வெங்காயத்தை வேரறுப்போம்

ஸ்பெஷல் OPS என்று ஒரு சீரிஸ் ஜியோ ஹாட் ஸ்டாரில் பார்த்தேன்.

பார்க்க சுவாரஸ்யமாக படங்கள் எதுவும் இல்லாததாலும், நிறைய த்ரில், சஸ்பென்ஸ், நீதிமன்ற வழக்காடல்கள் பார்த்து விட்டதாலும், OTT யில் குபேரா வந்து விட்டதையும் மறந்து இதைத் திறந்தேன்.

சில தொடர்களை நன்றாயில்லா விட்டால் உடனே கைகழுவி விடுவேன். அப்படி கைகழுவிய ஒரு தொடர் 'ராவணா நாயுடு'.  இரண்டு மூன்று எபிசோடுகள் அதைப் பார்த்த பாவத்துக்கு டிவியையும், ஹாலையும் டெட்டால் போட்டு கழுவ வேண்டி இருந்தது.

வெங்கடேஷ் டகுபதி, ராணா டகுபதி என்று அப்பா மகன் இருவரும் அப்பா மகனாகவே நடிக்கிறார்கள். தமிழில்தான் அப்படி மொழிபெயர்ப்பா, தெலுங்கிலேயே அவ்வளவு ஆபாசமா தெரியவில்லை. கர்மம்.

இந்த ஸ்பெஷல் OPS சீரிஸ் திறந்ததும் பார்த்தால் 2020 லேயே முதல் சீஸன் வந்திருந்தது. 2001 பார்லிமென்ட் அட்டாக், மும்பை குண்டுவெடிப்பு ஆகியன சம்பந்தப் பட்ட ரகசிய புலன் விசாரணை.

இந்த ஆபரேஷன்களில் முக்கியமானவரான ஹிம்மத்சிங் இடம் ஆடிட் செய்ய இருவர் வருகிறார்கள். அவர் மிசலனியஸ் என்றே தலைப்பிட்டு லட்சங்களிலும், கோடிகளிலும் கணக்கு காட்டி இருப்பதற்கு விளக்கங்கள் கேட்பதில் தொடங்குகிறது.

முதலில் பல கேள்விகளுக்கு "அதை நான் சொல்லக்கூடாது..  இதை நான் சொல்ல உரிமையில்லை, அதை சொன்னால் பாதுகாப்பு இருக்காது" என்றெல்லாம் சொல்லி வருகிறார்.  கேள்வி கேட்பவர்கள் பொறுமை இழக்கிறார்கள்.  மறுநாள் முதல் ஒவ்வொன்றாக பேசத் தொடங்குகிறார்.  சுவாரஸ்யமான காட்சிகள் விரிகின்றன.  இது போன்ற தொடர்களில் இப்போது நாம் பார்க்கும் பல க்ளீஷே காட்சிகள் இதிலும் உண்டு.  நினைத்த நேரத்தில் உளவாளிகள் ஏதன்ஸ், ஜியார்ஜியா, அபுதாபி, துபாய் என்று பறக்கிறார்கள். டுமீல் டுமீல் என்று சுட்டுக் தள்ளுகிறார்கள். கோடிகளில் பணம் செலவழிக்கிறார்கள். பிரதமர் ஹிம்மத்தை நேரில் அழைத்து விசாரிக்கிறார். அவர் சார்ந்து நிறைய கேள்விகள் வருகின்றன. நடுவில் குடும்பப் பிரச்னை வேறு..

வழக்கம்போல கொஞ்ச நேரம் பார்த்து பார்க்கலாமா வேண்டாமா என்று முடிவு செய்யலாம் என்று தொடங்கினேன்.  நிறுத்த முடியாமல் பார்த்து முடித்தேன்.

ஹிம்மத்தாக நடித்திருக்கும் கே கே மேனன் அருமையாக செய்திருக்கிறார்.   உயர் அதிகாரியாக இருந்தாலும், ஏன், பிரதமராகவே இருந்தாலும், காதலியாக இருந்தாலும் அவருக்கு உறவு, நட்பைவிட நாட்டுப்பற்றுதான் முக்கியம்.  இவர் கேள்விகளில் நடவடிக்கைகளில் பிரதமர் முதலில் முகம் சுருங்கினாலும் ரிசல்ட் பார்த்து பின்னர் பாராட்டுகிறார்.  நம்மூர் பாடகர் மனோ போல இருக்கும் வினய் பதக் SI அப்பாஸாக வந்து ரசிக்க வைக்கிறார்.  ஹிம்மத்துடன் அவர் கொண்டிருக்கும் பக்தி கலந்த, பணிவு கலந்த நட்பு பார்க்க நன்றாக இருக்கிறது.

இப்போதுதான் கண்ணில் பட்டதால், முதல் சீசனை முதலில் பார்த்து ரசித்தேன். அதில் 8 எபிசோடுகள். கடைசியில் ஒரு எதிர்பாராத திருப்பம்.  ஒரு அமர்வில் 8 எபிசோடுகளையும் பார்த்தேன்.  அந்த அளவு சுவாரஸ்யம்.

இரண்டாவது சீசனையும் பார்த்து முடித்து விட்டேன். 7 எபிசோடுகள். பவர்ஃபுல் வில்லன், கொஞ்சம் நம்மூர் சதீஷ் போல இருக்கிறார்.  சொந்த வாழ்க்கையில் ஹிம்மத்தின் அவஸ்தைகள் ஒரு பக்கம் நன்றாக கொண்டு போயிருக்கிறார்கள்.  சிறு வயது ஹிம்மத் வித்தியாசமாக தெரிகிறார்.  அவரும் கே கே மேனன்தானா என்று தெரியவில்லை.  இரண்டு மூன்று  சீசன்களும் தமிழில் கிடைக்கிறது.  

முதல் சீசனுக்கு இரண்டாவது சீசனுக்கு நடுவில் 1.5 என்று ஒன்று நான்கு எபிசோடுகளுடன் இருக்கிறது.  அதில் ஹிம்மத்தின் நேர்மைப் போராட்டங்கள் காண்பிக்கப்படுகின்றன.  நடுவில் ஓரிரண்டு வரியில் கடந்த முக்கிய காட்சிகளுக்கு விளக்கமாக சில முன்கதைகள்.  காதலி கதையும், மனைவி கதையும் சுவாரஸ்யம். 

ஹிம்மத் எப்போதும் செல்போனை கையிலேயே வைத்திருப்பார் என்பது ஒரு மேனரிஸம்.  அதை சட்டைப்பையிலோ, பேண்ட் பையிலோ வைக்க மாட்டார்.  எப்போதும் கையில் பிடித்திருப்பார்.

சமயங்களில் நம்ப முடியாத காட்சிகள் என்று சொல்ல வைக்கும். ஆனால் காட்சிகளின் அமைப்பு, ரிச்னஸ் ரசிக்க வைக்கிறது. வெளிப்புற படப்பிடிப்புகளில் கலக்கி இருக்கிறார்கள். ஒரு உயர்வகை ஆங்கிலத் திரைப்படம் பார்ப்பது போல உணர்வு.

==============================================================================

R. கந்தசாமி ஸார் பதிவிலிருந்து..  

மனுஷன் இணையமெங்கும் சுழன்று தேடித்தேடி எடுத்துப் பகிர்கிறார்...

எஸ்.ராமகிருஷ்ணன் காவல் கோட்டம் குறித்து எழுதியதில் விவாதிப்பதற்கு ஒன்றுமில்லையா?

ஒன்றுமே இல்லை என்று புறந்தள்ள நான் ராமகிருஷ்ணன் அல்ல. விவாதிப்பதற்கு அல்லது பொருட்படுத்துவதற்கு ஏதாவது உள்ளதா என்ற அக்கறையுடன்தான் நான் வாசித்தேன். இரண்டு விஷயங்கள் விவாதிப்பதற்கானதாக எனக்குப்பட்டது.

ஒன்று, ஒரு வரலாற்றுநாவல் எப்படி இருக்க வேண்டும் என்பதைப்பற்றி அவர் ஒரு மாதிரியை முன்வைக்கிறார். இது போல காவல்கோட்டம் இல்லையே என்று கேள்வியெழுப்புகிறார். அதுபோல காவல்கோட்டம் ஏன் இருக்கவேண்டும். ஒரு வரலாற்று நாவலை நூறுவிதத்திலும் எழுதலாம். அதற்கு என்ன அளவுகோல்? யார் அதை தீர்மானிப்பது. போரும் வாழ்வும் போலவும், அக்கினி நதியைப் போலவும்தான் வரலாற்று நாவல் இருக்கவேண்டுமென்பது எந்த மகாசபையில் முடிவுசெய்யப்பட்டது. நெப்போலியனை டால்ஸ்டாய் பார்த்தவிதமும், விக்டர் ஹியூகோ பார்த்தவிதமும் ஒன்றா? போரும் வாழ்வும் நாவலில் வரலாறு கையாளப்பட்ட விதமும், சக்கரவர்த்தி பீட்டர் நாவலில் வரலாறு கையாளப்பட்டவிதமும் ஒன்றா? வரலாற்றை புனைவு தனது உள்ளங்கையில் வைத்து உருட்டி விளையாடும் ஆற்றல் கொண்டது. விளையாட்டின் வகைகள், உத்திகள், நுட்பங்கள், சாகசங்கள் எல்லாம் ஆடுகளத்தின் தன்மையைப் பொறுத்தது. ஒரே களம், ஒரே அணுகுமுறை, ஒரே உத்தி ஆகியவற்றின் அடிப்படையிலான விளையாட்டுகளும் உண்டு. ஆனால் அது களத்தில் விளையாடுவதல்ல, கணினியில் விளையாடுவது. ராமகிருஷ்ணன் இரண்டாம் வகையை வைத்து முதல் வகையின் மீது கேள்வியெழுப்பியுள்ளார்.

விவாதிப்பதற்கான இரண்டாவது விஷயம் மிக நுட்பமானது ஒரு நாவலாசிரியனின் நண்பன் நாவல் எழுதிவிட்டால் நாவலாசிரியனாக கருதப்பட்டவனின் மனநிலை என்னவாகிறது என்பதைப்பற்றியது. இந்த ஆய்வுக்கு ஒரு பரிசோதனை எலியாகத்தான் அவர் எழுதியுள்ள கட்டுரை உள்ளது. அது பட்டிருக்கிற பாடு, அடைந்திருக்கிற அவஸ்தை, தாங்கிக்கொள்ள முடியாமல் மேலும் கீழும் குதித்து பல்லில் சிக்கியதை எல்லாம் கடித்து துப்பியிருப்பது என இவை எல்லாவற்றையும் வைத்து அந்த மனநிலையை ஆய்வு செய்ய முடியும். ஜாடிக்குள் கூழாங்கல்லைப் போட்டவுடன் உள்ளே இருக்கும் திரவம் மேலேறி வருவதைப்போல எழுத்தாளனின் மனதுக்குள் இருக்கும் வக்கிரமும், காழ்ப்பும், குரோதமும் மேலேறி வர அருகில் இருப்பவன் ஒரு படைப்பை போடவேண்டியுள்ளது. இவ்விடத்தில் படைப்பு படைப்பாளியாக அறியப்பட்டவரிடம் என்னவாக வினையாற்றுகிறது என்பது முக்கியம். அத்தகையதொரு ஆய்வும், அதன் மீதான விவாதமும், தமிழ் இலக்கிய உலகுக்கு மிகவும் பயன்படும்.

-அ.வெண்ணிலா கேள்விக்கு சு.வெங்கடேசன் பதில்

நன்றி: கீற்று.காம்

இதற்கு அங்கு நான் இட்ட கமெண்ட்.

.========================================================================================

ரசித்த கருத்து 

================================================================================

ஒரு புலம்பல் 

வெங்காயத்தை வேரறுப்போம் 

வெறுங் காயாய் சமைத்து வைப்போம் 

வெங்காயமே வேண்டாமென்றால் 

பூண்டு மட்டும் உண்போமா என்ன 

வாழைத்தண்டை வைது விடுவோம் 

வாயினாலே வடை சுடுவோம் 

வாழைப்பூவை தூக்கி எறிவோம் 

காலிஃபிளவரை கண்ணாலும் காணோம் 

கத்தரிக்காயை சுத்தமாக மறப்போம் 

முருங்கையை முடிந்தவரை தவிர்ப்போம் 

படையெடுத்து வந்தாலும் 

குடைமிளகாய் வேண்டாம் 

மாதத்துக்கு மூன்றுமுறை கீரை 

மூன்றுமுறை முட்டைகோஸ் 

முள்ளங்கி எப்போதும் சள்ளையப்பா.. 

நாத்தம் ஊரைத் தூக்குதப்பா 

பாகற்காய் பக்கமே போகவேண்டாம் 

தானாய் கிடைத்தாலும் சமைக்க வேண்டாம் 

அப்போ

என்னதான் சமைப்பீங்கப்பா 

சொல்வதென்னவோ 

எது வேணும்னாலும் சமைப்போமப்பா 

பீன்சும் கோவைக்காயும் 

கேரட்டும் அவரையும்தான் 

சாஸ்வதமப்பா 

===============================================================================================

==================================================================================================

பொக்கிஷம் / ஜோக்ஸ் 

அந்தக் கால "நான் படிச்ச கதை"

எனக்குப் பிடித்த புத்தகம்

பண்ணையாள் முருகன்

Murugan The Tiller

படிக்க வேண்டிய புத்தகங்களில் முதலில் படிக்க வேண்டிய புத்தகம் இது' என்ற புகழ் மாலையைச் சூட்டியவாறு புத்தக மொன்றைக் கொடுத்த என் நண்பா தன் கூற்றுக்குச் சான்றாக, பல ஆங்கில எழுத்தாளர்களும் ஒருங்கே சூட்டிய புகழ்மாலை பிரசுரிக்கப்பட்டிருந்த பத்திரிகைகளும் இந்த கடைசிப் பக்கத்தை காட்டினர். புத்தசுத்தின் பெயர் 'பண்ணையாள் முருகன்' ஆசிரியர் கே. எஸ். வெங்கடரமணி.

காவிரிக் கரையின் அமைதியான சூழ்நிலை​இயில் உள்ள ஆழவந்தி கிராமத்தில், ஐந்து தலை முறையில் எழு​நூறு ஏகர் நிலம், ஏழு ஏகர் நிலமா​க  மாறிய நிலையில், 'மிராஸ்தார'ராய் வாசகர்​களுக்கு அறிமுகமாகிய ராமச்சந்திரன், இரு முறை பி. ஏ. பரீட்சையில் தவறி, கேம்ப் கிளார்க் (கலெக்டரின்), டெபுடி தாசில்தார் டெபுடி கலக்டர் ஆகிய பதவி வகித்து, நாகலாபுரம் மலைப் பகுதிக் கொள்ளைக் கூட்டங்களை அடக்கி, மீனாட்சிபுரம் என்ற புதிய மாதிரி கிராமத்தை திரிமாணித்து கொள்ளைக் கூட்டத்தினருக்கு நல் வாழ்வு நல்கி, கலெக்டர் பதவியையும் உதறி அங்கேயே தங்குகிறன்​ அவர்கள் சேவைக்காக,

எஜமான் ராமுவிடம் (வாசகர்களின் அனுமதியுடன் பெயர் மாற்றம் கொடுக்கிறார் ஆசிரியர்.) தோப்பைப் பெற்ற முருகன், தொப்பையின் நட்பா​ல் கள் கடை திறந்து, ஊரார் பணமும் ​பகையும் பெற்று, ஜெயில் புகுந்து, சகஜெயில் வாசியி உதவியால் தப்பி, நாகலாபுரம் மலைப் பகுதிக் கொள்ளைக் கூட்டத்தாருடன் சேர்ந்து, எஜமானன் ​ராகுவால் மீட்கப்பட்டு மீளுட்சிபுரத்தில் அமைதி வாழ்வு காண்கிறன்.
​ராமுவின்  உயிர் நண்பன் கேதாரி, சென்னையில் வக்கீல் படிப்பு முடித்து, பணம், புகழ் பெற்று, தேர்தலில் நின்று வெற்றி பெற்று, ​சீனியர் மா​ர்க்கண்டத்தின் சதிக்கு ஆளாகி, ஓட்டாண்டியாகிய ​நிலையில் ராமுவின் இழந்த நட்பைப் ​பெற்று, மீனாட்சிபுரத்தில் அமைதி வாழ்வை அடைகிறான்.
இவ்வளவுதான் கதை. எனினும் எத்தனை
​திருப்பங்கள்! உணர்ச்சிக் குவியல்கள்! மனித வாழ்க்கையையே படம் பிடித்துக் காட்டுகிறார் ஆசிரியர் கதாபாத்திரங்களின் ​வாயிலாக சாதாரணப் படம் அல்ல. வண்ணப் படம்.

கிராமத்து முருகன் வாழ்க்கைக்கும். பட்ட ணத்து கேதாரி வாழ்ககைக்கும் எவ்வளவு விததியாசம்! பசிபிக் கட​லுக்கும் எவெரெஸ்ட் சிகரத்திற்கும் உள்ள வித்தியாசம். இருவரும் புகழ்:​ஏணியின் உச்சிப் படியிலி​ருந்து, சூழ்ச்சிக்கு ஆ​ளாகி இடறி விழுகின்றனர். ராமு அவர்களுக்குக் கை கொடுத்து உதவுகிறான்.

ஆழவந்தி ஆ​ற்றங் கரைக் காட்சி கண்ணை விட்டு அகலாத காட்சி
​
வீட்டின் ஆட்​சி செலுத்திக் கொண்டிருக்கும் ஆண்கள் வாய் மூடி மௌனியாக ஒரு மூலையில் மந்திரம் ஜெபித்துக் கொண்டிருக்க, பெண்கள் ஆற்றங் கரையில்​........