ஏடிஎம் திருடன்

ஏ டி எம் மில் பணம் எடுக்கச் சென்றான் அவன்.  ஏதோ கோளாறு. இரண்டு மூன்று முறை போட்டும் பணம் வரவில்லை.  அது ஏதோ பேப்பரைதான் உமிழ்ந்து கொண்டிருந்தது.

வெறுப்புடன் வெளியே வந்தவன் அருகே வேறு எங்கே ஏடிஎம் இருக்கிறது என்று பார்த்தபடியே வந்தான்.   கொஞ்சம் தள்ளி வந்து பார்த்தால் அங்கு ஒரு ஏடிஎம் இருந்தது.  உள்ளே ஒருவர் பணம் எடுத்துக்கொண்டிருந்தார்.  வெளியே இருவர் அமர்ந்து பராக்குப் பார்த்துக் கொண்டிருந்தனர்.  

கொஞ்சம் பொறுத்து பணம் எடுத்தவர் வெளியே வந்தவர் பணத்தை ஒருமுறை எண்ணிப் பார்த்து சரிபார்த்துக் கொண்டு பர்சில் வைத்துக் கொண்டு நடந்தார்.  இவன் உள்ளே செல்லும் முன் பிடித்துக்கொண்டிருந்த சிகரெட்டை அணைக்கவேண்டி சற்று தாமதித்தான்.  அப்போது அங்கு பேசிக் கொண்டிருந்த இருவரில் ஒருவன் எழுந்து சற்றுமுன் நடந்தவர் சென்ற வழியில் விரைந்தான்.  அவன் வேகம் வித்தியாசமாக இருந்ததை கவனித்தான்.

இவன் உள்ளே சென்றான்.  வாசலில் அமர்ந்திருந்தவன் மேல் ஒரு பார்வை வைத்துக்கொண்டே பணம் எடுத்தான்.  இங்கு வெற்றிகரமாக பணம் வந்தது.  அதை எடுத்து உள்பாக்கெட்டில் வைத்துக்கொண்டவன் உடனே வெளியே வராமல் சற்று யோசித்தான்.  வேறு யாராவது துணைக்கு வருவார்களா என்று பார்த்தான்.   தன் சந்தேகம் சரியா என்றும் தெரியவில்லை.

இன்னும் சற்றுப்பொறுத்து வெளிய வந்தான் அவன்.   வெளியில் அமர்ந்திருந்தவன் எழுந்து அருகில் வந்தவன் பேண்ட் பாக்கெட்டுக்குள் கைவிட்டு கத்தியை எடுத்து விரித்து இவன் இடுப்பில் வைத்தான்.

"ம்ம்...   கொடு..."  

"எதைக் கொடுக்க?"

"பணம்...    எடுத்த பணத்தைக் கொடுக்கறியா, இல்லை....?"  

"பைக்குள் கைவிட்டு பழைய ஏடிஎம் மெஷின் உமிழ்ந்த பேப்பர்களை எடுத்து அவன் கையில் கொடுத்தான்.  "இதோ...    இதுதான் வந்தது...    ஏடிஎம்மாய்யா இது?   என் கணக்குல இருக்கற நூறு ரூவாயைக்கூட கொடுக்காம என்ன ஏடிஎம்?  அவசரத்துக்கு பணம் எடுக்க முடியலை...    இதுல வாசல்ல ஒரு ஆளு...   அவன் கையில கத்தி...   ச்ச்சே..." என்றபடி அந்த பேப்பர்களை அவன் கையில் வைத்து வெறுப்புடன் அழுத்தினான்.  சட்டை பேண்ட் பாக்கெட்டுகளை தட்டிக் காண்பித்தான்.  படபடப்பாக இருந்தது.  வொர்க் அவுட் ஆகுமா?  மெல்ல ஒரு சிகரெட்டை எடுத்துப் பற்றவைத்தான்.

அவன் அந்த பேபாப்ர்களை லேசாக பிரித்துப் பார்த்தவன் கத்தியை மடக்கிக் கொண்டு அவனை நம்பமுடியாமல் பார்த்தான். 

"அரைமணி முன்னால ஒருத்தன் வந்து பணம் எடுத்தான்...  வந்ததே..."  என்றபடி பேண்ட் பாக்கெட்டுக்குள் கையை விட்டு சில நூறு ரூபாய்களை எடுத்துக் காண்பித்தான்.

"அப்படியா?  எனக்கு வரலையே...   செலவுக்கு கூட காசில்லே...    வெறுப்பா இருக்கு..."  என்றபடி அவன் கையில் இருந்த நூறு ரூபாய் நோட்டுகளை கொஞ்சம் அதீத ஆர்வத்துடன் ஆர்வமுடன் பார்த்தான் இவன்.  

திருடன் அவசரமாக பணத்தை உள்ளே வைத்துக் கொண்டவன் ஒரு நூறு ரூபாயை மட்டும் இவனிடம் கொடுத்தவன் "போய்யா" என்றபடி திரும்பி நடந்தான்.

[ ஒரு உறவினரின் நண்பருக்கு நடந்த உண்மை சம்பவத்தை, மிக இலேசான மாறுதலுடன்...]

===========================================================================================

மாஸ்டர் பிளான்!

ராஜ தந்திரம்!

==================================================================================================

இந்திரா சோனியா காந்தி கோபித்துக்கொள்ள மாட்டாரோ!  சாதாரணமாக சரோஜா தேவிதான் இப்படி உச்சரித்துப் பேசுவார்.  ஆனால் ஒருபோட்டிக்காக தேவிகாவும் இப்படிப் பேசியிருப்பார் போல!

============================================================================================

கனவுக்குள் கனவுக்குள் கனவுக்குள் கனவு...

==============================================================================================