வீட்டில் ஸ்லோகங்களை ஒலிக்க விடுவதில் பலன் உண்டா?

 

பானுமதி வெங்கடேஸ்வரன் : 

சிலர் வீட்டில் காலையில் ஸ்லோகங்களை ஒலிக்க விடுகின்றனர். அதை கவனிப்பது கூட கிடையாது. இதனால் ஏதாவது பலன் உண்டா?

# ஆஸ்திகர்கள் உண்டு என்று சொல்லுவார்கள்.  அந்த சவுண்டுக்கு மகிமை உண்டு என்று ஒரு நம்பிக்கை.  கேட்போர் வெறுக்காதவரை அது பாட்டுக்கு .... வீட்டில் யாருக்கேனும் எரிச்சல் ஊட்டினால் மட்டும் ஹெட் ஃபோன் உபயோகிக்க வேண்டும்.

$ விஷ்ணு சஹஸ்ரநாமம் முதலான ஸ்தோத்திரங்கள் எதுவும் மாயங்கள் செய்வதை விட  அடுப்பில் வைத்து செய்யும் காப்பி, வாசலில் பால், தினசரி இவை வந்ததா என்று சரி பார்த்தல், குழந்தையை எழுப்பி ப்ருஷில் பேஸ்ட் வைத்துக் கொடுத்தல் இவற்றை ஒரு pacing mechanism போல் கையாளலாம். 

வீட்டில் சுலோகம் சப்தம் வந்தால் எழுந்து விட்டார்கள் என்றும், குரல் கொடுத்தால் அது கேட்காது என்பதும் குறியீடாக இருக்கலாம். 

& ஒலிகள் சில அதிர்வுகளை ஏற்படுத்தும் - அந்த அதிர்வுகள் உடலுக்கும் மனதுக்கும் இதம் அளிக்கும் என்று நினைக்கிறேன். இளம் காலையில் நல்ல சப்தங்கள், நல்ல அதிர்வுகள் கிடைத்தால் நல்லதுதானே!  

அமெரிக்கா, கனடா போன்ற நாடுகளில் வீடுகளில் பேஸ்மெண்ட் கண்டிப்பாக உண்டு. நம் நாட்டில் ஏன் அப்படி கட்டுவதில்லை? சரித்திர கதைகளில் நிலவறை என்று படித்திருக்கிறோம்.

# தேவை இருப்பின் வந்திருக்கும்.  நம் ஊரில் தெரு மழை வெள்ளம் எளிதில் உட்புகுவதால் சரியாகக்கட்ட ரொம்ப செலவாகும்.  1990 களில் வடக்கே பேஸ்மென்ட் கட்டுவது  ( நாங்கள் இருந்த நொய்டா பகுதியில்) பரவலாக இருந்தது. அப்பார்ட்மெண்ட் பழக்கம் வந்ததும் பேஸ்மென்ட் மேலேறி விட்டது.

$ Jubilee road, அரங்கநாதன் சுரங்கப்பாதை, பவழந்தங்கல் இவை எல்லாம் பார்த்துமோ இப்படி கேட்கத் தோன்றுகிறது?

& அகில இந்திய எலிகள் மாநாட்டில், 'பேஸ்மெண்ட் எல்லாம் எங்களுக்கே சொந்தம், அதை மனிதர்கள் உரிமை கொண்டாட அனுமதிக்கமாட்டோம்' என்று தீர்மானம் நிறைவேற்றப்பட்டு, அதை, அகில உலக ஒன்றிய மியாவ் மியாவ் சங்கமும் ஆதரித்திருப்பதாக செய்தி கனவுலகக் கடிதம் ( Dream Post) பத்திரிகையில் படித்தேன்.  

= = = =

எங்கள் கேள்விகள் :

1) குக்கரில் சாதம் சமைக்கும் போது முதல் விசில் வந்ததும் அடுப்பை சிம்மில் வைத்து குறிப்பிட்ட நேரத்துக்கு பின் தீயை அணைப்பவர்கள் / சிம்மில் வைக்காமல் 4,5,6 என்று விசில் எண்ணிக்கையில் மட்டும் சமைப்பதை முடித்துக் கொள்பவர்கள் - இவர்களில் நீங்கள் எந்த வகை?  ஏன் ?

2) சகுனம், கரி நாக்கு இவற்றில் உங்கள் அனுபவம் என்ன ?

3) மொபைல் பேங்கிங் மோசடிகளில் சிக்காமல் இருக்கத் தேவையான எல்லா விபரங்களையும் அறிந்து வைத்திருக்கிறீர்களா ?

4) சமீபத்தில் நீங்கள் விரும்பிக் கேட்ட நல்ல பாடல் எது? யார் பாடியது? 

5) இரண்டு மகன் + இரண்டு அப்பா மூன்று தோசைகளை சமமாக பங்கிட்டுக்கொண்டால், ஒவ்வொருவருக்கும் எவ்வளவு தோசை கிடைக்கும்? 

= = = =

படம் பார்த்துக் கருத்து எழுதுங்க :

1) 

2) 

3) 

 = = = =