மனதுக்கு நேர்மையாக தன் குழந்தைகளை வளர்க்காத பெற்றோரும் இருப்பாங்களா?

 

நெல்லைத் தமிழன்: 

1. நியாயம் என்பது என்ன? அது ஏன் எப்போதும் ஒரே மாதிரி இருப்பதில்லை? 

# நியாயம் என்பது சூழ்நிலைக்கேற்ப மாறுவது.  எனவே ஒரே மாதிரி இருக்க இயலாது.

& நியாயமான கேள்வி.  நியாய தேவதையின் கையில் உள்ள தராசு இரண்டு தட்டுகளும் எப்போதும் காலியாகவே இருக்கிறதே! ஒன்றில் வாதம், மற்றதில் பிரதிவாதம் என்று வைத்துப் பார்க்கவேண்டுமா? அல்லது ஒன்றில் சட்டம் - மற்றதில் சந்தர்ப்ப சூழ்நிலை என்று வைத்துப் பார்க்கவேண்டுமா? 

2. 'அ' படம் இப்போதெல்லாம் வராததன் மர்மம் என்ன? யாருக்கு வயதாகிவிட்டது? 'அ' வுக்கா இல்லை 'ஸ்ரீ' க்கா?  

# அ-வுக்கு ஓய்வு கொடுத்துவிட்டு அடுத்து யாரை அறிமுகம் செய்யலாம் என்று "ஸ்ரீ" ஆலோசித்து வருவதாகக் கேள்வி.

&   யாருக்கு வயதானாலும் - எனக்கு ஆகாது என்கிறார் இவர் : 

3. எப்போதும் எதையும் பாராட்டுவது என்பது நல்ல குணமா? இல்லை  பிறரை மயங்கவைக்க முயலும் 'வெறும் புகழ்ச்சியா'

# எப்போதும் எல்லாவற்றையும் பாராட்டுவது சிக்கல்களைத் தவிர்க்கும் முயற்சி. எல்லா சமயங்களிலும் பயன்தராது.

& ஆஹா - நல்ல கேள்வி! (இது என் நல்ல குணமா - அல்லது உங்களை மயங்கவைக்கும் வெறும் புகழ்ச்சியா? ) 

4. தன் மனதுக்கு நேர்மையாக தன் குழந்தைகளை வளர்க்காத பெற்றோரும் இருப்பாங்களா?

# சில சினிமா நடிகைகளின் பெற்றோர் அப்படி இருப்பதாக நான் நினைத்தது உண்டு.

& இருப்பார்கள். 

5. தன் பசங்களுக்கு, அவங்களால பிற்காலத்துல நன்மை ஏற்படும் என்ற எண்ணமே கொஞ்சம்கூட இல்லாமத்தான் எல்லாப் பெற்றோரும் வளர்க்கறாங்க. அப்புறம் ஏன், பசங்க மேல பிற்காலத்துல ஏமாற்றமோ வருத்தமோ ஏற்படுகிறது?

# எல்லாப் பெற்றோரும் அப்படித்தான் என்றோ ,  பிற்காலத்தில் ஏமாற்றம் (அ) வருத்தம் அடைகிறார்கள் என்றோ அவ்வளவு நிச்சயமாகச் சொல்லமுடியுமா என்ன?

6. பத்து புத்தகங்கள் (வெவ்வேறு ஆசிரியர்களுடையது) நம் முன்னே இருக்கிறது. அதில் எத்தனை பேர் ஒரு எழுத்தாளரின் புத்தகத்தைப் படிக்க வாங்குகிறார்கள் என்பதைப் பொருத்து எழுத்தாளரின் எழுத்துத் திறமையைக் கணிப்பது சரியா?

# அதைச் சரி பார்க்க ரொம்ப நேரம் ஆகுமே.  நான் பார்த்தவரை, நமது படிப்பு அனுபவத்தை வைத்துக் கொண்டு யார் யார் எழுதியதைத் தேடிப்பிடித்து வாங்க வேண்டும் என்று நாம் ஓரளவு முன்பாகவே முடிவு செய்து வைத்து விடுகிறோம்.

& இல்லை. இதை வைத்து புத்தகத்தை எழுதியவரின் எழுத்துத் திறமையை கணிப்பது தவறு. எல்லாப் புத்தகங்களும் - எல்லா இடங்கள் / கடைகளிலும் ஒரே மாதிரி விற்பனை ஆகாது. மியூசிக் அகாடெமி புத்தக அரங்கில் ' சங்கீத சம்பந்தமான புத்தகங்கள் , புத்தகக் கண்காட்சியில் 'சமைத்துப் பார் புத்தகங்கள் என்றெல்லாம் விற்பனை ஆகலாம். 

வைஷ்ணவி: 

இந்த வார ‘கர்மா’ தொடரில் பூவிலங்கு மோகன் தன் மூதாதையர்களின் பெயர்களை வரிசையாக சொல்லும்போது அவரவர்களின் பெயரோடு சர்மா, சாஸ்த்ரி, தீஷிதர், கனபாடிகள் என்றெல்லாம் சொல்கிறார். ஒரே குடும்பத்தில் இவ்வாறு வருமா? ஒவ்வொன்றுக்கும் தனிப்பட்ட பொருள் என்ன?

# சர்மா என்று யார் வேண்டுமானாலும் போட்டுக் கொள்ளலாம் " ..... என்ற பெயரை உடையவர் என்று பொருள்.  சாஸ்திரி சாஸ்திரம் படித்தவர் புரோகிதர்.  தீட்சை பெற்றவர் தீட்சிதர்,  வேதம் முறையாகப் பயின்றவர் கனபாடிகள்.  முன்னோர் எவரேனும் பெற்ற பெருமைகளை அடுத்த தலைமுறையினர்  போட்டுக் கொள்தல் சகஜம்.

= = = = =

எங்கள் கேள்விகள் : 

1) சமையலில் நீங்கள் பெருங்காயம் உபயோகிப்பது உண்டா? என்ன brand பெருங்காயம்? கட்டியா / தூள் பெருங்காயமா? 

2) வெயில் காலத்தில் இது இல்லாமல் நிச்சயம் இருக்கமுடியாது என்று நீங்கள் நினைப்பது (ஏதேனும் ஒன்றை மட்டும் குறிப்பிடவேண்டும் என்றால்) 

a ) கை விசிறி 

b ) மின்விசிறி 

c ) ஏர் கூலர் 

d ) ஏர் கண்டிஷனர் 

e ) வேறு ஏதாவது?

3) பள்ளிக்கூடத்தில் படிக்கும் பதின்ம வயது பையனுக்கு ஆயிரம் ரூபாய் மதிப்பு உள்ள ஒரு பரிசு தரலாம் - என்றால், என்ன பரிசு கொடுக்கலாம் என்று நீங்கள் நினைக்கிறீர்கள்? 

= = = = 

படம் பார்த்து கருத்து எழுதுங்க : 

1) 

2) 

3)