வீட்டு உபயோகப் பொருட்களை விளம்பரங்களைப் பார்த்து வாங்குவீர்களா?

 

 வல்லிசிம்ஹன் : 

1, ,கேள்வி கேட்பவர்களைப் பொறுத்து பதில் தரப்படுமா?

# கேள்வி கேட்டவரின் பொறுமையை சோதிக்காதவாறு பதில் இருக்க வேண்டும்.

& ஆம், சில சமயங்களில் அது தேவை. சீரியஸ் பதில் எதிர் பார்ப்பவர்களுக்கு காமெடியாக பதில் சொன்னால் வம்பில் மாட்டிக்கொள்ள வழிவகுத்துவிடும். 

2, ஒற்றை வார்த்தையில் பதில் சொல்பவர்களின் மனம் எதை யோசிக்கும்?

# அடுத்த கேள்வி பற்றி யோசிக்கும்.

& பெரும்பாலும் ஒற்றை வார்த்தையில் பதில் சொல்பவர்கள் கோபத்தில் இருக்கலாம் - அல்லது (கேள்வி கேட்பவரோடு) பேசுவதற்கு மூட் இல்லாமல் இருக்கலாம். 

3, கேள்விகள் புத்திக் கூர்மையை பிரகடனப் படுத்துவதற்கா இல்லை பதில் சொல்பவர்களின் அறிவை சோதிப்பதற்கா?

# கேள்வி கேட்பவருக்கு ஒரு காரணம் பதில் தருபவருக்கு வேறு காரணம்.

& கேள்விகள் யாரிடம் கேட்கப்படுகின்றன என்பதைப் பொருத்த விஷயம் இது. 

குழந்தைகள் மற்றவர்களிடம் கேட்கும் கேள்விகள் பெரும்பாலும் தெரிந்துகொள்ளும் ஆர்வத்தில் கேட்கப்படுபவை. 

பெற்றோர்கள் தம்  பள்ளிப் பருவத்துக் குழந்தைகளிடம் கேட்கும் கேள்விகள் பெரும்பாலும் விசாரணை வகை. 

விவரம் அறிந்த ஒருவர், மற்றொரு விவரம் அறிந்த ஒருவரிடம் கேட்கும் கேள்விகள்தான் நீங்கள் சொன்ன இரண்டு வகைகளின் கீழ் வரும். 

 கீதா  சாம்பசிவம் :

1.விளம்பரங்களைப் பார்த்துப் பொருட்களைத் தேர்வு செய்யும்/வாங்கும் வழக்கம் உண்டா?

# உண்டு. பொருள்களைப்பற்றி அலசி ஆராய்ந்து வாங்க விளம்பரங்களைதானே நம்ப வேண்டியிருக்கிறது ?

$  உண்டு. Cell phone Camera, போன்ற அதிக விலை உள்ளவற்றுக்கு மட்டும் . 

& நான் வாங்க நினைக்கும் பொருள்கள் amazon ல் இருந்தால், அவற்றுக்கு வந்துள்ள customer reviews, rating எல்லாம் பார்த்து, சீர் தூக்கிப் பார்த்து, பிறகுதான் வாங்குவேன். கூடுமான வரையில் 5 ஸ்டார் + 4 ஸ்டார் rating = எண்பது சதவிகிதம் இருந்தால்தான் வாங்குவேன். 

2. வீட்டு உபயோகப் பொருட்களை விளம்பரங்களைப் பார்த்து வாங்குவீர்களா? அல்லது தேவையா என்பதை யோசித்து வாங்குவீர்களா?

# தேவைதான் முதல் காரணம். வாங்குவதற்கு வாங்க என்று கூப்பிடுவதால் தூண்டப் படுவதில்லை. 

$  தேவையானவை மட்டும்.

& வீட்டு உபயோகப் பொருட்களுக்கு விளம்பரம் பார்த்து வாங்குவதில்லை. Department stores (பல்பொருள் அங்காடி?) செல்லும்போது அங்கு சுற்றி வரும் சமயத்தில், கண்ணில் படும் பொருட்களை, தேவை இருக்கும் என்றால் மட்டும், விலை பார்த்து, அந்த விலைக்கு பொருள் worth என்றால் மட்டும் வாங்குவேன். 

3.மதுரை புதுமண்டபம் கடைகளில் வீட்டு உபயோகப் பொருட்கள் வாங்கி இருக்கீங்களா?

#  பல ஆண்டுகளுக்கு முன், என்ன என்பது நினைவில்லை.

$  நான் புது மண்டபம் கடையில் வாங்கியவை ஒரு logarithm டேபிள், ஒரு acrylic painting kit உம்.

& புது மண்டபமா ! நான் பழைய மண்டபத்தில் கூட எதையும் வாங்கியதில்லை. 

4. இது பற்றிய விளம்பரங்கள் வரும் யூ ட்யூப் சானல்களைத் தொடர்ந்து பார்ப்பீர்களா? நம்மவருக்கு இதான் பொழுது போக்கே! உடனே வாங்கறேன் என்று கிளம்பவும் செய்வார்.

#  வாங்கிய பிறகு உபயோகிக்க, வழிமுறைகளை அறிந்து கொள்ள யூ டியூப் உதவியிருக்கிறது.

$ You tube channel பார்த்து போனுக்கு எப்படி கொரில்லா glass போடுவது என்று தெரிந்து கொண்டு போட்டேன்.

5.எந்தப் பொருளுக்கும் நீண்ட காலப் பயன்பாடு இருந்தால் தான் வாங்கலாம் என்பது என் கருத்து. இது சரியா தப்பா? வாங்கிட்டுப் பயனில்லை எனில் தூக்கிப் போடுவீர்களா?

#  குறுகிய காலப் பயன்பாட்டுக்கான பொருள்களும் உள்ளன அல்லவா ? திடமான தயாரிப்பு முக்கியம்தான்.

 

$ நீண்ட காலப் பயன்பாடு என்பது எல்லாப் பொருளுக்கும் உண்டா என்ன?

& சமீப காலங்களில் வாங்கிவிட்டு, பயன் இல்லை என்று என் சேமிப்புக் கிடங்கில் போடப்பட்டுள்ள பொருட்கள் கொஞ்சம் அதிகமாகவே உள்ளன. சந்தர்ப்பம் வாய்க்கும்போது அவற்றை வேறு வகையில் பயன்படுத்தி வருகிறேன். 

பானுமதி வெங்கடேஸ்வரன்: 

திருமண வாழ்க்கையை பற்றி ஜோக் அடிக்கிறார்கள். (எங்கள் சம்பந்தி திருமண நாள் என்றால் ஒரு நிமிடம் மெளனமாக நிற்க வேண்டும் என்பார்). ஆனால் தங்கள் குழந்தைகளுக்கு திருமணம் ஆகவில்லை என்றால்  மிகவும் கவலைப்படுகிறார்கள். இது ஏன்?

# கணவன், மனைவி,மாமனார்,  மாமியார், சமையல்காரி, வேலைக்காரி இப்படியாக ஜோக்குகளால் வதை படுவோர் நிறைய உண்டு.  இதன் பின்னணியில் நிறைவேறாத ஆசைகள், பிறர் பொறாமைப்படுவதை விரும்புதல், ஆற்றாமை போன்ற பல உணர்ச்சிகளும் உண்டு.

ஒரு பொருள் மார்க்கெட்டுக்குள் நுழைந்தவுடனேயே அதை வாங்கி விடுவீர்களா? அல்லது கொஞ்ச நாள் பொறுத்து, அதன் சாதக, பாதகங்களை தெரிந்து கொண்டு வாங்குவீர்களா?

# அல்லது வாங்கவே மாட்டீர்களா என்றும் கேட்க வேண்டாமோ ?

& தேவை என்று தோன்றும் பொருட்களை, கொஞ்ச நாள் பொறுத்து, அதன் சாதக, பாதகங்களை தெரிந்து கொண்டு வாங்குவேன். 

நம் குழந்தைகளுக்கு இதை (கற்று) கொடுத்து விட்டோம் என்று பெற்றோர்கள் எதைக் குறித்து மகிழ்ச்சி அடையலாம்?

# பெரியோரை மதித்தல், சுடுசொல் பேசாமை, கொடுப்பதை வேண்டாமென உண்ணுதல், நண்பர்களோடு எதையும் பகிர்ந்து கொள்தல், பெற்றோர்-தாத்தா-பாட்டி தவிர யாரிடமும் எதுவும் கேட்காதிருத்தல்.. இப்படி நிறைய உண்டு. 

& Value based approach. 

= = = = =

கேள்விகள் கேட்டவர்கள் எல்லோருக்கும் எங்கள் நன்றி. தொடர்ந்து நிறைய கேள்விகள் கேளுங்கள். 

சென்ற வார புதன் அன்று நாங்கள் கேட்ட கேள்விகளுக்கு வாசகர்கள் அளித்த பதில்களும், படங்களுக்கு வாசகர்கள் எழுதிய கருத்துகளும், மின்நிலா 068 இதழில் பக்கம் எண் 25 முதல் 29 வரை வெளியிடப்பட்டுள்ளன. 

மின்நிலா 068 சுட்டி 

= = = = =

எங்கள் கேள்விகள் :

1) இயற்கைக் காட்சிகளை இரசிப்பது உண்டா ? எப்போது? ஒரு வாரத்தில் எவ்வளவு முறை? 

2) சமீபத்தில் உங்களுக்கு வந்த விசித்திர கனவு என்ன?

3) இது இல்லை என்றால் எனக்கு எதுவுமே ஓடாது - என்று எதை சொல்வீர்கள்? 

= = = = =

படம் பார்த்துக் கருத்து சொல்லுங்கள் :

1) 

2) 

3) 

= = = = =