வெள்ளி வீடியோ : தெய்வத்தால் உருவான பந்தம் விலகாது மகராணியே

 ஜெயவிஜயா என்று சகோதரர்கள் பாடிய சில பக்திப் பாடல்கள் சிலவற்றை

இளவயதில் வானொலியில் கேட்டிருக்கிறேன்.  குறிப்பாக "திருமதுரை தென்மதுரை சிறந்து நிற்கும் தேன்மதுரை..  சிறந்து  விளங்கும் மீனாட்சி...  அருள்வழங்கும் அவள் ஆட்சி" என்னும் பாடல்.  அதைப் பகிரலாம் என்று தேடினால் நீண்ட நாட்களாய் தேடியும் கிடைக்கவில்லை.

சமீபத்தில் அவர்கள் பாடிய இன்னொரு பாடல் நினைவுக்கு வந்து தேடியபோது உடனே கிடைத்தது.   மலையாளத்தில் இருக்கிறது.  அப்போது ரேடியோவில் கேட்டபோதும் மலையாளத்தில்தான் வந்ததா, இல்லை தமிழில் இருந்ததா என்று நினைவில்லை.  ஆனால் இவர்கள் குரலில்தான் கேட்டிருக்கிறேன்.  

வரிகள் இல்லாமல் பாடல் மட்டும் பகிர்கிறேன்.  ஜெயவிஜயா குரல் உங்களுக்கும் பரிச்சயமாய் இருக்கலாம்.

================================================================================

MGR படங்களுக்குதான்  இளையராஜா இசை அமைத்ததில்லை.  சிவாஜி நடித்த சில படங்களுக்கு இசை அமைத்திருக்கிறார் .    தீபம், தியாகம், பட்டாக்கத்தி  பைரவன், ரிஷி மூலம், நல்லதொரு குடும்பம்...  

எல்லாப் படங்களிலுமே நல்ல சில பாடல்கள் கிடைக்கிறது.   

இன்று 1980 ல் வெளியான 'ரிஷிமூலம்' படத்திலிருந்து ஒரு பாடல்.  இசையைக் கேட்கும்போதே இளையராஜா என்று உணரவைக்கும் பாடல். 

டி எம் எஸ் குரலில் கண்ணதாசன் பாடல். 

கேரளாவின் கள்ளிக்கோட்டையில் படமாக்கப்பட்ட  பாடலாம்.  எங்கு படமாக்கினார்கள் என்று எல்லாம் யார் கேட்டார்கள்!

மகேந்திரனின் .கதை.  மேடைநாடகமாக நடிக்கப்பட்டிருந்தது திரைப்படமானபோது மகேந்திரனே வசனம் எழுதினார்.  இவர்தான் 'முள்ளும் மலரும்' படத்துக்கு சிவாஜியைவிட சிவாஜிராவ் பொருத்தமானவர் என்று தீர்மானித்தவர்!  தங்கப்பதக்கம் கூட மகேந்திரன் கதைதான்.

இயக்கம் S P முத்துராமன்.  சிவாஜியுடனான அவரின் மூன்றாவது படமாம் இது.

சிவாஜி, கே ஆர் விஜயா முக்கிய வேடங்களில் நடித்துள்ள படம்.

ஐம்பதிலும் ஆசை வரும்

ஆசையுடன் பாசம் வரும்

இதில் அந்தரங்கம் கிடையாதம்மா

நாள் செல்ல நாள் செல்ல சுகம் தானம்மா

ஐம்பதிலும் ஆசை வரும்

ஆசையுடன் பாசம் வரும்

இதில் அந்தரங்கம் கிடையாதம்மா

நாள் செல்ல நாள் செல்ல சுகம் தானம்மா

ஐம்பதிலும் ஆசை வரும்

என்றென்றும் பதினாறு போலே

இருப்பது உன் மேனியே

என்றென்றும் பதினாறு போலே

இருப்பது உன் மேனியே

வீடு வரும் போது ஓடி வரும் மாது

நினைவில் இன்னும் நிற்கின்றாள்

ஆறு சுவை செய்தாள் அருகிலிருந்து தந்தாள்

அன்பு மிக்க தாயாகின்றாள் (ஐம்பதிலும்) 

சம்சாரம் தன்னோடு பேச

சுவர் ஏறி குதித்தேனம்மா

சம்சாரம் தன்னோடு பேச

சுவர் ஏறி குதித்தேனம்மா

தாலி கட்டும் தாரம் வேலி கட்டினாலும்

தனியே நினைத்தாள் துடிக்கின்றாள்

காலம் என்ற ஒன்று கனிந்து வரும் போது

கணவனுக்கே உயிராகின்றாள்.. (ஐம்பதிலும்)

தெய்வத்தால் உருவான பந்தம்

விலகாது மகராணியே

தெய்வத்தால் உருவான பந்தம்

விலகாது மகராணியே

பெற்றெடுத்த பிள்ளை

கற்றுக் கொண்ட தொல்லை

இடையில் இருக்கும் தடையாகும்

செய்தவளும் நீதான் சேர்ந்தவளும் நீ தான்

என்னிடத்தில் தவறில்லையே.

ஐம்பதிலும் ஆசை வரும்

ஆசையுடன் பாசம் வரும்

இதில் அந்தரங்கம் கிடையாதம்மா

நாள் செல்ல நாள் செல்ல சுகம் தானம்மா

ஓ ஹோ நாள் செல்ல நாள் செல்ல சுகம் தானம்மா

நாள் செல்ல நாள் செல்ல சுகம் தானம்மா