பாடல் புதிரும், கதைப்புதிரும்

Video 161125

இளையராஜா....

     

சமீபத்தில் (விகடனில் என்று நினைவு...) ஒரு சிறுகதை படித்தேன். இளையராஜாவும் வைரமுத்துவும் மீண்டும் இணையாதது ரசிகர்களுக்குச் செய்யும் துரோகம் என்ற கருவில். புதுமையாக, நன்றாக இருந்தது. சில பழைய பாடல்களைக் கேட்கும்போது, எனக்கும் அப்படித் தோன்றியதுண்டு. அவர்கள் படைப்பில் வெளிவந்த அந்தப் பாடல்களை அவர்களே கேட்கும்போது ஒருவரைப் பற்றி இன்னொருவர் நினைக்காமலா இருப்பார்கள் என்று அந்தக் கதையில் கேட்டிருந்தார்கள்..... ராஜமோகம், வாலிபதாகம்... மன்மத அம்புகள் தைத்த இடங்களில் சந்தனமாய் எனைப் பூசுகிறேன்.....

            

"அண்ணே... என்ன அண்ணே டைப் அடிச்சிகிட்டு இருக்கீங்க..."

               

"இளையராஜா பாட்டு பத்தி எழுதிட்டு நாலஞ்சு பாட்டுப் போடலாம்னுதாண்டா..."

                

"ஏண்ணே.. இங்க வந்து யார்ணே பா(ட்டு கே)க்கப் போறாங்க ...  வேணும்னா அவிங்கவிங்க வூட்லையே ரேடியோப் பொட்டி, பாட்டு மெஷினு வச்சிருக்காய்ங்க... அவிங்களுக்குப் பிடிச்ச பாட்ட அதுல கேப்பாய்ங்களா... அத விட்டுப் போட்டு இங்க வந்து கேப்பாய்ங்களா..."

                

"உன்ன எவண்டா இப்போ இங்கே கூப்பிட்டது...ச்சே... எழுதற மூடே ஸ்பாயில் பண்ணிட்டியே... நமக்குப் பிடிச்சுதுன்னு சொன்னா, இங்க வந்து கேக்கறாங்களோ இல்லையோ... என்ன பாட்டு பத்தி கதையளந்துருக்கோம்னு பாத்துட்டு அவங்களுக்குத் தோணினதைச் சொல்லிட்டுப் போவாங்கடா... நமக்குப் பிடிச்ச பாட்டு ஷேர் பண்ணினோம்னு ஒரு ஆத்ம திருப்திதாண்டா.... "

                   

"என்ன திருப்திண்ணே..."

                   

"ஆத்ம திருப்தி... ஏன் கேக்கறே?"

                

"ஒண்ணுமில்ல ஒண்ணுமில்ல...சரி எழுதுங்கண்ணே...என்ன பாட்டுண்ணே மொதல்ல..?"

               

"நீ தீர்க்க வேண்டும் வாலிப தாகம்..."

           

"ஓ.. பாட்டுல ஒங்களக் கவர்ந்த வரி சொல்றீங்களாக்கும்.... தெரியும்ணே இந்தப் பாட்டு.... அந்தப் பெண்குரல் சுசீலாம்மாவோ, ஜானகியம்மாவோ  பாடியிருந்தா எப்படியிருக்கும்னு நினைச்சுப்பேன்..."

                   

"பாத்தியா.... இதாண்டா... உனக்கே ஏதோ சொல்லணும்னு தோணுது பாரு..."

              

"அடுத்துண்ணே....?"

              

"என்னில் நீயடி.... உன்னில் நானடி..."

               

"என்ன பாட்டுண்ணே..."

               

"பாரேன்..."

"யார்ணே அந்தப் பொண்ணு.... அப்புறம் வேற படத்துல ஒண்ணும் நடிக்கலையோ.... பாட்டு எஸ் பி பி குரலுக்காகவே கேக்கலாம்ணே... கார்த்திக் பாட்டு இன்னொன்னு கூட போடுங்கண்ணே..."

                  

"பூ பூ ன்னே வர்றா மாதிரி ஒரு பாட்டுடா.... கேளேன்... இளையராஜா என்ன போடு போட்டிருக்கார் பாரு.."

"சூப்பர்ணே.... அடுத்து..."

              

"பெண் குரல்ல ஒரு மெலடிடா.... "  

            

"மாலையில் யாரோ மனதோடு பேச..."

"அடுத்த பாட்டு... வேணும்னு செய்யாம பாட்டுக்காகப் போட்டா அதுவும் கார்த்திக்..  ஜேசுதாஸ் குரலும் ஜானகியம்மா குரலும் இளையராஜா டியூனும்.... செமப் பாட்டுடா... கேளேன்..."

       

"காற்று வான்கூறும் கருணையின் கவிதை..."

"அடுத்த பாட்டு.... "காலடி ஓசையிலே... யாழிசை கேட்டு வந்தேன்.. எஸ் பி பி குரலும் ஜானகியம்மா குரலும் இணைந்து.... அந்த ஆரம்ப ஆலாபனை இழையலைக் கேளேன்.... என்ன இனிமையான பாட்டு தெரியுமாடா.... என்னடா படிக்கிறே..."

          

"இங்களிஷ்ல பாட்டுக்கு நடுவுல எழுதிருக்காங்கண்ணே.... அது என்ன வரின்னு புரியுதான்னு பார்க்கறேன்..." "YOUR BODY IS SOFT AND IT IS IN GOLDEN COLOR! , "WHEN MEGALA DANCED IN THAT PLACE!..."   

              

"அண்ணே... ஆறு பாட்டாச்சுண்ணே..."

                  

"இருடா இன்னும் இருக்கு.."  
   

"அம்மாடி...   ஊரெல்லாம் போலி வேஷம்..."சோகமாவா முடிக்கறது... ஜாலியா ஒரு பாட்டு...  

     

."காதல் பாட்டுதான் பாடிக்கோ ...பாடிக்கோ..."

    

"போறும்ணே... அலுத்துடும்....பதிவு வேற ரொம்ப நீளமாப் போகுதுண்ணே... "

      

"டேய்...  இன்னும் நாலஞ்சு எடுத்து வச்சிருக்கேண்டா..."

     

"ஐயோ... போறும்ணே...  அலுத்துடும்... "

    

"இன்னும் ஒண்ணே ஒண்ணுடா.."

    

"போண்ணே... கேக்கறவங்களை நினைச்சிப் பாருண்ணே... உன்னப் பத்தியே யோசிக்கிறே..."

    

"............................................................"

   

"விடுண்ணே... இன்னொரு சந்தர்ப்பத்துல பார்க்கலாம்....அப்புறம் இன்னொண்ணு வழக்கமா சொல்வியே அத்தச் சொல்லி முடிண்ணே"

                     

"என்னடா...."

            

"அதான் காட்சி முக்கியம் இல்லை கானம்தான் முக்கியம்... அபபடி இப்படிம்பியே...."

                   

"அதான் நீயே சொல்லிட்டியே... சரி விடு அப்புறம் பார்க்கலாம்..."

               

"விடுண்ணே... இன்னொரு சந்தர்ப்பத்துல பார்க்கலாம்...."

     

வாசகர்களுக்கு மூன்று கேள்விகள் .. படப்புதிர்!

இந்த தடவை ரொம்ப சிம்பிள் கேள்விகள் கேட்டு விடுகிறோம். கீழே, மூன்று படங்கள் கொடுக்கப் பட்டுள்ளன. அனைத்துமே நெட்டிலே சுட்டவைகள்தான். 

ஒவ்வொரு படத்தின் மீதும் ஆங்கிலத்தில் இரண்டு வரிகள் எழுதப்பட்டுள்ளன. தமிழ்ப் படங்கள்தான். அநேகமாக பாடல் காட்சிகள் என்று தோன்றுகிறது. 

நீங்கள் செய்யவேண்டியது எல்லாம் இவ்வளவுதான்: 

ஒவ்வொன்றும் என்ன (தமிழ்) பாடல் என்று எழுதவேண்டும். இங்கே காணப்படுவது எந்த வரிகள் என்று எழுதினாலும் ஓ கே. ஒவ்வொரு படத்தைப் பற்றியும் சுவையான மேலதிக தகவல்கள் பகிர்வோருக்கு சி சி சி பட்டம் அளிக்கப்படும். (சி சி சி = சினிமா உலக சிந்தனை சிற்பி!) 

பங்கு பெறுங்கள்; பட்டம் பெறுங்கள்! வாழ்த்துகள்! 

1) 

2)

3) 

                                      

உள்ளாட்சித் தேர்தலும் கண்டசாலாப் பாட்டும் - வெட்டி அரட்டை...

                                              

"என்ன சுவரை அபபடி வெறிச்சுப் பார்க்கறீங்க.." மனைவி சுவரின் பக்கத்தில் போய்ப் பார்த்து விட்டு என்னைக் கேட்டாள்.

".........................."

"உங்களைத்தான்... என்ன யோசனை... புத்தகத்தைப் பார்க்கறீங்க... சுவரைப் பார்க்கறீங்க... உடம்பு சரியில்லையா... மலச்சிக்கல் வந்த மாதிரி முழிக்கறீங்க..."

"இல்லை... காலைல வாக்கிங் போகும்போதிலிருந்து கொஞ்ச நேரம் முன் வரை மனசுக்குள்ள ஒரு பாட்டு போய்கிட்டுருந்தது.... கண்டசாலா பாட்டு..."

   

"மறுபடியும் வாக்கிங் அறுவையா...."

"இல்லப்பா... இப்போ கொஞ்ச நேரத்துக்கு முன்னாலே ஆட்டோல சத்தமா ஒரு பாட்டு வச்சிகிட்டே போனாங்க இல்ல..."

  

"இது வேற பாட்டா... அதே பாட்டா..."

"அட, ஏம்பா குழப்பறே... இது வேற பாட்டு சரி... ஆனா.."

"யாரு நான் குழப்பறேனா... இப்ப என்ன பிரச்னை உங்களுக்கு..."

"குறுக்க குறுக்க பேசாம என்னைப் பேச விட்டாதானே... இப்போ பாடிகிட்டுப் போன பாட்டு சின்னக் கவுண்டர் படத்துல வர்ற, 'அந்த வானத்தைப் போல மனம் படைச்ச தென்னவனே...'"

"சரி.. சரி.. பாடாதீங்க... பாட்டு என்னன்னு சொல்லுங்க போதும்... அப்புறம்..?"

"இந்தப் பாட்டு மாதிரியே இன்னொரு பாட்டு இருக்கு...."

"ஆமாம்.... லேடி வாய்ஸ்..."

"அட, இல்லப்பா... இதே பாட்டு டியூன்லையே இளையராஜா இன்னொரு பாட்டுப் போட்டிருக்கார்... அது ஞாபகம் வந்தது..."

"அது என்ன பாட்டு...?"

"நீதான் சொல்லேன்.."

"வேற வேலை இல்லை... உள்ள ஆயிரம் வேலை இருக்க உங்களை வந்து என்ன பிரச்னைன்னு கேட்ட என்னைச் சொல்லணும்... இதுலேயே ஒரு கேள்வி... இன்னும் மூலக் கேள்வி பாக்கி இருக்கற மாதிரித் தெரியுதே..."

"வர்றேன்... அதுக்குதான் வர்றேன்... ஆட்டோ போய் அரை மணி நேரம் ஆச்சு... இப்போ மனசுக்குள்ள இந்த 'வானத்தைப் போல மனம் படச்ச ' பாட்டுதான் ஓடறது... காலைல ஒரு கண்டசாலாப் பாட்டுச் சொன்னேனே, அது மறந்து போச்சு... அது என்ன பாடல்னு மண்டையை உடைச்சிக்கறேன்... ஊ...ஹூம்..."

"அடச்சே... இதுதானா... என்னமோ பெரிய பிரச்னைன்னு நினைச்சேன்... போங்கப்பா..... ஆமாம் சின்னக் கவுண்டர் பாட்டு சாயலிலேயே இன்னொரு பாட்டுன்னு சொன்னீங்களே.... அது என்ன பாட்டு..."

"யோசிச்சுதான் பாரேன்..."

"வேற வேலை இல்லை.... இப்பவே சொல்லிடுங்க அப்புறம் அதையும் மறந்துடுவீங்க..."

"அதை மறக்க மாட்டேன்... கண்டசாலா பாட்டுத்தான்... அதை யோசிச்சா அவரோட இன்னொரு பாட்டு ஞாபகம் வருது... 'ஆஹா இன்ப நிலாவினிலே...' ஆனால் அது இல்லை நான் காலைல பாடிக்கிட்டிருந்தது...."

    

"இதுலே இன்னொரு பாட்டு வேறயா... எரிச்சல் வருது.... செல்லுல கேஸ் பதிவு பண்ணுங்க வசதின்னு சொல்லி ரெஜிஸ்டர் செய்து பதினைந்து நாளாவுது... ஒரு மெசேஜும் காணோம்... அடுத்த தெருல கேஸ் காரன் வந்திருக்கானாம்... ஒரு எட்டு போய்ப் பாத்துட்டு வந்துடுங்க..." மனைவி உள்ளே சென்று விட்டாள்.

மகன் பக்கம் திரும்பினேன். "அமிதாப்புக்கு வயது அறுபத்தொன்பதாம்" என்று செய்தி வாசித்துக் கொண்டிருந்தவன், இந்த அபாயத்தை ஏற்கெனவே எதிர்பார்த்தவன் மாதிரி வேறு வேலையாகச் செல்வது போல நழுவி விட்டான்.

யோசித்துக் கொண்டே நடந்தேன். பழனிவேல் நண்பர் புடைசூழ வந்தவர் சட்டென ஒரு ஜரிகை அங்கவஸ்திரத்தைப் போர்த்தி விட்டு 'உங்க வோட்டு.எங்களுக்கே' என்று தாண்டிச் சென்றார்.

இரண்டு நண்பர்கள் "அட, சட்டசபை எம் பி எலெக்ஷனுக்குத்தான் கட்சி பார்க்கணும்... இதுக்கு வேணாம்டா... நம்மாளு நிக்கிறார் பாரு... அவர் யாரு.... நம்ம சகலைடா..." என்றபடி தாண்டிச் சென்றார்கள்.

எனக்கு உள்ளாட்சித் தேர்தல் மேலேயே கோபம் வந்தது. அதற்குப் பிரச்சாரம் என்று ஆட்டோவில் பாட்டுப் போட்டதால்தானே எனக்கு இப்போ மண்டையிடி!

   

கேஸ் சிலிண்டர் விநியோகித்துக் கொண்டிருந்தவன் என்னை பூச்சிக்கு சமானமாக மதித்துப் பேசினான். "எப்பவும் உடனே மெசேஜ் வந்துடுமேப்பா.."

   

"எனக்குத் தெரியாது...கம்பெனிக்கு ஃபோன் பண்ணிக்கோ"

"செல்லுல புக் செய்தா ரெண்டு தரம் ஒழுங்க மெசேஜ் வருது. இப்போ தகவலே காணோமே... 'வரல்லைன்னா ரெண்டை அமுக்குங்க புகார் செய்ய' னு வருது அமுக்கினால் 'உங்களுக்கு இந்த வசதி இல்லை'ங்குது...'மூணை அமுக்குங்க தற்போதய நிலவரம் தெரியும்' என்று ரெகார்டட் குரல் சொல்லுது... மூணை அமுக்கினால் நமக்குத் தெரிந்த விவரம் சொல்லிட்டு ஆஃப் ஆயிடுது... இதுக்கு ஒரொரு தரமும் ஒரு காலுக்கு அறுபது பைசா வேற... என்னப்பா இது.."

"எனக்குத் தெரியாது... இந்தா கம்பெனி நம்பர்... போன் பண்ணிக்கோ... ஆளை விடு..."

வெறுப்புடன் திரும்பும் வழியில் எதிர்ப்பட்ட நண்பரிடம் கண்டசாலா பாட்டு பற்றிக் கேட்டேன்.

"உலகே மாயம்... வாழ்வே மாயம்... தேவதாஸ் பாட்டு எல்லாம் அவர் பாடினதுதானே..."

"அது இல்லைங்க....இது வேற..."

"உறவுமில்லை... பிரிவுமில்லை... ஒன்றுமே இல்லை..." பாடினார்

"அதுவுமில்லை.... தேவதாஸ் பாட்டு இல்லீங்க..."

"சரி.. ஞாபகம் வந்தால் எனக்கும் சொல்லுங்க...அபபடி என்ன பாட்டுன்னு பார்க்கறேன்" விலகிச் சென்றார்.

விட்டுத் தொலைக்கலாம் என்றால் முடியவும் மாட்டேன் என்கிறது...

கூகிள் பண்ணிப் பார்த்தால் வரும் லிஸ்ட்டில் வடிகட்ட முடியுமா.... பார்க்கிறேன்!