கேள்வி பிறந்தது அன்று! புதன் 180530

இனிமேல் அவர் போட்டோ எங்கள் ப்ளாக்ல வரலைன்னு சொல்லாதீங்கோ. அவர் சின்ன வயதில், சிந்தனை செய்தபோது அவருக்கே தெரியாமல் நான் கிளிக்கினது!  நல்லா இருக்கா? 

வல்லி சிம்ஹன் :
இனிய காலை வணக்கம். நான் கேள்வியே கேட்கவில்லை.
அசடு.


ப: ஓ ? சாரி! அதுக்கு இப்படி இடித்துரைக்கணுமா ம்மா ஆ!


பானுமதி வெங்கடேஸ்வரன் : 

என்னுடைய புகைப்பட கேள்வி வரும் என்று எதிர்பார்க்கவில்லை. கேள்வியை போட்டீர்கள் சரி பதில்களையும் சேர்த்து போட்டு விட்டீர்களே..?

ப: சரி இப்போ கேள்வி மட்டும் போட்டுவிட்டேன்.

ஏகாந்தன் : 

சிவபூஜையில் கரடிபோல, பாதபூஜை நடந்துகொண்டிருக்கையில் தலைகாட்டிய பாதகி யார்?

ப: வேற யாரு ? அம்மாதான்! ஜ வா? சை யா? தெரியலை. 

யமப் பயலையே சீண்டும் அளவுக்கு என்ன அப்படி ஒரு விரக்தி கேஜிஒய்-சாருக்கு?

ப: அது விரக்தி இல்லை சார்! சக்தி! 

அதிரா : 

அண்ணன் இப்போ எதுக்குப் ஃபோனைப் பார்த்துக் கையைச் சூப்புறீங்க கர்ர்ர்ர்ர்ர்ர்ர்ர்ர்ர்ர்:)).. வயதாகிட்டால் குழந்தை போலாகிடுவினம் எனக் கேள்விப்பட்டதுண்டு:)) ஆனா அதை ஆதாரத்தோடு நிரூபிச்சிட்டீங்களே 

ப: இந்த வாரம் பாருங்க! யாரையுமே பார்க்காமல் கையைச் சூப்புகிறார் வேறு ஒருவர்!

என் வீட்டுக்குள் வந்தால்,//// "டா ய் "//// என்று கத்தி, பயமுறுத்தி ஓட வெச்சுடுவேன்!//
அது லேடிப் பூஸ் எனில் எப்பூடிக் கத்தி ஓட வைப்பீங்க?:) டவுட்டு:)).

ப: " வள் வள் " என்று நாய் போலக் கத்தினால், எந்தப் பூனையாக இருந்தாலும் ஓடிடும்! 


கே ஜி வை.. என்பவர்தானோ எங்கள்புளொக்கின் 2வது ஆசிரியர் ஞாயிற்றுக் கிழமை தொடர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ப்பதிவின் ஜொந்தக்காரர்?:)) 

ப: மொத்தம் மூணு கே ஜி. அவை எல் கே ஜி, ஜூனியர் கே ஜி, சீனியர் கே ஜி.  கே ஜி ஒய் = சீனியர் கே ஜி. ஞாயிறு படங்கள் = ஜூனியர் கே ஜி. பதில்கள் (பெரும்பாலும்) = எல் கே ஜி. 

அனிச்சைக்கும் டி க்கும் என்னா சம்பந்தம்ம்ம்?

ப: அனிச்சை மலர், (ப்ரூக் பாண்ட்)  டீ கலர்ல இருக்கறாப்லதான் எனக்குத் தோணுது! 

கெள அண்ணன்.. ஒரு கேள்வி கேட்டால் அத்தோடு காணாமல் போவோர் பற்றி என்ன நினைக்கிறீங்க? 

ப: யாரு? ஓ ! அவரா! தேவதைகள் எப்போதும், எங்கும் தோன்றுவார்கள்! மறைவதும் மறுபடித் தோன்றவே! 

பழைய பாடலை விரும்புவோர் எல்லாருக்கும் வயசாகிவிட்டதென்றும்.. புதுப்பாடலைக் கேட்போர்தான் வயதில் குறைந்தவர்கள் எனவும் வலையுலகில் ஒரு மதிப்பீடு வைக்கிறார்களே.. அதாவது வலையுலகில் யாருக்கும் யாரின் உண்மை வயதும் தெரியாது என்பதனால்.. இப்படிச் சில விசயங்களை வைத்து தப்பாக மதிப்பிட்டு விடுவார்கள் என எண்ணி..., சிலர் பழைய பாடல்களை விரும்பினாலும் வெளியே சொல்வதில்லை. என் பக்கத்தில் நான் அதிகம் பழைய தத்துவப் பாடல்கள் போடுவேன்.. அதுக்கு ஒருவர் எனக்குப் பேசினார்.. இப்படிப் போட்டால், நீ வயதான ஒருவர் என எல்லோரும் எண்ணப் போகிறார்கள் என்று.. ஆனால் அதில் எனக்கு உடன்பாடில்லை [[யாரும் எப்படியும் எண்ணட்டும்.. எனக்குப் பிடிச்சதை நான் செய்வேன் என எண்ணும் ரகம் நன்:)]]. இது பற்றி கொஞ்சம் விரிவான பதிலை உங்கள் அனுபவத்திலிருந்து எதிர்பார்க்கிறேன்.

ப: இந்தக் கேள்வியே மகாபாரதம் போல இருக்கு! இதுக்கு விரிவான பதில் சொன்னால் ....   ப பா பை பி!

கீதா ரெங்கன் : 

 பூஸாருக்கு ஒரே மண்டைக் குடைச்சல்.வித்தியாசங்கள் அப்படினு சொல்லி குழப்பியதால்... ஸ்ரீராமா அல்லது கௌ அண்ணனா என்று பார்க்கவே வந்திருப்பாரோ? 

ப: 

இவரா? 

வாட்ஸ் அப் கேள்விகள் 

பானுமதி வெங்கடேஸ்வரன் : 

சாவித்திரி யின் நடிப்பை ரசித்திருக்கிறீர்களா? நடிகையர் திலகம் எப்படி?

ப: அந்தக் காலத்து சிவாஜி படங்கள் விரும்பிப் பார்ப்பேன். கர் திலகம் வருகின்ற காட்சிகளை சந்தோஷமா பார்ப்பேன். கையர் திலகம் வந்தா .... இது எப்படா போகும் என்று யோசனையோடு பார்ப்பேன். அதையும் மீறி, கை கொடுத்த தெய்வம், பாசமலர் போன்ற படங்கள் கையர் திலகத்தையும் ரசிக்கவைத்துள்ளன! 

உங்களுக்கு எழுத வருகிறது என்று எப்போது தெரிந்து கொண்டீர்கள்?

ப: முதல் நாள், ஒன்றாம் வகுப்பில் என்னைக் கொண்டுபோய், கே ஜி அண்ணன் உட்காரவைத்துவிட்டு எஸ்கேப் ஆகிட்டார்!  அழுது ஓய்ந்த என்னுடைய சிலேட்டை வாங்கி, கோமதி டீச்சர், பெரிய " அ " ஒன்றை சிலேட்டு முழுவதும் சாக் பீசால் போட்டு, "இது மேல பலப்பத்துனால அஞ்சு வாட்டி எழுது, அண்ணன் வந்துடும்" என்றார். முதல் முறை எழுதினவுடனேயே, ' எனக்கு எழுத வருகிறது' என்று தெரிந்துகொண்டேன்!


பராசக்தியிடம் காணி நிலம் கேட்ட பாரதிக்கு,'பாட்டு கலந்திட அங்கே ஓர் பத்தினி பெண் வேண்டுமாமே? அது என்ன பத்தினி பெண்?


ப : முதல் பதினாறு வரிகளில் கேட்டது எதுவுமே கிடைக்கவில்லை. அதனால் பதினேழு, பதினெட்டாக பத்தினி கேட்டார் போலிருக்கு. கிடைத்திருந்தால் யார் அது என்று பார்த்திருக்கலாம்! எதுவுமே கிடைக்கலையே! 

இந்த வாரக் கண்டுபிடிப்பு: 

கீர்த்தி சுரேஷின் அம்மா யார் என்று தெரிந்துகொண்டேன்! கூகிளுக்கு நன்றி!

மீண்டும் அடுத்த வாரம் சந்திப்போம்!