தூக்கம் உன் கண்களை...

 ​எல்லாம் நன்றாகத்தான் போய்க்கொண்டிருந்தது.  சரியாகத்தான் இருந்தது.  எப்போது  இந்த மாற்றம் வந்தது?

எந்த மாற்றம்?

எல்லோரும் பள்ளியில் படிக்கும் காலம் தொடங்கி கல்லூரியில் படித்து வேலைக்கு போனாலும் காலை துயிலெழும் வழக்கம் சரியாய்த்தானே இருந்தது?

சொல்லலாம், அப்போதெல்லாம் அலுவலக வேலை என்பது பெரும்பாலும் காலை ஒன்பது மணிக்கு மேல் பத்து மணி பத்தரை மணி என்று.   ஷிப்ட்டில் வேலை செய்பவர்கள் மதியான ஷிப்ட்டாயிருந்தால் அல்லது இரவுப் பணியாயிருந்தால் கொஞ்சம் அசந்து, மாற்று நேரத்தில் தூங்குவார்கள்.

தொண்ணூறுகளின் பிற்பகுதியில் இந்திய வேலை வாய்ப்பில் வேலை செய்யும் பாணிகளில், நேரங்களில் ஒரு மாற்றம் வந்தது.  ஐ டி கம்பெனிகள் என்று சொல்லப்படும் பன்னாட்டு துறைகளில் வேலை செய்யும் வாய்ப்பு இந்தியாவில் பெருகியது. அந்த வேலை நேரத்துக்கேற்ப நம் தூக்க பழக்க வழக்கங்களில் சில மாற்றங்கள் வந்தன.  ஆறுமணி நேர வேலை, இரவுப்பணி என்றால் 7 - 7 என்பதெல்லாம் மாறி ஒன்பது மணி நேரம் வேலை வெவ்வேறு நேரங்களில் அமைந்தன.   

இந்த வழக்கத்தின் காரணமாக இந்திய இளைஞர்களின் தூக்க நேரங்கள் மாறத்தொடங்கின.  ஷிஃப்டுக்கு தகுந்தாற்போல மாற்றம் என்பது காலப்போக்கில் காலை பணியாய் இருந்தாலுமே தாமதமாக எழும் வழக்கம் வந்து விட்டது.  நான் பார்த்து, நண்பர்கள் வீட்டிலும் நிறைய உறவுகள் வீட்டிலும் காலை ஆறு மணிக்கு முன் அல்ல, ஒன்பது மணிக்கு முன் துயிலெழும் பழக்கமே போயே போய் விட்டது.  சில வீடுகளில் பத்து மணி, பதினோரு மணி! மிகக் குறைந்த இல்லங்களிலேயே வைகறைத் துயிலெழும் வழக்கம் இன்றும் தொடர்கிறது.

வேலை, ஸ்ட்ரெஸ் என்று காரணம் காட்டிக் கொள்கிறார்கள்.  ஸ்ட்ரெஸ் இல்லாமல் இருக்காது.  நானும் இரவுப் பணி பார்த்திருக்கிறேன்.  இரவு 7 முதல் காலை 7 வரை.  அது மாதிரி கண்விழிக்கும் நேரங்களில் மறுநாள் பசியே இல்லாமல் ஒரு மாதிரி மந்தமாய் உணர்ந்திருக்கிறேன்.  அப்புறம் வேளை கெட்ட வேளையில் வயிற்றில் அமிலம் சுரக்கும்.  முதலில் எதுவும் சாப்பிடவே தோன்றாது.  அப்புறம் பசியா என்றறியாமல்  போய் கண்டதையும் எடுத்து வாயில் போடத் தோன்றும்.

காலை ஐந்தரை, ஆறெல்லாம் வேண்டாம் அட, ஒரு 7 மணிக்குள்ளாவது எழுங்கள் என்று சொன்னால் மகன்கள் முறைக்கிறார்கள்.  காதில் வாங்குவதில்லை.  இப்போது கிரிக்கெட் காரணம், அது இல்லாத மற்ற சமயங்களிலும் ஏதோ ஒரு காரணத்தால் இரவு இரண்டு மணிக்கு மேல்தான் படுக்கிறார்கள்.  காலை நேரத்தின் அற்புதங்களை, சுகங்களை, பரவசத்தை, ஓசோன் தூய்மையை, அமைதியை நீங்கள் இழக்கிறீர்கள் என்று சொல்லிப் பார்த்தும் பயனில்லை.  இத்தனைக்கும் பள்ளியில், கல்லூரியில் படிக்கும் காலங்களில் சீக்கிரம் எழுந்தவர்கள்தான்.  பாஸ் பெயரைச் சொல்லி அவர் அத்தை ஒருதரம் சொன்னார்.."இவங்க வீட்டுல பாரு..  பிள்ளைகளை எப்படி வளர்த்து இருக்கான்னு..  அஞ்சு, அஞ்சரைக்கு டாண்ணு எழுந்துர்றாங்க பசங்க" என்று பாராட்டு பத்திரமும் வாங்கி இருக்கிறார்கள்.

நேரத்துக்கு தூங்கச் சென்றால் காலை ஓரளவுக்காவது சீக்கிரம் எழலாம்.  அந்த பழக்கமும் வழக்கொழிந்து விட்டது.  இரவு ஒரு மணிக்கும் இரண்டு மணிக்கும் படுப்பது வழக்கமாகி விட்டது.  செல்போன், வாட்ஸாப், OTT திரைப்படங்கள் இத்யாதி...  இத்யாதி...

இயற்கையை எதிர்க்கும் இந்த மாற்றம் ஏனோ எனக்கு பிடிக்கவில்லை!  எனக்கு பிடித்தால் என்ன, பிடிக்கா விட்டால் என்ன...   யார் கேட்கிறார்கள்!

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

நியூஸ் ரூம் 

பானுமதி வெங்கடேஸ்வரன் 

- ஜெய்ப்பூரில் ரூ.300 மதிப்புள்ள போலி நகைகளை ரூ.6 கோடிக்கு வாங்கியுள்ள சம்பவம் அரங்கேறி உள்ளது. குற்றவாளியை போலீசார் வலைவீசி தேடி வருகின்றனர்.  அமெரிக்காவைச் சேர்ந்த செரிஷ் கடந்த 2022ம் ஆண்டு ராஜஸ்தான் மாநிலம் ஜெய்ப்பூரைச் சேர்ந்த கவுரவ் சோனி என்பவருடன் இன்ஸ்டாகிராமம் மூலம் அறிமுகமாகியுள்ளார். கவுரவ் சோனி, தாம் ஜெய்ப்பூரில் தங்க நகைக்கடை வைத்திருப்பதாகத் தெரிவித்துள்ளார்.  செரிஷ் அவரிடம் தங்க நகைகள் வாங்க முயன்றுள்ளார். இதையடுத்து, சோனியிடம் இருந்து தங்க முலாம் பூசப்பட்ட போலி நகைகளை ரூ.6 கோடிக்கு செரிஷ் வாங்கியுள்ளார். இதன் மதிப்பு ரூ.300 தான்.

- மனித மூளையிலேயே கணினியை உருவாக்கலாம் என்றால் நம்புவீர்களா? இதைக் கேள்விப்படுவதற்கு ஏதோ சயின்ஸ் ஃபிக்சன் திரைப்படம் போல தோன்றலாம். ஆனால் இதை உண்மையாக்கி சாதித்துள்ளனர் ஸ்வீடன் விஞ்ஞானிகள். Final Spark என்கிற ஸ்டார்ட் அப் நிறுவனத்தைச் சேர்ந்த ஆராய்ச்சியாளர்கள் Brainware என்கிற முற்றிலும் புதுமையான கணினியை உருவாக்கியுள்ளனர். இது மனித மூளையின் நியூரான்கள் மற்றும் ஹார்ட்வேர் சாதனங்களை ஒன்றாக இணைத்து உருவாக்கப்பட்டுள்ளது. Brain மற்றும் Hardware என்ற இரண்டு பெயர்களையும் இணைத்து Brainware என்ற பெயர் வைத்துள்ளனர். 

- 18வது மக்களவையில் பெண் எம்.பி.க்கள் எண்ணிக்கை குறைவு. 2019ல் மக்களவையில் 78 பெண் எம்.பிக்கள் இடம் பெற்றிருந்தனர். இப்போது அந்த எண்ணிக்கை 74 ஆக குறைந்துள்ளது.

- தூத்துக்குடி மாவட்டம், திருச்செந்தூர் முந்திரிதோட்டத்தில் வசித்து வரும் பா.ஜ.க. மத்திய அரசின் நலத்திட்ட பொதுச் செயலாளராக இருக்கும் ஜெய்சங்கர் என்பவர் மாற்றுக்கட்சிகாரர்களிடம், "நாடாளுமன்றத் தேர்தலில் அண்ணாமலை நிச்சயம் வெற்றி பெறுவார், அப்படி நடக்காவிட்டால் நான் மொட்டை அடித்துக் கொண்டு பரமன்குறிச்சி பஜார் ரவுண்டானாவை சுற்றி வருகிறேன்" என்று பந்தயம் கட்டியிருக்கிறார். அண்ணாமலை தோற்றதால் சொன்னபடி மொட்டை போட்டு பரமன்குறிச்சி பஜார் சுற்றி வந்திருக்கிறார்.
இவர் இப்படி என்றால் NDA கூட்டணி ஜெயிக்க வேண்டும், மோடி மீண்டும் பிரதமராக வேண்டும் அப்படி நடந்தால் தான் பழனி முருகனுக்கு முடி காணிக்கை தருவதாக நேர்ந்து கொண்டு, அதை நிறைவேற்றியிருக்கிறார் பி.ஜே.பி. பெண் உறுப்பினர் ஒருவர். - அரசியல்வாதிகள் மக்களை மொட்டை அடித்து விடுவார்கள் என்பது உண்மைதானோ?

- மேட்டுப்பாளையம் காத்திருந்த சாலையில் காட்டு யானைகள் தாக்கியதில் கார் கவிழ்ந்து போலீஸ் எஸ்.ஐ காயம்.

- தஞ்சாவூர் அரசு மருத்துவமனையில் உரிமை கோராத 26 உடல்கள் ஒரே நாளில் அடக்கம்.

- பெலகாவியில் திருமணம் செய்து கொள்ளாமல் கருத்தரிக்கும் பெண்களுக்கு அறுவை சிகிச்சை மூலம் குழந்தையை வெளியே எடுத்து விற்பனை செய்து வந்த டாக்டரின் கிளினிக்கிற்கு சீல் வைக்கப் பட்டது.

- திருச்சி சர்வதேச விமான நிலையத்தின் புதிய முனையம் ஜுன் 11 முதல் செயல்பாட்டுக்கு வந்தது. சென்னையிலிருந்து திருச்சி விமான நிலையத்தின் புதிய முனையத்தில் முதலாவதாக வந்த இண்டிகோ விமானத்திற்கு வாட்டர் சல்யூட் அளித்து வரவேற்பு கொடுக்கப் பட்டது.

- தமிழகத்தின் 50 சதவீதம் ஸ்டார்ட் அப்களின் தலைமை அதிகாரிகளாக பெண்கள்.

- காபி விளைச்சல் பாதிக்கப்பட்டதால் காபித்தூள் விலை கிலோவுக்கு, 100 முதல் 200 ரூபாய் வரை உயர்ந்துள்ளது.

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\

எடுக்கப்பட்டது இணையத்திலிருந்து இது...!

***********************************

புருவங்களின் நேர்த்தியை கண்டுக்காம விட்டுடலாம்...!  அந்தக் கண்கள்...  ரசித்த படமொன்று...   ஏதோ ஒரு துரோகத்தை சந்தித்து விட்ட வேதனை அந்தக் கண்களில்...  "எவ்வளவு நம்பினேன்...  நீயா...  நீயா இப்படி?' என்பது போல...  கவிதை எழுதலாமா?  

இதழ்கள் 

புன்னகைக்க முயன்றாலும் 

கண்கள் 

ஒத்துழைக்க மறுக்கின்றன.

எவ்வளவு எழுதினாலும், இதைவிட சிறப்பாக இன்னும் ஏதோ ஒன்று எழுதப்படக்  காத்திருக்கிறது என்று எண்ணவைக்கும் முகம், கண்கள், உதடுகள்...

+++++++++++++++++++++++++++++++++++++++++++++

குமுதத்தில் சுஜாதாவின் கண்ணோட்டம் என்கிற பெயரில் ஒரு பக்கக் கட்டுரை சில காலம் எழுதினார்.  அது புத்தகமாகவோ, வேறு பகிர்வாகவோ நான் பார்த்த நினைவில்லை.  அதிலிருந்து ஒரு விஞ்ஞானக் கற்பனைச் சிறுகதை கீழே...  

&&&&&&&&&&&&&&&&&&&&&&&&&&&&&&&&&&&&&&&&&&&&&

படித்து, யோசித்து, பகிர்வது....

“இந்தியப் படங்கள் ஏதாவது பார்த்திருக்கிறீர்களா?” என்று கேட்டேன். 

“இந்தியப் படங்கள் என்றால் வண்ண வண்ணமாக உடையணிந்து கூட்டமாக ஆடுகிற படங்களைக் கேட்கிறீர்களா?” என்று கேட்டார். 

எனக்கு என்ன பேசுவதென்று தெரியவில்லை. ’நல்ல இந்தியப் படங்கள்’ என்று திரும்பக் கேட்டேன். 

“அப்படிப் படங்கள் இந்தியாவில் எடுக்கிறீர்களா?” என்று புன்னகைத்தார். ’நான் பார்த்த ஒரே இந்தியப் படம் ‘பதேர் பாஞ்சாலி’. அதைவிடவும் சிறந்த படங்கள் இருக்கிறதா? அதுமட்டுமல்ல ஒவ்வொரு முறை நான் எனது புதிய படத்தைத் துவங்கும் முன்னும் நான் ‘பதேர் பாஞ்சாலி’யைப் பார்ப்பேன்.

அதைப் பார்த்ததும் எனக்கு புதிய உத்வேகம் வந்துவிடும்’ என்று சொன்னார்.

“’பதேர் பாஞ்சாலி’ ஏன் உங்களைக் கவர்கிறது?” என்று கேட்டேன். 

“அதில் இருக்கும் உண்மையும் எளிமையும் எனக்குப் பெரிய உந்துதலாக இருக்கிறது. முக்கியமாக இந்தியாவின் ஆன்மா அந்த சினிமாவில் இருக்கிறது” என்று சொன்னார்.

அப்போது, ‘இந்தியாவின் ஆன்மா கிராமங்களில் இருக்கிறது’ என்ற காந்தியின் மேற்கோள் என் நினைவுக்கு வந்தது. 

உலகின் முக்கியமான திரைப்பட இயக்குநர்களில் ஒருவரான மக்மல்பஃப் ஆன்மாவைப் பதிவுசெய்த ஒரு திரைப்படமாக ‘பதேர் பாஞ்சாலி’யை ஏன் கருதினார்?  

காரணம் எளிமையானது. அந்தப் படத்தில் இயல்பான ஒரு கிராமம் இருந்தது. இயல்பான கிராமம் என்பது இயல்பான மனிதர்களால் ஆனது. ஓர் இந்தியக் குடும்பத்தில் வயதானவர்களும் குழந்தைகளும் மிக முக்கியமான அங்கத்தினர்கள்.

-இரா. செழியன்

நன்றி: அருஞ்சொல்

&&&&&&&&&&&&&&&&&&&&&&&&&&&&&

பொக்கிஷம் :

ரகசிய ஷார்ட்கட்!

"யோவ்...!"

"டேய்...."

ஸ்ட்ரெஸ் ரிலீவர்...!

இவர் யாரென்று தெரிகிறதா?