அன்பால் குழந்தை கடிக்கின்றது அதுவும் கொஞ்சம் வலிக்கின்றது தடவிப் பார்த்தால் இனிக்கின்றது

'உன்னைப்பாடும் தொழிலன்றி வேறு இல்லை' என்னும் டி எம் சௌந்தரராஜன் பாடல் இன்றைய தனிப்பாடலாக....  இசை டி எம் சௌந்தராஜனே.  எழுதியது யாரோ...   அறியேன்!

உனைப் பாடும் தொழிலின்றி வேறு இல்லை

எனைக் காக்க உனையின்றி யாருமில்லை

உனைப் பாடும் தொழிலின்றி வேறு இல்லை

எனைக் காக்க உனையின்றி யாருமில்லை

முருகா முருகா

கற்பனையில் வருகின்ற சொற்பதமே

அன்பு கருணையில் உருவான அற்புதமே

கற்பனையில் வருகின்ற சொற்பதமே

அன்பு கருணையில் உருவான அற்புதமே

சிற்பச்சிலையாக நிற்பவனே

சிற்பச்சிலையாக நிற்பவனே

வெள்ளைத் திருநீறில் அருளான விற்பனனே

முருகா முருகா

உனைப் பாடும் தொழிலின்றி வேறு இல்லை

எனைக் காக்க உனையின்றி யாருமில்லை

அமுதம் இருக்கின்ற பொற்குடமே

இயற்கை அழகு வழிகின்ற எழில்வனமே

அமுதம் இருக்கின்ற பொற்குடமே

இயற்கை அழகு வழிகின்ற எழில்வனமே

குமுத இதழ் விரிந்த பூச்சரமே

குமுத இதழ் விரிந்த பூச்சரமே

உந்தன் குறுநகை தமிழுக்கு திருவரமே

முருகா முருகா

உனைப் பாடும் தொழிலின்றி வேறு இல்லை

எனைக் காக்க உனையின்றி யாருமில்லை

உனைப் பாடும் தொழிலின்றி வேறு இல்லை

எனைக் காக்க உனையின்றி யாருமில்லை

முருகா முருகா முருகா முருகா

============================================================================================

அண்ணன்-தங்கை பாசத்துக்கு சிவாஜி நடித்துள்ள படங்கள் போல வேறு யாரும் நடித்திருக்க மாட்டார்கள். தங்கை, தங்கைக்காக, பராசக்தி, பாசமலர், அண்ணன் ஒரு கோவில், லாரி டிரைவர் ராஜாக்கண்ணு என்று பல படங்கள். நான் வாழவைப்பேன் படத்தையும் சேர்த்துக் கொள்ளலாம்.

இன்று 'தங்கைக்காக' படத்திலிருந்து 'எதையும் தாங்குவேன் அன்புக்காக' என்னும் பாடல்...

அண்ணனாக சிவாஜி, தங்கையாக லக்ஷ்மி, மற்றும் முத்துராமன், நம்பியார் நாகேஷ் நடித்துள்ள இத்திரைப்படம் 1971 ல் வந்ததது. இலங்கைப் பாடல் பாணியில் ஏ எல் ராகவன் பாடிய 'அங்கமுத்து தங்கமுத்து தனிக்கு போனாளாம்' எனும் (பைலா வகையறா) பாடல் நாகேஷின் நடனத்தோடு இடம்பெற்ற படம்.

டி எம் சௌந்தரராஜன் பாடியுள்ள இந்தப் பாடல் கண்ணதாசன் எழுதி எம் எஸ் விஸ்வநாதன் இசை அமைத்தது.  தங்கை பற்றிய பாடல்களில் இதுவும் முக்கியமான ஒரு பாடலே...

எதையும் தாங்குவேன் அன்புக்காக - நான்

இதையும் தாங்குவேன் தங்கைக்காக

இமைகள் வாழ்வதே கண்ணுக்காக - என்

இதயம் வாழ்வதே தங்கைக்காக - எதையும்

அன்பால் குழந்தை கடிக்கின்றது

அதுவும் கொஞ்சம் வலிக்கின்றது

அன்பால் குழந்தை கடிக்கின்றது

அதுவும் கொஞ்சம் வலிக்கின்றது

தடவிப் பார்த்தால் இனிக்கின்றது

தாய்மை உள்ளம் தவிக்கின்றது

தாய்மை உள்ளம் தவிக்கின்றது    -  எதையும் 

பட்டால்தானே தெரிகின்றது 

பாசம் என்பது என்னவென்று  

பட்டால்தானே தெரிகின்றது 

பாசம் என்பது என்னவென்று 

சுட்டால்தானே தெரிகின்றது 

தொட்டால் சுடுவது நெருப்பென்று

                              தொட்டால் சுடுவது நெருப்பென்று      -  எதையும் 

ஐந்தறிவான பறவைக்கெல்லாம் 

அன்பும் உறவும் புரிகின்றது  

ஐந்தறிவான பறவைக்கெல்லாம் 

அன்பும் உறவும் புரிகின்றது 

ஆறறிவான மனிதருக்கோ 

அதுதான் கொஞ்சம் குறைகிறது 

                        அதுதான் கொஞ்சம் குறைகிறது   - எதையும்