B + செய்திகள்

50 ஆயிரம் கி.மீ., தூரத்திற்கு புதிய நெடுஞ்சாலைகள் அமைக்க மத்திய அரசு திட்டமிட்டுள்ளது.

கோவிட், கிரியேடிவிடி, சத்ரபதி

20160514 பாஸிட்டிவ் செய்திகள் - கடந்த வாரம்

   

1)  கவிபாரதியின் சேவை.  சிறு வயது, பெரிய மனம்.

    

2)  இப்படிச் செய்யலாமே...  ரொம்ப நல்லதாச்சே...  
    

3)  "....இங்குள்ள டாக்டர்கள் மருந்து துணியையும் மருந்துகளையும் துாக்கி எறிந்தது பற்றி சொன்னபோது உண்மையிலேயே கண்கலங்கிவிட்டேன்.
நான் வேலை பார்த்த காலத்தில் தினமும் ரயில் நிலையத்தின் வாசலில் சில தொழுநோயாளிகளை பார்ப்பேன், உணவிற்கும் தண்ணீருக்கும் அவர்கள் படும் வேதனையை அறிந்தேன்,இவர்களை வீடும் நாடும் புறக்கணிப்பதை உணர்ந்தேன், நாம் ஏதாவது செய்யவேண்டும் என்று எண்ணி ஒய்வு பெற்றதும் தொழுநோயாளிகளுக்கான இல்லத்தை திறந்தேன்.நல்ல உள்ளம் கொண்டவர்கள் இல்லத்திற்கு உதவினர்..."    ஆந்திராமாநிலம் ராஜமுந்திரியைச் சேர்ந்த
சத்தியநாராயணா.

     

4)  அட்சயத்திருதியச் சேவை.  ஆனால், ஒரு நாள் மட்டுமல்ல.

   

5)  கான்ஸ்டபிள் தரம்வீர்சிங்.

    

6)  கடவுளின் பதில்.

    

7)  ஹேமந்த் படேல்.  இவர் போல நம் தமிழ்நாட்டிலும் ஓரிருவர் சேவை செய்கிறார்கள்.   நமது 'பாஸிட்டிவ் செய்திகள்' பகுதியிலும் பகிர்ந்திருக்கிறோம்.

      

8)  ஈன்ற பொழுதின் பெரிதுவக்கும்...  தங்கள் பெற்றோர்களை மகிழ்வித்த குல்தீப், அன்சர் அஹமத்.

    

9)  டாக்டர் ராஜகோபாலின் உன்னதமான மருத்துவச் சேவை.

    

10) திருச்சி வருமானவரி துறையின் இணை இயக்குனராக வருவதற்கு முன் பார்த்த பல்வேறு பொறுப்பான பணிகளில் டில்லி பிரதமர் அலுவலக உதவியாளராக இருந்ததும் ஒன்று. சரியாக எழுத வராது என்று பள்ளியால் நிராகரிக்கப்பட்ட நந்தகுமார் எழுதி கொடுத்ததைத்தான் பிரதமரும், ஜனாதிபதியும் பாராளுமன்றத்தில் பேசினார்கள்.

டிஸ்லெக்சியாவை வென்று சாதனை படைத்திட்ட இவரது தன்னம்பிக்கையை பாராட்டி மதுரை காமராசர் பல்கலைக் கழகம் இவருக்கு கவுரவ டாக்டர் பட்டம் வழங்கி கவுரவித்தது. இதற்காக இவருக்கு சென்னையில் உயிர் அறக்கட்டளை அமைப்பினர் பாராட்டுவிழா நடத்தினர்.

நான் ஏதாவது சாதித்திருக்கிறேன் என்றால் ஒரு விஷயத்தை சொல்லலாம், கடந்த காலங்களில் லட்சத்திற்கு மேற்பட்ட நிராகரிக்கப்பட்ட மாணவர்களை அதாவது சமூகத்தின் பார்வையில் சுமாரான மாணவர்களாக கருதப்படுபவர்கள் மத்தியில் பேசி அவர்களை முன்னேற்ற, அவர்களை உயர்த்த, அவர்களது திறமையை அவர்களுக்கே உணர்த்த பேசிவருகிறேன், அதற்கான பலன் முழுமையாக கிடைக்கும் போது நான் டாக்டர் நந்தகுமாராக வலம்வருவேன், அதுவரை நான் நந்தகுமார் ஐஆர்எஸ் மட்டுமே என்றார். 

நந்தகுமார் என்னும் அற்புத மனிதர்.

     

11)  திருச்செல்வத்துக்குப் பாராட்டுகள்.  

        

====================================================

90 நாட்களில் மரம் வளர்ப்பது எப்படி?

குறுக்கு வழியில் எப்படி முன்னேறுவது என பலரும் சுயநலமாக

யோசிக்கும் மக்களில் மிகவும் வித்தியாசமானவர் அர்ஜுனன்...

மரம் வளர்க்க பல ஆண்டுகளாகும் நிலையில் 90 நாட்களில் மரம் வளர்க்கும் வித்தையை கண்டறிந்த பாராட்டுக்கும்,நன்றிக்கும் உரிய சமூக சேவகர்....

பொதுமக்களின் நலனுக்காக உழைக்கும் இவரைப்பற்றி பதிவதில் நேர்வழி வலைதளம் மிகுந்த மகிழ்ச்சி அடைகிறது. 

90 நாட்களில் மரம் வளர்ப்பது எப்படி? 

‘பனை வைத்தவன் பார்த்துச் சாவான்’ என்பது கிராமத்து சொலவடை. அதாவது ஒரு மரம் தரும் பலனை, வைத்தவன் அனுபவிக்க முடியாது. அவனின் அடுத்த தலைமுறைக்குத்தான் மொத்த பலனும் என்பது அர்த்தம். மரம் வளர்ந்து தளைக்க அத்தனை ஆண்டுகள் ஆகும். இனி இதுபோல ஆண்டுக்கணக்கில் காத்திருக்க அவசியம் இல்லை. நட்ட மூன்றே மாதங்களில் மரம் ரெடி என்று நிரூபித்திருக்கிறார், நெல்லை இராஜவல்லிபுரத்தைச் சேர்ந்த அர்ஜுனன். ‘செப்பறை வளபூமி பசுமை உலகம்’ அமைப்பின் தலைவர் இவர்.

என் சின்ன வயசில அப்பா, அம்மா இறந்திட்டாங்க. உடன் பிறந்தவர்கள் மொத்தம் 13 பேர். வறுமை வாட்டி எடுத்தது. ஒருவேளை சாப்பாட்டுக்கே கஷ்டம். பத்தாம் வகுப்பு வரை படித்தேன். அதற்கே நான் படாதபாடு பட்டேன்" என்று தன்னை அறிமுகப்படுத்திக் கொள்ளும்போதே அர்ஜுனன் கண்களில் சோகம் தெரிந்தது. 

இது வெப்ப பூமி. வருஷம் முழுக்க உஷ்ணம்தான். அதிலேயும் கோடைக்காலத்தில் கேட்கவே வேண்டாம். பாலைவனம் மாதிரி தகிக்கிற வெயில்ல, வெளியில தலை காட்ட முடியாது. அப்படி வந்து வெளியில எட்டிப் பார்த்தீங்கன்னா, மருந்துக்குக்கூட மரத்தைப் பார்க்க முடியாது. பச்சையே எங்கேயும் இல்லாததால மழையும் இல்லை. நான் பாலாமடை அரசுப் பள்ளியிலதான் படிச்சேன். மரம் வளர்க்குறதுல ஆர்வம் வந்ததுக்குக் காரணம், என்னோட பள்ளித் தலைமையாசிரியர் முகம்மது கனி. 

செடி நட்டு, அது மரமாக வளர ஆண்டுக் கணக்காகும். அதனால், மரக்கிளைகளை வெட்டி, நட்டு, மரங்களாக உருவாக்கும் முயற்சி செய்தேன். விதை போட்டு மூன்றாண்டுகளில் வளரக்கூடிய மரக்கன்றுகள், மரக்கிளைகளை வெட்டி நட்டால் 90 நாட்களிலேயே மரமாக வளர்ந்து விட்டன. மரக்கிளைகளை வெட்டி நட்ட ஆயிரம் மரங்கள் இராஜவல்லிபுரத்தைச் சுற்றி உள்ளன. இதை என் சொந்தச் செலவிலேயே செய்தேன். மேலும் எங்கள் ஊர் குளத்துக்கரையைச் சுற்றிலும் பனங்கொட்டைகளை சும்மா விதைத்து வைத்தேன். தற்போது சுமார் 2,000 பனைகள் குருத்துவிட ஆரம்பித்துள்ளன. 

கடந்த மூன்றாண்டுகளில் தன்னார்வத் தொண்டு நிறுவனங்கள், கோயில்கள், தனியார் நிறுவனங்களுக்கு 27 ஆயிரம் மரங்களை இலவசமாக வழங்கியுள்ளேன்" என்கிறார் அர்ஜுனன். 

90நாட்களில் மரம் வளர என்ன செய்ய வேண்டும்? 

*பெரிய மரத்தின் நடுத்தர அளவு உடைய கிளைகளின் கம்புகளை 6 அடி நீளத்தில் வெட்ட வேண்டும். 

*ஒரு சிமெண்ட் கோணிப்பையில் மண் நிரப்பி வைத்துக்கொண்டு, கம்பின் பச்சைத்தன்மை மாறுவதற்குள் நட்டு விட வேண்டும். 

* கால்நடைகளின் சாணம் போன்ற இயற்கை உரங்களே போதுமானது. குறைந்தளவு நீர் ஊற்றிவர வேண்டும். 

* நடப்பட்ட கம்பை அசைக்கவோ, மாற்றவோ கூடாது. கால்நடைகள் இலையை மேய்ந்து விடாமல் பார்த்துக்கொள்ள வேண்டும். இப்படிப் பராமரித்தால், 30 நாள்களில் தளிர ஆரம்பித்து விடும். 90 நாள்களிலிருந்து நிழல் கொடுக்கிற அளவுக்கு மரம் வளர்ந்துவிடும். 

* வேம்பு, அத்தி, மா, பூவரசு போன்ற தமிழக தட்பவெப்ப நிலைக்கு உகந்த அனைத்து மரங்களையும் இம்முறையைப் பயன்படுத்தி வளர்க்கலாம். 

மரம் தேவைப்படும் கிராம பஞ்சாயத்துகள் விரும்பினால், ஒரு கிராமத்திற்கு 1,000 மரங்கள் வரை இலவசமாகக் கொடுக்கத் தயாராக உள்ளேன். தனிநபர்கள் என்றால், பயிற்சி தர தயாராக உள்ளேன்" என்கிறார் அர்ஜுனன். 

தொடர்புக்கு : 97903 95796
www.chepparaivalaboomigreenworld.com

நன்றி:சா. சின்னதுரை (புதிய தலைமுறை பயிற்சிப் பத்திரிக்கையாளர்)

   

பாசிட்டிவ் செய்திகள் இந்த வாரம் 26/8/12 31/8/2012

எங்கள் B+ செய்திகள்! 

 
-விபத்துச் செய்தி இல்லாத நாள் வேண்டும்

    

-கொலை, கொள்ளை, கற்பழிப்பு, கள்ளக் காதல் செய்தி இல்லாத நாள் வேண்டும்
            

-தற்கொலைச் செய்தி இல்லாத நாள் வேண்டும்

              

-நேர்மையாக நடந்த ஒருவர் பற்றிய செய்தியாவது வேண்டும்.  
சென்ற வாரத்து செய்திகளில் இருந்து, இதோ சில B+ செய்திகள்!


சென்ற வாரம் விட்டுப் போன இரண்டு செய்திகள்.

-ஈரோடு மாவட்டம் பவானியில் அந்தியூர்-மேட்டூர் பிரிவில் மளிகைக் கடை நடத்தி வரும் முகம்மது அலி என்பவர் ஆறு மாதங்களுக்கு முன் தனது மளிகைக் கடை முன் வந்து நின்ற மனநிலை பாதித்த ஒருவருக்கு சோறிட, அவர் அங்கேயே தங்கியிருந்திருக்கிறார். அவர் ரம்ஜான் நோன்பு அன்று இறந்து கிடந்ததைப் பார்த்த முகம்மது அலி, ரம்ஜான் தொழுகைக்கு செல்லும் நேரத்தை ஒத்தி வைத்து விட்டு ஆள் உயர மாலை வாங்கி அணிவித்து, முகம் மற்றும் உடலில் சந்தானம் மற்றும் மஞ்சள் பொடி தடவி குளிப்பாட்டி நல்லடக்கம் செய்து விட்டு பின்னர் தொழுகைக்கு புறப்பட்டச் சென்றாராம்.
 
================

-தஞ்சை மாவட்டம், திருக்காட்டுப்பள்ளி அருகே இளங்காடு கிராமத்தில் வசிக்கும் அமுதவல்லி தன் உடன் பணியாற்றும் லூர்துமேரி என்பவருடன் (இருவரும் ஆசிரியைகள்) கடம்பங்குடி கிராமத்துக்கு மொபெட்டில் செல்லும்போது வழிப்பறித் திருடர்கள் வழிமறித்து செயினைப் பறித்துக் கொண்டு ஓடிய திருடர்களை, இவர்களது சத்தம் கேட்டு வயலில் வேளை செய்து கொண்டிருந்தவர்கள் விரட்ட, புதரில் அவர்கள் மறைந்து கொள்ள, புதருக்கு நெருப்பு மூட்டி, அவர்களை வெளிவரவைத்துப் பிடித்தனர் கிராம மக்கள். 
 
=======================

ஞாயிறு

-சமீபத்தில் இலங்கையில் நடந்த 12 வயதுக்குள்பட்டோர் ஆசிய செஸ் போட்டியில் பட்டம் வென்று திரும்பியுள்ளார். 19 நாடுகளைச் சேர்ந்த நூற்றுக்கணக்கானவர்கள் கலந்துகொண்ட இப்போட்டியில் அனைத்து சுற்றுகளிலும் ஒரு தோல்வி கூட பெறாமல் பட்டம் வென்று திரும்பியுள்ளார் வைஷாலி. "5 வயதில். அதாவது யுகேஜி படித்துக் கொண்டிருந்தபோது ஆரம்பித்த பயிற்சி. செஸ் பயிற்சியாளர் தியாகராஜன்தான் குரு. இன்று வரை அவரிடமே பயின்று வருகிறேன். இப்போதுதான் செஸ் கற்றுக் கொள்ள ஆரம்பித்தது போல் தெரிகிறது. 7 வருடம் ஓடிவிட்டது. இப்போது வேலம்மாள் பள்ளியில் 6-ம் வகுப்பு படித்து வருகிறேன். நூற்றுக்கணக்கான போட்டிகளில் பங்கேற்றுவிட்டேன். ஏராளமான ரொக்கப் பரிசுகள், விளையாட்டுப் பொருள்களை பரிசாக பெற்றுள்ளேன். 5 முறை சைக்கிள்களை பரிசாக வென்றுள்ளேன். சென்னையில் இந்த ஆண்டு நடைபெற்ற எஸ்டிஏடி-ஆர்எம்கே 4-வது ஓபன் சர்வதேச கிராண்ட்மாஸ்ட்ர் செஸ் போட்டியில் சிறந்த தமிழக வீராங்கனை விருது வாங்கினேன்" என்கிறார்.
=========================

-கன்னியாகுமரி மாவட்டம், பெத்தேல்புரம் கிராமத்தைச் சேர்ந்தவர் ஜெயக்குமார் மகன் பெவின், 20. பணி நிமித்தமாக தன் அசல் கல்விச் சான்றிதழ்களுடன் உத்தரபிரதேச மாநிலம் செல்ல கடந்த 21ம் தேதி கன்னியாகுமரியிலிருந்து அனந்தபுரி எக்ஸ்பிரஸ் ரயிலில் சென்னை சென்றார். பெவின், தனது கல்விச் சான்றிதழ் பையை ரயில் பெட்டி மேல் அடுக்கில் வைத்திருந்தார். விருத்தாசலம் ரயில் நிலையம் வந்தபோது, சான்றிதழ் வைத்திருந்த பை காணாமல் போனது தெரிந்ததும் அதிர்ச்சியடைந்தார்.இதுகுறித்த புகாரின் பேரில் விருத்தாசலம் ரயில்வே சப்-இன்ஸ்பெக்டர் திருமாவளவன் விசாரித்து வந்தார்.

இந்நிலையில், அன்று இரவு கடலூரிலிருந்து விருத்தாசலம் வந்த (தடம் எண். 219) அரசு பஸ்சில் ஒரிஜினல் கல்விச் சான்றிதழ்களுடன் கிடந்த பையை, முத்தாண்டிக்குப்பம் டிரைவர் செல்வமணி கண்டெடுத்தார். சான்றிதழில் இருந்த விலாசத்தை வைத்து கன்னியாகுமரிக்கு நேரில் சென்று மாணவர் பெவினிடம் சான்றிதழ் பையை ஒப்படைத்தார்.தனது சான்றிதழ் கிடைத்து விட்டதாக பெவின், விருத்தாசலம் ரயில்வே போலீசாருக்கு தெரிவித்தார். அதையடுத்து ரயில்வே சப்-இன்ஸ்பெக்டர் திருமாவளவன் மற்றும் போலீசார், அரசு பஸ் டிரைவர் செல்வமணியை அழைத்து பாராட்டினர். பையை திருடிய மர்ம நபர், அதில் பணம் ஏதும் இல்லாததால் பஸ்சில் போட்டு விட்டுச் சென்றது விசாரணையில் தெரிய வந்துள்ளது.

===========================

டயட் என்றால், சில குறிப்பிட்ட பொருட்களை எப்போதுமே சாப்பிடாமல் இருப்பது என்பதாகும். அதாவது அதிக கலோரிகள் நிறைந்த உணவை தவிர்ப்பதே டயட். ஆனால், இதனை சொல்லிக் கொள்ள வேண்டும் என்றால் பந்தாவாக இருக்குமேத் தவிர, பின்பற்றுவது அதிக சிரமம். நமக்குப் பிடித்த உணவுப் பொருளை சாப்பிடாமல் தவிர்ப்பது எளிதான காரியமா சொல்லுங்கள்.

 ஆம், இதே கவலைதான் எனக்கும் என்று சொல்பவர்களுக்காகவே புதிய டயட் முறை அறிமுகமாகியுள்ளது. அதாவது, ஒரு நாள் விட்டு ஒரு நாள் டயட்டில் இருப்பது.இந்த முறையில், வாரத்தில் ஒருநாள் தேவைப்படுவதை விட மிகக் குறைந்த அளவு உணவை எடுத்துக் கொள்வது, அடுத்த நாள் நல்ல உணவுகளை சாப்பிடுவது என்பதுதான்.


இதன் மூலம் பல்வேறு நோய்களையும் குணப்படுத்தலாம் என்றும், நீண்ட காலம் வாழலாம் என்றும் கூறப்படுவதால் தற்போதைய இளைஞர்களிடையே இது அதிக வரவேற்பைப் பெற்றுள்ளது.

==============================

மும்பை :  ஆன்லைனில் ரயில் டிக்கட் முன்பதிவு செய்பவரா நீங்கள்?  அப்படியானால், அதில் நொந்துநூலான அனுபவம் உங்களுக்கு இருக்கும். இதில் உள்ள சிக்கலை போக்க புது திட்டத்தை, ஐஆர்சிடிசி அமைப்பு அறிமுகப்படுத்த உள்ளது. இதன் பெயர் ‘ரோலிங் டெபாசிட் ஸ்கீம்’ (ஆர்டிஎஸ்).

இதில் சேர்ந்து டெபாசிட் செய்தால் போதும்; ரயில் டிக்கட் புக்கிங் செய்யும் போது, வங்கி கேட்வேக்கு போக வேண்டாம். பாஸ்வேர்டு பதிவதில் தவறு செய்து மாட்டிக்கொள்ள வேண்டாம். ஆன்லைன் புக்கிங்கில் தாமதமாகி, வங்கி கணக்கில் இருந்து பணமும் ஐஆர்சிடிசி.க்கு மாறி, கடைசியில் டிக்கட் கிடைக்காமல் ‘டிரான்சாக்ஷன் பெயில்டு’ என்று வருவதும் இனி நடக்க வாய்ப்பில்லை. ஐஆர்சிடிசி வெப்சைட்டிலேயே எல்லாவற்றையும் முடித்து கொண்டு விடலாம். இந்த திட்டத்தின் அம்சங்கள்:

* ஐஆர்சிடிசி வெப்சைட்டில் போய் பதிவு செய்ய வேண்டும். 
* ஆரம்பத்தில் குறிப்பிட்ட பணத்தை டெபாசிட் பண்ண வேண்டும். 
* ரயில் டிக்கட் முன்பதிவு செய்யும் போது, வங்கி கேட்வேக்கு போகாமல், இதில்  இருந்தே பணத்தை  எடுத்து கொள்ளும். 
* ஒவ்வொரு புக்கிங்கின் போதும் பயன்படுத்த டிரான்சாக்ஷன் பாஸ்வேர்டு, தனி ‘பின்’ நம்பர் தரப்படும். 
* அதை பயன்படுத்தி டிக்கட் முன்பதிவு செய்ய வேண்டும். 
* டெபாசிட் பணம் குறைந்தால், உடனே ‘டாப் அப்’ செய்யும் வசதியும் உண்டு. 
  திட்டத்தின் பலன்கள்:
* டிக்கட் முன்பதிவு செய்யும் போது வங்கி கேட்வேக்கு போகவே வேண்டாம். 
* அதனால் வங்கிக்கு செலுத்த வேண்டிய கட்டணம் மிச்சம். 
* ஐஆர்சிடிசியில் இருந்தே பணத்தை  எடுத்து கொள்வதால் தாமதம் இன்றி முன்பதிவு செய்ய வழி  ஏற்படும். 
*  டிக்கட் கேன்சல் ஆனாலும், பெயில்டு என்று வந்தாலும், மறுநாளே ரீபண்ட் பணம் இந்த டிபாசிட்டில் சேர்ந்து விடும். (தினகரன்)

பாசிட்டிவ் செய்திகள் இந்த வாரம் 19/8/12 To 25/8/12

           

எங்கள் B+ செய்திகள்! 

    

-விபத்துச் செய்தி இல்லாத நாள் வேண்டும்

    

-கொலை, கொள்ளை, கற்பழிப்பு, கள்ளக் காதல் செய்தி இல்லாத நாள் வேண்டும்
            

-தற்கொலைச் செய்தி இல்லாத நாள் வேண்டும்
              

-நேர்மையாக நடந்த ஒருவர் பற்றிய செய்தியாவது வேண்டும்.  

சென்ற வாரத்து செய்திகளில் இருந்து, இதோ சில B+ செய்திகள்!  
         
ஞாயிறு   

கே கே நகர் ஆற்காடு சாலையில் அனாதையாகக் கிடந்த இரண்டாயிரம் ரூபாய்ப் பணத்தை தனியார்க் கல்லூரி மாணவிகள் கிருத்திகா, ஜூலியன் ஷாலினி இருவரும் (எவ்வளவு பணம் என்று எண்ணிப் பார்க்காமல்) அருகிலிருந்த காவல் நிலையத்தில் ஒப்படைத்தனர்.

----------------------------------

அசாம் கலவரத்தில் அம்மாநில மக்கள் ஊர் திரும்பிச் செல்ல வேண்டாம் என்று சொன்ன தமிழக அரசு அம்மக்களுக்கு பாதுகாப்பு தர தமிழ்நாடு காவல் துறையை முடுக்கி விட்டிருந்தது. போலீசார் கனிவாகப் பேசுகிறார்களா என்பதை ஒரு வேற்று மாநிலத்தவர் போல குரலை மாற்றிப் பேசி, சென்னை  டி ஜி பி  ராமானுஜம் சோதனை செய்து,  கனிவாகப் பேசிய சப் இன்ஸ்பெக்டர் பாலகிருஷ்ணன், ஏட்டு ரமணி இருவரையும் பாராட்டி ஆயிரம் ரூபாய் பரிசுப் பணமும் கொடுக்கப்பட்டது.   

-----------------------------------------

திங்கள்

மாட்டுக்குக் கொம்பு சீவும், வர்ணம் பூசுவோர் ஒருநாளைக்கு 2,500 To 3,000 ரூபாய் வரை சம்பாதிக்கின்றனர். என்ஜினீரிங் படித்து விட்டு சம்பாதிப்பதை விட இது அதிகம்தான் என்கிறது தினமலர்.

-----------------------------------           
                  

படிக்க வாய்ப்பில்லாதோருக்கு இரவில் சொல்லிக் கொடுக்கப்படும் பள்ளியில் படிக்கச் சென்ற சிறுமி தானே மேலும் சில சிறுமிகளை சேர்த்து சாதனை செய்துள்ளார். இடம் புளியந்தோப்பு சாஸ்திரி நகர். சிறுமி பெயர் லக்ஷ்மி.      

---------------------------------------

செவ்வாய்  

வெயிலில் ஒரு மூதாட்டி இறந்ததைக் கண்ணால் கண்ட, விருதுநகருக்கு அருகே உள்ள சேத்தூரைச் சேர்ந்த வெற்றிலை வியாபாரி தலைமலை கடந்த இருபது ஆண்டுகளாக காந்தி ஜெயந்தி, சுதந்திர தினம் ஆகிய நாட்களில் மரக்கன்றுகளை வைத்து, வளர்த்து, பராமரித்து வருகிறார். இவரது சேவையை பாராட்டி குஜராத், தமிழக அரசுகள் விருது வழங்கியுள்ளன. வருமானத்தில் பாதியை, மரக்கன்றுகள் வளர்ப்பதற்கு செலவிடுகிறார். தேவதானம் நச்சாடை தவிர்தருளிய சுவாமி கோயில் பூஜைக்கு தேவையான பூக்களுக்காக, ஒரு தோட்டத்தை அமைத்துள்ளார்; அருகில் 120 மரக்கன்றுகளையும் பராமரித்து வருகிறார். மரக்கன்றுகளையும் இலவசமாக தருகிறார். 93632 62808 என்ற எண்ணில் தொடர்பு கொள்ளலாம்.   

-----------------------------------------

சென்னை எழிலகத்தில் கடந்த ஜனவரி மாதம் 16 - ம் தேதி அதிகாலை பெரிய அளவில் தீ விபத்து ஏற்பட்டதை யாரும் மறந்திருக்க முடியாது. அப்போது சென்னை மத்திய கோட்ட தீயணைப்பு அதிகாரி பிரியா ரவிச்சந்திரன் உள்ளே நுழைந்து கோப்புகளை பாதுகாக்க முயல, எதிர்பாராதவிதமாக தீயில் சிக்கி உடல் முழுவதும் பலத்த தீக்காயங்களுடன் உடன் இருந்த அதிகாரிகளால் காப்பாற்றப்பட்டார். இந்தியாவின் முதல் பெண் கோட்ட தீயணைப்பு அதிகாரியான இவர், இன்று வரை தீக்காயங்களுக்காக சிகிச்சை எடுத்து வருகிறார். இந்நிலையில் பிரியா ரவிச்சந்திரனின் வீர தீர செயலை பாராட்டி அவருக்கு ஜனாதிபதி விருது கொடுக்க மத்திய அரசு முடிவு செய்திருக்கிறது.          

---------------------------------------------

வியாழன் 

குழந்தைகள் முதல் பெரியவர்கள் வரை அனைவருக்கும் உதவுவதையே தன்னுடைய லட்சியமாகக் கொண்டிருக்கிறார் ராமு. பொதுவாக பணியிலிருந்து ஓய்வு பெற்றுவிட்டால், நட்பு, உறவு என எல்லாவற்றிலிருந்தும் ஒதுங்கிக் கொண்டு தன்னைச் சுருக்கிக் கொண்டுவிடுபவர்களே அதிகம். இவரோ, வங்கியிலிருந்து ஓய்வு பெற்றபிறகுதான் சமூகப் பணிகளில் இளைஞரின் ஆர்வத்தோடும் வேகத்தோடும் தன்னை ஈடுபடுத்திக் கொண்டிருக்கிறார். "தாய் இல்லம்' சமூக சேவை தன்னார்வத் தொண்டு நிறுவனத்தின் மூலம் தாய் உள்ளத்தோடு சமூகப் பணிகளை ஆற்றிவரும் ராமு திருவண்ணாமலை மாவட்டத்திலுள்ள, தச்சம்பட்டு என்ற சிறிய கிராமத்தில் விவசாயக்குடும்பத்தில் பிறந்து, சென்னையில் உள்ள பச்சையப்பன் கல்லூரியில் மு.வ., மற்றும் அன்பழகனாரிடமும் படித்து 1957-ல் இந்தியன் ஓவர்சிஸ் வங்கியில் தற்காலிக ஊழியராகச் சேர்ந்து, படிப்படியாக பதவி உயர்வு பெற்று, உதவி தலைமை மேலாளராகி 1994-ல் ஓய்வு பெற்றவர். 

               

இரண்டு கண்களும் தெரியாத, டாக்டர் வில்லியம் டேவிட் என்பவர் வண்டலூரில் நடத்திவந்த சமூக சேவை நிலையத்தில் 30 ஆண்டுகளாக ஈடுபட்டு பல சேவைகளை அவருடன் சேர்ந்து செய்து, அவரின் மறைவுக்குப் பின், அந்த அமைப்பின் தலைமைப் பொறுப்பேற்று, சுமார் ஓர் ஏக்கர் பரப்பில் அமைந்துள்ள அந்த சமூக சேவை மையத்தில் அனாதை குழந்தைகள் பராமரிப்பு, 200 குழந்தைகள் படிக்கும் பள்ளி பராமரிப்பு, மெழுகுவர்த்தி, ஊதுபத்தி செய்தல், இலவச கணினிப் பயிற்சி போன்ற சேவைகளைச் செய்து, தன் தொடர்ச்சியாக "தாய் இல்லம்' சமூக சேவை அறக்கட்டளை என்னும் தொண்டு நிறுவனத்தை சென்னை, அண்ணாநகரில் கடந்த 2005-ஆம் ஆண்டு பதிவுசெய்து, அதன் சேவை மையத்தை திருவண்ணாமலை மாவட்டம் தச்சம்பட்டு கிராமத்தில் நடத்தி வருகிறார்.   

----------------------------------------------

வெள்ளி    

 

மூத்தோர் சர்வதேச தடகள போட்டி இலங்கை தலைநகர் கொழும்பில் சமீபத்தில் நடந்தது. இதில் இந்தியா சார்பில் கலந்துக் கொண்ட திருத்தணியை சேர்ந்த 86 வயதான பி.நடேச ரெட்டி 4 தங்கப்பதக்கத்தை வென்று அசத்தி விட்டார்.. 85 முதல் 89 வயதுக்குட்பட்டோருக்கான பிரிவில் பங்கேற்ற அவர் சங்கிலி குண்டு எறிதலில் 8.98 மீட்டர் தூரம் வீசி முதலிடமும், வட்டு எறிதலில் 19.50 மீட்டர் தூரம் எறிந்து முதலிடமும் பெற்றார். இதே போல் குண்டு எறிதல் (7.10 மீட்டர்), ஈட்டி எறிதலிலும் (15.90 மீட்டர்) அவரை யாராலும் முந்த முடியவில்லை. சாதனைகளுக்கு வயது ஒரு தடையல்ல என்பதை நிரூபித்து வரும் நடேச ரெட்டி கடந்த 15 ஆண்டுகளாக பல்வேறு போட்டிகளில் பங்கேற்று மொத்தம் 65 பதக்கங்களை குவித்துள்ளார். தமிழக அரசின் சிறந்த விளையாட்டு வீரர் விருதினையும் பெற்றிருக்கிறார்.   

                 

உடலில் தெம்பு இருக்கும் வரை தொடர்ந்து விளையாடுவேன் என்று நம்பிக்கையுடன் கூறும் நடேச ரெட்டி தற்போது திருத்தணியில் உள்ள தளபதி கே.வினாயகம் மெட்ரிக் பள்ளியில் கைப்பந்து பயிற்சியாளராக உள்ளார்.  (முகப் புத்தகத்திலிருந்து)    

----------------------------------------------------

சனி

திருப்பூர் ஊத்துக்குளி ரோட் ரயில்வே சுரங்கப் பாலம் கட்டுவதற்காக அங்கிருந்த 75 வயது வேம்பு-அரச மரம் வேரோடு பெயர்க்கப் பட்டு கண்டெயினரில் எடுத்துச் செல்லப் பட்டு நிப்-டீ கல்லூரி வளாகத்தில் நடப்பட்டது. (தினமலர்)  

----------------------------------------------------

காற்றாலைகள் வேகத்தால் மின்வெட்டு கொஞ்சம் குறைக்கப் பட்டுள்ளதாம்.(தினமலர்)

----------------------------------------------------

இளைய கலைஞரின் இனிய முயற்சி...

          

இரண்டு நாட்கள் முன்பு நடந்த ஏர்டெல் சூப்பர் சிங்கர் ஜூனியர் ஓயரிவில் பாடிய கவுதமின் பாடல் பகிர்வு. வாசகர்களுக்கு மூன்று கேள்விகளில்,  தான் சமீபத்தில் கண்கலங்கிய அனுபவமாக ஹாரி பாட்டர் குறிப்பிட்டிருக்கும் பாடலும் இதுவே! கேட்டு அழவும்!