குறும்புகள் ஏனோ என்னிடம் என் குறையை நீயும் தீராயோ

 

'காலங்களில் அவர் வசந்தம்'

                                                    
                                                 
                                                               

எத்தனை எத்தனை இன்பமடா என்று பாடியவர்.

அவர் பாடிய பாடல்களைக் கேட்கும்போதெல்லாம் நம்மையும் அப்படிநினைக்க வைத்தவர்.

ஜீவி சார் அழகான ஒரு வரி சொன்னார். அடடா. தலைப்பாக அந்த வரியை வைத்திருக்கலாமே என்று எண்ணினேன், சொன்னேன்.

'காலங்களில் அவர் வசந்தம்'.

காலத்துக்குச் சொந்தமாகிச் சென்று விட்டார்.

மனிதன் என்பவன் தெய்வமாகலாம்.

ஆகி விட்டார்.

தள்ளாத வயதிலும் கச்சேரிகள் கேட்பது, பாடல்கள் எழுதுவது என்று 'பிஸியாக' இருந்தவர்.

பாடமாகக் கவிஞர்கள் எழுதிய பல வரிகளுக்கு உயிர் கொடுத்தவர், உயிரின்றி படமாகி விட்டார்.

உங்கள் பாடல்கள் மூலம் எத்தனையோ சந்தோஷங்களை எங்களுக்குக் கொடுத்த பெருமானே... உங்கள் ஆன்மா சாந்தியடையட்டும்.

சமீபத்தில் பாடும் நிலையில் அவர் இல்லை. வயதின் தளர்ச்சி குரலிலும். ஆனாலும் அவரைப் பார்க்கும்போதெல்லாம் அவரின் ஒவ்வொரு பாடல்களும் நினைவில் வந்து கொண்டேயிருந்தன.

நீங்கள் மறைந்தாலும் உங்கள் குரல், உங்கள் பாடல்கள் ஒலித்துக் கொண்டே இருக்கும். சிரஞ்சீவி நீங்கள்.

காலப் பயணத்தில் இன்னுமொரு முக்கியப் பயணியும் இறங்கிச் சென்று விட்டார். அவர் விட்டுச் சென்ற நினைவுகள் பாடல்களாய் நம்முடன்....