அறிமுகம் மக்களே! பூஸார் நீங்கதான் ராஷ்மியை சமாளிக்க சரியான ஆள். பாருங்க வந்துட்டாங்க. ஓடுங்க!

“ஹை ராஷ்மி! வாங்கோ வாங்கோ! எங்க எபி கிச்சன் ஷோவுக்கு”

“ஹை புலாலியூர் பூஸாநந்தா! வித் Hat யு லுக் ப்யூட்டிஃபுல் லைக் மி!! ஹான் வெயர் இஸ் யுவர் செக்ரட்டரி? அவங்களை எனக்கு செக்ரட்டரியா வைச்சுக்கலாமானு…யு க்நோ ஃப்யூ மந்த்ஸ் பேக் ஐ விசிட்டட்..”  (என் செக் இவங்களுக்கு செக் கா? நான் இவங்களை மாதிரி பாட்டியா?!! கர்ர்ர்ர்ர்ர்ர்ர்ர்ர்ர்ர் எல்லாம் இந்த கீதாவின் வேலை…கர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்!)

“பூஸார்! ராஷ்மி, அமெரிக்கா புராணம் ஆரம்பிச்சுடுவாங்க. வாயை மூடிடுங்க! நாம ஷோ ஆரம்பிச்சுடலாம்” என்று ரகசிய குரலில் சொல்லிவிட்டு, “ராஷ்மி ஆல் ஆர் வெயிட்டிங்க். நாம் ஷோவுக்குப் போயிடலாம்.”

“போதும் டச்சூஊஉ பண்ணியது. நல்ல வடிவாதான் இருக்கிறீர்கள். வாங்கோ. கேமரா ரோலிங்க்”

“யெஸ் வாட்ஸ் ஸ்பெஷல் டுடே?”

அடப் பாவி பாட்டிய கூப்பிட்டது தப்பாயிடுச்சோ! கவுத்துட்டாங்க..”ராஷ்மி! நீங்க தானே சொன்னீங்க அரிசி வடை செய்யச் சொல்லித் தரேன்னு….”

“ஓ! யா! ட்ரெடிஷனல் டிஷ் ஆஃப் வாங்கல் யு க்னோ! ஐ ஆம் வெரி பிஸி! அட்டெண்டிங்க் லாட் ஆஃப் ப்ரோக்ராம்ஸ்..ஸோ காட் கன்ஃப்யூஸ்ட்….(கீதா முதல்ல அவங்களை பீட்டர் விடாம தமிழ்ல பேசச் சொல்லுங்க – ஸ்ரீராம்)

“ராஷ்மி! தமிழ்ல சொன்னாத்தானே நிறைய பேரை ரீச் ஆகும்! ஸோ ப்ளீஸ்…”

“ஓ! மிகவும் சரியே! எல்லோரும் இப்படி வந்து மேசையைச் சுற்றி நில்லுங்கள். நான் ஒவ்வொன்றாகச் சொல்ல சொல்ல நீங்கள் அளந்து எடுத்துச் செய்ய வேண்டும்.”

“ராஷ்மி! இப்படி ஒரே அடியா அந்தக்கால டமிலுக்கும் போகாதீங்கோ. நான் டமில்ல டி ஆக்கும்!”

“ஓ! டி! டிஸ்டிங்க்ஷன்! க்ரேட்! அப்போ புரியுமே! பூஸாருக்கு! ஓ! மை காட்! டைம் ஆயிடுச்சு! அடுத்த அப்பாயின்ட்மென்ட் எ மீட்டிங்க் வித் கலெக்டர் சீக்கிரம் போனும். ஸோ.....செய்முறைக்குப் போலாம்...கமான் கைஸ்…”

புழுங்கலரிசி – 1 கப் (இதோ பார்த்துக்கோங்க இந்தக் கப் தான் நான் எடுத்துருக்கேன் - முதல் படம்)

புளிச்ச தயிர் – அந்த அரிசி மூழ்கும் அளவு. இதோ பார்த்துக்கோங்க இப்படித்தான் - இரண்டாவது படம். 4, 5 மணிநேரம் ஊற வைச்சுறணும் ஓகேயா. நான் ஊற வைச்ச அரிசியும் கொண்டு வந்துருக்கேன். இதோ மூன்றாவது படம்

பச்சை மிளகாய் – 3-5 உங்க காரத்துக்கு ஏற்ப.

பெருங்காயம் – ¼ டீஸ்பூன் படத்துல காட்டியபடி

.

இஞ்சி – ஒரு சின்ன துண்டு (இது கொஞ்சம் தோல் காஞ்சுருக்கு. அவ்வளவுதான்.)

தேங்காய்த் துருவல் – அரை கப் (எந்தக் கப்பால அளக்கறீங்களோ அந்தக் கப்பால)

கறிவேப்பிலை, கொத்தமல்லி கொஞ்சம்

.

உப்பு – தேவையானது. 

தேங்காய்த் துருவல் தவிர எல்லாத்தையும் க்ரைண்டர்லயோ, மிக்ஸிலயோ போட்டு நல்லா அரைச்சுக்கோங்க. நைசா அரைக்கணும். கெட்டியா அரைக்கணும். தண்ணி வேணும்னா கொஞ்சமா தெளிச்சுத்தான் அரைக்கணும். கடைசியா தேங்காய்த் துருவல் போட்டு ஒரு சுற்று சுற்றி எடுத்துக்கோங்க. இதோ அரைச்சது எப்படி இருக்குனு பாருங்க. கெட்டியா இருக்கு பார்த்தீங்களா.

யாராவது மாவை கொஞ்சம் எண்ணை கைல தொட்டுட்டு உருட்டிக் காட்டுங்க.

ஏஞ்சல், அதிரா ஃபோட்டோ எடுக்கும் போது என் கை ரேகை தெரியாம எடுங்க. அண்ணன் நெல்லை என்ரேகை பார்த்து......

அப்புறம் தட்டறதும் சொல்லிடறேன் உருட்டுனவங்க தட்டிக் காட்டுங்க. இதோ (படங்கள் 1, 2) உருட்டினதை இப்படிக் கட்டை விரலால் தட்டி நடுல ஓட்டை போட்டு எண்ணைல போடலாம். 

அல்லது (படம் 3) இடது கைல தட்டி, நடுல ஓட்டை போட்டு வலது கையால எடுத்து எண்ணைல போடலாம். இது சரி வரலைனா, ஒரு வாழை இலை, அல்லது ஈரத் துணி மேல வைச்சுத் தட்டி (படம் 4) நடுல ஓட்டை போட்டு எண்ணைல போடலாம்.

பொரியுது பாருங்க வடை. கடைசியா அங்க பாருங்க பொரித்த வடை…

“துரை செல்வராஜு ஸார் ரஸம் செஞ்சுருப்பீங்களே. கொஞ்சம் தரீங்களா” என்று ராஷ்மி கேட்க துரை அண்ணா மகிழ்வுடன் கமகம ரஸத்தைக் கொண்டு வர ஒரே போட்டி அதைக் குடிக்க. பாருங்க மீந்த கொஞ்ச ரசத்துல வடைய போட்டா எல்லா ரசத்தையும் வடை உறிஞ்சுடுச்சு.

இப்படி ரஸத்துலயும் போட்டுச் சாப்பிடலாம். வெறும் வடை, ரஸத்துல போட்ட வடை எல்லாம் டேஸ்ட் பார்த்து எப்படி இருக்குனு சொல்லுங்க. (பிஞ்சுருக்கறத தப்பா நினைச்சுக்காதீங்க. வெரி ஸாஃப்ட் நு காமிக்கத்தான் அப்பூடி!!)

டிப்ஸ்: அரைக்கும் போது ரொம்ப கெட்டியா இருந்துச்சுனா கொஞ்சமா தண்ணி அல்லது மோர் தெளிச்சு அரைக்கலாம். அரைச்சு எடுத்துட்டு கொஞ்சம் ஒரு 15 நிமிஷம் வைச்சுட்டா மாவு நல்லா உருட்டற அளவு கெட்டியா இருக்கும். ஸப்போஸ் மாவு கொஞ்சம் நெகிழ்ந்து போச்சுனா நோ ப்ராப்ளம். 2 மெத்தட். ஒன்று கொஞ்சம் ரவை சேர்த்துக்கலாம். இல்லைனா அரைச்ச மாவை ஒரு க்ளீன் வெள்ளைத் துணில வைச்சு மூடி வைச்சுட்டா ஒரு 15, 20 நிமிஷத்துல கெட்டியாகிடும். அப்புறம் உருட்டல் தட்டல் எல்லாம் இங்க செஞ்சு காமிச்சா போலத்தான். அரைக்கும் போதே கவனமா அரைச்சா கெட்டியா அரைச்சுரலாம். 

வெல் எல்லாரும் வீட்டுல செஞ்சு பாருங்க! ஆல் த பெஸ்ட்!

“ராஷ்மி! கலக்கிட்டீங்க!! போங்க!!”

“கீதா! ராஷ்மி பாட்..ஓ ஸாரி ராஷ்மி அலட்டல்னாலும் கலக்கறாங்க. இன்னும் வேற டிஷ் எல்லாம் சொல்லுவாங்களா?” – ஸ்ரீராம், நெல்லை, கில்லர்ஜி..

“ஆமா ஸ்ரீராம்

, நெல்லை, கில்லர்ஜி. இன்னும் சொல்லுவாங்க.

ஓகே! ராஷ்மிக்கு நேரமாகிவிட்டது. ராஷ்மி! ரொம்ப நன்றி எங்கள் எபி கிச்சன் ஷோவுக்கு வந்ததுக்கு. இன்னும் நீங்க வரணும். வந்து நிறைய டிஷஸ் சொல்லித் தரணும். 

"ஓ! ஷ்யூர்! வில் கம் பேக்! கில்லர்! ஐ விஷ்ட் டு ஆஸ்க் யு ஸம்திங்க் ஹா ஹா. பட்...வெல் அப்புறம் கேக்கறேன்  எஞ்சாய் பை" (கில்லர்: இது இங்கிலிபீச்ச விடாது போலருக்கே!!)

அடுத்த எபி கிச்சன் ஷோ வரை உங்கள் எல்லோருக்கும் + டைரக்டருக்கும் நன்றி கூறி விடை பெறுகிறோம் உங்கள் எபி கிச்சன் க்ரூ!

கார்ட்டூன் படங்கள் : நன்றி இணையம்