"திங்கக்கிழமை : கேரட் ஹல்வா - பானுமதி வெங்கடேஸ்வரன் ரெஸிப்பி

 

 கேரட் ஹல்வா

தேவையான பொருள்கள்:

டில்லி கேரட்(சிவப்பு நிற கேரட்) - 4

சாதாரண கேரட்டிலும் செய்யலாம்,.

பால் - 200 மில்லி

சர்க்கரை - துருவிய காரட் எவ்வளவு இருக்கிறதோ அதைப் போல் 3/4 பங்கு (1:3/4. 1:1 என்ற விகிதத்திலும் சேர்க்கலாம்)

ஏலக்காய் பொடி - 1 டீ ஸ்பூன்

நெய் - 4 டேபிள் ஸ்பூன்

முந்திரி, கிஷ்மிஷ்(உலர்ந்த திராட்சை) - சிறிதளவு

செய்முறை:

கேரட்டை கழுவி துருவிக் கொள்ளவும்.

அடி கனமான பாத்திரம் ஒன்றை அடுப்பில் வைத்து, அதில் சிறிதளவு நெய் ஊற்றி முந்திரி,திராட்சையை வறுத்துக் கொள்ளவும். 

பின்னர் துருவிய கேரட்டை போட்டு வதக்கிக் கொள்ளவும். 

பிறகு, ஒரு கப் தண்ணீர் மற்றும் பால் சேர்த்து கேரட்டை வேக வைக்கவும். 

கேரட் வெந்ததும் சர்க்கரை சேர்த்து கிளரவும். மிச்சமிருக்கும் நெய்யை கொஞ்சம் கொஞ்சமாக சேர்க்கவும். 

சற்று தளர்வான பதத்திலேயே அடுப்பை நிறுத்தி விடலாம். சற்று நேரத்தில் சரியான பதத்திற்கு வந்து விடும். 

சிலர் இனிப்பு சேர்க்காத கோவா சேர்ப்பார்கள்.

சிலர் கண்டென்ஸ்டு மில்க் சேர்ப்பார்கள். கண்டென்ஸ்டு மில்க் சேர்த்தால் சர்க்கரை குறைவாக போட வேண்டும்.

கேரட்டை துருவாமல் சற்று பெரிதாக நறுக்கி, பாலில் வேக வைத்து, மிக்ஸியில் அரைத்தும் செய்யலாம். 

சற்று கெட்டியாக கிளறி, அதில் ஐஸ்க்ரீம் சேர்த்து சாப்பிடலாம்.

புத்தாண்டிற்கு நான் செய்த ஸ்வீட் இது. எடுத்துக் கொள்ளுங்கள்.

  

பி.கு.: கடைசி படம் மட்டும் இணையத்தில் சுட்டது.