வரும் காலம் பொன்னாகட்டும் சொந்தம் ஒண்ணாகட்டும் அது கண்ணோடு கண்ணாகட்டும்

 மௌன கீதங்கள்.

 திரைக்கதை மேதை என்றுதான் பாக்யராஜை சொல்வார்கள்.  மிகவும் வெற்றிகரமான திரைக்கதை வசனகர்த்தா.  அவர் எழுதிய இந்தக் கதை படம் வெளிவருவதற்கு முன் குமுதத்தில் தொடராக வெளிவரச் செய்ததும் இதன் வெற்றிக்கு காரணம்.

மிகவும் சுவாரஸ்யமான படம் என்பதை நீங்கள் எல்லோருமே அறிவீர்கள்.  வெளிவந்து 25 வாரங்கள் ஓடிய படம்.

முத்துலிங்கமும், கண்ணதாசனும் ஒவ்வொரு பாடல் எழுத, இந்தப் பாடலை வாலி எழுதி இருக்கிறார். இந்தப் படம் அபார வெற்றி பெற்று ஹிந்தி, தெலுங்கு, கன்னட மொழிகளிலும் எடுக்கபப்ட்டது. 

முதலில் சந்தோஷப் பாடல்.  அது கே ஜெ யேசுதாஸ் ஜானகி அம்மா குரலில்.  இசை கங்கை அமரன்.

'உண்மை சுடும்' என்னும் ஜெயகாந்தன் கதையின் தாக்கத்தாலும் பாக்யராஜ் இந்தக் கதையை எழுதினர் என்கிறது விக்கி.  மேலும் அது அவரின் சொந்த அனுபவமும் கூட என்கிறார்.  முதல் மனைவி பயங்கர பொஸஸிவாம்.

இந்தப் பாடலின் ராகம் மாயாமாளவகௌளை என்கிறது விக்கி.

KJY : மூக்குத்தி பூ மேலே காத்து உக்காந்து பேசுதம்மா

S. JANAKI : ஹ்ஹீம்ம்ம்

KJY : அது உக்காந்து பேசையிலே தேனு உள்ளூர ஊறுதம்மா…

S. JANAKI : ஆஹா……ஹா…..

KJY : அது ஏந்தான் புரியலையே அதை நான்தான் அறியலையே

ஒரு மோகம் ஒரு தாகம் இங்கு உன்னாலே இந்நேரம் உண்டானது

S. JANAKI : மூக்குத்தி பூ மேலே காத்து உக்காந்து பேசுதய்யா

KJY : ஹா ஹான்

S. JANAKI : அது உக்காந்து பேசையிலே தேனு உள்ளூர ஊறுதய்யா

KJY : ஓ…..ஹோ….

S. JANAKI : அது ஏந்தான் புரியலையே அதை நான்தான் அறியலையே

ஒரு மோகம் ஒரு தாகம் இங்கு உன்னாலே இந்நேரம் உண்டானது

KJY : மூக்குத்தி பூ மேலே காத்து உக்காந்து பேசுதம்மா

S. JANAKI : {மேற்க்காலே போகின்ற மேகங்களே

மண்ணில் வாருங்களேன் மழை தாருங்களேன்

உடல் சூடாச்சி பாருங்களேன்} (2)

KJY : மழை மேகம் நானாகவா மலர் தேகம் நீராட்டவா

மடி ஏந்தி தாலாட்டவா

மனமாற சீராட்டவா வெறும் ஏக்கம் ஆகாதம்மா

விட்டு போகாதம்மா நான் கொஞ்சாம தீராதம்மா…..ஆமா….

S. JANAKI : மூக்குத்தி பூ மேலே காத்து உக்காந்து பேசுதய்யா

KJY : அது உக்காந்து பேசையிலே தேனு உள்ளூர ஊறுதம்மா…

KJY : {கல்யாணம் கச்சேரி ஊர்கோலமும் ஒரு பூமாலையும்

திரு பொன்னூஞ்சலும் அடி நான் காண நாளாகுமோ} (2)

S. JANAKI : திருநாளும் தானே வரும் உனைத்தேடி தேனே வரும்

வரும்போது வேலை வரும் அது வந்தா மாலை வரும்

அட நானும் உன் போலத்தான் அத கொண்டாடத்தான்

எதிர்பார்த்தேனே அந்நாளைதான்…..ஆமா

KJY : மூக்குத்தி பூ மேலே காத்து உக்காந்து பேசுதம்மா

S. JANAKI : அது உக்காந்து பேசையிலே தேனு உள்ளூர ஊறுதய்யா

KJY : அது ஏந்தான் புரியலையே

S. JANAKI : அதை நான்தான் அறியலையே

KJY : ஒரு மோகம்

S. JANAKI : ஒரு தாகம்

KJY : இங்கு உன்னாலே

இந்நேரம் உண்டானது

இருவர் : தான்னான தானன்னா தானா

தானனான நன்னா னா

தான்னான தானன்னா தானா

தானனான நன்னா னா 

=====================================================

கலகலப்புக்கு ஒரு கங்கை அமரன்.

ராஜபார்வை படத்துக்கு கவிஞர் பாட்டு சொல்லச் சொல்ல உதவியாளர் கண்ணப்பன் எழுதினர்.  அப்புறம் ஸ்க்ரிப்ட் தயாரானதும் கவிஞர் அதை வாங்கி படிப்பாராம்.  அதே போல இதையும் படித்திருக்கிறார்.  கமல் இதை எல்லாம் ஃபோட்டோ எடுத்துக் கொண்டிருந்தாராம்.  கவிஞர் பாடலைப் படித்துக் கொண்டிருக்கும்போது பின்னால் நைஸாக கங்கை அமரன் எட்டிப் பார்த்திருக்கிறார். 

கங்கை அமரன் படம் எடுத்துக் கொண்டிருந்த கமலிடம் , "கமல்..  எனக்கு இந்த போட்டோ காபி ஒன்று வேண்டும்" என்று கேட்டாராம்.

கமல் எதற்கு என்று கேட்டாராம். கங்கை அமரன் , "பாடல்கள் கவியரசர் கண்ணதாசன்.  மேற்பார்வை கங்கை அமரன் என்று போடுவதற்கு"

கண்ணதாசன் "ஆங்.." என்று நிமிர்ந்து பார்த்து விட்டு சிரித்தாராம்.

இதைச் சொல்லி விட்டு கங்கை அமரன் சிரிக்கிறார்.  "நடுநடுல இப்படி எல்லாம் காமெடி வேணும்.  ஒரேயடியா அண்ணனை மாதிரி சீரியஸா இருக்க முடியாது"

ஆனால் இதுவரையும் அந்த ஃபோட்டோவின் காபி வாங்கிக் கொள்ளவில்லையாம் அவர்.

அவர் முதலில் திரைக்கு எழுதிய பாடலாக "செந்தூரப்பூவே செந்தூரப்பூவே" பாடலைச் சொல்கிறார்.  பாடிய முதல் பாடல் என்றால் 'முதலில் அலைகள் ஓய்வதில்லை' படத்தில் வரும் 'வாடி என் கப்பக்கிழங்கே' பாடலில் கொடுத்தத்தைச் சொல்லி விட்டு அப்புறம் சொல்கிறார்.

இளையராஜா கங்கை அமரனை அவருடைய பாட்டு வாத்யார் TVG இடம் கூட்டிப்போய் இவனுக்கு குரல் நல்லா இருக்கு அதை சரிப்படுத்தி கொடுங்க என்று சொன்னாராம்.  அவர் கிட்ட சொல்றாரு....  என்கிட்டே சொல்லவிலை என்கிறார்  கங்கை அமரன்..  TVG இடம் போனதுமே கோழி கூவுது வாய்ப்பு வந்து விட்டது என்று சொல்லி விட்டு, முழுப்பாடலாக அவர் பாடியது 'நீ தொடும்போது' என்னும் படத்துக்காக "பண்பாடும் தாமரையே" என்னும் பாடலைச் சொல்கிறார்.  ஜானகி அம்மாவுடன் இணைந்து அந்தப் பாடலைப் பாடியதாகச் சொல்லும் அவர் சுசீலாம்மா, ஜானகியம்மா போன்றோருடன் பாடும் பாக்கியம் கிடைத்தது என்று சிலிர்க்கிறார்.

=============================================================================================

அடுத்து இதே பாடலின் சோகப்பாடல்.  அது SPB குரலில்.

இரண்டு பாடல்களில் எது பெஸ்ட் என்று உங்களுக்குத் தோன்றுகிறது?

"என்னுடைய இசை அமைப்புல என் நண்பன் பாலுவுக்கு ஒரு பாட்டு நான் கொடுக்கணும்.  என்ன பண்றதுன்னு பார்த்துட்டு மூக்குத்திப் பூ மேலே பாடலின் சோகப் பாடலை அவனுக்கு கொடுத்துட்டேன்" என்கிறார் கங்கை அமரன்.  நண்பர்களுக்குள் அபப்டி ஒரு அண்டர்ஸ்டேண்டிங்.

மூக்குத்தி பூ மேலே

காத்து உக்காந்து பேசுதம்மா

அது உக்காந்து பேசயிலே

தேனு உள்ளூர ஊறுதம்மா

அதை நான்தான் மறக்கலையே

அதை நீதான் நெனக்கலையே

அந்த காலம் அன்பு கோலம்

இன்னும் நெஞ்சோடு நீங்காமல்

நின்றாடுது

மூக்குத்தி பூ மேலே

காத்து உக்காந்து பேசுதம்மா

ஆனந்தம் நம் வாழ்வில்

தென்பட்டது

அதில் கண்பட்டது

மனம் புண் பட்டது

இந்த பேதங்கள் ஏற்பட்டது

ஆனந்தம் நம் வாழ்வில்

தென்பட்டது

அதில் கண்பட்டது

மனம் புண் பட்டது

இந்த பேதங்கள் ஏற்பட்டது

தரை மேலே ஓடும் நதி

கிளை பாயும் போகும் வழி

கடல்தானே சேரும் இடம்

அந்த நாளூம் நாளை வரும்

வரும் காலம் பொன்னாகட்டும்

சொந்தம் ஒண்ணாகட்டும்

அது கண்ணோடு கண்ணாகட்டும்

வாம்மா

மூக்குத்தி பூ மேலே காத்து

உக்காந்து பேசுதம்மா

கல்யாணம் நன் நாளில்

நான் கண்டது

ஓர் ஊர்கோலமா வெறும் நீர்கோலமா

அது பொய்யான வைபோகமா

கல்யாணம் நன் நாளில்

நான் கண்டது

ஓர் ஊர்கோலமா வெறும் நீர்கோலமா

அது பொய்யான வைபோகமா

பிடிவாதம் ஆகாதம்மா

பந்த பாசம் போகாதம்மா

வந்த கோபம் ஆறாததோ

எந்த நாளும் தீராததோ

சிறு ஊடல் உண்டாகலாம்

சொந்தம் ரெண்டாகலாம்

அது தன்னாலே ஒன்றாகலாம் வாம்மா

மூக்குத்தி பூ மேலே காத்து

உக்காந்து பேசுதம்மா………

அது உக்காந்து பேசயிலே

தேனு உள்ளூர ஊறுதம்மா

அதை நான்தான் மறக்கலையே

அதை நீதான் நெனக்கலையே

அந்த காலம் அன்பு கோலம்

இன்னும் நெஞ்சோடு நீங்காமல்

நின்றாடுது

மூக்குத்தி பூ மேலே காத்து

உக்காந்து பேசுதம்மா………

அது உக்காந்து பேசயிலே

தேனு உள்ளூர ஊறுதம்மா