வெள்ளி வீடியோ : நீ பார்த்ததும் நான் வந்ததும் தேனானதே வாழ்வில்

உளுந்தூர்ப்பேட்டை ஷண்முகம் எழுதிய பாடலுக்கு குன்னக்குடி வைத்தியநாதன் இசையமைக்க, சீர்காழி கோவிந்தராஜன் குரலில் இன்றைய தனிப்பாடல்.  "காவிரி சூழ்பொழில்" பாடலுடன் அப்போதெல்லாம் ரேடியோ பக்தி மாலையில் பெரும்பாலும் ஜோடியாக ஒலிக்கும் பாடல்.

​நாராயணா என்னும் பாராயணம் 

நலம் யாவும் தருகின்ற தேவாம்ருதம் 

தேவாம்ருதம் தேவாம்ருதம்

கோவிந்த நாம சங்கீர்த்தனம் குடிகொண்ட நெஞ்சில்தான் பெரும் ஆலயம்

  கோவிந்த நாம சங்கீர்த்தனம் குடிகொண்ட நெஞ்சில்தான் பெரும் ஆலயம்  

படியேறி வருவோர்க்கு பயம் இல்லையே பாவங்கள் தீர வேறு வழி இல்லையே

துணையாவதவன் சங்கு சக்ராயுதம் தொழுவார்க்கு  அருள்கின்ற திருவேங்கடம்

திருவேங்கடம்

சித்தி அளித்தொரு முக்தி கொடுத்திட சக்தி படைத்த மலை

தேவர்கள் மூவர்கள் யாவரும் வேண்டிடும் சேடன் அணைத்த மலை

சித்தி அளித்தொரு முக்தி கொடுத்திட சக்தி படைத்த மலை

தேவர்கள் மூவர்கள் யாவரும் வேண்டிடும் சேடன் அணைத்த மலை

தத்துவம் வேதம் உரைத்ததோர் சாரதி நித்தமும் வாழும் மலை

தத்துவம் வேதம் உரைத்ததோர் சாரதி நித்தமும் வாழும் மலை

தாயினும் இனிய ஓர் தூயவன் மாயவன் ஆளும் ஏழுமலை

ஏழுமலை… ஏழுமலை… ஏழுமலை…

============================================================

கமலஹாசனும் ரஜினிகாந்தும் இணைந்து நடித்த மிகச் சில ஆரம்ப காலப் படங்களில் இதுவும் ஒன்று.

1977 ல் வெளியான இந்தப் படத்தின் கதை மகேந்திரனுடையது.  இயக்கம் எஸ் பி எம்.  இசை விஜயபாஸ்கர்.  கண்ணதாசன் ஒரு பாடலும், பூவை செங்குட்டுவன் ஒரு பாடலும் பஞ்சு அருணாச்சலம் இரண்டு பாடல்களும் எழுதி இருக்கிறார்கள். 

சங்கீதா என்றொரு நடிகையுடன் இந்தப் பாடல் காட்சியில் கமலஹாசன்.  பாடல் முழுவதும் சைக்கிளில் வருவது போல.  இனிமையான இசை, இனிமையான டியூன்.  இனிமையான குரல். இந்தப் பாடல் பஞ்சு அருணாச்சலம் எழுதியது.

உறவோ புதுமை நினைவோ இனிமை 

கனிந்தது இளமை காதலில் பெருமை 

காற்றினில் ஆடிடும் கொடிமலர் போல

கண்களில் ஆடிடும் ஒளிமலர் கண்டேன் 

பார்த்ததும் நெஞ்சில் பரவசம் கொண்டேன் 

பாவையின் ஜாடையில் என்னை நான் மறந்தேன் 

தேவன் கோவில் நாதம் உன் மொழியோ 

திருச்சபை ஒலிக்கும் கீதம் உன் குரலோ 

மார்கழி மாதத்து மலர்கள் உன் உடலோ 

மாங்கனி இதழ்களில் தவழ்வதென் உயிரோ 

எங்கோ பிறந்தோம் எங்கோ வளர்ந்தோம் 

எவ்விதம் நாம் இன்று ஒன்றாய்க் இணைந்தோம் 

ஒருவரை ஒருவர் சந்திக்கும் காலம் 

உறவுகள் ஆயிரம் திறந்திடும் காலம் 

நான்கு வருடங்கள் கழித்து 1981 ல் வெளியான திரைப்படம் மீண்டும் கோகிலா.  அதே கமலஹாசன், மீண்டும் (வேறு) ஒரு சைக்கிளில் வந்து பாடும் பாடல்!  இந்தமுறை உடன் தீபா.

தீபா நடிக்குமிடத்து முதலில் ரேகா நடித்து மகேந்திரன் இயக்கத்தில் சில பல காட்சிகள் எடுக்கப்பட்டதும், பின்னர் ஜெமினியின் அறிவுரையின் பேரில் இரண்டாம் கதாநாயகியாய் வேண்டாம் என்று ரேகா ஒதுங்கியதும், இயக்கம் ஜி என் ரெங்கராஜன் கைக்கு சென்றதும், தீபா அங்கு நடிக்க வந்ததும் உங்கள் அனைவருக்கும் தெரியும்.  எனவே நான் அதையெல்லாம் இங்கு சொல்லப் போவதில்லை!

அதேபோல கமல் கண்ணை கண்ணை சிமிட்டுவது அப்போதைய கிரிக்கெட் பிரபலம் கிருஷ்ணமாச்சாரி ஸ்ரீகாந்த்தின் மேனரிசம் என்பதும் எல்லோருக்கும் தெரியும்.

கண்ணதாசனும் படத்தில் பாடல்கள் எழுதி இருந்தாலும், இன்றைய இந்தப் பாடலும் பஞ்சு அருணாச்சலம் எழுதியதுதான்.

இளையராஜாவும் எஸ் பி பி யும்தான் இந்தப் பாடலின் ஸ்பெஷல்.  ஆரம்ப இசை முதல் பாடல் முடியும் வரை ராஜாங்கம்தான்!  படத்தின் பாடல்கள் அத்தனையுமே இனிமையானவை.

இந்தப் படத்துக்காக ஸ்ரீதேவி தனது முதல் நேஷனல் அவார்டை வாங்கினார்.  அப்போது அவருக்கு வயது பதினேழாம்.

ஹேய் ஓராயிரம்..  

மலர்களே மலர்ந்தது உலகிலே சுகமே இதுதானோ 

ஹேய்...  ஓராயிரம்..

கீழ்வானிலே இளம்சூரியன் தேரோட்டமே காண 

விடிகாலையின் பூந்தென்றலில் நாம் காண்பது பேரின்பமே 

எங்கும் பொங்கும் வண்ணம் கண்டேன்

புதுமையே இயற்கையை ரசிக்காதோ

நீ பார்த்ததும் நான் வந்ததும் தேனானதே வாழ்வில்  

நீ பார்த்ததும் நான் வந்ததும் தேனானதே வாழ்வில் 

இளஞ்ஜோடியின் விழி ஜாடையில் 

பேராசைகள் ஒரு கோடியே 

அங்கம் மின்னும் தங்கம் கண்டேன் 

இளமையே இனிமையை ரசிக்காதோ