பெருமாள் கண்ணைத் திறந்துவிட்டார்

 ஏழைகள், மன நலம் பாதிக்கப்பட்டவர்கள், ஆதரவற்றோருக்கு உதவுவதையே தன் வாழ்க்கை முறையாக கொண்டிருப்பது பற்றி கூறும் சென்னை, அண்ணாநகரைச் சேர்ந்த சிவகாமி:

சமீபத்தில் அரசு மருத்துவமனையிலிருந்து, காலை 11:00 மணிக்கு செவிலியர் ஒருவர் என்னை மருத்துவமனைக்கு அழைத்தார்.அங்கு சென்று பார்த்போது, மனைவியை இழந்திருந்த ஒரு முதியவர், சாலையில் விபத்தில் சிக்கி, உயிருக்கு ஆபத்தான நிலையில் மருத்துவமனையில் அனுமதிக்கப்பட்டிருந்து, மூன்று மாத சிகிச்சைக்கு பின் குணமாகி இருந்ததை அறிந்தேன்.

அந்த முதியவரை மருத்துவமனையிலிருந்து வீட்டுக்கு அனுப்பி வைக்க முடிவு செய்த செவிலியர்கள் அவரிடம் பேசிய போது, போதிய தகவல்களை பெற முடியாததால், என்னை அணுகி இருந்தனர். அந்த முதியவரிடம் பேசிய போது, அவருக்கு திருவண்ணா மலை சொந்த ஊர் என்பது தெரிந்தது. அவர் சொன்ன தகவல்களை வைத்து, நிறைய போன் செய்து, கடைசியில் உறவினர்களை கண்டுபிடித்து விட்டேன். வந்து அவரை அழைத்துச் செல்லுமாறு கூறிய போது, 'அவர் எங்கள் சொந்தமே இல்லை; பத்திரமாக முதியோர் இல்லத்தில் சேர்த்து விடுங்கள்' என்று கூறி, போனை துண்டித்து விட்டனர்.போலீஸ் உதவியுடன், அவரை காப்பகத்தில் சேர்ப்பதற்கான பணிகளை செய்து முடித்து வீடு திரும்பிய போது, இரவு 11:00 மணி இப்படி தான் பல நேரங்கள் ஆகும்.அண்ணாநகரில் சாலையில் சுற்றித் திரிந்த நடுத்தர வயது பெண்ணை பிடித்து, போலீசில் உட்கார வைத்திருந்தனர்.
அந்த பெண்ணிடம் பக்குவமாக பேசியதில், அவர் மிகவும் அதிகமாக படித்தவர் என்பதும், நாட்டிலேயே ஒரு சிலர் மட்டுமே படித்துள்ள அந்த படிப்பில் தேர்ச்சி பெற்றவர் என்பதும், திடீரென இப்படி மனநலம் பாதிக்கப்பட்டு, சாலையில் சுற்றித் திரிந்ததும் தெரிய வந்தது.வட மாநிலத்தை சேர்ந்த அவரை மீட்டு, குடும்பத்தினரிடம் ஒப்படைத்தேன்; அவர்களுக்கு மகிழ்ச்சி.இன்னொரு பெண்ணை மீட்டு, அவரிடம் பேசிக் கொண்டிருந்த போது, திடீரென என்னை கடித்து விட்டார். அவரிடம் அன்பாக பேசி, காப்பகம் ஒன்றில் சேர்த்து வீடு திரும்பினேன்.
இன்னொரு பெண், சென்னையின் ஆச்சாரமான ஒரு குடும்பத்தை சேர்ந்தவர்; மெத்த படித்தவர். ஒரே மகன். கணவர் இறந்ததும், மகன் தாயை சேர்த்துக் கொள்ள விரும்பாமல் அப்படியே விட்டு விட்டார். பசியால் சாலைகளில் அலைந்தவரை மீட்டு, காப்பகத்தில் சேர்த்து விட்டேன்.நான், தேனி மாவட்டத்தை சேர்ந்தவள். எனக்கு கணவர், மகன் உள்ளனர். பெரிய அளவில் வருமானம் கிடையாது. வாடகை வீட்டில் தான் வசிக்கிறேன். எனினும், துன்பத்தில் உழல்பவர்களுக்கு உதவி செய்வதையே, தொண்டாக கருதி வாழ்கிறேன்!

==============================================================================================================

பழம்பெரும் நடிகர் எம்.கே.தியாகராஜ பாகவதர் பேரனுக்கு, அரசு சார்பில் குறைந்த வாடகை குடியிருப்பு மற்றும் ஐந்து லட்சம் ரூபாய் நிதியுதவி வழங்கப்படும்' என, முதல்வர் ஸ்டாலின் பழம்பெரும் நடிகர் எம்.கே.தியாகராஜ பாகவதர் பேரனுக்கு, அரசு சார்பில் குறைந்த வாடகை குடியிருப்பு மற்றும் ஐந்து லட்சம் ரூபாய் நிதியுதவி வழங்கப்படும்' என, முதல்வர் ஸ்டாலின் அறிவித்துள்ளார்.  

எம்.கே.டி., என்று அன்போடு அழைக்கப்பட்ட, எம்.கே.தியாகராஜ பாகவதர், தமிழ் திரைப்பட உலகின், முதல் நட்சத்திர அந்தஸ்து பெறற, உயர் நட்சத்திர கதாநாயகன்.

மிகச் சிறந்த கர்நாடக சங்கீத பாடகர். அவர் நடித்த பல திரைப்படங்கள், வெற்றிப் படங்களாக தமிழகத்தில் உலா வந்தன. குறிப்பாக, 1944ல் வெளியான, ஹரிதாஸ் என்ற திரைப்படத்தில், கதாநாயகனாக நடித்த பின், தமிழ் திரையுலகின் முதல், 'சூப்பர் ஸ்டாராக' கருதப்பட்டார்.
அவரது மகள் வழிப்பேரன் சாய்ராம் மற்றும் அவரது குடும்பத்தினர், தற்போது மிகவும் வறிய நிலையில், குடியிருக்க வீடின்றி, மிகவும் சிரம மான சூழ்நிலையில் வசித்து வருகின்றனர்.
தங்களுக்கு உதவி செய்யும்படி, முதல்வர் அலுவலகத்தில், சாய்ராம் மனு கொடுத்தார்.

இதை அறிந்த முதல்வர், அவரது குடும்பத்திற்கு, குறைந்த வாடகையில், வீட்டுவசதி வாரியக் குடியிருப்பில், பொது ஒதுக்கீட்டின் கீழ், வீடு ஒதுக்கி தர உத்தரவிட்டுள்ளார். மேலும், முதல்வர் பொது நிவாரண நிதியிலிருந்து, ஐந்து லட்சம் ரூபாய் வழங்க ஆணையிட்டு
உள்ளார்.

========================================================================================================================

வழக்கமாக யார் ஆட்சிக்கு வந்தாலும் இது போல பக்தர்கள் கோரிக்கை வைப்பது வழக்கம்தான் ஆனால் அதை யாரும் இதுவரை கண்டுகொள்ளவில்லை ஆனால் அமைச்சர் சேகர்பாபு இந்த கோரிக்கைக்கு முக்கியத்துவம் கொடுத்து அதிகாரிகள் துணையோடு இந்தக் கோவிலுக்கு வந்து சுற்றிப்பார்த்தும் அங்குள்ள பட்டாச்சார்யர்களிடம் கேட்டும் குறைகளை அறிந்து கொண்டார்.

இங்குள்ள ஆறு ஊழியர்களும் முதலில் நிரந்தரமாக்கப்படுவர்,கோவிலின் முகப்பை அழகை மறைக்கும் கடைகள் அகற்றப்படும்,இந்த வருடமே கோவில் சீரமைக்கப்பட்டு கும்பாபிேஷகம் நடத்தப்படும் என்று அறிவித்ததோடு ஆக்ரமிப்பாளர்களிடம் இடத்தை காலி செய்யும்படி உத்திரவிட்டும் சென்றார்.

ஆதிமூலப்பெருமாள் கோவில் பக்தர்களுக்கு மிகவும் சந்தோஷம் அவர்கள் சொன்ன ஒரே வார்த்தை ‛ பெருமாள் கண்ணைத் திறந்துவிட்டார்' என்பதுதான்....  இங்குள்ள ஆறு ஊழியர்களும் முதலில் நிரந்தரமாக்கப்படுவர்,கோவிலின் முகப்பை அழகை மறைக்கும் கடைகள் அகற்றப்படும், இந்த வருடமே கோவில் சீரமைக்கப்பட்டு கும்பாபிேஷகம் நடத்தப்படும் என்று அறிவித்ததோடு ஆக்ரமிப்பாளர்களிடம் இடத்தை காலி செய்யும்படி உத்திரவிட்டும் சென்றார்.

==============================================================================================================