கேளுங்க ! சொல்றோம் ! புதன் 180516

இந்த வாரம் நகத்தைக் கடித்துக் கொண்டிருக்கும் ஆண் : திரு எடியூரப்பா ! 
(படம் கிடைக்கவில்லை! ) 




கீதா சாம்பசிவம் :

கேஜிஜி சார், இப்படியா சொல்லாமல் கொள்ளாமல் வந்து பதிவு போடுவீங்க?

ப : இல்லை என்று 'சொல்லிக் கொள்ள' விரும்புகிறேன் 

கேஜிஜி சார், நான் முழுக்கப் படிச்சுட்டுக் கருத்துச் சொன்ன ஒரே பதிவு எது? அதைக் கண்டு பிடிச்சீங்களா இல்லையா?

ப: ஓ , கண்டு பிடிச்சுட்டேன்! 

எல்லாருமே அம்மாக்கள் தானே! அப்போ எல்லோருடைய சமையலும் நல்லாத் தானே இருக்கும்? இந்தக் கண்டு பிடிப்புக்கு உங்கள் பதில் என்ன? 

ப : எல்லோருமே அம்மாதான், சரி! 
மாமியாரும் அம்மாதான், மருமகளும் அம்மாதான்! நாராயண, நாராயண! 

ஶ்ரீராம் தாத்தாவாகிட்டார், நீங்க? வாயே திறக்க மாட்டேங்கறீங்க? தாத்தாவா இல்லையா? 

ப: அப்படிப்பார்த்தால், நான் என் உடன்பிறப்புகளை மட்டும் கணக்கில் கொண்டு,  ஒன்று விட்ட சொந்தங்களை விலக்கிப் பார்த்தால், என்னை சுமார் 30 பேருங்க தாத்தா என்று அழைக்கிறார்கள்! எங்கள் குடும்பம் பெருசு!

கேஜிஜி சார், பதிவு எழுதறதை விட இம்மாதிரிக் கேள்விகள்-பதில்கள் சுலபம் இல்லையா?

ப : பதில்கள் சுலபம்தான்; எல்லாவற்றையும் திரட்டி, உருட்டி இங்கே கொண்டு வருவதுதான் பெரும்பாடு! 

இந்தத்திங்கற கிழமைப் பதிவை ஆரம்பிச்சது நீங்க! அப்புறமா எங்கே நீங்க வரதே இல்லை? ஸ்டாக் இல்லையா? இல்லாட்டி உங்க பாஸ்(ஶ்ரீராம் சொல்லும் அர்த்தம்) சமைக்க ஆரம்பிச்சுட்டாங்களா?

ப: ஆரம்பிச்சது நான்தான். அப்புறம், அந்த பகுதிக்கு, என்னை விட சுவையாக எழுத ஆட்கள் இருக்கிறார்கள் என்று தெரிந்ததும் நான் பின் சீட்டுக்குப் போய் உட்கார்ந்துகொண்டு விட்டேன்! என்னுடைய திருமதிக்கு, சமைக்க இயலாத நிலைமை. 

    கீதா ரெங்கன் : 

 நகம் கடிப்பதென்றால் ஸ்டைலாக இருக்க வேண்டாமோ?

ப: அதேதான்! அதை அதிராவுக்குச் சொல்லுங்க! 

பானுமதி வெங்கடேஸ்வரன் : 

பொறியியல்,கணிதம் இவையெல்லாம் சீரீயஸ் சமாசாரங்கள் இல்லையோ? அதற்கு நகைச்சுவையாக பதில் கூறி கேள்வி கேட்டவரை பல்ப் வாங்க வைக்க உத்தேசமா?

ப: ( ப: என்று போட்டால் பதில் என்று அர்த்தம்! பல்பு இல்லைங்கோ!) நகைச்சுவை என்றால் கேட்டவரை கலாய்ப்பதோ, அல்லது பல்பு வாங்க வைப்பதோ இல்லை! கேட்டவர், படிப்பவர்கள் என எல்லோருமே மனம் விட்டுச் சிரிக்கவேண்டும். 

ஒவ்வொரு கேள்விக்கும் ஒவ்வொருத்தர் இன்சார்ஜ் என்றால் அரசுதான் உங்கள் முன்னோடியா? 

ப: மத்திய அரசா, மாநில அரசா? 

துரை செல்வராஜூ : 

அந்த கீர்த்தி ஏன் இன்னும் வரல்லை!?...

ப: எது வேணுமோ எடுத்துக்குங்க! 

கமலா ஹரிஹரன் : 

ஒருவரை ஒருவர் கலாயத்தல்கள் அருமை. எனக்கு மட்டும் ஆசையிருந்தும், விருப்பமிருந்தும் இத்திறமை ஏன் இன்னமும் வ(ள)ரவில்லை? இதை வளர்த்துக் கொள்ள எந்த படிப்பு படித்து எந்த பட்டம் விட..சே..பெற வேண்டும்?

ப: கலாய்ப்பவர்கள், கலாய்க்கப்படுவதையும் புன்முறுவலோடு ஏற்றுக்கொள்ளத் தயாராய் இருந்தால் போதும். திறமை தானாக வந்துவிடும்!  


ஒரு பதிவுக்கு வந்து கருத்துகள் எழுதுபவர்கள் அவரின் அடுத்த பதிவுக்கு வந்து கருத்துகள் தரும் போது, சென்ற பதிவுக்கு வந்து போட்ட கருத்துகளுக்கு என்ன பதில் வந்துள்ளது என அறியும் ஆவலில் முந்தைய பதிவை பார்க்க வருவார்களா? இல்லை.. பதிலேதும் தராவிட்டாலும், பரவாயில்லை.. நம் கடமையை முடித்து செல்லலாம் என்ற மனநிலையில், பதிலலித்தோ, இல்லை.. வெறுமனே படித்து விட்டோ அகன்று விடுவார்களா? 

ப: நான் ஏதேனும் பதிவில் என் கருத்தைப் பகிர்ந்தால், அந்தக் கருத்துக்கு ஏதேனும் ஆதரவு / எதிர்ப்பு யாராவது எழுதி இருக்கிறார்களா என்று பார்ப்பது உண்டு.  ஸ்ரீராமும் அப்படித்தான் என்று நினைக்கிறேன்.

ஸ்ரீராம் :  நான் எல்லா தளத்திலும் பின்னூட்டம் கொடுக்கும்போதே பின்தொடரும் ஆப்ஷனைக் க்ளிக் செய்து விடுவேன்.  அங்கு வரும் மற்ற பின்னூட்டங்களும், பதில்களும் என் மெயிலுக்கு வந்துவிடும்.  சமயங்களில் நண்பர்கள் பெயர் சொல்லாமல் பதில் சொன்னால் இங்கு மெயிலில்  படிக்கும்போது அவர் யாருக்கு பதில் சொல்லி இருக்கிறார் என்று தெரியாது.   அதனால்தான் நண்பர்களை பின்னூட்டங்களுக்கு அவரவர் தளத்தில் பதில் சொல்லும்போது பெயர் சொல்லி பதில் கொடுக்கக் கேட்டுக்கொள்வேன்.  நானும் அப்படியேதான் கொடுப்பேன்.  சமயங்களில் நான் கேட்டிருக்கும் / சொல்லி இருக்கும் சில "சாவி வார்த்தைகளை" ( ! ) வைத்து அது எனக்கான பதில் என்று தெரிந்துகொண்டு விடுவேன்.

சரி, இப்படி வந்தால் நம் மெயில் பொட்டி ரொம்பி இடமில்லாமல் போய்விடுமே...  எனவே படித்ததும் உடனே கிழிச்சுப் போட்டுடுவேன்..  எனக்கு ஞானி அதிரா சொல்லியிருக்காங்களே.. "இதைப் படிச்சதும் கிழிச்சு வீசிடுங்க" ன்னு!

தேனம்மை லக்ஷ்மணன் : 

பதிவு சூப்பர், கருத்தும் பதில் கருத்தும் சூப்பரோ சூப்பர்.. இன்னா நடக்குது இங்கே கேஜிஜி சார் ? 

ப: ஏதோ சுவாரஸ்யமாக அரட்டை அடித்துக்கொண்டு இருக்கிறோம்!

          வாட்ஸ் அப் : 

பானுமதி வெங்கடேஸ்வரன்: 

பங்களூர்வாசிகளே ஜனநாயக கடமை ஆற்றியாச்சா?  

பெங்களூர்ல ஜனநாயக்க் கடமை காலைல நடைப் பயிற்சி, SLV இல்லை Brahmin cafeல டிபன்தான். (பதில் : நெல்லைத்தமிழன்) 

என் பதில் : ஆத்து ஆத்து என்று ஆற்றி இப்போ ஒரேயடியா ஆறிப் போயிடிச்சு! 

நெல்லைத்தமிழன்: 

எல்லோரும் வெயில் காலத்தில் சென்னையைக் கைவிட்டுடறீங்களே ? 

காய்தல் வேண்டோம் கடுமையாய் வியர்த்து

சாய்தலும் விரும்பிடோம் சராசரி மக்கள் யாம்

உல்லாசவுலா செல்ல உண்டு மகிழ

சல்லீசா பங்களூரு தான் ! 
(பதில் : கே ஜி ஒய் ராமன்)

பானுமதி வெங்கடேஸ்வரன் : 

ஐ.பி.எல்லில் எந்த டீம் நன்றாக ஆடுவதாக கருதுகிறீர்கள்? நான் மைதானத்தில் ஆடுவதை கேட்கவில்லை, 'டன்டனாடன்..' என்று தீபிகாவுடன் ஆடுவதை கேட்கிறேன். 

    


   


   


 ப: ஹைதராபாத் நடனம் நல்லா கீது. ராஜஸ்தான் அசடு வழியுது! சென்னையும் மும்பையும் பாஸ் மார்க். (கே ஜி ஒய் ராமன்)

    
             

தீபிகாதான்!

டீம்னு இல்லை, தோனி, கோலி, நல்லா ஆடறாங்க.  பாக்யராஜ் ஸ்டைலில் ஆடுவது காம்பிர்.  ( அ ர - பா ஸ்ரீ)

தீபிகாவை விட அவங்க அப்பா நல்லா ஆடுவார். ( பதில் :  பா  ர )

  

மீண்டும் அடுத்த வாரம் சந்திப்போம்!