வாழ்க்கை

   கவிதை 

* வெய்யில் 'அடிக்குது',

மழையும் பெய்யுது

-- அப்பா பாடுவது !

அடுத்த வரி ...

'பிரசுரத்துக்கு ஏற்றதல்ல'..!

    

* பால்கனியில் நின்று பார்க்கிறேன் !

வெய்யிலை உரசி வெள்ளிச் சரங்கள்

வாழ்க்கைக் கற்றுத் தரும் பாடம்

இயற்கையைத் துணைக்கழைத்து -

* "இன்பமும் துன்பமும்

இயற்கையின் நியதி'

T M S குரல் கேட்கிறது.

இது வந்தால்

அதுவும் வரும்.

புரிந்ததுதானே...

* பால்கனியில் நின்று பார்க்கிறேன்.

வெயிலோடு மழையும்...

தொடுவானத்தில்

வண்ண வளைவு...

* இயற்கையை ரசிக்கும் மனம்

வாழ்க்கையை?

அசலை?

பெருமூச்சு
ரொம்பச் சுலபம்.

  ... பா ஹே.