லால் பாக் உலா :: நெல்லைத்தமிழன்

 இன்றைய பதிவில் நெல்லைத்தமிழன் அனுப்பியுள்ள லால் பாக் சம்பந்தப்பட்ட படங்களும் விவரங்களும் இடம்பெறுகின்றன. 

யோகா செய்பவர் ஒருவர், தண்ணீரில் மிதந்துகொண்டிருந்தார் (ஒரு மணி நேரத்திற்கும் மேலாக மிதப்பார் போலிருக்கிறது.) அது சரி.. இந்த யோகாவினால் என்ன பிரயோசனம் என்பது எனக்குப் புரியவில்லை.

எங்கள் comment : ' தமிழ்நாட்டு மதுப்பிரியர்கள் எப்பொழுதும் தண்ணீரில் மிதந்து கொண்டிருக்கும் கொடுமையைவிட இது பரவாயில்லை !!

பட்டுப்போன மரத்தின் உச்சியில், பறவை எச்சத்தினால் அரசமரம் வளர்கிறது என்றே நினைக்கிறேன். பட்டுப்போன மரம் அரசமரமாக இருக்க வாய்ப்பில்லை. 

எங்கள் comment : 'மரத்தில் மரம் பார்க்கலாம் ! 

மிகப் பெரிய அடிபாகத்தைக் கொண்ட மரம். சில்க் காட்டன் மரம் என்று போட்டிருந்தது. 200 வருடங்கள் பழமையானதாம்.  இதன் கட்டை மிக மெலியதாம். தீக்குச்சி,  அட்டைப் பெட்டிகள் செய்ய உகந்ததாம்.

எங்கள் comment : நன்றாகப் பார்த்தீர்களா? சில்க் ஸ்மிதா மரம் இல்லைதானே! shape அப்படி இருக்கு!! 

இன்னொரு மரத்தின் ஒரு பெரிய கிளை உடைந்து பூமியைத் தொட்டுக்கொண்டு சென்றது. அதன் மீது பலர் ஏறி படங்கள் எடுத்துக்கொண்டனர். அவர்கள் இறங்கியவுடன் எடுத்த படம் இது.  

ஒரு காலத்தில், எங்கள் பெருங்களத்தூர் வீட்டில் இருந்த மிகப் பெரிய பங்கனப்பள்ளி மாமரத்தில் ஏறி ஓரளவு உச்சிக் கிளை வரை சென்று மாங்காய்கள் பறிப்பேன். 36 வயதாகிய பிறகு, முதல் கிளை வரை ஏற ஏணியில் ஏறியபோதே பயம் வந்திருந்தது. அதற்கு மேல் ஏற தைரியம் இல்லை. இப்போது இந்த மரத்தின் கிளை மீது ஏறி அமர்ந்து படம் எடுத்துக்கொள்ள ஆசைதான். ஏறுவதற்கான தைரியம்தான் இல்லை.

எங்கள் comment : ' எங்க அம்பத்தூர் வீட்டில் கூட ..  (ஹி ஹி - வேறு ஒருவர் சொல்லவேண்டிய கமெண்ட் !!) 

அங்கிருந்த வாழை மரங்களின் தொகுப்பைக் காண்பித்து என் மனைவி, செவ்வாழைப்பழமோ என்றாள். மரம் ஆரோக்கியமாகவும், அழகான செவ்வாழைப்பழத் தோல் நிறத்துடன் இருந்தது. தெரிந்தவர்கள் சொல்லலாமே. 

சொல்லலாமே ! 

லால் பாக் மரச் சிற்பங்கள் : 

= = = = =