குறும்புகள் ஏனோ என்னிடம் என் குறையை நீயும் தீராயோ

 

கல்யாணம் கல்யாணம் திருவேங்கடத்தில் நடந்த கல்யாணம் என்று ஒரு பாடல்.  அது இரண்டு நாட்களுக்குமுன் நினைவுக்கு வந்தது.  சூலமங்கலம் சகோதரிகள் பாடி கேட்டிருக்கிறேன்.

அதை தேடு தேடு என்று தேடியும் கிடைக்கவில்லை.  எனினும் அதே பாடல் வேறு குரல்களில் கிடைத்ததாலும் இதுவும் இனிமையாகவும் இருப்பதாலும் இதை இங்கு பகிர்கிறேன்.  பாடல் வரிகள் திரையிலேயே வருகின்றன.

இதே பாடலை சூலமங்கலம் சகோதரிகள் பாடிதான் நான் கேட்டிருக்கிறேன்.

============================================================================ 

1959 ஆம் ஆண்டு வெளிவந்த படம் தெய்வபலம்.  தமிழிலும் தெலுங்கிலும் ஒரே நேரத்தில் எடுக்கப்பட்ட படம்.  பாதிப் படம் மட்டும் கலர்ப்படம்!  கேவா கலர்!

பாலாஜி ஜெயஸ்ரீ நடித்த படத்துக்கு இசை அஸ்வத்தாமா...   இந்த ஜெயஸ்ரீ யார் என்று பார்த்தால் நடிகை ஜெயசித்ராவின் அம்மா.  அஸ்வத்தாமா தெலுங்கு இசை அமைப்பாளர்.  இந்தப் பாடலை எழுதி இருப்பவர் மருதகாசி.  PB ஸ்ரீனிவாஸ், எஸ். ஜானகி பாடியுள்ள பாடல்.

தெலுங்கு இசை அமைப்பாளரான அஸ்வத்தாமாவுக்கும் அவர் மனைவி கமலா என்னும் வீணை வித்வானுக்கும் பிறந்த பெண்தான் வீணை காயத்ரி 

மருதகாசி (1920 - 1989) முதலில் மந்திரிகுமாரி நாடகத்துக்குதான் எழுதினார்.  சுமார் 250 படங்களில் 4000 பாடல்கள் எழுதியுள்ளார்.  'பெண் என்னும் மாயப் பிசாசு' என்னும் படத்தில் அவர் எழுதிய பாடல் முதலில் இடம்பெற்றது.

பாடல் மிக மெல்லிய விரகத்தை வெளிப்படுத்தும் காதல் பரவசப்பாடல்.  தென்றலை தூது விடுகிறார்கள் வெவ்வேறு இடங்களில் இருக்கும் காதலர்கள்.  என்ன ராகம் என்று தெரியவில்லை.  டெம்போவைக் கொஞ்சம் கூட்டினால் ஏதோ ஒரு பாடல் மனதில் நிழலாடுகிறது.  அப்படி மனதில் வருவது தேவதாஸ் பாடலோ என்று சந்தேகம் வருகிறது.

காட்சியில் தெலுங்குப் படத்தின் காட்சிதான் நல்ல தெளிவாக இருக்கிறது போலும்.  பாலாஜியையே பார்க்க முடியவில்லை.  எனவே N T ராமராவ்தான் காட்சியில் வருகிறார்.  தெலுங்கு தமிழ் இரண்டிலும் ஜெயஸ்ரீதான் கதாநாயகி என்பதால் கவலை இல்லை! 

'குறும்புகள் ஏனோ என்னிடம்...  என் குறையை நீயும் தீராயோ' எனும் வரி பல்லவியிலும், ஒவ்வொரு சரணத்திலும் மறுபடி மறுபடி வந்து மனதை கொள்ளை கொள்கிறது.

ஒரே மாதிரி இன்டர்லூட் என்றாலும் அதுதான் தேவதாஸ் பாடலை அல்லது வேறு எதையோ நினைவு படுத்துகிறது.

மலரோடு விளையாடும் தென்றலே வாராய்

மலரோடு விளையாடும் தென்றலே வாராய் – தன்

வசம் இழந்த உள்ளம் குளிர இன்பமே தாராய் மன

மயக்கமே தீராய்

மலரோடு விளையாடும் தென்றலே வாராய்

மலரோடு விளையாடும் தென்றலே வாராய்

மலரோடு விளையாடும் தென்றலே வாராய் – தன்

வசம் இழந்த உள்ளம் குளிர இன்பமே தாராய் மன

மயக்கமே தீராய்

மலரோடு விளையாடும் தென்றலே வாராய்

அரும்பைத் தீண்டி அன்பாலே

அழகாய் மலரவும் செய்கின்றாய்

அரும்பைத் தீண்டி அன்பாலே

அழகாய் மலரவும் செய்கின்றாய்

குறும்புகள் ஏனோ என்னிடம் என்

குறையை நீயும் தீராயோ

மலரோடு விளையாடும் தென்றலே வாராய்

இரவில் நிலவை வீண்மீனை

பிரிக்கும் முகிலைக் கலைக்கின்றாய்

இரவில் நிலவை வீண்மீனை

பிரிக்கும் முகிலைக் கலைக்கின்றாய்

குறும்புகள் ஏனோ என்னிடம் என்

குறையை நீயும் தீராயோ

மலரோடு விளையாடும் தென்றலே வாராய்

குலுங்கும் முல்லைக் கொடி தாவி

கொம்பைத் தழுவிடச் செய்கின்றாய்

குலுங்கும் முல்லைக் கொடி தாவி

கொம்பைத் தழுவிடச் செய்கின்றாய்

குறும்புகள் ஏனோ என்னிடம்

குறும்புகள் ஏனோ என்னிடம் என்

குறையை நீயும் தீராயோ

மலரோடு விளையாடும் தென்றலே வாராய்

விரும்பும் இருவர் மனநிலையை

விளக்கும் தூதன் நீயன்றோ

விரும்பும் இருவர் மனநிலையை

விளக்கும் தூதன் நீயன்றோ

குறும்புகள் ஏனோ என்னிடம்

குறும்புகள் ஏனோ என்னிடம் 

என்குறையை நீயும் தீராயோ

மலரோடு விளையாடும் தென்றலே வாராய்

===========================================================================================

எல்லோரா குகைகளுக்குக் கீழே ஒரு நகரமே இருந்திருக்கிறதா என்று ஆராயும் வீடியோ! சாதாரண மனிதர்களை விட அளவில் சிறியதான மனிதர்கள் இருந்திருக்கிறார்கள், அவர்கள் வாழ குகைக்குக் கீழே ஒரு நகரமே இருந்திருக்கிறது. அந்த இடத்துக்குக் காற்றோ, வெளிச்சமோ போக குறுகிய பாதைகளை உடைய வழிகள் இருந்திருக்கின்றன என்று சொல்லும் வீடியோ.

எல்லோரா குகைகளின் கீழ் அப்படி ஒரு பெரிய நகரம் இருக்கிறதா? / இருந்ததா?  சுவாரஸ்யமான காணொளி..  பாருங்களேன்..

No, there is no evidence that there was a tiny city under the Ellora Caves, but there are many hidden passageways and other mysteries associated with the caves.