பிஸி பேளா பாத் :: ரமா ஸ்ரீனிவாசன் ரெஸிப்பி

அச்சம் தரும் சூழ்நிலையிலிருந்து விடுபட்டு,  ஒரு நல்ல உணவைத் தயாரித்து நாமும் உண்டு, நம் குடும்பத்தாருக்கும் அளிப்போம் என்று முடிவு செய்து நான் பிஸி பேளா பாத் தயாரித்தேன். அதற்கு கூட உண்ண வறுவல் இல்லாததால், அப்பளம் பொரித்து சமாளித்தேன். 

உண்மையிலேயே சுவையாக இருந்தது. அது கோவிட் படுத்தும் பாட்டினாலோ அல்லது பொழுது போகாமல் இருப்பதாலோ தெரியவில்லை. எல்லோருமே நன்றாக உள்ளதாக கூறினார்கள். 

நீங்களும் சமைத்துப் பாருங்கள். 

வேண்டிய பொருட்கள் : 

மசாலா விழுதிற்கு : 

1 ஸ்பூன் எண்ணை (நான் நல்லெண்ணை உபயோகித்தேன்) 

1 ஸ்பூன் தனியா 

½ ஸ்பூன் உ.பருப்பு 

½ ஸ்பூன் க.பருப்பு 

5 கேஷ்மீர் சிவப்பு மிளகாய் (நிறத்திற்காக) நான் வெறும் மிளகாய்தான் சேர்த்துக் கொண்டேன். 

¼ ஸ்பூன் வெந்தயம் 

சில கருவேப்பிலை இலைகள் 

2 ஸ்பூன்,  திருகிய தேங்காய் 

 

சிறிது நீர் விழுது அரைப்பதற்கு 

 

சாம்பார் சாதம் அல்லது பிசி பேளா பாத்திற்கு : 

2 ஸ்பூன் நெய் அல்லது வெண்ணை 

½ ஸ்பூன் கடுகு 

½ ஸ்பூன் ஜீரகம் 

ஒரு சிட்டிகை பெருங்காயம் 

சில கருவேப்பிலை இலைகள் 

1 காய்ந்த மிளகாய் 

½ வெங்காயம் 

½ நன்றாக சிறிதாக வெட்டிய தக்காளி 

நீளமாக சிறு துண்டுகளாக வெட்டிய 1 கேரட் 

5 பீன்ஸ் நீளமாக வெட்டியவை 

1 வெட்டிய முறுங்கைக் காய் 

 

1 கப் நீர் அல்லது உங்களுக்கு வேண்டியபடி 

½ ஸ்பூன் மஞ்சள் பொடி 

சுவைக்கேற்ப உப்பு 

1 பெரிய நெல்லிக்காய் அளவு புளி (நீரில் ஊற வைக்க வேண்டும்) 

½ ஸ்பூன் வெல்லம் 

இரண்டு கப் வேக வைத்த சாதம் (பொல பொலவென இருக்க வேண்டும்) 

½ கப் வேக வைத்த துவரம்பருப்பு 

செய்முறை : 

1. முதலில் வானலியை நன்றாக சூடாக்கி, எண்ணை சேர்த்து, மசாலா 

விழுதிற்கான எல்லா பொருட்களையும் நன்றாக வறுத்துக் 

 கொள்ளவும். 

2. வேண்டிய தண்ணீர் விட்டு, மிக்ஸியில் நன்றாக விழுதாக அரைத்துக் 

கொள்ளவும். 

3. அடுத்தது, ஒரு வானலியில் 2 ஸ்பூன் நெய்யை விட்டு தாளிக்க 

வேண்டிய பொருட்களை தாளித்துக் கொள்ளவும். 

4. இப்போது, வெட்டிய வெங்காயத்தை போட்டு நன்றாக 

பொன்னிறமாகும் வரை வதக்கவும். 

5. பிறகு வெட்டி வைத்த தக்காளியை சேர்த்து வதக்கவும். 

6. இப்போது வெட்டி வைத்திருக்கும் காய்கள், நீர், மஞ்சள் பொடி மற்றும் 

உப்பை கலந்து விடவும். 

7. வானலியை ஒரு மூடி போட்டு மூடி, இக்கலவையை நன்றாக 5 

நிமிடங்கள் கொதிக்க விடவும். 

8. இப்போது, ஊற வைத்த புளி நீர் மற்றும் வெல்லத்தையும் சேர்த்து 

நன்றாக கொதிக்க விடவும். 

 

9. கொதித்த பின்னர், அரைத்து வைத்த மசாலா விழுது, வேக வைத்த 

துவரம்பருப்பு, சாதம் யாவற்றையும் வாணலியில் சேர்த்து கலக்கவும். 

 

10. எல்லாவற்றையும் நன்றாக கலந்து, தேவைக்கேற்றார் போல் நீர் 

சேர்த்துக் கொள்ளவும். 

11. 5 நிமிடங்கள் குறைந்த நெருப்பில் வைத்து கொதிக்க விடவும். பிஸி 

பேளா பாத் சிறிது இருகும். 

12. இறக்கி கீழே வைத்து, மேலே சிறிது நெய் ஊற்றி அப்பளத்துடனோ, 

உருளை வறுவலுடனோ பரிமாருங்கள். 

எங்கள் வீட்டில் பெரியவர்கள் உள்ளதால், நான் வெங்காயம், முருங்கைக் காய் சேர்க்காமல் செய்தேன். மிக அருமையாக வந்தது. சமைத்து சுவையுங்கள். 

==================================