படகு அல்லது கப்பல் பயணம் போயிருக்கிறீர்களா?

 

நெல்லைத்தமிழன் : 

1. எதனால் நம் அடுத்த தலைமுறைக்கு மேற்கத்தைய அல்லது நமக்கு அந்நியமான உணவு மட்டுமே பிடிக்கிறது?  மதிய உணவு-சாதம் சாம்பார் ரசம், அரிசி உப்புமா.... போன்றவைகள் என்றால் வேண்டவே வேண்டாம் சப்பாத்தி நூடுல்ஸ் பிரட் ஓகே என்று ஏன் சொல்கிறார்கள்?

 # விளம்பரம்தான் காரணமாக இருக்கும். 

2. படகு அல்லது கப்பல் பயணம் போயிருக்கிறீர்களா?   

# கடலில் சிறு தூரம் மோட்டார் படகில் பயணித்ததுண்டு. 

& நானும் மங்களூர் கடற்கரையில், மற்றும் ஊட்டி ஏரியில் படகு பயணம் செய்துள்ளேன். 

3. எதனால் இணைய நட்புகள் ரொம்பவே நெருக்கமாக ஆகிவிடுகிறார்கள்? அதாவது அவர்களைச் சந்திக்கும்போது புதிதாகச் சந்திப்பது போலவே தோன்றுவதில்லை   

# தொடர்ந்து கருத்துப் பரிமாற்றம் செய்து வருவதால் அந்நியமாகத் தெரிவதில்லை. 

4. ஒருவருடன் போனில் அல்லது கடிதத் தொடர்பு மட்டும் வைத்துக்கொண்டிருக்கும்போது எதனால் நம் மனது அவருக்கு ஒரு உருவம் கொடுத்துவிடுகிறது? (அனேகமாக அதற்கும் நேரில் பார்க்கும் உருவத்திற்கும் சம்பந்தம் இருப்பதில்லை. ஸ்ரீராமை என் மனதில் உருவகப்படுத்தியிருந்ததற்கும் நேரில் பார்ப்பதற்கும் மிகுந்த வேறுபாடு.ஹாஹா)

# கண் காணாத இடம் / மனிதர்களுக்கு ஒரு கற்பனை வடிவம் தருவது மனதின் செயல்பாடுகளில் ஒன்று.  நினைவை சேமிக்க மூளையின் யுக்தி.

& நாமம் (பெயர்) இல்லாத ரூபங்கள் இருக்கலாம்; ஆனால், ரூபங்கள் இல்லாத பெயர்கள் கிடையாது. எனவே, ஒரு பெயரைக் கேள்விப்பட்டவுடன், ஒரு ரூபம் நமக்குள் வந்து உட்கார்ந்துவிடுகிறது. 

வல்லிசிம்ஹன் : 

1, கர்மா....இதில் நம்பிக்கை உண்டா?

# சில ஏடாகூடங்களைப் பார்க்கும்போது நம்பித்தான் ஆக வேண்டியிருக்கிறது. 

2, புனர் பூர்வ ஜன்மாக்கள் நிஜமா?

# தெரியவில்லை. 

& சில சமயங்களில் மட்டும் நிரூபணம் ஆகியுள்ளன. ஆனால் நூறு சதவிகிதம் எங்கும் நிரூபிக்கப்படவில்லை. 

3, நம் செயல்களுக்கு (நல்லதோ/கெட்டதோ) இந்தப் பிறவியிலேயே பதில் வினை கிடைக்குமா?

# நூற்றுக்கு நூறு இப்போதே சரியாவதில்லை என்பதற்கு பலத்த சான்றுகளைப் பார்க்கலாம்.

பானுமதி வெங்கடேஸ்வரன்: 

பகவத்கீதை, உபநிஷத் போன்றவைகளுக்கு யாருடைய விளக்க உரை கேட்பதற்கு, படிப்பதற்கு பிடிக்கும்?

# சின்மயானந்தா ஓம்காரானந்தா பிடிக்கும்.  ஆனால் ஊன்றிக் கேட்டதில்லை என்பதைத் தயக்கத்துடன் ஒப்புக் கொள்கிறேன்.

& நொச்சூர் வெங்கடராமன் விளக்க உரை கேட்பதற்குப் பிடிக்கும். நேரம் கிடைத்தால் இங்கே போய், கேட்டுப் பாருங்கள். அல்லது youtube ல் Nochur Venkataraman என்று தேடிக் கேளுங்கள். 

Sep.17ல் பிறந்த பெரியார், நரேந்திர மோடி ஒற்றுமை, வேற்றுமை என்ன?

# தாடி கண் கண்ணாடி ஒற்றுமை. கடவுள் நம்பிக்கை , அகில இந்திய நோக்கு வேற்றுமை.

& எனக்கு என்னவோ தாடி தவிர வேறு எந்த ஒற்றுமையும் இருப்பதாகத் தெரியவில்லை. 

= = = = =

சென்ற வாரம் நாங்கள் கேட்டிருந்த கேள்விகளுக்கு வந்த பதில்களும், படங்களுக்கு வந்த கருத்துகளும், மின்நிலா எழுபதாவது வார இதழில், பக்கம் எண் 30 ~ 33 ல் வெளியாகியுள்ளன. >>>> மின்நிலா 070 சுட்டி 

= = = = =

இந்த வார எங்கள் கேள்விகள் : 

1) உங்களுக்கு மிகவும் பிடித்த பாடலை, கர்ண கடூரமாக ஒருவர், மேடையில் பாடுகிறார் என்றால், உங்கள் எதிர் வினை என்னவாக இருக்கும்? 

2) ஹோட்டல் வாசலில் " இன்றைய ஸ்பெஷல் " என்று வைத்திருக்கும் அறிவிப்புப் பலகையில் படித்து, உள்ளே சென்று அதை பெரிதும் எதிர்பார்ப்புடன் ஆர்டர் செய்து, வந்தவுடன் பெரிதும் ஏமாந்த அனுபவம் உண்டா? எங்கு? எப்பொழுது? என்ன ஐட்டம்? 

3) உங்களுக்கு எந்த நிறம் பிடிக்கும்? ஏன்? 

= = = =

படம் பார்த்து, கருத்து எழுதுங்கள் :

1) 

2) 

3) 

= = = =