நாற்பத்து ஒன்று முதல் ஐம்பது வரை ...

                   

வாசகர்கள், எங்கள் ப்ளாக் வெளியிட்ட, முந்தைய பதிவுகள்,

              

1) நீங்கள் எப்படிப் பட்டவர்?   

2) என்ன பதில்? எவ்வளவு பாயிண்டுகள்?  

                  

ஆகிய இரண்டு பதிவுகளை படித்து, பாயிண்டுகளைக் கணக்கிட்டு வைத்திருப்பீர்கள் என்று நினைக்கின்றோம். 

                         

நீங்கள் பெற்ற பாயிண்டுகள், நாற்பத்து ஒன்று முதல் ஐம்பது வரையில் என்றால் - உங்கள் நண்பர்களால் நீங்கள் எப்படிப் பார்க்கப் படுகின்றீர்கள் என்பதை இங்கே பார்ப்போம். 

      

சுவாரஸ்யமான, உவகையூட்டுகின்ற, ஊக்கம் குன்றாத, இனிய மனிதர். உங்களை நண்பராக அடைவதற்கு எல்லோரும் விரும்புகிறார்கள். 'துரு துரு, சுறு சுறு' என்பதெற்கெல்லாம் விளக்கம் கேட்டால் உங்கள் நண்பர்கள் உங்களைத்தான் சுட்டிக் காட்டுவார்கள். 

            

அதோ அங்கே என்ன கூட்டம்? கூட்டமாக அமர்ந்து யார் பேசுவதை அப்படி உற்சாகமாக, ரசித்துச் சிரித்துக் கேட்டுக் கொண்டிருக்கிறார்கள்? நடுவே அமர்ந்து இப்படி எல்லோரும் ரசிக்கும்படிப் பேசிக் கொண்டிருப்பவர் யார்? அட! அது நீங்கள்தான்! 

               

ஆனால் இவ்வளவு இருந்தாலும், துளிக்கூட அகம்பாவமோ, கர்வமோ இல்லாமல் இருப்பது, உங்களுக்கு மட்டுமே சாத்தியம்! 

                   

உங்கள் நண்பர்கள் உங்களை பரிவு, பாசம், புரிந்துணர்வு மிக்கவராக, உற்சாகமூட்டக் கூடியவராக, எந்த சந்தர்ப்பத்திலும் தங்களுக்கு உதவக் கூடியவராகப் பார்க்கின்றார்கள்.