புதன் 171206 வார வம்பு

சென்ற வார வம்பு பகுதியில் பங்கேற்று பல கருத்துகளை ஆணித்தரமாக அடித்துச் சொல்லியிருக்கிற எல்லோருக்கும் நன்றி.   

புதன் கேள்வி 171129 வார வம்பு!

சென்ற வாரக் கேள்விக்கு பெரும் அளவில் பங்கேற்று, பல வித்தியாசமான சுவையான கருத்துப் பரிமாற்றங்கள் செய்த உங்கள் எல்லோருக்கும், எங்கள் நன்றி. 


எனக்கு விசித்திரமாக தோன்றுகின்ற ஒரு கருத்து,

'தமிழனை, தமிழன்தான் ஆளவேண்டும்' என்கிற கருத்து. 

அந்தக் கருத்தை முன் நிறுத்துவோருக்கு, பல காரணங்கள் இருக்கலாம். 

நான் கொஞ்சம் விசித்திரமாக யோசிப்பவன். 

அதனால, தமிழனை, தமிழன்தான் ....... கருத்தைக் கொஞ்சம் கிள்ளிப் பார்க்கின்றேன். யாரும் வேதனை கொள்ளாதீர்கள்! 


# தமிழகத்தில் தமிழனிடம் திருடுவோர் தமிழனாகத்தான் இருக்கவேண்டும். 

# தமிழகத்தில் தமிழர்கள் மட்டுமே தொழில் செய்யலாம். 

# தமிழர்கள் பிற மாநில மக்களை திருமணம் செய்துகொள்ளக் கூடாது. 

# தமிழகத்தில் ஆங்கிலம் உட்பட பிற மொழிப் பத்திரிக்கைகள், சினிமா ஆகியவை வரக்கூடாது.

# தமிழ் நடிகர்கள், தமிழ் நடிகைகள் நடித்த படங்கள் மட்டுமே தமிழகத்தில் வெளியிடப்படவேண்டும். 

இன்னும் எவ்வளவோ சொல்லலாம். 

உங்கள் கருத்து என்ன? 

(கோபப்படாம கருத்து சொல்லுங்க!)  

புதன் கேள்வி 171122

சென்ற வாரம் போட்டது புதிர் அல்ல. சிறு குறிப்பு வரைதல் மட்டுமே!

பெரும்பான்மையான வாசகர்கள் பங்கேற்று, மிகச் சிறப்பான கருத்துகளைப் பதித்தது கண்டு மிக்க மகிழ்ச்சி.

அந்தக் காலத்தில் சிவாஜியும் எம்ஜியாரும்தான் சினிமா , அரசியல் ரசிகர்களிடையே (!) மிகவும் பேசப்பட்டவர்கள்.

எங்கள் குடும்பத்தில் பெரும்பாலும் சகோதரர்கள் எல்லோரும் சிவாஜி ரசிகர்கள். ஆனால் எல்லா திருமதிகளும் எம்ஜியார் ரசிகைகள் !

அப்புறம் நாங்களும் அத்வைதிகள் ஆகிவிட்டோம்! 

இந்த வார புதன் கேள்வி : 

சினிமா நடிகர்கள் அரசியலுக்கு வரலாமா ? உங்கள் அபிப்பிராயம் என்ன ? ஏன்? 

உங்கள் கருத்துகளை யார் மனமும் புண்படாத வகையில் பதிவு செய்யுங்கள். 

என் கருத்து : 

மாநில மக்களுக்கு, நாட்டு மக்களுக்கு, நன்மை செய்ய நினைப்பவர்கள் யாராக இருந்தாலும் அரசியலுக்கு வரலாம். இதில் படித்தவர், படிக்காதவர், நடிகன் , நடிகை என்று பேதங்கள் பார்க்கத் தேவையில்லை.