"திங்க"க்கிழமை : வரகரிசிக் கஞ்சி - துரை செல்வராஜூ ரெஸிப்பி

 வரகரிசிக் கஞ்சி வைப்பதற்குத் தேவையான பொருட்கள் :

வரகரிசி  200 கி

பாசிப்பருப்பு 25 கிராம்.

சீரகம் ஒரு tsp

மிளகுத்தூள் ஒரு  tsp

மஞ்சள்தூள் ஒரு சிட்டிகை

வெந்தயம் ஒரு tsp

வீட்டுத் தயிர் 1 கப் 

பசு வெண்ணெய் ஒரு tbsp

கல் உப்பு ,

வீட்டுத் தயிர் தேவைக்கு ..

செய்முறை :

 வரகரிசியை வெறும் வாணலியில்  இளஞ் சிவப்பாக வறுத்து மிக்ஸியில் ஒன்றிரண்டாக  உடைத்துக் கொள்ளவும்.

 பாசிப் பருப்பையும் இதே போல வறுத்து, ஒன்றிரண்டாக  உடைத்துக் கொள்ளவும்.

இரண்டையும் ஒன்று சேர்த்து, ஒன்றுக்கு மூன்று என்ற கணக்கில் நீர் விட்டு, வேக வைக்கவும்..

அரை வேக்காட்டில் மஞ்சள்தூள், உப்பு, மிளகுத் தூள், சீரகம் வெந்தயம் மற்றும் நறுக்கிய வெங்காயம் இவற்றை ச் சேர்க்கவும்..

நன்றாகக் குழைந்து வருகின்றபோது அடுப்பில் இருந்து இறக்கி  வெண்ணெய் சேர்த்து மல்லித் தழை தூவி சற்று ஆறியதும் தயிர் கலந்து பரிமாறவும்.

வரகரிசிக்குப் பதிலாக பச்சரிசி குறுநொய் சேர்த்தும் இதே பக்குவத்தில் செய்யலாம்..

நம்முடைய நலன் நம்முடைய கையில்..

***