ஞாயிறு 180819 : என்னை நானே எதிர்பாராமல் எடுத்த ஒரு க்ளிக்!

திருவாரூரிலிருந்து காலை கல்யாணமாகாதேவி நோக்கி புறப்பட்டபோது வண்டியிலிருந்தே கமலாலயத்தை ஒரு க்ளிக்.  முன்னதாக இந்தக் கரை வழியாக நடந்து தேடி ஒரு கடையில் வடை சாப்பிட்டு வந்தேன்!  என்னைக் காணோமே என்று தேடி, எனக்காகக் காத்திருந்து புறப்பட்டது வாகனம் - இலேசான அர்ச்சனையுடன்தான்!

கல்யாணமாகாதேவியில் அய்யனார் கோவில் செல்லும் வழியில் என்னை நானே எதிர்பாராமல் எடுத்துக்கொண்ட ஒரு க்ளிக்!  பின்னர் பார்த்தபோதுதான் நம்மை நாமே ஒரு ஸ்நாப் எடுத்திருக்கிறோம் என்று தெரிந்தது! 

இதுதான் அந்த அய்யனார் கோவில்.  நான் குறுக்கு வழியில் ( ! ) வந்துவிட, மற்றவர்கள் பத்தடி சுற்றிக்கொண்டு வந்து சேர்ந்தார்கள்!  வாங்க..  பக்கத்துல போவோம்...

முதலில் குதிரை வீரன் பக்கத்திலிருந்து கோவிலை ஒரு க்ளிக்!

கல்யாணமாகாதேவி அருள்மிகு ஸ்ரீ......

பூட்டியிருந்ததா?  கம்பிகளுக்குள் அலைபேசியை நுழைத்து அருள்மிகு அய்யனாரை ஒரு க்ளிக்!

கோவிலிலிருந்து அப்படியே திரும்பி குதிரை வீரனை ஒரு படம்....

குதிரை வீரன் பக்கத்தில் நிற்கும் நம்மாளை தனியாக ஒரு க்ளோஸ் அப் ஷாட்!

அங்கிருந்து திரும்புகிறோம்.  சென்ற வழியை அப்படியே ஒரு போட்டோ!  அந்த குறுக்கு வழி...   அதனூடே குதிரையின் பின்புறம்!

பாண்டவ ஆற்றிலிருந்து இந்தப்பக்கம் கட்டிட வேலைகளுக்கும் மற்ற தேவைகளுக்கும் நீர்ப்பாசனம்!

சரிவில் சறுக்கிக் கொண்டு போகாமல் நன்றாய்த்தான் நிற்கிறது...   புல்லும் இல்லை, செடியும் இல்லை, காய்ந்த நிலத்தில் எதைச் சாப்பிடுகிறது?!!

கோவில் எழுந்ததில் இவர்களின் கை இருக்கிறது!

அன்றைய தினத்துக்கான கூலியை வாங்கக் காத்துக் கொண்டிருக்கிறார்கள்.

பாலாலய யாகசாலை.