அபிஷ்டு

மறதி பற்றி ஓரிரு வாரங்களுக்கு முன் சிறு போட்டி வந்தது.  என் மறதி பற்றிச் சொன்னபோது, கீதா கூட மறதியில் தன்னை அடிச்சுக்க முடியாது என்று பெருமைப்பட்டுக் கொண்டார்.  அப்போது நினைவுக்கு வந்த சில விஷயங்கள்....

சாப்பிடும்போது என் கைக்கு அருகிலேயே மொபைலை வைத்துக் கொண்டு சாப்பிடுவது வழக்கம்.  மேஜர் சந்திரகாந்த் மேஜர் போல எனக்கு என் பொருட்கள் எல்லாம் வைத்தது வைத்த இடத்தில் இருக்கவேண்டும்.   இல்லாவிட்டால் படத்தில் அவர் உருண்டு விழுவார்.  நிஜத்தில் நான் மறந்து விடுவேன்!  சாவியா, வலது பாக்கெட்,   செல்லா இடது பாக்கெட்,  அதது அதனதன் இடத்தில்...   என் அம்மா கற்றுத் தந்தது!  சின்ன வயதிலிருந்தே அப்படிதான்!  சாப்பிடும்போது நண்பரிடமிருந்து அலைபேசி வந்தது.   சாப்பிடும்போது அலைபேசினால் பாஸுக்குப் பிடிக்காது.  கைஜாடை காட்டி இன்னும் வேணும்... போதும் என்றெல்லாம் காட்டினால் கோபம் வரும்.  

சாப்பிட்டு எழுந்து தேடுகிறேன் தேடுகிறேன் என் செல்லைக் காணோம்...   பேச்சில் கவனமில்லாததால் நண்பர் 'என்ன, எங்கேயோ கவனமாயிருக்கே'  என்று கேட்டார்.  சொன்னேன்.   "நல்லாத் தேடு...     கிடைச்சுதா?" என்றார்.  "அட...  இல்லப்பா...    அதைதான் தேடறேன்..." என்று சொல்லிக்கொண்டே வரும்போதே அசடு வழிந்தேன்!  

இப்படிதான் என் அப்பா காலை செய்தித்தாள் படிக்கும்போது இரண்டாம் பக்கத்தைக் காணோம் என்று தேடிக் கொண்டிருந்தது எங்கள் வீட்டில் ரொம்ப பிரபலம்.   அப்புறம் ஒருமுறை மூக்குக்கண்ணாடியை தேடிக் கொண்டிருந்தார்.  நாங்களும் தேடிக் கொண்டிருந்தாலும் (!) சரியாய் கவனிக்கவில்லை.  அம்மா ஈஸிசேரில் உட்கார்ந்துகொண்டு அவரையே குறுகுறுவென பார்த்துக்கொண்டிருந்தவர் "கண்ணாடியைக் கழட்டி விட்டு தேடிப் பாருங்களேன்" என்றார்!  அப்பா சிரித்து விட்டார்.

=================================================================================================

எதில் படித்தேன் என்று நினைவில்லை.  எங்கேயோ படித்து விட்டு பேஸ்புக்கில் பகிர்ந்திருந்தேன்.  

அது இருக்கும் ஆறு வருஷம்!  அதற்கு வந்த பதில்களுடன் கொடுத்திருக்கிறேன்!  மஞ்சுபாஷிணி சம்பத்குமார் பின்னூட்டம் கொடுப்பதில் கீதா ரெங்கனுக்கெல்லாம் அக்கா!  நீளநீளமாக பின்னூட்டம் கொடுப்பார்.  இப்போ அவர் பிளாக் பக்கமே வருவதில்லை!

=======================================================================================

தாங்க முடியாத காதல்!

===================================================================================

வாயுபுத்திரன்?   யார் இந்த எழுத்தாளர்?   ஜீவி ஸாரோ, கிருஷ் ஸாரோ சொல்லக் கூடும்!  எனக்கு யார் என்று தெரியவில்லை.

ஃபேஸ்புக்கில் போட்டபோது ரிஷபன் ஸாரோ, கணேஷ் பாலாவோ சொல்வார்கள் என்று எதிர்பார்த்தேன். இருவருமே தெரியவில்லை என்பது மாதிரி சொல்லி விட்டார்கள்!

இதற்கு ஃபேஸ்புக்கிலேயே பதில் சொன்ன மோகனா ராஜன் என்னும் நண்பர் இதை அடிப்படையாக வைத்துதான் 'கெளரவம்' திரைப்படம் எடுக்கப் பட்டிருக்கிறது என்று சொல்லியிருந்தார்.  ஆச்சர்யப்பட்டுப்போய் யூடியூபில் படத்தின் பெயரில் தேடினால் அப்படி எல்லாம் ஒன்றும் அவர்கள் க்ரெடிட்டே கொடுக்கவில்லை.

கதையை லேசாக மேய்ந்தபோது கதையும் அப்படி இருப்பதாகத் தெரியவில்லை. 

ஆக, நெட் ரிஸல்ட் வாயுபுத்திரன் என்கிற எழுத்தாளர் யாரென்று தெ..ரி..ய..வி..ல்..லை!   பானு அக்காவை விட்டு விட்டேன்.அவர்கள் கூட சொல்வார்களோ என்னவோ...   

=====================================================================================================

அப்பாவி மாணவன்!   இதைப் படித்ததும் நினைவுக்கு வரும் பழைய ஜோக் ஒன்று!  

உலக மேப்பில் ஆஸ்திரேலியாவைக் காட்டச் சொன்னாராம் ஆசிரியர்.  புத்திசாலி மாணவன் காட்டினான்.  

அடுத்ததாக இன்னொரு மாணவனை வரைபடத்தில் இந்தியாவை காட்டச் சொன்னாராம்.   சுமாரான அந்த மாணவன் "நோ...   இந்தியாவை நான் காட்டிக்கொடுக்க மாட்டேன்" என்று சமாளித்தானாம்.  அதுவும் ஒரு ஜோக்!

=============================================================================================

அறிவிப்பு! 

பிலஹரி எழுதிய "ப்...  பூ" கதை அடுத்த வாரமும், அதற்கும் அடுத்த வாரமும் இரு பகுதிகளாய் வெளி வரும் என்பதைத் தெரிவித்துக் கொள்கிறேன்!

======================================================================================

பெட்டர் லேட்....   அப்பவும்  கேஜிஜிதான் நினைவு படுத்தி இருந்தார்! என்னைவிட அவர் ரொம்ப ஆர்வமாய் இருக்கார் போல!!!!