கேட்காமல் போட்டோ எடுக்கறது தப்பு தம்பி....

சாலைச் சந்திப்புகளில் இதுபோன்ற உருவங்கள், வடிவங்களை வைத்து நகரை அழகுபடுத்தியிருக்கின்றனர்.  நான் ப்ரயாக்ராஜில் ஒரு மாநகரப் பேருந்து கூடப் பார்க்கவில்லை.  இல்லை என்றே நினைத்துக் கொண்டேன்.  ஆனால் இருக்கிறது என்று வெங்கட் தளத்தில் படித்து / பார்த்து தெரிந்துகொண்டேன்.

காலை தங்கியிருக்கும் இடத்திலிருந்து கிளம்பிய உடனேயே அலைபேசிக் கேமிராவுக்கு நிறைய வேலை வைத்துவிட்டேன்.  வெங்கட் தளத்தில் க்ளியரான படங்கள் பார்த்த கண்களுக்கு இவை ஒன்றல்ல, இரண்டு மூன்று மாற்று குறைவாகவே இருக்கும்!  இது அந்த ஊரில் கண்ணில்பட்ட ஷேர் ஆட்டோ வகை ஒன்று.  நம்மூர் ஆட்டோ வகைகளும் இருக்கின்றன.

அங்கேயும் 'அடைத்து'க் கொண்டுதான் வருகின்றனர்!

ஆனந்த பவனம் மற்றும் அலஹாபாத் மியூசியம் செல்லும் சாலையில்தான் சென்றோம்.  அங்கு வழியில் கண்ணில்பட்ட கலைநயம்மிக்க சர்ச்.  படம் எடுக்க எடுக்க, எடுத்தபின் ஏதோ ஒன்று அதை மறைத்திருக்கிறதுஎன்று பார்த்து பஸ் திரும்பும்போது சடசடவென எடுத்துத் தள்ளிய புகைப்படங்கள்!  முழுமையாகவோ, அல்லது வெளியிடும் தரத்திலோ ஒன்றாவது வந்துவிடாதா என்கிற நப்பாசைதான்!

இது மரம் தம்ஸ் அப் காட்டுகிற மாதிரி இல்லை?!!

கொஞ்சம் மறைக்காமல்....

முன்னால் ஒரு கலைப்பொருள்!  என்ன அது?  ஏதோ அலங்காரம்!

நேருக்கு நேராய் ஒரு அவசர க்ளிக்...

சாலைச் சந்திப்பில் கண்ணில் பட்ட இன்னொரு வடிவம்.

இதோ மற்றொன்று!

காலை ஏழரை மணி....  சாலை எவ்வளவு காலியாக இருக்கிறது பாருங்கள்!

என் மாமாக்களில் ஒருவர் வாங்கி வைத்திருந்த FM Mike.  இதிலேயே ஸ்பீக்கர் வசதியும், ப்ளூடூத் வசதியும், மெமரி கார்ட் போடும் வசதியும், அலைபேசியில் வரும் அழைப்பை இதிலேயே வாங்கும் வசதியும் இருக்கிறது.  என் ஆசையைத் தூண்டிய காட்ஜெட்!  (இன்னும் வாங்கவில்லை!)

பதிவில் படங்கள் ஆர்டர் மாறி சேமிப்பாகி விட்டன.  ஒழுங்கு செய்யும் பொறுமை இல்லை!  விளக்கம் கொடுத்துட்டாப் போச்சு!  இல்லையா?  இந்த கோட்டை அருகேதான் இறங்கினோம்.  தசவ்மேதி கட்டுக்கு அருகே...   இங்கேதான் சங்கர மேடம் கோவில் இருக்கிறது.  இதன் உள்ளேதான் அட்சயவடம் அடிப்பாகம் இருக்கிறது.  எங்கள் பெருமைமிகு டிராவல்ஸ் காரர் அதை எங்களுக்குக் காட்டவில்லை.  ஒருவேளை சங்கல்ப தர்ப்பண, ஸ்நானங்கள் முடித்துச் செல்லும் நேரம் அதைக் காண முடியவில்லையோ என்னவோ...   நாங்கள் இங்கிருந்து தங்கியிருக்கும் இடத்துக்கு இரண்டு பிரிவுகளாக திரும்பினோம்.  ஸ்ராத்தம் முடிந்து நாங்கள் இரண்டாவது பேட்ச்சில் திரும்பினோம்.

இங்கே கடைகள் வைத்திருப்பவரகள் தங்கள் குழந்தைகளுக்கு விதம் விதமாய் அலங்காரம் - பெரும்பாலும் ஆஞ்சனேயர் வேடம் - செய்து வைத்திருந்தார்கள்.  மக்களைக் கண்டதும் வந்து கையேந்தத் தயாராய் எப்போதும்...!

சாலையோரங்களில் நிறைய லிங்கங்கள் இருக்கின்றன என்று சொல்லி இருந்தேனே..   இதோ மாதிரிக்கு ஒன்று.  சிறிதளவு தூர இடைவெளியில் நிறைய கண்ணில் பட்டன.

அந்த லிங்க வடிவங்களிலும் ஓவியம்...   அதை எடுக்க ஜூம் செய்தேன்.  எனவே படத்தில் துல்லியம் தொலைந்திருக்கும்!  ஏற்கெனவே லட்சணம்!!

பாலங்களிலும் கடவுள் ஓவியம்...    பாலத்துக்குக் கீழே கைகூப்பி நிற்கும் முனிவரின் புகைப்படம் வெங்கட் தளத்தில் வந்தது என்று நினைக்கிறேன்!

தங்கியிருந்த ஹோட்டலின் பால்கனியிலிருந்து ஒரு காட்சி....தேச பக்தி, பக்தி இரண்டும் எங்கெங்கும் கண்ணில் பட்ட ஊர்...

நாங்கள் தங்கியிருந்த ப்ரயாக் ஹோட்டல்...  சுவர் ஓவியங்களால் அலங்கரிக்கப் பட்டுல்லதைப் பாருங்கள். இங்கு பெரும்பாலான கட்டிடங்கள் ஓவியங்களால் அழகு  படுத்தப்பட்டிருந்தன.

இன்னும் இந்த ரிக்ஷாவும் இங்கு உண்டு என்று காண்பிப்பதற்காக....  தாண்டும்போது அந்த ஆண்ட்டி முறைத்துக் கொண்டே சென்றார்...  'கேட்காமல் போட்டோ எடுக்கறது தப்பு தம்பி....   அதுவும் பெண்களை....'  சின்னப்பையன்தானே என்று விட்டிருப்பார்.

சாலைச் சந்திப்பில் நேதாஜி...  முஷ்டி மடக்கி வலிமை காட்டுகிறாரா?  ஜப்பானிய முறையில் வணக்கம் சொல்கிறாரா?

அந்தக் கோட்டைக்கு அருகே இருக்கும் கோவில்....  அடுத்த படத்துக்கு அடுத்த படம் வரிசையாக எடுக்கப்பட்டிருக்கும் போட்டோஸ்!

ஒரு சந்திப்பில் கண்ணில் சிக்கினார் சாஸ்திரி!  அவரை நேராக படம் எடுக்க முடியவில்லை... ஆனாலும் தாண்டுவதற்குள் ஒரு க்ளிக்!

சங்கரமடக் கோவில்.

பக்கத்தில் செல்லச்செல்ல...

அடுத்தடுத்து...  நாங்கள் அங்கேதான், அதன் அருகேதான்  இறங்கப்போகிறோம் என்பது தெரியாமல் தாண்டி விடுவோமோ என்று பயந்து வேகமாக க்ளிக் க்ளிக் க்ளிக் க்ளிக்...

இந்த வியூ நல்லா இருக்கு இல்லே?

நேருக்கு நேராய்....!

ஆனந்தபவனம் செல்லும் சாலையில் சுவர் அலங்கார ஓவியங்கள்..  நாங்கள் ஆனந்தபாவனம் செல்ல முடியவில்லை.  நாங்கள் அங்கு இருந்த நாள் திங்கட்கிழமை.  திங்கட்கிழமை ஆனந்தபவனத்துக்கு வாராந்திர விடுமுறையாம்...   கொடுமை!

சுவர் ஓவியமாக நேதாஜி...  அது ஒரு தொகுப்புவீடு என்று நினைக்கிறேன்.  பஸ்ஸில் போய்க்கொண்டே எடுத்த படங்கள்...

பயணக்கட்டுரை மூன்று நான்கு வாரங்களுக்கு முன்னரே எழுதி வைத்து விடலாமே என்று நெல்லைத்தமிழன் சொல்லியிருந்தார்.  அப்படியும் இரண்டு வாரங்கள் செய்திருந்தேன்.  இப்போதும் தயாராய் இருந்தாலும், இந்த வாரம் கொஞ்சம் புகைப்படங்களை வைத்து விஷயம் சொல்லலாம் என்று தோன்றியது.  அடுத்த வாரம் விவரங்கள் அதிகம் இருக்கும்.  படங்கள் குறைவாய் இருக்கும். 

எப்போதும் போர்வைக்குள்ளேயே தூங்கி கொண்டிருந்த பெண்ணை எப்படிப் புகைப்படம் எடுப்பது?!!
===========================================================================================

அப்போது ஸ்விஸ் ஹேமாவே பாராட்டிய கவிதை!  பேஸ்புக்கில் வந்தது!

======================================================================================================


ஆயிரத்துத் தொள்ளாயிரத்து எழுபத்தி ஒன்பதாம் ஆண்டு குமுதத்தில் வந்த கிசுகிசு!  உடைக்க முடிகிறதா என்று பாருங்கள்!

=============================================================================================================

நேற்று பேஸ்புக் புதிய தலைமுறைப் பக்கத்தில் (அதற்குப் பக்கத்தில் அல்ல,  அந்தத் தொலைக்காட்சியின் பேஸ்புக் பக்கத்தில்)  நானும் கீதா அக்காவும் ஒரு கானொளி பார்த்து நொந்துபோனோம்.  ஹோசூரில் அருமையான இரு பிள்ளைகள் தனது தகப்பனாரை அவரது உடைமைகளுடன் (நிஜமாகவே) வெளியே தூக்கி எறியும் காணொளி.    அவரது அலறல் கேட்டு அக்கம்பக்கத்தவர் உதவ வந்து அதில் ஒருவர் கைகலப்பில் வேஷ்டி இழந்தார்.   இதோ கீழே ஒரு செய்தி...  சொத்துக்காக தனது குடும்பத்தாரையே கொன்று விட்டு ஏஸி மெஷின் லீக்கேஜ் என்று கதை பரப்பிய கொலைஞனையும் படித்திருப்பீர்கள்..  உறவுக்கு மதிப்பில்லை.  உலகம்  எங்கே போய்க்கொண்டிருக்கிறது....?

===================================================================================================


நெல்லைத்தமிழனுக்காக ஒரு கிசுகிசு!  மேலே கொடுத்திருக்கும் குமுதம் கிசுகிசுவோடு ஒப்பிடும்போது இதெல்லாம் ஒரு கிசுகிசுவா? !!!

தமன்னா படம் நெட்டில் தேடினால் இணையம் தமன்னா பாட்டியா? என்று என்னையே சந்தேகம் கேட்கிறது!

எப்படியும் நெல்லை இந்தப் படம் சரியில்லை என்றுதான் சொல்லப் போகிறார்!

=======================================================================================================


இரண்டாயிரத்து பதிமூன்றாம் ஆண்டு மே மாதம் கவிதை எழுதுமளவாவது ஒரு சிறுமழை கண்ணில்பட்டு பூமியில் தெறித்தது.  ஆனால் இப்போது?  

வெள்ளமாய் வேண்டாம் என்று சொல்லியும் 2015 டிஸம்பரில் ஒரு காட்டு காட்டியது இயற்கை.  அதற்கு அப்புறம் ஒரு நல்ல மழையைப் பார்க்கவில்லை சென்னை!

====================================================================================================

நெல்லைத்தமிழனுக்காக ஒரு படம்...   என்ன எதுவென்று நினைவிருக்கிறதா நெல்லை?

******************************************************************************************************