வெள்ளி வீடியோ : பாதத் தாமரைப் பூவென்ன ஆகும் பஞ்சு பட்டாலும் புண்ணாகிப்போகும்

நேயர் விருப்பப் பாடல் ஒன்று.

1995 இல் வெளிவந்த ஜீன்ஸ் திரைப்படத்திலிருந்து அன்பே அன்பே கொல்லாதே என்று ஹரிஹரன் அனுராதா ஸ்ரீராம் பாடும் பாடல்.  வைரமுத்துவின் வரிகளுக்கு ஏ ஆர் ரெஹ்மான் இசை.

அன்றைய நிலையில் இந்திய சினிமா உலகில் மிகவும் பொருட்செலவில் எடுக்கப்பட்ட படம்.  பிரசாந்தின் ரோலில் முதல் விருப்பம் அப்பாஸ் ஆக இருந்ததாம்.  அவர் தேதிகள் இல்லை என்று சொல்ல அடுத்த சாய்ஸ் அஜித்துக்கு.  அவரும் கைவிரிக்க, பிரசாந்த் தனது 7 படங்களின் கால்ஷீட்டைத் துறந்து இதில் நடித்துக் கொடுத்தாராம்.  

கவுண்ட்டமணியை வில்லனாக போட ஆசைப்பட்ட சங்கரின் எண்ணம் அவரின் தேதி இல்லாக்குறையால் நடக்காமல் போனதாம்.  ஷங்கரின் படங்களில் முதல் முறையாக பெரும்பாலான பகுதிகள் வெளிநாட்டில் படம்பிடிக்கப்பட்டதாம்.  2013-2014 களில் பிரசாந்த் இந்தப் படத்தின் இரண்டாம் பகுதியை தனது தந்தையுடன் இணைந்து எடுப்பதாகச் சொல்லி இருந்தார்.  கைவிடப்பட்டு விட்டது போலும்.

நேயர் விருப்பத்தைக் கேட்டிருப்பவர் யார் என்று சொல்லவில்லையே...!  ரமா ஸ்ரீநிவாசன்.

அன்பே அன்பே கொல்லாதே 

அன்பே அன்பே கொல்லாதே

கண்ணே கண்ணை கிள்ளாதே

பெண்ணே புன்னகையில் இதயத்தை வெடிக்காதே

ஐயோ உன்னசைவில் உயிரைக் குடிக்காதே

அன்பே அன்பே கொல்லாதே

கண்ணே கண்ணை கிள்ளாதே

பெண்ணே உனது மெல்லிடை பார்த்தேன்

அடடா பிரம்மன் கஞ்சனடி

சற்றே நிமிர்ந்தேன் தலைசுற்றிப் போனேன்

ஆஹா அவனே வள்ளலடி

மின்னலைப் பிடித்துத் தூரிகை சமைத்து

ரவிவர்மன் எழுதிய வதனமடி

நூறடிப் பளிங்கை ஆறடியாக்கிச்

சிற்பிகள் செதுக்கிய உருவமடி

இதுவரை மண்ணில் பிறந்த பெண்ணில்

நீதான் நீதான் அழகியடி

இத்தனை அழகும் மொத்தம் சேர்ந்து

என்னை வதைப்பது கொடுமையடி

அன்பே அன்பே கொல்லாதே

கண்ணே கண்ணை கிள்ளாதே

கொடுத்து வைத்தப் பூவே பூவே

அவள் கூந்தல் மணம் சொல்வாயா

கொடுத்து வைத்த நதியே நதியே

அவள் குளித்தச் சுகம் சொல்வாயா

கொடுத்து வைத்த கொலுசே

கால் அழகைச் சொல்வாயா

கொடுத்து வைத்த மணியே

மார் அழகைச் சொல்வாயா

அழகிய நிலவில் ஆக்ஸிஜன் நிரப்பி

அங்கே உனக்கொரு வீடு செய்வேன்

உன்னுயிர் காக்க என்னுயிர் கொண்டு

உயிருக்கு உயிரால் உறையிடுவேன்

மேகத்தைப் பிடித்து மெத்தைகள் அமைத்து

மெல்லிய பூ உன்னைத் தூங்க வைப்பேன்

தூக்கத்தில் மாது வேர்க்கின்ற போது

நட்சத்திரம் கொண்டு நான் துடைப்பேன்

பால் வண்ணப் பறவை குளிப்பதற்காக

பனித்துளி எல்லாம் சேகரிப்பேன்

தேவதை குளித்த துளிகளை அள்ளித்

தீர்த்தம் என்றே நான் குடிப்பேன்

அன்பே அன்பே கொல்லாதே

அன்பே அன்பே கொல்லாதே

கண்ணே கண்ணை கிள்ளாதே

பெண்ணே புன்னகையில் இதயத்தை வெடிக்காதே

ஐயோ உன்னசைவில் உயிரைக் குடிக்காதே 

அன்பே அன்பே கொல்லாதே

கண்ணே கண்ணை கிள்ளாதே  

=======================================================================================================

இனி இந்த வார என் விருப்பப் பாடல்...

பிரம்மச்சாரிகள் படம் - 1983 -  புலமைப்பித்தன் - எம் எஸ் விஸ்வநாதன் - சுரேஷ் சுலக்ஷனா S V சேகர், YG மஹேந்திரா, வனிதா  ஆகியோர் நடித்தது.  -இயக்கம் ஸ்வர்ணமூர்த்தி   

பெயர் போடும்போது பழைய மவுண்ட்ரோடை - சென்னையைப் பார்க்கலாம்.  பெரிதாய் வேறு ஒன்றும் விவரம் கிடைக்கவில்லை.  படம் யூ ட்யூபில் கிடைக்கிறது.

இந்தப் பாடல் வழக்கம்போல SPB ட்ரீட்.  M S விஸ்வனாதன் செமையாய் போட்ட ட்யூனை அதகளப் படுத்தியிருக்கும் SPB.

கமதநி ஸாநிதப கமகஸ நிஸநித நான் பாட 

தகதிமி தாமென தோமென தையென நீயாட

இடை மின்னெழுதும் உடல் பொன்னெழுதும் ஒரு மான்தானோ 

சுரம் முன்னெழுதும் தமிழ் பண்ணெழுதும் இசை தேன்தானோ 

அழகிய திருமுக தரிசனம் தந்திட வாராயோ 

அபிநய விழிகளில் கவிமழை சிந்திட பாராயோ 

பாதத் தாமரைப் பூவென்ன ஆகும் 

பஞ்சு பட்டாலும் புண்ணாகிப்போகும் 

அழகிய செம்பஞ்சு தீட்டாத முன்னே 

அல்லி பூவண்ணம் காட்டாதோ கண்ணே 

அது மண்படுமே அதில் புண்படுமே மனம் தாங்காதே 

எழில் தென்படுமே பிறர் கண்படுமே வழி போகாதே 

தங்க மேகலை சங்கீதம் பாட 

தாளம் தப்பாமல் செவ்வாழை ஆட 

அசைந்திடும் மேலாடை   பூப்பந்தல் போட 

ஆடும் உன் வண்ணம் நானென்ன கூற 

எழில்நந்தவனம் அதில் வந்தமரும் குயில் நானன்றோ 

உயர் கற்பனையில் இசை அர்ச்சனைகள் செய்யும் நாளென்றோ 

  தகதிமிதோம் தாம்தகித்தோம்