மழையில் நனையப் பிடிக்குமா?

 

கீதா சாம்பசிவம் :

கிழிந்த உடைக்கலாசாரம் எனக்குப் பிடிப்பதில்லை. ஆனால் நான் சொல்லி யார் கேட்கப் போறாங்க. அதே போல் இளைஞர்களின் தாடியும். நுனியில் கூர்மையாக வரும்படி அனைவரும் தாடி வைத்துக்கொள்கிறார்களே, இதன் காரணம் என்ன?

$ உலகம் பழித்ததை அழிக்க முடியாதவர்கள் வள்ளுவர் வழி நடக்க முயற்சி செய்பவர்கள் ?

# எதுக்கெல்லாம் காரணம் கேட்பது என்று ஒரு வரைமுறையே இல்லையா ? அலங்காரம் அவரவர் விருப்பம்.  அடுத்தவர் கடுப்பாவது அதை மாற்றாது.

ஃபாஷன் என்ற பெயரில் ஆபாசம் அருவருப்பு ஆட்சேபகரமானதுதான்.

& இந்த இடத்தில் ஒரு படம் போடலாம் என்று நினைத்தேன். ஆனால் அதற்குள் -- -- 

நெல்லைத்தமிழன் : 

கேஜிஜி சாருக்கு ஓவியம் வரைவதில் ஆசையா இல்லை சந்தடி சாக்கில் கவர்ச்சிப் படம் போடுவதில் ஆசையா ?

$ Blog நடத்துவதில்.

# பொருத்தமாக வரைவதில்தான் ஆசை.

& ஹூம் இந்தக் கேள்வியைப் பார்த்ததும் வரைய நினைத்த படம் எல்லாம் மனதுக்குள் மழையில் கரைந்து போய் - - - -

மழையில் நனையப் பிடிக்குமா? எனக்கு மழை என்றால் அவ்வளவு ஆசை. நடைப்பயிற்சியின்போது (மிகப் பெரும் மழை தவிர) மழை வந்தாலும் அதை அனுபவித்துக்கொண்டே நடப்பேன்.

 # மழையில் நனைவது ஒத்துக் கொள்வதில்லை.

& மழையில் நனைந்து சந்தோஷப்படுபவர்களைப் பார்க்கப் பிடிக்கும். 

ஹோட்டல் உணவுப் பண்டங்களின் விலை, பல்வேறு காரணிகளை, Service Tax உட்பட, உள்ளடக்கியது. அப்படி இருக்கும்போது எதற்கு சர்வருக்கு டிப்ஸ் என்ற பிச்சையெடுக்கும் வேலை?

$ நீங்கள் பிறர் எதிரில் பெரிய வள்ளல் என்று காட்டிக் கொள்வதற்கு செய்யும் செலவு. என்னவோ துப்பாக்கியைக் காட்டி பணம் பறிக்கிற மாதிரி சொல்கிறீர்களே!

 # அற்ப சம்பளம் வாங்கும் நபருக்கு ஐந்தோ பத்தோ தருவது சரிதான்.  

& யானையையே விலை கொடுத்து வாங்குபவர், அங்குசம் வாங்க சுணக்கம் காட்டலாமா ! 

வரிசை என்று ஒன்று இருக்கும்போது, எதற்காக நாம் முன்னுரிமை கேட்க அல்லது வரிசையை ஏமாற்றி முன்னே செல்ல ஆசைப்படுகிறோம்? இந்தக் குணம், பெரிய நாடுகளில் இந்தியாவில்தான் இருக்கிறது.

 $ வளரும் நாடு!

# ஒழுங்கின்மை நமது தேசிய அடையாளம். அது வரிசை மீறலோடு நின்று விட்டால் நன்றாக இருக்கும்.

& வரிசையை ஏமாற்றுவது ஒரு சாமர்த்தியமான செயல் என்று பாமரர்கள், தவறாக நினைப்பதும் ஒரு காரணம். அடிச்சுப் பிடிச்சி எம்ஜியார் படத்துக்கு வரிசையில் ஏமாற்றி முன்னேறி , வேட்டி இழந்து வீரமாக வெற்றிக்களிப்புடன் சினிமா டிக்கெட் வாங்கி வருவதில் ஆரம்பித்த விடலைப் பருவ கண்றாவி அப்புறமும் தொடர்கிறது. 

எதனால் நாம் நகைச்சுவை நடிகர்கள்  சீரியஸாக எடுத்துக்கொள்வதில்லை? அவங்களுக்கு ஒன்றும் தெரியாது என ஏன் நினைக்கிறோம்?

# மக்குத்தனம்தான் நகைச்சுவை என்று  ஆகிவிட்டதால் அவர்களை ஏமாளிகளாகப்  பார்க்கிறோம்.

& யாரைத்தான் நாம் சீரியஸாக எடுத்துக்கொண்டிருக்கிறோம்! நம்மைத் தவிர யாருக்கும் ஒன்றும் தெரியாது என்றுதானே நினைக்கிறோம் ! 

நடிக்கும் கதாபாத்திரத்தின் இமேஜை நாம் ஏன் நடிகர்கள் தலையில் சுமத்துகிறோம்?  ஏழைக்குப் பாடுபடுபவனாக நடித்தால், இந்த நடிகர் ஏழைப்பங்காளி என நாம் ஒரு இமேஜ் கொடுப்பது போல

(எனக்கு இப்போதும் எஸ்.பி.பியின் சகோதரி, அடாவடிப் பேர்வழி என்றே ஒரு இமேஜ் மனதில் உண்டு, அவர் சலங்கைஒலி படத்தில் நடித்ததைப் பார்த்த பிறகு)

# கண்ணால் காண்பதே மெய்.  பார்த்துப் பார்த்துப் பதிந்து விடுகிறது போலும்.

& எஸ் பி ஷைலஜா உண்மையிலேயே அடாவடிப் பேர்வழிதான் - இதிலென்ன சந்தேகம்? சில வருடங்களுக்கு முன்பு விஜய் டீ வி சூப்பர்  சிங்கர் போட்டிகளில் அவர் தேர்வாளராக இருந்து, போட்டிக்கு வந்து பாடியவர்களை என்னவோ அவர் வீட்டு வாசலில் பொறுக்க வந்தவர்களைப் பேசுவதுபோல பேசியது இன்னும் பசுமையாக ஞாபகம் உள்ளது. 

பொதுவா, ஆண், ஒரு நல்ல தாயாக இருக்க முடியுமா?  இல்லை ஒரு பெண் நல்ல தந்தையாக இருக்க முடியுமா (அவர்களின் குழந்தைகளுக்கு.. விதிவிலக்குகளை விட்டுவிடுங்கள்)

# ஆண் தாயாக / பெண் தந்தையாக... இது எப்படி முடியும் ?

& தாயுமானவர் கேள்விப்பட்டிருக்கிறோம். தந்தையுமானவள் கேள்விப்பட்டதில்லை!  

ஜெயக்குமார் சந்திரசேகர் :  

கேள்விகள் அல்லாதவற்றிற்கும் கமெண்ட்ஸ் கொடுக்கலாம். 

& கொடுத்துடுவோம் !

விருந்துக்கு முன்புள்ள சாலட் போல. அப்போது நன்றாக இருக்கும் என்று தோன்றுகிறது. 

& சுவைக்க நீங்கள் தயார் என்றால், வழங்க நாங்களும் தயார்தான் ! 

எப்படியோ ஆசிரியர்கள் தீர்மானிக்கலாம். மிக்க நன்றி. கேள்விகளை மாற்றி அமைக்கலாம். எல்லா உரிமையும் ஆசிரியருக்கே. நன்றி.

& நாங்க பதில்களை மட்டுமே மாற்றி அமைப்போம்! 

கடவுளுக்கு கடிதம் எழுதும் கோண்டு (ஸ்ரீரங்கத்து தேவதைகள்-சுஜாதா) என்னிடம் சொன்ன சில கேள்விகள். 

& யப்பா கோவிந்து! வாப்பா வா !!

விரிவான பதில்கள் தரவேண்டியவை. ஆகவே EWI  (equal weekly instalments) முறையில் பதில் கொடுக்கலாம். 

& ஹி ஹி ! விரிவான பதில்கள் எல்லாம் தர எங்களுக்குத் தெரியாது!  

சிரி(றி)ய எச்சரிக்கை.

எல்லோரையும் திருப்தி படுத்தக்கூடிய பதில் எழுதுவது கடினம். (எல்லா கேள்விகளும் அப்படித்தானே! mind voice)

& எங்கள் திருப்திக்கு நாங்க பதில் அளிக்கிறோம். அவ்வளவே! 

1. ஆன்மீகம் என்றால் என்ன?

ஆன்மிகம் பக்தி அல்ல. பக்தி எல்லா மதத்திற்கும், மதம் இல்லாதவர்க்கும் பொதுவானது. ஆனால் ஆன்மிகம் என்ற வார்த்தை இந்து மதத்தினர் மட்டுமே சொல்வது. ஆன்மீகம் வேதத்திலோ புராணங்களிலோ சொல்லப்படவில்லை. அப்படி என்றால் ஆன்மிகம் என்றால் என்ன?

# உடல், புலன்களை மீறி நம்மிடம் ஏதோ ஒன்று இருப்பதாக உணர்ந்து அதை ஆத்மா என்று பெயரிட்டோம்.  ஆத்மா தொடர்பான தேடல் ஆன்மீகம். 

& அடுத்த கேள்வி பிளீஸ் - - 

2. மஹாபாரதத்தில் ஆஞ்சநேயர் எப்படி வந்தார்.

http://hindumythologyforgennext.blogspot.com/2012/08/bheema-and-saugandhika-flower-part-1-of.html 

அதேபோன்று துரியோதனன் மகனுக்கு லக்ஷ்மணா என்று பெயர். ராமாயணமும் மஹாபாரதவும் சம காலத்தவையா? அல்லது இது இடைச்செருகலா? 

# ஆஞ்சநேயர் சிரஞ்சீவி.  மகாபாரதத்தில் அவர் வருவது அல்ல இப்போது வராதிருப்பதுதான் ஆச்சரியம்.

இராமாயணத்துக்குப் பின் பாரதம்.

3. ப்ரம்மத்திற்கு தோற்றம் முடிவு என்பதில்லை. பிரம்மமும் பரமாத்மாவும் ஒன்றா? 

 # ஒன்று என்பதே இந்து மதக் கோட்பாடு.

& எல்லா உயிரினங்களுக்கும் உள்ளே இருந்து இயக்குவது ஒரே பிரம்மம்தான் என்று தெரிந்து தெளிந்தவன், பிரம்மஞானி என்று கேள்விப்பட்டதுண்டு. பரமாத்மா ஒவ்வொரு  பிரம்மத்தையும் அதனதன் ஊழ்வினைக்கேற்ப (பூர்வ ஜன்ம புண்ணிய பாவங்களுக்கேற்ப ) இயங்க வைப்பவர்.  

4. சூரியன் இல்லையேல் பூமி இல்லை. பூமி இல்லையேல் நாம் இல்லை. சூரிய வழிபாடு பண்டு முக்கியமானதாக இருந்தது. ஆனால் வேதங்கள் அக்னியையும்  இந்திரனையும் முக்கிய கடவுள்களாக வழிபடுகிறது. இது எவ்வாறு ஏற்பட்டது? ஏன்?

# வேதங்களில் சிவன்,  விஷ்ணு முதலான குறிப்புகள் கூட இல்லை என்று சொல்கிறார்கள். ஐம்பூதங்களைக் கண்டு உணர்ந்ததன் வெளிப்பாடாக வேதங்கள் இருக்கலாம். இந்தப் பெரும் சக்தியைத்தாண்டி கற்பனை செய்யத் தேவை இல்லாது இருந்திருக்கலாம்.

நமக்கு வேதங்கள் பற்றிய தெரிதலோ தெளிவோ இல்லை.  நான் சொல்வது கூட  ஊகமான எண்ணங்கள்.

பானுமதி வெங்கடேஸ்வரன்: 

ஆண்கள் தினத்தை எப்படி கொண்டாடினீர்கள்?

# குழந்தைகள் தினம் கொண்டாடிய மாதிரி தான். ஒன்றும் விசஷமாகச் செய்யாமல்...

& ஆண்கள் தினமா? எப்போ வந்துச்சுங்க ? முன்பே சொல்லியிருக்கக் கூடாதா! 

இணையத்தில் அதிக நேரம் செலவழிப்பது ஆண்களா? பெண்களா?

 # எல்லாரும்தான்.

ஒரு கலை வடிவத்தை   படைப்பு என்று மட்டும் பார்க்காமல் தங்கள் மன மாஸ்சர்யங்களை அதன் மீதுசுமத்துவது சரியா?

# எதைச் சொல்கிறீர்கள் ? ஜெய்பீம் கான்ட்ராவர்சியா ? சினிமா கலைவடிவமாக இருப்பது மிக மிக அபூர்வம்.  பெரும்பாலான "கலை வடிவங்கள்" வணிகப் பொருள்கள்தாம்.  எங்கோ எப்போதோ விதி விலக்காக ஒன்றிரண்டு இருப்பதுண்டு.

கலை வடிவம் காண்பவருக்கு எம்மாதிரியான உணர்வுகளை ஏற்படுத்துகிறது என்பதை வைத்து அதன் மதிப்பு நிர்ணயமாகிறது. 

தாக்கங்கள் குறித்து ஏறுமாறான எதிர்ப்புகள் யாவும் பணம், விளம்பரம் அல்லது தேர்தல் வெற்றி நோக்கி உருவாக்கப் படுபவை.

உலகளாவிய ரீதியில் நிர்வாண ஓவியங்கள் சிற்பங்கள் கலை வெளிப்பாடாகக் கருதப் படுகின்றன.  பெரிய பெரிய மேதைகளும் இதில் அடக்கம். இம்மாதிரியான படைப்புகளின் நோக்கம் என்ன என்பது புரியாத புதிர்.  பல கோயில் சிற்பங்களும் இதில் அடங்கும்.

 = = = = =

ஏற்கெனவே நீண்ட பதிவைப் படித்து களைத்துப் போயிருப்பீங்க (இதுவரை யாராவது பொறுமையாக எல்லாவற்றையும் படித்தவர்கள் இருந்தால், கருத்துரையில் " படிக்கவில்லை" என்று எழுதவும். )

எனவே இந்த வாரம் நாங்க கேள்விகள் எதுவும் கேட்டு உங்களை தொந்தரவு செய்யப்போவதில்லை.

 = = = = 

லைட் ஆக - - - படம் பார்த்து கருத்து சொல்லுங்க 

1) 

2) 

3) 

= = = =