புதன் 190522 பெண்களுக்கு மீசை இல்லையே! ஏன்?

சென்ற வாரம் நான் ஒரு கேள்வி கேட்டிருந்தேன். அது என்ன கேள்வி என்று யாராவது (அந்தப் பதிவிற்கு சென்று பார்க்காமல்) நினைவுக்குக் கொண்டு வர முடியுமா? 



ஒருவர் மட்டும்  பங்கேற்று, நான் கேட்ட வகையில் படம் எடுத்து அனுப்பி இருந்தார். அவர் அனுப்பிய படம், இந்தப் பதிவின் கடைசியில் வெளியிட்டுள்ளேன். 

நம் Graphology நிபுணர் திரு ஏகாந்தன் அவர்களை, அந்தப் படத்தில் இடம் பெற்றிருக்கும் தமிழ் எழுத்துகளை ஆய்ந்து, அவரைப் பற்றிய கணிப்புகளைக் கூறவேண்டும் என்று கேட்டுக்கொள்கிறேன். அதுவே அவருக்கு எங்கள் பரிசு.                  

ஏஞ்சல் :

1. ஆண் சிங்கத்துக்கும் பெண் சிங்கத்துக்கும் , பைரவர் பூனை புலி எல்லாத்துக்கும் whiskers இருக்கு ஆனா மனிதரில் பெண்களுக்கு மீசை இல்லையேன்னு யோசிச்சதுண்டா ??

$ மக்களுக்கும் மாக்களுக்கும் எழுதும்போது ஒருக்கால்தான் வித்யாசம்.  ஆனால் உண்மையில் 2 இல்லையா?

இன்னும் சில நாள் போனால் அவையும் நம் மாதிரி அல்லது நாமும் அவற்றை மாதிரி மாறக்கூடும்.

# இருந்து பார்த்தில்லையா ?

& //பெண்களுக்கு மீசை இல்லையேன்னு யோசிச்சதுண்டா ??//  ஏனுங்க ! நாங்க எல்லோரும்  ஏற்கெனவே பயந்துபோய் அடங்கிக் கெடக்கோம். இதுல நீங்க ஏன் இப்படி எல்லாம் கற்பனை செய்யச்சொல்லி எங்களை பயத்தின் உச்சிக்குத் தள்ளிவிடுகிறீர்கள்? 

2. முதல் உதவி அவசர உதவி இங்கே வெளிநாட்டில் அனைவருக்கும் கட்டாயம் தெரிஞ்சிருக்கணும் .நம்ம ஊரில் அப்படி இப்போ வசதி வந்திருக்கா ?
( நான் cpr ட்ரெயினிங் போயிட்டு வந்துட்டேனே அதை எல்லாருக்கும் சொல்லியாகணுமில்ல :))))))))))

 $ நம் நாட்டிலும் வரும்.

# வந்ததாகத் தெரியவில்லை. வந்தாலும் தீயணைப்புப் பயிற்சி மாதிரி மறந்து போக வாய்ப்பு உண்டு.

& பெரு நகரங்களில் - யார் அடி பட்டு விழுந்துகிடந்தாலும், 'நமக்கேன் வம்பு ' என்று கண்டும் காணாமல் செல்பவர்கள்தான் அதிகம். அவர்களுக்கு முதல் உதவி எல்லாம் தெரிந்திருந்தாலும் செய்யமாட்டார்கள். 


3. பரீட்சைக்கு போற ஸ்டூடன்சுக்கு , ஸ்கூலுக்கு போற குட்டீஸ் அப்புறம் வேலைக்கு போற எல்லாருக்கும் டிப்ரெஷன் ஸ்ட்ரெஸ் வருது இது மாதிரி அரசியல்வாதிகளுக்கும் வருமா ?? :)

$ இதெல்லாம் தாண்டி தானே தேர்தல் வரை வருகிறார்கள்?

# அரசியல்வாதிகளால் மக்களுக்கு டிப்ரெஷன் வர வாய்ப்பு இங்கு அதிகம்.

& # பதில்தான் என் பதிலும். 


4. சேவல் தானே தினமும் கொக்கரக்கோன்னு கூவுது அப்போ எதுக்கு கோழி கூவும் நேரம்னு சொல்றாங்க ???
அது சரி எதுக்கு சேவல் அதிகாலையில் கூவுகின்றது ?இதன் பின்னணி என்ன ??
எனக்கு ஒரு கதை தெரியும் அதை நீங்களும் சொல்றிங்களானு பாப்போம். 

$ கதையை நீங்கள் சொல்லுங்கள். எங்கள் கதை வேறாக இருப்பின் நாங்களும் சொல்கிறோம். 

 # கதை கேட்பது என்றால் கேட்டுப் பெறுவது என்று எண்ணிவிட்டீர்களே !

& யாருக்கும் தெரியாத ரகசியத்தை உங்களுக்குச் சொல்றேன். உண்மையில், முதலில் கோழிதான் சேவலின் காதருகே பயங்கரமாகக் கூவி, சேவலை தூக்கத்திலிருந்து எழுப்பும். 'என்னங்க விடிஞ்சாச்சு -- சட்டுன்னு எந்திரிச்சு கூவற வேலையப்பாருங்க' என்று. அப்புறம் சேவல் மனைவி திட்டுக்கு பயந்து, 'கொக்கரக்கோ .... கொக்கரக்கோ ...' என்று கூவித் திரியும். 

கோழி சொல்லைத் தட்டாதே - என்று படித்ததனால்தான் சேவல் அதிகாலையில் கூவுகிறது. எங்கள் ஊரில் சில (சோம்பேறிச்) சேவல்கள் மாலையில் கூட கூவக் கேட்டிருக்கிறேன்! 

5,இந்த பாசிட்டிவ் vibe /சாதக அதிர்வு பற்றி கொஞ்சம் விளக்குங்களேன் ?

சிலருடன் பார்த்த உடன் மனசுக்குள் பூக்கள் மலர்ந்து பட்டாம்பூச்சி பறக்கின்றது அதே சிலரை சந்தித்த மாத்திரத்தில் உள் மனம் //கவனம் கவனம் //என்று அலெர்ட் செய்கிறது இதன் காரணமென்ன ? நன்கு பழகியும் சிலரை விட்டு விலகி இருக்கிறேன் :) என்னை பொறுத்தவரை உள்ளுக்குள் வைத்து புழுங்குவதை விட விட்டு விலகிடுவது மேல் இந்த குணம் தவறா ??

$ நான்கூட விட்டு விலகுவதே மேல் என்றெண்ணுவதுண்டு.

Charisma காரணத்தால் அவர்கள் தப்பே செய்பவராக இருந்தாலும் நாம் கவலைப்படுவதில்லை.

 # பாசிடிவ் அதிர்வு என்ன என்பது தெரிகிறது ஏன் என்று தான் தெரியவில்லை என்கிறீர்கள். விடை உங்களுக்குள் இருப்பதால் பிறர் அதை விளக்க இயலாது.

& எண்ண அலைகளைப் புரிந்துகொள்ளும் சக்தி நம் உள் மனதுக்கு உண்டு. மேலும் நம்மோடு பேசுபவர்களின் வார்த்தைகள், செய்கைகளை கூர்ந்து கவனித்தால், அவர்களின் உடல் மொழிகள் நமக்கு அவரைப்  பற்றிக் கூறிவிடும். ஆண்களைவிட, பெண்களுக்கு இந்த புரிந்துகொள்ளும் உணர்வு  + எச்சரிக்கை உணர்வு அதிகம். 

6,பெற்றோர் பிள்ளைகளுக்குள் குறைந்த வயது இடைவெளி புரிதலை ஏற்படுத்துமா ? 

$ நான் அந்தக்காலத்தில்.... என்ற வசனம் எடுபடாது.

 # தலைமுறை இடைவெளி என்பது 12  ஆண்டுகள் ஏற்றத்தாழ்விலேயே தொடங்கி விடுவதாக ஒரு கணிப்பு உண்டு. எனவே இடைவெளி தவிர்க்க இயலாதது.

& பெற்றோர் - பிள்ளைகள் புரிதலுக்கு வயது வரம்பு எதுவும் இல்லை என்று நான் நினைக்கிறேன். 

7,பொதுவா மனுஷங்களுக்கு மென்டல் ஹெல்த் well-being மிக அவசியம்.ஆனா அதுக்கு சம்பந்தமில்லாத வன்முறை தீ -வீரவாத வாதங்கள் :) வன்முறை தூண்டும் நிகழ்ச்சிகள் ,திரைப்படங்கள் மற்றும் ஆரோக்கியமற்ற விவாதங்களே பெரும்பாலும் தொலைக்காட்சி பத்திரிகை போன்றவற்றில் பிரதானமாக்கி காட்டுகிறார்கள் .இதற்கு ஒரு தடைச்சட்டம் வருமா ?? 

 $ tv ரிமோட் நம்மிடம் தானே இருக்கு?

# சட்டங்கள் செய்வோரும் மீடியா ஆதரவு அல்லது எக்ஸ்போஷருக்கு ஏங்குபவர்களாக இருப்பதால் இது சாத்தியமில்லை.

8,ஒரு சினிமா கேள்வி 

உங்கள் மனதில் அதிர்வலைகள் ஏற்படுத்திய சமீபத்திய தமிழ்ப்படம் எது ??

எனக்கு// பூ// படம் அப்படி ஒரு உணர்வை உண்டாக்கியது 

# இதற்கு விடை என்னிடமில்லை. படம் அதிகம் பார்ப்பதில்லை. மாரி-2 டி வியில் பார்த்தபோது இப்படிக்கூட ஏறுமாறாக  எடுக்கிறார்களே என்ற எரிச்சல் தான் ஏற்பட்டது.

& அதிர்வலைகள் ? சமீபத்திய தமிழ்ப்படம்? அப்படி எதுவும் இல்லை. சென்ற வாரம் ஏதோ ஒரு சானலில் எதேச்சையாக ஒரு பழைய தமிழ்ப் படத்தின் titles பார்த்தேன். படம் பெயர் தமிழில் ' ரம்பையின் காதல்' என்று போட்டு, அதற்குக் கீழே ஆங்கிலத்தில் ' Ramba's Love' என்று போட்டார்கள். அது என்னுள் சிரிப்பலைகளை ஏற்படுத்தியது!  
               

9,வாடிய பயிர் பசு வாயில்லா ஜீவராசி (நாலு கால் ஜீவன் :) இதை தெளிவா சொல்லாட்டி நெல்லைத்தமிழன் கணவர்கள் எல்லாம் வாயில்லா ஜீவன்கள்னு சொல்லிடுவார் )

எந்த ஜீவராசியாக இருந்தாலும் கடவுளுக்கு செய்வதாக இருந்தாலும் எதிர்பார்ப்பில்லாம உதவனும் என்பதுதானே சரி ? 

 $ பயிர் வாடாமல் பார்த்துக்கொள்ள வேண்டும். விளைவு சமூக நாசம் விளைவிக்கலாம். 

பசு என்பது நீங்களே சொன்ன மாதிரி சகல வாயில்லா ஜீவன்களுக்கு ஒரு பொதுக்குறியீடாக இருக்கலாம். 

 # எப்படி எதற்காக செய்யப் பட்டாலும் உதவிக்கு மதிப்பு மரியாதை உண்டு என்பது என் கருத்து. விபத்தில் பாதிக்கப்பட்ட குடும்பத்துக்கு ****  ×××× ரூபாய் உதவி என்பதாக வரும் செய்திகளும் எனக்கும் உங்களுக்கும் எவர்க்கும்  மகிழ்ச்சி தருபவைதான்.

& பிரதிபலன் எதிர்பாராத உதவிகள் உன்னதமானவை என்பது உண்மைதான். 

10, 25 வயது மணமகன் மணமகள் /55 வயது மணமகன் மணமகள் 

இதில் முதலாமவரை உடனடியாக ஏற்றுக்கொள்ளும் மனம் இரண்டாமவரை ஏற்க தயங்குவதேன் ??

 $ ஏற்பவர் பரஸ்பரம் புரிந்து கொண்டால் பார்வையாளருக்கு என்ன வேலை?

 # இது குறித்து நானும் எண்ணிப் பார்ப்பதுண்டு.

"இல்லற அனுபவத்தில்" ஈடுபாட்டின் பரிமாணம் காரணமாக இதில் ஒருவகை உறவு முரண்பாடாக  பொதுவாக பலருக்கும் தோன்றுகிறது என்பது பரவலாக சொல்லப்படும் காரணம்.

& இதற்கு ஆண்கள் பதில் சொல்வதைவிட, வாசகிகள் என்ன நினைக்கிறார்கள் என்று சொல்லலாம். 

11, மனதுக்கு ஒப்பாத ஏற்றுக்கொள்ள முடியாத ஒரு விஷயத்தை யாராவது செய்திருந்தால் எப்படி உங்கள் எதிர்ப்பை காட்டுவீர்கள் ?
எது சிறந்த காரியமாக இருக்கும் ?
* அந்த இடத்தை விட்டு அகலுதல் 
* அந்த செய்தவரை அங்கேயே எதிர்த்து கேள்வி கேட்டல் 
* மொத்தமாக சம்பந்தப்பட்டவரை புறக்கணித்தல் 
இதில் எது சிறந்தது ?

& அப்படிச் செய்தவர் உறவினர் என்றால், சம்பந்தப்பட்டவரை இயன்றவரை புறக்கணிப்பேன். 

ஓரளவுக்கு மட்டும் அறிமுகமான நண்பர் என்றால், அந்த இடத்தைவிட்டு அகன்றுவிடுவேன். 

உயிர் நண்பன், நெருங்கிய நண்பன் என்றால் அங்கேயே எதிர்த்துக் கேள்வி கேட்பேன். 

உறவினரும் இல்லை, நண்பரும் இல்லை என்றால், ' யார் எக்கேடு கெட்டுப்போனால் எனக்கு என்ன' என்று வேறு பக்கம் திரும்பிப் பார்த்து நடப்பேன். 

 வாட்ஸ் அப் கேள்விகள் : 

நெல்லைத்தமிழன்: 

பெற்றோரில் சீக்கிரம் மறைந்துவிடுவோரிடம் நமக்கு அன்பு கூடுதலாக இருக்குமோ? இல்லை ஒவ்வொருவரும் அம்மாவோ அப்பாவோ யாரோ ஒருவரிடம் மட்டும் கூடுதல் அன்பு வைத்திருப்பாங்களா? இல்லை, தனக்கு இருவரில்  நாம் உணரும் வண்ணம் யார் அதிகமாக உதவினார்களோ, ஆதரவாக இருந்தார்களோ அவரிடம் மட்டும்தான் அதிக அன்பிருக்குமா?

# மறைந்தவர் இருப்பவர் நல்லவர் இதெல்லாம் நாம் ஒருவரை மதிப்பதன் தீவிரம் (அ) ஆழத்தைத் தீர்மானிப்பதில்லை. அது முற்றிலும் அன்பு அல்லது மதிப்பு வைப்பவரின் மனோபாவம்/கற்பனையைப் பொறுத்தது.

வயது ஆக ஆக, சாப்பிடும் அளவு குறைகிறதா இல்லை வேளைகள் குறைகிறதா? ஆம் என்றால் எதனால்?

உணவின் மீதான ஆர்வம் 40 வயதானதற்குப் பின் குறைந்துவிடுமா? எந்த வயதில், 'போதும் ரசித்துச் சாப்பிட்டது.. ஏதாவது கொஞ்சமா வயிற்றுக்குச் சாப்பிட்டால் போதும்' என்று தோன்றும்?

$ வயதானால் வேலை செய்வது குறைவு. அதனால் உணவும் குறைவு.

ருசிகள் வயதானால் வேறுபடும். நாக்கின் மேல் படிமங்கள், ருசி உணரும் பகுதிகள் தேய்வு இப்படி ரசனை குறைபாடுகள் வந்து ஏதோ சாப்பிட்டு நிரப்பினால் போதும் என்ற மனப்பாங்கு வரும்.

# இதற்கு பதில் கேட்கத் தேவையில்லையே. நம்மை நாமே கவனித்தால் விளங்கும்தானே.  என்வரை, மிகச் சிறிய பிராயத்து ருசிகள் மழுங்கித்தான் போயின. வயதான பின்பு, ருசி மாறவில்லை, அளவு படிப்படியாக அதிகரித்து  75 லிருந்து மிக மெதுவாகத் தேய்ந்து வருகிறது.

யாத்திரைனு போவதில் விருப்பமா இல்லை சுற்றுலா என்ற எண்ணத்திலா?

$ யாத்திரை யை விட உல்லாசப்பயணம் ரசிக்கும்.

# நான் யாத்திரையை சுற்றுலாவாகச் செய்பவன். தீவிர பக்திமான் அல்ல.

& எங்கள் அலுவலகத்தில் Refundable PF loan விண்ணப்பம் பூர்த்தி செய்யும்போது, Reason for loan என்ற பகுதியில் 'For a pilgrimage trip' (யாத்திரை செல்ல ) என்று எழுதுவோம். அதற்குத்தான் கேள்வி கேட்காமல் சாங்ஷன் செய்வார்கள். பணம் கைக்கு வந்தவுடன், ஊட்டிக்கு உல்லாசப்பயணம் சென்றதுண்டு. 

நம்மை மாதிரியே அச்சு அசலா நம்ம பையன் இருந்தாலோ இல்லை மனைவி மாதிரியே அச்சு அசலா பெண் இருந்தாலோ (குணத்தில்) நாம அதை விரும்புவோமா இல்லையா? ஏன்?

# எப்படி இருந்தாலும் நம் சந்ததியை விரும்பத்தான் செய்வோம். 

அப்பா அல்லது அம்மா உயிருடன் இல்லாமல் இருந்தால் சென்டிமென்ட் அழுத்தமாக இருக்கக் கூடும்.

& என்னை மாதிரி குணத்தில் என் பையன் இருந்தால், 'பாவம் அப்பாவியா இருக்கிறானே' என்று சந்தோஷப்படுவேன். மனைவி மாதிரியே குணத்தில் என் பெண் இருந்தால், ' பாவம் எவன் இவளிடம் மாட்டப் போகிறானோ ' என்ற அச்சம் வரும். நல்லவேளை - என் பையன், பெண் இருவருமே சுயமாக சிந்தித்து,  சரியாக நடந்துகொள்ளும் குணம் கொண்டுள்ளார்கள்! 

 ===================================================

எங்கள் இந்தவாரக் கேள்வி : 

சென்ற வாரக் கேள்விக்கு, உடனடியாக செயலில் இறங்கவிடாமல், உங்களைத் தடுத்தது எது? 

a) Question was not clear.
b) Wanted to participate but no time.
c) Totally forgot after sometime.
d) Fear of failure.
e) Fear of ridicule. 
f) Hesitant to participate.
g) Thought my idea worthless.
h) There could be some leg pulling or hidden trap in this.
i) இவன் கேட்குற கேள்விக்கெல்லாம் பதில் அனுப்பினால் என் கௌரவம் என்ன ஆவது? 
j) வேறு ஏதாவது காரணமா (நீங்க சொல்லுங்க ! )

=============================================

மீண்டும் சந்திப்போம்! 

=============================================