வெள்ளி வீடியோ : ஏழேழு ஜென்மம் இந்த அண்ணன் தங்கை சொந்தம் வேண்டும்

     அண்ணன் தங்கை செண்டிமெண்ட் 
பாசமலரில்தான் அமோகமாகத் தொடங்கியதா?  இருக்கலாம்.  தங்கை பற்றி அண்ணன் பாடும் பாடல்கள் இந்தப் படத்தில் இரண்டு பாடல்கள்.  ஒன்று மிகப்பிரபலமான  மலர்ந்தும் மலராத (ஆபேரி ராகம்?) பாடல்.   இரண்டாவது மலர்களைப்போல் தங்கை உறங்குகிறாள்.  இரண்டையும் ரசிக்காதவருண்டா?

     அடுத்து நான் சொல்லும் பாடலும் ஜிவாஜி (நன்றி கீதாக்கா) பாடல்தான்.  படமே அண்ணன் ஒரு கோவில்!  மல்லிகை முல்லை... பொன்மொழிக் கிள்ளை...  ஒரு மாறுதலுக்கு இதில் அண்ணனைப் பற்றி தங்கை பாடும் பாடலும் உண்டு! அண்ணன் ஒரு கோவிலென்றால்... தங்கை ஒரு குளம்.. மன்னிக்கவும் தீபம் அன்றோ...  சுமாரான பாடல் -  தங்கை படத்தில் வரும் பழைய சுசீலா பாடலோடு ஒப்பிடும்போது!

 

     இன்னும் சில ஜிவாஜி (நன்றி கீதாக்கா) பாடல்கள்.  எதையும் தாங்குவேன் அன்புக்காக.. நான் இதையும் தாங்குவேன் தங்கைக்காக..  இமைகள் வாழ்வதே கண்ணுக்காக.. என் இதயம் வாழ்வதே தங்கைக்காக..  (அழகான வரிகள் இல்லை?)

     

     நான் வாழவைப்பேன் படத்தில் எந்தன் பொன்வண்ணமே
 

     என் தம்பி என்று படத்தின் பெயராக இருந்தாலும் அதில் சின்னத் தங்கையைப் பார்த்து ஜிவாஜி (நன்றி கீதாக்கா)   டி எம் எஸ் குரலில் பாடும் முத்துநகையே பாடல் எனக்கு மிகவும் பிடித்த பாடலாகும்!  தங்கை படத்தில் மறக்க முடியாத "தண்ணீரிலே தாமரைப்பூ.."..   இந்தப் பாடலில் டி எம் எஸ் ஆரம்பிக்கும் ம்ம்ம்ம்...  ம்ம்ம்... தான் எவ்வளவு உருக்கம்..    இந்தப் படத்தில் சுசீலா குரலில் அண்ணனைப் பற்றி பாடும் மிக இனிமையான தாயின் முகமிங் நிழலாடுது பாடல் எனக்கு மிகவும் பிடிக்கும்.  மிகவும் என்றா சொன்னேன்?  மிக மிக மிக மிகப் பிடிக்கும்!

     எம் ஜி ஆர் 'என் தங்கை' என்று ஒருபடத்தில் நடித்திருந்தார். பாட்டு எதுவும் நினைவில்லை.  ஆனால் எம் ஜி ஆர் படத்தில் இரண்டு பாடல்கள், இல்லை இல்லை மூன்று பாடல்கள் சட் சட்டென நினைவுக்கு வருகின்றன.  பூமழை தூவி ( இதற்கு ஹிந்தியில் கிஷோர் குரலில் பாடல்.  காட்சியில் ராஜேஷ் கன்னா),  திருநிறைச்செல்வி மங்கையர்க்கரசி,  ஒரு கொடியில் இரு மலர்கள்...

     ராஜேந்தரை மறக்கலாமா?  தங்க நிலவே உன்னை உருக்கி... (இதே படத்தில் தங்கை மகனை [சிம்பு!!] பார்த்து எஸ் பி பி குரலில் ராஜேந்தர் வாயசைக்கும் "தோள் மீது தாலாட்ட "  [சம்பந்தம் இல்லை என்றாலும்] பாடல் ஒரு இனிமை).  ஆனால் ஒன்று. ராஜேந்தர் பாடல்களில் வரிகள் சந்தங்களுக்குள் இடமில்லாமல் அடைந்து கிடைக்கும்!

 

     அப்புறம் கே எஸ் ரவிக்குமார் படத்தில் அழகான சின்ன தேவதை.... 

     பாசப்பறவைகள் படத்தில் தென் பாண்டித் தமிழே....   இளையராஜா!

     ஜெய்சங்கர் படத்தில்  கண்ணனின் சன்னதியில்...   ரொம்பப் பிடிக்கும்.  இதே பாடல் இரண்டாவது ஜெயச்சந்திரன் பாடியது.  இது கே ஜே யேசுதாஸ்.  இன்னொரு மிக முக்கியமான இனிமையான பாடல் மறந்து விட்டேனே..  உயிரா மானமா படத்தில் வரும் "கொடியில் இரண்டு மலருண்டு..."

     அப்புறம் ராஜராஜேஸ்வரி என்னும் படத்தில் வரும் இந்தப்பாடல்.  சற்றே சோகம் கலந்தது.. முத்துராமன்.  சோகத்தில் முடி வெட்டாமல் இருக்கிறாரோ!  "என் கண்ணின் மணியே..."

     விஜய் படத்திலிருந்து இரண்டு பாடல்கள் ஆனந்தக் குயிலின் பாட்டு (அழகான ஷாலினி), ரத்தத்தின் ரத்தமே...

     உலக்கை நாயகன் (நன்றி கீதாக்கா)  (நன்றி நெல்லை!  திருத்திட்டேனே...) படங்களில் இந்தத் தங்கைசெண்டிமெண்ட் ஒரு பாடலுமே நினைவுக்கு வரவில்லை.  ஆமாம் அவர் இல்லுமினாட்டியாமே...  இ பு ஞா சொல்லியிருக்கிறார்...!

     நாகேஷுக்கு ஒரு பாட்டு சொல்லணுமே...  கல்யாணச் சாப்பாடு போடவா... 
 

     சரிங்க தோழர், போன வாரம் ஹிந்திப் பாடல் பகிர்ந்தீர்களே... இந்த வாரம் இல்லையா? என்று அதிரா. ஏஞ்சலின், நெல்லை ஆகியோர் ஆவலுடன் ( !!! ) கேட்பது காதில் விழுகிறது.  சட்டென நினைவுக்கு வரும் இரண்டு கிஷோர் குமார் பாடல்களை மட்டும் சொல்லிச் செல்கிறேன்.  ஒன்று ஹரே ராமா ஹரே கிருஷ்ணா படத்தில் வரும் என் தங்கை ஆயிரத்தில் ஒருவள் என்று பூக்களும் நட்சத்திரங்களும் சொல்லும் (என்ன ஒரு பாடல் தெரியுமா?  நான் அடிக்கடி பாடி அருகிலுள்ளவர்களை பயமுறுத்தும் பாடல்!) என்னும் பாடலும், தோங்கீ  படத்தில் வரும் முத்து முத்தான கண்ணீர்த்துளிகளை விரயம் செய்து ஏன் அழுகிறாய் சகோதரி?  இந்த முத்துக்களின் விலை அன்புதான்" எனும் பாடலும்!  (ஹிந்திப் பாடல்களை யாராவது கேட்டீர்களா என்று பின்னூட்டத்தில் விவரம் சொல்லவும்!) 


     அப்புறம் ஒரு ரஜினி நடிக்கும் காட்சி.  பைரவி படத்தில் நண்டூறுது நரியூறுது... இளையராஜாதானே இசை?  டி எம் எஸ் குரலில் 
 

     

     ரஜினி படத்தில், இளையராஜா இசையில் மலேஷியா வாசுதேவன் குரலில் மிக அற்புதமான பாடல் ஒரு தங்க ரதத்தில்...   ரொம்பப் பிடித்த பாடல்.
 

     இன்று நான் பகிரப்போகும் பாடல்தான் அடுத்த பாடல்...  நான் சிவப்பு மனிதன் படத்தில் இடம்பெறும் வெண்மேகம் விண்ணில் நின்று கண்ணே இன்று பன்னீர் தூவும்... செவ்வானம் மண்ணில் வந்து மஞ்சள் நீராட்டும்.. வரிகளுக்காகவும் ரசிக்கலாம்.  இளையராஜாவின் அருமையான இசைக்காகவும் ரசிக்கலாம். எஸ் பி பாலசுப்ரமணியத்தின் இனிமையான குரலுக்காகவும் ரசிக்கலாம்.  அவரவர் சகோதரியை நினைத்தும் ரசிக்கலாம்.  சரிதானே கில்லர்ஜி?  ஏழேழு ஜென்மம் இந்த அண்ணன் தங்கை சொந்தம் வேண்டும்..  எந்நாளும் எந்தன் பக்கம் தாயே நீ வேண்டும்...

     ஆனால் ஒன்று... திருமணத்துக்குமுன் அண்ணன் என்றும் தங்கை என்றும், தம்பி என்றும் ஒரே வீட்டில் சேர்ந்து வாழும் நாம், திருமணத்துக்குப்பின் எங்கெங்கோ பிரிந்து, வெவ்வேறு இடங்களில், வெவ்வேறு மனநிலையில் பாசம் குறைந்து போகிறோமோ?

     ஒரு பாடலை மட்டும் இங்கேயே பார்க்கப் பகிர்ந்திருக்கிறேன்.  மற்ற பாடல்களின் லிங்க் அந்தந்த வரிகளில் சேர்த்திருக்கிறேன்.  "எனக்கு 'இந்த'ப் பாடலை விட 'அந்த'ப் பாடல் பிடிக்குமே..." என்று சொல்லும் நண்பர்களுக்கு...   விரும்பும் பாடலின் வரிகளைத் தொட்டு "அங்கே" என்று அந்தப் பாடல்களையும் உங்கள் ரசனைக்கேற்ப நீங்கள் ரசிக்கலாம்.

     பின்குறிப்பு :   அண்ணன் என்று "ரைப்" (நன்றி அதிரா) அடித்தால் கூகிள் அன்னான் அன்னான் என்று வருவது ஒரு பயங்கரக் கடுப்பு (கடுப்ஸ்).  எவ்வளவு திருத்தங்கள் செய்யவேண்டியிருந்தது!

லாயல்டியா...  நோ...  கீதா இது அடுக்ஸ்ஸாது!

மாரித்தவக்கைக்கு நெல்லை சொல்லியிருக்கும் விளக்கம் சரியா அதிரா அவர்களே?


நன்றி Youtube.




தமிழ்மணத்தில் வாக்களிக்க இங்கு க்ளிக் செய்து வாக்களிக்கலாம்.