"திங்க"க்கிழமை 180709 : கத்தரிக்காய்ப் பொரிச்ச கறி - அதிரா ரெஸிப்பி

கத்தரிக்காய்ப் பொரிச்ச கறி... 

ஸ்ஸ்ஸ்ஸ் டோண்ட் டச்சூஊஊஊ:) இது என் க.பொ.கறி விற்ற காசாக்கும்:)) 

இலங்கையில், குறிப்பா யாழ்ப்பாணத்தில்  எந்தக் கொண்டாட்டமாயினும் இந்தக் கறி நிட்சயம் இருக்கும். இதில் கடலை போடுவதென்பது அவரவர் விருப்பம், மற்றும்படி வீட்டு விஷேசங்களில் இக்கறி முதலிடம் பிடித்து விடும்.

சரி சரி நான் ஓவராக அலட்டமாட்டன் எனக்கு ரைம் இல்லை:) அதனால ஸ்ரெயிட்டா வகுப்புக்குள் போயிடலாம்..

இன்று படம் பார்த்தாலே புரிந்துவிடும் தானே? இதில் கொண்டைக்கடலை சேர்த்திருக்கிறேன், கறியின் அழகுக்காக,  கொஞ்சமாக சேர்த்தால் போதும், இல்லை எனில் கடலைக்கறிபோல ஆகிடும். இது கத்தரிக்காயின் அளவைப் பொறுத்து கொஞ்சமா சேர்க்க வேண்டும், இடையிடையே கடலை தெரிய வேண்டும்.  7,8 மணித்தியாலங்கள் ஊற வைத்து எடுத்துக் கொள்ளுங்கள், 

மற்றும் வெங்காயம், பச்சை மிளகாய், உள்ளி, பழப்புளி கொஞ்சமாக தேவைப்படும்... கரைத்து எடுத்திருக்கிறேன்.. இதனோடு கொஞ்சம் பால்[விரும்பாது விட்டால் சேர்க்காமலும் விடலாம்] +உப்பு[இது சொல்லத் தேவை இல்லைத்தானே?:)]

இந்தக் கறிக்கு பெரும்பாலும் கத்தரிக்காயை அரை வட்டமாகத்தான் வெட்டுவது வழக்கம், சிலர் மெல்லிசா, ஒரு இஞ்சி நீளமாகவும் வெட்டுவினம். இரண்டையும் தனித்தனியே நன்கு பொரித்து எடுத்துக் கொள்ளோணும்.  

இன்னும் சிலர் வெங்காயம் மிளகாய் உள்ளியையும் பொரித்து எடுத்து கறி வைப்பார்கள், நாங்கள் எதுக்கு எண்ணெய் என இப்படி கொஞ்சம் எண்ணெய் விட்டு வெங்காயம், மிளகாய்.. உள்ளியை வதக்கி வதங்கியதும் அதில் கறிப்பவுடர் சேர்த்து வதக்குவோம். இதில் நம் கறிப்பவுடர் என்பது... மிளகாய், மல்லி, சின்ன சீரகம், பெரிய சீரகம், மிளகு, மஞ்சள் எல்லாம் சேர்த்து வறுத்து அரைத்த பவுடர்.  இப்படி எண்ணெயிலேயே தூளைப்போட்டு வதக்கும்போது ஒரு வித்தியாசமான சுவை கிடைக்கும்.

பின்பு அதனுள் புளிக்கரைசலையும் விட்டு உங்கள் கத்தரிக்காயின் அளவுக்கு தண்ணியும் சேர்த்து கொதிக்க விடவும். அதிகம் தண்ணி சேர்க்கக்கூடாது பின்பு கறி தண்ணியாகிடும். உப்புச் சேர்த்துக் கொள்ளுங்கள்.

கொதித்து தடிப்பானதும், கொஞ்சம் பால் சேர்க்கவும்[முதல்பால்]

இப்போ கடலையை முதலில் கொட்டி ஒரு 2 நிமிடமாவது கொதித்ததும், பின்பு கத்தரிக்காயையும் கொட்டிப் பிரட்டவும்..

அப்படியே பொரிந்ததுபோல திரண்டு வந்ததும், உங்களிடம் இருந்தால் கறிவேப்பிலையை இலை இலையாகப் போட்டுப் பிரட்டி இறக்கி விடவும்[என்னிடம் அன்று இருக்கவில்லை].

ஆவ்வ்வ்வ் அதிராஸ் ஸ்பெஷல் கத்தரிக்காய்ப் பொரிக்கறி ரெடீஈஈஈ:))

ஊசி இணைப்பு:

ஊசி இணைப்புப் போடாவிட்டால் ஏதோ பாயாசம் குடிக்காத மாதிரி ஆகிடுது:).. இது என்ன தெரியுதோ? அந்த வீட்டின் மேலே தெரிவது அம்புலிமாமா:))[நிலவு என்றால் பெண் என்கிறார்கள்:), அம்புலி என்றால் மாமா என்கிறார்கள் என்ன டிஷைனோ?:).. எதுக்காகப் போட்டேன் எனில் இங்கு நிலவு பென்னாம் பெரிதாக இருக்கும்... இலங்கையில் பார்ப்பது குட்டியாக இருக்கும்.

இப்போ தெரியுதோ? அதிரா இருப்பது சந்திரனுக்குக் கிட்டவாக்கும்:))

=======================================================

=======================================================