வெள்ளி வீடியோ : மயக்கத்தில் வந்தவள் வெண்மதிபோலே மனதினில் குளிர்வதுண்டு

 மறுபடியும் சூலமங்கலம் சகோதரிகள் பாடிய ஒரு பாடல்.  இரண்டே சரணங்கள்.  அவையும் சிறிய சரணங்கள்.  இனிமையான பாடல்.  யார் எழுதியது, யார் இசை என்றெல்லாம் என்னைக் கேட்கக் கூடாது!!

முத்துவேல் ரத்தினவேல் முருகன் கை வேலாகும் 

முத்தமிழில் புகழ் பாடும்  முருகன் பேர் அழகாகும் 

முருகன் பேர் அழகாகும் 

தித்திக்கும் தேன் அமுதம் முருகன் வாய் மொழியாகும் 

கண்மணியில் கலந்திருக்கும் முருகன் அருள் ஒளியாகும் 

நினைவில் வந்து ஆடுவதும் முருகன் ஏறு மயிலாகும் 

கனவில் வந்து ஆடுவதும் சேவல் எனும் கொடியாகும் 

ஆசை மனதில் பாடுவதும் முருகன் ஆறு முகமாகும் 

அன்பில் இன்பம் தேடுவதும் முருகன் என்ற பழமாகும் 

முருகன் என்ற பழமாகும் 

===============================================================================================

1975 ல் வெளியான படம் 'வாழ்ந்து காட்டுகிறேன்.  முத்துராமன்-சுஜாதா நடித்துள்ள படத்தில் வில்லியாக பத்மப்ரியா!  அவர் பாடும் பாடலாகத்தான் இன்றைய வாணி ஜெயராம் பாடல்.  

எஸ் எஸ் தென்னரசுவின் கதைக்கு மகேந்திரன் கதை வசனம் எழுத, கண்ணதாசன் பாடல்களுக்கு எம் எஸ் விஸ்வநாதன் இசை.  இந்தப் பாடல் பத்மப்ரியா பாடும்போது வாணிஜெயராம் குரலில் மாதவிக்கு ஆதரவாகவும், சுஜாதா பாடும்போது பி சுசீலா குரலில் கண்ணகிக்கு ஆதரவாகவும் எழுதி இருப்பார் கண்ணதாசன்.

காவிரி நகரினில் கடற்கரை ஓரத்தில்

மாதவி ஆடவந்தாள் – ஒரு

மன்னவன் கூட வந்தான் – அவர்

பூவிரி மஞ்சத்தில் பொருந்திய பின்பே

கண்ணகி வாழவந்தாள் அதையும்

மாதவி காண வந்தாள்

.

(காவிரி...)

.

திருவும் மனமும் சேந்ததுதானே

திருமணம் என்றுரைப்போம் - அங்கு

திரு வேறாகவும் மனம் வேறாகவும்

இருவரும் தனித்திருந்தார்

மாலையணிந்தவள் சூரியன் போலே

காய்கின்ற குணமும் உண்டு -ஆனால்

மயக்கத்தில் வந்தவள் வெண்மதிபோலே

மனதினில் குளிர்வதுண்டு

மனதினில் குளிர்வதுண்டு (காவிரி)

நாடகத்தில் வரும் மணமக்கள் எல்லாம்

நல்லிசை பயின்றதுண்டு

நாடகத்தில் வரும் மணமக்கள் எல்லாம்

நல்லிசை பயின்றதுண்டு

அந்த நாடகம் முடிந்து திரையும் விழுந்தால்

இருவரும் பிரிவதுண்டு

ஆயிரம் காலத்து தென்றலைப் போலே

வாழிய குலமகளே - உன்னை

அருகினில் இருந்து பார்த்துக் கொண்டிருப்பாள்

அழகிய கலைமகளே

அழகிய கலைமகளே

காவிரி நகரினில்