புதன் 200122 : அந்தக் கால சினிமா இதழ்கள் சில ....

ஏஞ்சல் :

1, மன்னித்தல் ,மறத்தல் , இவ்விரண்டில் எது சிறந்தது ?




# மறத்தல் நம் கையில் இல்லை. மன்னிப்பது எனும் அளவுக்கு நாம் மேன்மக்கள் இல்லை. பொருட்படுத்தாது இருப்பது சாத்தியம் சிரேஷ்டம்.

& முதலில் மன்னித்துவிட்டால், காலப்போக்கில் மறந்துவிடும். 
முதலில் மறந்துவிட்டால் மன்னிக்கவேண்டிய அவசியமே இல்லை. 

பிறர் தவறுகளை, மன்னிக்கலாம், மறக்கலாம். ஆனால் அதிலிருந்து நாம் கற்ற பாடத்தை மறக்ககூடாது. 

2, பிறரை திருப்திப்படுத்துவதற்காக நினைத்து பெரும் சங்கடத்தில் ,பிரச்சினையில் மாட்டிக்கொண்ட  அனுபவம் உண்டா ?

# உபகாரம் என்றெண்ணிச் செய்யப்போய் தவறாகப் புரிந்துகொண்ட மூன்றாம் நபரால் அலட்சியப்படுத்தப் பட்டதுண்டு. 

& பிரச்னை வரும் என்று தோன்றுகின்ற விஷயங்களில் தலையிடமாட்டேன். 

3, வாராவாரம் நாங்கள் உங்களை கேள்வி கேட்கிறோம் அப்படி நீங்கள் எங்களிடம் குறைந்தது ஆளுக்கொரு கேள்வி கேட்கணும்னா என்ன கேட்பீர்கள் ?

# அடுத்தவர் அபிப்பிராயத்துக்கு விசேஷமான மதிப்புக் கொடுக்கப் படுவது எப்போது ? ஏன் ?

& எப்படி இவ்வளவு வித்தியாசமான கேள்விகளைக் கேட்கிறீர்கள்? 

4, கோபம் என்பது உள்ளிருந்து வருவது அதை எதற்கு மூக்கு மேல் கோபம் என்று சொல்றாங்க ?

# கோபம் வாயை அடைவதே விபரீதம் அதையும் தாண்டினால் அபாயம் என்று உணர்த்துவதற்காக இருக்கும். அடிதடி அளவுக்குப் போகுமல்லவா?

& மூக்குதானே நம் உள்ளே இருக்கின்ற மூச்சுக்காற்றை உஷ்ணக்காற்றாக வெளியே விடும் வேலையையும், பிறகு கூல் காற்றை உள்ளே இழுக்கின்ற வேலையையும் செய்கிறது. அதனால உள்ளிருந்து வருகின்ற கோபமும் மூக்கு வழியாகத்தான் சூடாக வெளியே வரும் போலிருக்கு. 

5, அண்டங்காக்கா கொண்டைக்காரி ..இந்த பாட்டின்படி பார்த்தா அண்டங்காக்காவுக்கு கொண்டை  இருக்கணும் ஆனா அதுக்கு கொண்டையில்லையே ? விளக்கம் ப்ளீஸ் ??

# அவள் கொண்டையைப் பாருங்கள். காக்கைச் சிறகின் கரிய நிறம் தோன்றும்.

& அண்டங்காக்கா போன்றத் தோற்றமுடைய கொண்டையைக் கொண்ட பெண் என்ற அர்த்தத்தில்தான் சொல்லியிருக்கிறார்கள் (என்பது உங்களுக்கும் தெரிந்திருக்கும்!) 

இந்தப் பாடலை கொஞ்சம் மாற்றி  ... ... 

அண்டங்காக்கா தொண்டக்காரி ....
அச்சுவெல்லக் கொண்டக்காரி ...
ஐ ஆர் எட்டு கண்ணுக்காரி ....
அயிரைமீனு பல்லுக்காரி .... 

என்று பாடினால் தோன்றும் உருவம் எவ்வளவு பயங்கரமாக இருக்கும்! 


6, ஆலுமா டோலுமா போன்ற அரிய தத்துவார்த்தமான பாடல்களை கேட்கும்போது என்ன தோன்றும் ???

# "இந்த மாதிரிப் பாட்டு 'உண்டாக்கினவனை' ஒரு நாற்காலியில் கட்டிப் போட்டு, போக வர நாலு அறை வைத்து "பாட்டாடா இது ? " என்று கேட்கவேணுமென என் சகா ஒருவர் சொல்வார்.

7,போனில் மெசேஜ் அனுப்பும்போது ஒருவருக்கு அனுப்பவேண்டியதை மாற்றி இன்னொருவருக்கு அனுப்பியிருக்கிறீர்களா ?

# இல்லை. காரணம் மெசேஜ் அனுப்புவது மிகச்சில சமயங்களில்தான்.

& எப்போதாவது அப்படி அனுப்பியது உண்டு. தவறாக அனுப்பிவிட்டேன் என்று தெரிந்த உடனேயே அந்த நபருக்கு, சாரி wrong number என்று உடனடியாக ஒரு மெசேஜ் அனுப்பிவிடுவேன். 

8, குழந்தையும் தெய்வமும் ஒன்று என்கிறார்கள் பிறகு தெய்வம் நின்று கொல்லும் என்றும் சொல்கிறார்கள் ஒரே குழப்பமா இருக்கே ????

# அழுது அடம்பிடித்துக் கொல்லும் என்று சொல்லியிருக்கலாம். 

& குழந்தையும் தெய்வமும் குணத்தால் ஒன்று,
    குற்றங்களை மறந்துவிடும் மனத்தால் ஒன்று 
என்றுதானே அந்தக் காலத்துப் பாட்டு! பிறர் செய்யும் குற்றங்களை மட்டும்தான் குழந்தையும் தெய்வமும் மறக்கும். ஆனால் தப்பு செய்பவர்களை தெய்வம் நின்று கொல்லும். 

9, நாம் நாமாயிருத்தல் நல்லதா இல்லை பிறருக்காக சற்றே வளைந்து இயல்பை மாற்றியிருப்பது நல்லதா ?

# நல்லியல்பல்லாததை மாற்றிக் கொள்வது போல் நடிப்பதும் கூட நல்லதுதான்.

& நாம் நாமாகவே இருப்பது நல்லது. 

10,பிறர் மனதில் நினைப்பது உங்களுக்கு அப்படியே தெரிகிறது என்று வரம் உங்களுக்கு கிடைச்சா அதை எந்த நல்ல விஷயத்துக்கு பயன்படுத்துவீர்கள் ?

# ரகசியக் காப்பு நல்ல விஷயம்தானே. 

& நல்ல எண்ணங்கள் கொண்டவர்களைப்பற்றி நாலு பேருக்கு நல்ல விதமாக எடுத்துச் சொல்லி, அவர்களைப்போல இருக்கவேண்டும் என்று அறிவுரை தருவேன். 

பானுமதி வெங்கடேஸ்வரன் :
                
விடை என்பதற்கும், பதில் என்பதற்கும் என்ன வேறுபாடு?

# செந்தமிழ், சற்றே மாநிறத்தமிழ் ?

& விடை என்பது கொஞ்சமாவது யோசனை செய்து, விடுவிக்க வேண்டியது. கணக்கு கொடுத்தால், அதை step by step செய்து இறுதியாக வருவது விடை. விடை என்பது யார் சொன்னாலும் ஒன்றாக இருக்கும். உதாரணமாக 5 + 3 = ?  what is (A + B)**2 போன்ற வினாக்களுக்கு யார் சொன்னாலும் ஒரே விடைதான். 

ஆனால், பதில் என்பது அப்படி இல்லை. ஒரே கேள்விக்கு ஒவ்வொருவர் சொல்லும் பதிலும் வெவ்வேறாக இருக்கும். " உங்கள் பெயர் என்ன? உங்களுக்குப் பிடித்த நிறம் எது? என்பது போன்ற கேள்விகளுக்கு ஒவ்வொருவரும் வேறு பதில்கள்தானே அளிக்க இயலும்? 

நாங்களும் இங்கே ஒரே கேள்விக்கு வெவ்வேறு பதில்தானே எழுதுகிறோம். 

     

இலையுதிர் காலம் என்றால் யாரோ ஆணையிட்டது போல மரங்கள் இலையை உதிர்க்ககின்றன. வசந்த காலத்தில் பூக்கின்றன. டாணென்று வெய்யில் தொடங்கி விடுகிறது. மழை மட்டும் ஏன் பொய்க்கிறது?

# பூமி மனம் போனபடி சுற்றாமல் சீராகச் சுற்றுவதால் எல்லாம் நல்லபடிதான் நடக்க வேண்டும். ஆனால் பொறுப்புணர்வற்ற மனிதர் பிழையால் மழை பொய்க்கிறது. பூமியின் அயனவழியை மனிதரால் பாழ்படுத்த (இதுவரை) இயலவில்லை. 

& மழை மட்டும் கடவுளின் குறும்புக் குழந்தை. சொன்ன பேச்சைக் கேட்காது! 
   
பெரிய நடிகர்களின் படங்களுக்கு முதல் நாள்,முதல் காட்சிக்குச் சென்று மற்றவர்களை அவஸ்தை படுத்தியதுண்டா? அல்லது அவஸ்தைப்பட்டதுண்டா?

# மு நா மு கா எனக்குப் பரிச்சயமில்லை.

& எனக்குக் கூட்டத்தில் இடிபடுவது, அவஸ்தைப்படுவது எல்லாம் அலர்ஜி. ஆனால், முதல் நாள், முதல் காட்சி போய் வந்தவர்களின் அனுபவங்களைக் கேட்டு இரசிப்பேன். 

ஜீவி : 

அக்காலத்திய சினிமா இதழ்களின் சிலவற்றின் பெயர்களைச் சொல்லுங்களேன்.

$ பேசும் படம், குண்டூசி, (கலர்ப்படங்கள் நிறைந்த சினிமாப் பத்திரிகைகள்) தமிழ் சினிமா. தவிர பல தினசரி பேப்பர்களுடன் சினிமா மலர்கள் வார இணைப்பாக வெளிவரும். 

* பொம்மை,

# அந்த இரண்டு மூன்று தான் எனக்கும் தெரியும்.

எங்கள் குடும்ப 'சினிமா டயரி' ( K G Visuweswaran) அளித்த விவரங்கள் : 

    

பொம்மை, பேசும் படம் தான் ஞாபகம் வருகிறது. சிவாஜி ரசிகன் , எம்.ஜி.ஆர் ரசிகன் என்ற பெயரில் பத்திரிகைகள் அப்போது வரும்.

பிலிம் நியூஸ் (ஆனந்தன்)

தமிழ் சினிமா, சினி நியூஸ், Filmfare

தினமணி பிரசுரம் கூட ஒரு பத்திரிகை வந்தது...ஸ்ரீ ராம்க்கு தெரியும்.

பிலிமாலயா.

கரீம் என்று ஒருவர் (ஸ்ரீராமின் அப்பாவுக்கு நண்பர்) ஒரு சினிமாப் பத்திரிகை நடத்தினார். பத்திரிகை பெயர் நினைவில் இல்லை. 
........ 

 & 'அந்தக் காலத்து' என்று கேட்டதால் எனக்குத் தெரிந்த சில பழைய சினிமாப் பத்திரிக்கைகளை (நான் ஒருதடவையாவது பார்த்தது) சொல்கிறேன் : 

பேசும்படம் 
பொம்மை (பொம்மை பத்திரிகையின் ஆரம்ப ஆசிரியர் விஸ்வநாத ரெட்டி ) 
சினிமா எக்ஸ்ப்ரெஸ் 
சித்ராலயா 
மதி ஒளி
ஜெமினி சினிமா 

==========================================

நான் என்னதான் கொக்கி போட்டு இழுத்தாலும், கரடியாகக் கத்தினாலும், நம்ம ஏரியாவுக்கு வந்து கதை படிப்பவர்கள் கொஞ்சம் பேர்தான் என்பதால், இன்றைக்கு இங்கே நான் 

===========================================

மீண்டும் சந்திப்போம்! 

===========================================