"திங்க"க்கிழமை : அவல் கேசரி - பானுமதி வெங்கடேஸ்வரன் ரெஸிப்பி

அவல் கேசரி 

தேவையான பொருள்கள்:

கெட்டி அவல்    -  1 1/2 கப் 

சர்க்கரை             - 1 1/2 அல்லது 2 கப் 

ஏலக்காய்            - 4

முந்திரி &            - 8

உலர்ந்த திராட்சை 

நெய்                     - 4 டேபிள் ஸ்பூன் 

செய்முறை:

ஒரு வாணலியில் ஒரு டேபிள் ஸ்பூன் நெய் விட்டு அதில்  கெட்டி அவலை போட்டு லேசாக வறுத்து, பின்னர் நீரில் கழுவி ஊற வைக்கவும். 

பத்து நிமிடங்கள் ஊறியதும் வடிகட்டி கொண்டு வாணலியில் போட்டு வேக வைக்கவும். வெந்ததும், சர்க்கரையை சேர்த்து கிளறவும். சர்க்கரை சேர்த்ததும் கொஞ்சம் தளர ஆகி விடும். 

பயப்பட வேண்டாம்.அடுப்பை சிம்மில் வைத்து, கேசரி பவுடரை கொஞ்சம் நீரில் கரைத்து சேர்த்து கை விடாமல் கிளறவும். கெட்டியாக ஆனதும், சிறிதாக உடைத்த முந்திரி,மற்றும் திராட்சையை நெய்யில் வறுத்து சேர்த்து, ஏலக்காயையும் பொடி பண்ணி கேசரியோடு சேர்த்தால் சுவையான அவல்  கேசரி ரெடி. செய்ய மிகவும் சுலபமான கேசரி இது.

பி.கு.: சன்ன(பொடி) சர்க்கரை இனிப்பு அதிகம் இனிக்கும். அதை சேர்க்கும் பொழுது, அவல் கெட்டியாக நேரம் எடுக்கும். இதற்கு சன்ன அவலை கழுவி சேர்த்தால் சீக்கிரம் கெட்டியாகி விடும்.