"திங்க"க்கிழமை : குளிர் பானம் - Mojito - பானுமதி வெங்கடேஸ்வரன் ரெசிபி

 

 கோடைக்கேற்ற 

குளிர் பானம் - Mojito*

தேவையான பொருள்கள்:

தர்பூசணி பழச்சாறு - 800 ml.

Sprite. - 800 ml

புதினா - ஒரு கைப்பிடி 

சர்க்கரை. - 1 டீ ஸ்பூன்

உப்பு - 1 டீ ஸ்பூன்

ஐஸ் கட்டிகள் சிறிதளவு 

செய்முறை:

தர்பூசணியை மிக்ஸியில் சாறு எடுத்து வடிகட்டி கொள்ளவும்.

தர்பூசணி சாறு எவ்வளவு வருகிறது அதே அளவு Spriteஐக் கலக்கவும்.

புதினா, உப்பு, சர்க்கரை இவைகளை சிறிய உரலில் இடித்து அல்லது மிக்ஸியில் அரைத்து, வடிகட்டி வாட்டர்மிலன் ஜூஸோடு சேர்க்கவும். 

பிறகு அதில் ஐஸ்கட்டிகளை மிகக்க விட்டு ஆனந்தமாய் பருகுங்கள். 

Sprite கொஞ்சமாக சேர்த்து எலுமிச்சை சாறு சேர்த்து, எலுமிச்சம் பழத்தை மெல்லிய வட்டமாக கட் பண்ணி மிதக்க விட்டால் வேற லெவல் லுக்!

* Mojito என்பதை 'மொஜிடோ' என்று உச்சரிக்கத் கூடாது 'மொய்டோ' என்று உச்சரிக்க வேண்டும்(இது வேறயா? என்று கேட்காதீர்கள்).

================================================================================================

கொஞ்சம் பழைய சாதம்!  86 ஆம் ஆண்டு விகடன் 

விகடன் 21.12.86 இதழில் 'எதற்கெடுத்தாலும் காலில் விழுவதா?' என்ற பேட்டி பற்றிப் படித்தேன். இந்த 'நாகரிகம்' பற்றி கிரேக்க நாட்டில் நடந்த ஒரு நிகழ்ச்சி..

அரிஸ்டாப்பஸ் எனும் கிரேக்க தத்துவ ஞானி (சாக்ரடீஸின் மாணவர்) - அன்று அந்நாட்டை ஆண்ட கொடுங்கோல் அரசன் டயோனிசியஸ் காலில் ஒரு முறை விழும்படியான சூழ்நிலை ஒன்று ஏற்பட்டது. நண்பன் ஒருவனுடைய உயிரைக் காக்கும் பணியில் கொடுங்கோலனின் காலில் விழுந்து கோரிக்கையை எடுத்துரைத்தார் அரிஸ்டாப்பஸ்.

இந்த இழிந்த நிலை கண்டு எள்ளி நகையாடிய நண்பர்களுக்கு பிற்பாடு ஒரு விளக்கத்தைத் தந்தார் அரிஸ்டாப்பஸ். "நான் அரசன் காலில் விழவேயில்லை. செய்தியை அவன் மூளைக்கு எட்டுமாறும்  அவனது காதில் விழுமாறும், அவன் மூளைக்கு விண்ணப்பம் செய்தேன். கடவுள் அவனுக்குக் காதையும் மூளையையும் காலில் வைத்திருக்கிறார். நான் என்ன செய்வது?" என்றார் அவர். இவ் விளக்கம் காலம் கடந்து, இன்றும் பொருந்துமாறு அமைந்துள்ளது.

'கால் மூளையர்' இன்றுகூட நிரம்பியிருந்தால் யார்தான் என்ன செய்ய முடியும்? எது எப்படி இருந்த போதிலும் தாய்,தந்தை, ஆசான் அற்ற, மற்றவர் காலில் விழுவது ஈனமான செயலாகும் என நான் திண்ணமாக நம்புகிறேன். 'இந்தக் 'கால் மூளையர்' இனம் என்று மறைகிறதோ, அன்று நாடு முன்னேறும்.

-டாக்டர் கி. வேங்கடசுப்ரமணியன்,

புதுச்சேரி

==========================================================================================

கண்ணைக் கவர்ந்த காட்சிகளை சட்டென படம் பிடித்த தருணங்கள்..

இரண்டு பெரிய கழுகுகள் ஆதுரத்துடன் ஒன்றையொன்று தழுவிக் கொண்டிருப்பது போல இல்லை?  வலது பக்கம் இருக்கும் பறவை ஆறுதல்தேடி இடது பக்கம் இருக்கும் பறவையின் நெஞ்சில் முகம் புதைக்க, இடதுபுற கழுகு ஆதுரத்துடன் அணைத்து ஆறுதல் கூறுகிறது!

வளைந்து திரும்பும் சாலை..  கொஞ்சம் சரிவாகக் கூட செல்கிறதோ....

அந்த மலையே  ஒரு பெரிய மாளிகை / கட்டிடம் போலவும், பாதை  அதற்குள் நுழையும் வாசல் போலவும் தோன்றவில்லை?  மரங்களடர்ந்த அந்தச் சூழல் மனதை என்னவோ செய்யவில்லை?  அமைதியைத்தேடி போவது போல..

வளைவில் சட்டென சாலை முடிந்திருந்தால்?  சரேலென பெரிய சரிவாய் இருந்தால்?  ஆனால் எல்லா திருப்பங்களும் திருப்பத்தைக் கொடுத்து விடுவதில்லை!

திரும்பியதும் ஒன்றுமில்லை..  இதுவும் ஒரு சாதாரண சாலைதான் என்று தெரியும்போது வருவது ஏமாற்றமா ஆறுதலா?

எதிர்பார்ப்புகளோடும் ஏமாற்றங்களோடும் தொடர்ந்து கொண்டுதான் இருக்கிறது வாழ்க்கை - இந்த சாலையைப் போல..