சேய் பிறந்தது புது நிலவென வாய் திறந்தது பனி மலர் என....

யார் எழுதிய பாடலோ, யார் இசையோ, சூலமங்கலம் சகோதரிகளே இசை அமைத்து பாடி இருக்கக் கூடும்.  ஆனால் இனிமையான முருகன் பாடல்.

மருத மலை ஆண்டவனே மருதமலை ஆண்டவனே 

மருதமலை ஆண்டவனே மனம் குளிர பாடிட வந்தோமே 

சிந்தனையை உன்னிடம் தந்து உந்தனையே எண்ணத்தில் கொண்டு 

சிந்தனையை உன்னிடம் தந்து உந்தனையே எண்ணத்தில் கொண்டு 

கந்தன் என்னும் சொல்லில் பிறந்து (?)களித்திட வந்தோமய்யா...

கந்தன் என்னும் சொல்லில்  பிறந்து (?)களித்திட வந்தோமய்யா...  - மருதமலை 

ஆறு தலை கொண்டவனே ஆறுதலை கொடுப்பவனே

ஆறு தலை கொண்டவனே ஆறுதலை கொடுப்பவனே

 இருதாரம் கொண்டவனே ஒருதரம் வரவேண்டும் 

இருதாரம் கொண்டவனே ஒருதரம் வரவேண்டும்

ஒருதரம் வரவேண்டும்     - மருதமலை 

ஓராறு முகங்களிலே ஓராயிரம் ஒளியுமுண்டு 

ஓராறு முகங்களிலே ஓராயிரம் ஒளியுமுண்டு 

ஈராறு கைகளிலே எத்தனையோ வரங்களுண்டு 

ஈராறு கைகளிலே எத்தனையோ வரங்களுண்டு 

வீடாறு கொண்டவனே வேலெடுத்து நின்றவனே 

வீடாறு கொண்டவனே  வேலெடுத்து  நின்றவனே 

வெற்றிதரும் தலைவா நீயும் விரைந்திங்கு வரவேண்டும்   --  மருதமலை 

தேவர்குல துணைவனானாய் அசுரர் குல பகைவனானாய் 

தேவர்குலம் தழைத்திடவே தெய்வமே அவதரித்தாய் 

தெய்வமே அவதரித்தாய்  -  மருதமலை 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

1974 ல் ஒண்ணே ஒன்னு கண்ணே கண்ணு என்று ஒரு படம் வந்தது.  இரா சங்கரன் இயக்கம்.  இந்த சங்கரன்தான் மிஸ்டர் சந்திரமௌலியோ என்று சந்தேகமாகவும் இருக்கிறது!  சிவகுமார்- ஜெயசித்ரா நடித்த இந்தப் படத்தின் பாடல்களை வாலி எழுத, வி குமார் இசை அமைத்திருந்தார்.

அதிலிருந்து இந்தப் பாடல்.

'கண்ணெல்லாம் உன் வண்ணம்' என்னும் பாடல்.  SPB யுடன் இணைந்து பாடி இருப்பது ஸ்வர்ணலதா என்று போட்டிருக்கிறது.  ஆனால் சந்தேகமாயிருக்கிறது.  தலைவர் குரலுக்கு ஜோடியாக ஏனோ இந்த பெண்குரல் பொருந்தவில்லை என்று எனக்குத் தோன்றும்.

எனினும் SPB பல்லவி படும்போதும் சரணம் பாடும்போதும் குழைவோ குழைவு.  நடுவில் ஆ.....  என்று இழுத்து குழைவது இன்னும் மயக்கம் தரும்.  பல்லவி வரிகளை SPB  மட்டும்தான் பாடுவார்.  அதுவும் ஒவ்வொரு முறையும் ஒவ்வொரு பாணியில் வளைத்து இழுப்பார்.

கேளுங்களேன்...

கண் எல்லாம் உன் வண்ணம்

நெஞ்செல்லாம் உன் எண்ணம்

கண்ணே செம்பொன்னே நீ வா வா

வா...வா.

எங்கெங்கு நீ... அங்கங்கு நான்

நீ இன்றி நான் இல்லை கண்ணா

நீ இன்றி நான் இல்லை கண்ணா - கண்ணெல்லாம்

மாந்தளிர் உடல் தள தளவென

மாதுளங்கனி பள பளவென

நான் தொட வரும் வடிவழகென வாவா..

பூங்கொடி இடைத்தொடு தொடு தொடு...என

பூ இதழ் சுவை கொடு கொடுவென

நீ தரும் சுகம் பொழுதொரு விதம்  தா தா

ஆஆஆ...

நீ ஒரு பாதி தந்தால்

நானும் ஒர் பாதி உண்டு

நீ... ஒரு... பாதி தந்தால்

நானும் ஒர் பாதி உண்டு

தந்ததோர் நூறு.. என்றால்

என் பங்கும் நூறு உண்டு - கண்ணெல்லாம்

சேய் பிறந்தது புது நிலவென

வாய் திறந்தது பனி மலர் என

நாம் விரும்பிய வரம் கிடைத்தது ...கண்ணே

தேன் மழலையின் குறுநகை ஒரு

பூங்கவிதையின் மணி முடி என

தாய் மனம் அதில் தனை மறந்தது கண்ணா

ஆஆஆ...

தென்றலே நீ வளர்க தெய்வங்கள் வாழ்த்துரைக்க

தென்றலே... நீ வளர்க தெய்வங்கள் வாழ்த்துரைக்க

தந்தை போல் பேர் விளங்க தாய் உள்ளம் தான் மயங்க

               

= = = = = = = = = = =

நேற்றைய பதிவில், பகிரப்பட்ட ஊட்டத்தூர் நடராஜர் கோவில் பற்றிய காணொளி - உங்களுக்காக 

பொறுமை இருந்தால், அந்தக் கோவில் பற்றி, மேலும் ஒரு பத்து நிமிட காணொளி இங்கே