உங்களுக்கு மிகவும் பிடித்த பத்துப் பாடல்களை வரிசைப்படுத்த இயலுமா? + சரோஜாதேவி பகுதி 17

 

கேள்வி பதில்கள் :'

நெல்லைத்தமிழன்:

1 திரைப்படப் பாடலை நாம் ரசித்துக் கேட்ட காலம் என்று ஒன்று இருந்தது. இசை, அர்த்தம் எல்லாம் சேர்ந்திருந்தது. நம் காலத்தை இசையமைப்பாளர்கள் பாடலாசிரியர்கள் வளப்படுத்தினார்கள். ஏன் தற்காலத்தில் அப்படிப்பட்டவர்கள் இல்லை? அல்லது நமக்கு ரசிப்புத் தன்மை குறைந்துவிட்டதா?   

# ரசிப்பு தன்மை மாறி வருகிறது என்றுதான் எடுத்துக் கொள்ள வேண்டும். இப்போது தாம் தூம் என்று தாளக்கட்டு மட்டுமே பிரதானமாகவும் இஷ்டம் போல உடம்பை வளைத்து நெளித்து ஆடுவது டான்ஸ் ஆகவும் போய்விட்ட நிலையில் மெலடி பொருள் செறிவு என்றெல்லாம் சினிமா பாடல்களில் தேடுவது பயனற்றது.

2.உங்களுக்கு மிகவும் பிடித்த பத்துப் பாடல்களை வரிசைப்படுத்த இயலுமா?  

# முயற்சிக்கிறேன்.

சிங்கார வேலனே தேவா 

சரவணப் பொய்கையில் நீராடி..

கண்ணன் ஒரு கைக்குழந்தை

பிருந்தாவனமும் நந்த குமாரனும்

கண்களும் கவிபாடுதே‌

சின்னக் கண்ணன் அழைக்கிறான்

ஒரு நாள் போதுமா

மருதமலை மாமணியே

சின்னஞ்சிறு கிளியே 

அமுதும் தேனும் எதற்கு?

& எனக்கும் மேலே உள்ள பாடல்கள் அனைத்தும் பிடிக்கும். இன்னும் சில பாடல்கள் சேர்த்து சொல்லவேண்டும் என்றால் .. 

அழகன் முருகனிடம் ஆசை வைத்தேன் 

கர்ணன் படப் பாடல்கள் எல்லாம் 

காதலிக்க நேரமில்லை படப் பாடல்கள் எல்லாம் 

முல்லை மலர் மேலே மொய்க்கும் வந்து போலே 

பார்த்தேன் சிரித்தேன் பக்கம் வரத் துடித்தேன்  

3.சின்ன வயதில் அப்பா அம்மாவை ஏமாற்றிய சம்பவங்கள் உண்டா? பகிர இயலுமா?  

# உண்டு. காலணா அரையணா கமிஷன்தான்.

& அம்மாவை ஏமாற்றியது உண்டு. எல்லாம் மிட்டாய் மேட்டர்தான்!  

4.எந்த வயதில் உங்களுக்கு பக்தி அல்லது கோயிலுக்குச் செல்லவேண்டும் என்ற எண்ணம் உண்டானது?  

# 15, 16 வயதில்.

& 5 வயதில் 

5. கோயில்களில் பிரசாதம் கொடுப்பதன் காரணம் என்ன? வெளியூரிலிருந்து தரிசனத்திற்கு வருபவர்களுக்கான சிறிய உணவாக அது ஆரம்பமாயிருக்கலாமா?

# இருக்கலாம். மக்களை கோயில் பக்கம் ஈர்க்க பிரசாதம் என்பதை  ஒரு யுக்தியாகவும் பயன்படுத்தியிருக்கலாம்.

& நான் 5 வயதில் கோயிலுக்குச் செல்ல ஆரம்பித்ததே மார்கழி மாத பஜனை பார்த்து, பொங்கல் வாங்கி சாப்பிடத்தான்! 

கீதா சாம்பசிவம் : 

1. இரண்டு திரை நக்ஷத்திரங்களின் சந்திப்பினால் நாட்டுக்கு/மாநிலத்துக்கு என்ன பலன் ஏற்பட்டு விடும்?

# எதுவுமில்லை.  நட்சத்திரப் பைத்தியங்கள் இருக்கும் வரை இந்த மாதிரி பிரச்சாரங்களும் இருக்கும்.

& ஒரு சுக்கும் இல்லை! 

2. இந்தத் திரைப்பட மோகம் தமிழ் மக்களிடமிருந்து போகவே போகாதா?

# திரைப்பட மோகமே பரவாயில்ல என்கிற மாதிரி வேறு ஒரு மோசமான விஷயம் வந்தால் தான் போகும் போலிருக்கிறது. நம்ம கர்மபலன் ! என்ன செய்ய ?

& மக்கள் எல்லோருக்கும் ஞானம் வந்துவிட்டால் போய்விடும். 

3. ஆண் குழந்தையோ, ,பெண் குழந்தையோ சில குழந்தைகள் ஐ பாட், மொபைல் போன் ஆகியவற்றில் காமிக்ஸ், அல்லது வீடியோ கேம்ஸில் மூழ்கி இருப்பது சரியில்லைதான். ஆனால் இந்தக் குழந்தைகளைத் திருத்திக் கொண்டு வருவதில் பெற்றோர் தோல்வி அடைவது ஏன்?

# பிறரைத் திருத்துமுன் உன்னைத் திருத்திக் கொள் -  என்று சொல்வார்கள். பெற்றோர்களே மொபைலில் மூழ்கிக் கிடந்தால் பிள்ளைகள் எப்படி சரியாக முடியும் ?

4. பெற்றோரே குழந்தைகளுக்கு இவற்றைப் பயன்படுத்தச் சொல்லிக் கொடுத்துட்டுப் பின்னால் தடுத்தால் அது சரியா?

#   சரி இல்லைதான்.

5. இதனால் குழந்தைகளின் அறிவு வளர்ச்சி பெறுகிறதா? அல்லது படிப்பில் ஊக்கம் குறைகிறதா?

#   இல்லை.

6. சில பள்ளிகளில் வாரம் ஒரு முறை கணினி அல்லது ஐபாட் மூலம் சில பாடங்களைக் கற்பிக்கிறார்கள் என்பது உண்மையா? இது ஏற்றுக் கொள்ளக் கூடியதா?

#  தெரியவில்லை.  நல்ல முயற்சி என்று தோன்றுகிறது.

& எதிர்காலம் AI கைகளில். எனவே தமெனா போன்றோருக்கு பாவனா போன்ற AI ஆசிரியைகள் கிடைத்தால் அது நல்லதே. 

பானுமதி வெங்கடேஸ்வரன் : 

தீபாவளியில் எதை அதிகம் ரசிப்பீர்கள்?

அ. புத்தாடை                                                                                                                                      ஆ. பட்சணங்கள்                                                                                                                                    இ. பட்டாசு வெடிப்பது                                                                                                                        ஈ. தொலைகாட்சியில் பட்டிமன்றங்கள்                                                                                    உ. தீபாவளி மலர். 

# வாணம், ஆடை, பட்சணம்.

& : ஊ !! (அக்கம் பக்கத்து பெண்குழந்தைகளை!) 

= = = = = = = = = =

படமும் பதமும் :

நெல்லைத்தமிழன் :

கத்தாரில் விலாஜியோ மால் புதிதாக ஆரம்பிக்கப்பட்டது. அதில் எங்கள் குழுமத்தின் கடைகளும் இருந்தன. அந்த மாலில், மாலுக்குள்ளேயே படகில் செல்லும்படியாக நீர் வழித்தடம் அமைக்கப்பட்டிருந்தது. (கத்தார் பெரிய பணக்கார நாடு).  பொதுவாக இந்த மாதிரி மாலுக்குள்ளேயே நீர்வழித்தடத்தைப் பார்த்ததில்லை. 

இதில் படகில் செல்ல 10 ரியாலோ இல்லை 5 ரியாலோ அப்போது. நான் சென்று பார்க்கவில்லை. (தண்ணீர் பட்டு டிரெஸ் ஈரமாகிவிட்டால் என்ற எண்ணம்தான்)

மாலின் ஓரிடத்தில் ஏறி, எந்த இடத்தில் இறங்கிக்கொள்ள வேண்டுமோ அங்கு இறங்கிக்கொள்ளலாம். அவ்வளவு பெரியது அந்த மால். இந்த மாதிரி நீர்த்தடம் கொண்ட மால், துபாயில் கிடையாது. 

= = = = = = = = = =

KGG பக்கம் : 

சரோஜாதேவி தொடர் கதை 

சென்ற வாரம் - சுட்டி : பகுதி 16 : நிச்சயதார்த்தம் 

இனி 

இந்த வாரப் பகுதி. 

பகுதி 17 : வருவாய் வரும் வழிகள் 

நிச்சயதார்த்தம் முடிந்து ஒரு வாரம் கடந்தது. 

ஜயராமன் வீட்டார் மும்முரமாக கல்யாணத்திற்கு வேண்டிய ஏற்பாடுகளை செய்துகொண்டு இருந்தார்கள். 

பாபா ஒவ்வொரு நாளும் அலுவலகம் செல்வதுபோல நாநா வீட்டிற்குப் போய் வேலை பார்த்து வந்தான். 

இருவரும் சேர்ந்து பாவனாவின் உதவியுடன் சில சிறிய கேஸ்களை தீர்க்க காவல் துறைக்கு உதவினார்கள். அருவ வழியும் அவர்களுக்கு உதவியாக இருந்தது. 

ஒருநாள் நாநாவிடம் " நம்ம BE (Banana Enterprises) கம்பெனிக்கு வருமானங்கள் எங்கேயிருந்தெல்லாம் வருகிறது?" என்று கேட்டான். 

நாநா, " பாவனா - நம்ம கம்பெனி வருமான வழிகள் பற்றி பாபாவுக்கு சுருக்கமாக சொல்லு" என்றான். 

பாவனா : " சொல்றேன் பாஸ். அதுக்கு முன்னே நம்ம தமெனா  கேட்ட ஒரு உதவியை சொல்லிவிடுகிறேன். இந்த நவராத்திரி லீவு சமயத்தில் அவங்க ஸ்கூலுல ஒரு டூர் போக ஏற்பாடு செஞ்சிருக்காங்களாம். அதுக்கு விருப்பம் இருப்பவர்கள் ஆயிரம் ரூபாய்  பணம் கட்டி சேந்துகொள்ளலாமாம். தமெனாவுக்கு ஊரெல்லாம் சுத்திப் பார்க்க ஆசையாம். நாநா அண்ணன் கிட்ட சொல்லி பர்மிஷனும் பணமும் வாங்கிக்கொடுங்க அக்கா - என்று நேற்று சொன்னாள் "   

நாநா : " அட ! உல்லாசப் பயணமா! ஓ கே - நிறைய இடங்களை சுற்றிப் பார்த்தால்தான் பல விஷயங்களைத் தெரிந்துகொள்ளலாம். தமெனா நிச்சயம் டூர் செல்லட்டும். தமெனா இன்று இங்கே வரும்போது அவள் போக இருக்கின்ற இடங்கள் என்னென்ன என்பதைத் தெரிந்துகொண்டு, அந்த இடங்களைப் பற்றிய படங்கள், செய்திகள் எல்லாவற்றையும் அவளுக்கு விவரமாக சொல்லு. முன்கூட்டியே விவரங்கள் தெரிந்தால், அந்த இடங்களைப் பார்க்கும்போது சந்தோஷமாகவும், உதவியாகவும் இருக்கும். நான் இப்போதே ஆயிரம் ரூபாயை அறுஷ்காவுக்கு அனுப்பி, பணத்தை தமெனாவுக்காக கட்டிவிட சொல்கிறேன்" 

பாவனா : " ஓ கே பாஸ். இப்போ பாபாவுக்கு விவரங்கள் சொல்கிறேன். பாபா நீ ரெடியா? " 

பாபா : " நான் ரெடி பாவனா. இன்னும் ரெண்டு வயசு கூட முடியாத குழந்தை நீ! எனக்குக் கொஞ்சமாவது மரியாதை கொடுத்து பேசவேண்டாமா?  " 

பாவனா : " அதெல்லாம் முடியாது. என்னுடைய பாஸ் நாநாவை வாடா போடா என்று அழைப்பவர்களை நானும் வாடா போடா என்றுதான் சொல்லுவேன்" 

பாபா : " ரொம்ப உத்தமம் - எதையோ சொல்லிக்க - ராட்சஸி !" 

பாவனா :" சரி - பாபா நம்ம வரலாறு சொல்றேன் கேட்டுக்க. பனானா எண்டர்பிரைஸஸ் தொடங்கியதும், அகில இந்திய அளவில், ஒரு விளம்பரம் செய்தோம். 

 Project : EarnExt Money. 

We invite applications from all individuals who are qualified and are employed. If you want to earn extra income, please send your application to Banana Enterprises Chennai. 

Application form 

Name: 

Mobile number: 

Aadhaar Number:

Address: 

email id:

Current employment: 

Brief summary about the applicant's talents and skills: 

இந்த வகை விளம்பரத்தை அந்தந்த வட்டார மொழியில் வெளியிட்டோம். 

தொடர்ந்து இரண்டு மாதங்களுக்கு ஞாயிற்றுக்கிழமைகளில் வெளியிட்ட இந்த விளம்பரத்திற்கு நல்ல பலன் இருந்தது. "

பாபா : " என்ன பலன்?" 

(தொடரும்)