வெள்ளி வீடியோ : மூன்று கனிச்சாறு ஒன்றாகப் பிழிந்து மோகரசம் கொஞ்சம் அளவோடு கலந்து

நிலவே நீ சாட்சி.  இன்றும் இரண்டு பாடல்கள்.

1970இல் வெளிவந்த படம். வழக்கம்போல நான் படம் பார்க்கவில்லை.  ஆனால் கதை ஓரளவு யூகிக்கக் கூடியது.

ஜெய்சங்கர், முத்துராமன், கே ஆர் விஜயா நடித்தது.  பி மாதவன் இயக்கம்.  கண்ணதாசனின் பாடல்களுக்கு எம் எஸ் விஸ்வநாதன் இசை.

நான் கல்லூரி படிக்கும் காலங்களில் ரசித்துக் கேட்கும் எஸ் பி பாலசுப்ரமணியம் பாடல்களில் இந்தப் படத்தின் டைட்டில் சாங் மிகவும் பிடித்த பாடல்.  வழக்கம் போல எனக்குமிகவும் பிடித்த பாடலை இரண்டாவதாகவும், சுமாரான பாடலை முதலாவதாகவும் பகிர்கிறேன்.  

பொன் என்றும் பூவென்றும் தேனென்றும் சொல்வேனோ 

பொன் என்றும் பூவென்றும் தேனென்றும் சொல்வேனோ   

பெண்ணைப் பார்த்தால் சொல்லத் தோன்றும் 

இன்னும் நூறாயிரம்..

இன்னும் நூறாயிரம்.. 

மூன்று கனிச்சாறு  ஒன்றாகப் பிழிந்து  

மோகரசம் கொஞ்சம் அளவோடு கலந்து 

மூன்று கனிச்சாறு  ஒன்றாகப் பிழிந்து  

மோகரசம் கொஞ்சம் அளவோடு கலந்து 

கோதை மதுவாகப் பொன்மேனி மலர்ந்து 

பூவை வந்தாள் பெண்ணாகப் பிறந்து 

பூவை வந்தாள் பெண்ணாகப் பிறந்து  

கோடை வசந்தங்கள் குளிர்காலம் என்று 

ஓடும் பருவங்கள் கணநேரம் நின்று

கோடை வசந்தங்கள் குளிர்காலம் என்று 

ஓடும் பருவங்கள் கணநேரம் நின்று 

காதல் கவிபாடும் அவள்மேனி கண்டு 

காண கண் வேண்டும் ஒருகோடி இன்று 

காண கண் வேண்டும் ஒருகோடி இன்று 

கன்னி இளம்கூந்தல் கல்யாணப்பள்ளி 

கண்கள் ஒளிவீசும் அதிகாலை வெள்ளி 

கன்னி இளம்கூந்தல் கல்யாணப்பள்ளி 

கண்கள் ஒளிவீசும் அதிகாலை வெள்ளி

தென்றல் விளையாடும் அவள் பேரைச்சொல்லி 

இன்பம் அவள் இன்னும் அறியாத கல்வி 

இன்பம் அவள் இன்னும் அறியாத கல்வி   

முதலில் கே ஆர் விஜயாவோடு டூயட் பாடியிருக்கும் ஜெய்சங்கர் இப்போது தன்னிலை மறந்தவராயிருக்கிறார்.  கே ஆர் விஜயாவின் கணவர் ஜெய்சங்கருக்கு மருத்துவம் பார்க்கும் டாக்டர்.  முன்னர் ஜெய்யும் விஜயாவும் பாடிய பாடலை இப்போது பாடச்செய்து ஜெய்யை குணமாக்குகிறார்!  

 ஜெய்யின் நெற்றியில் நட்சத்திரங்கள் வெடித்து அதில் கே ஆர் விஜயா முகம் தெரிந்ததும், பார்த்துக்கொண்டிருக்கும் முத்துராமன் முகத்தில் புன்னகை பிறக்கிறது!

இந்தப் பாடலில் எஸ் பி பி யின் குரல்தான் வழக்கம்போல ஸ்பெஷல்.  கண்ணதாசன் வரிகளும்!  இதை அப்போது கேசட்டில் பதிவு செய்ய மிக அலைந்தேன்!  நிறைய கடைகளில் கிடைக்கவில்லை.  நண்பர் ஒருவர் அவர் கேசட்டில் வைத்திருந்தார்.  அதை கேசட் டு கேசட் காபி செய்தேன்!

நிலவே நீ சாட்சி 

மன நிம்மதி நாடும் உயிர்களுக்கெல்லாம் 

நிலவே நீ சாட்சி 

பாதைகள் இரண்டு சந்திப்பதும் அதில் 

பயணம் செய்பவர் சிந்திப்பதும் 

பாதைகள் இரண்டு சந்திப்பதும் அதில் 

பயணம் செய்பவர் சிந்திப்பதும் 

காதலில் கூட நடப்பதுண்டு அங்கே 

காலத்தின் தேவன் சிரிப்பதுண்டு 

காலத்தின் தேவன் சிரிப்பதுண்டு  

ஒரு சில உள்ளத்தில் சுவை பேச்சு 

சில உள்ளங்களில் ஏனோ பெருமூச்சு  

ஒரு சில உள்ளத்தில் சுவை பேச்சு 

சில உள்ளங்களில் ஏனோ பெருமூச்சு  

இருவரை இணைத்து திரை போட்டு - இது 

இறைவன் நடத்தும் விளையாட்டு 

 இறைவன் நடத்தும் விளையாட்டு