நான் தரிசனம் செய்த கோவில்கள்: நெல்லைத்தமிழன் : வைரமுடி யாத்திரை 13

 

வைரமுடி யாத்திரை – ஹொசஹொலாலு, மாண்ட்யா – பகுதி 13

 

வைரமுடி யாத்திரையில், மேல்கோட்டை (திருநாராயணபுரம்) நோக்கிச் சென்றுகொண்டிருந்த நாங்கள், வழியில் ஹொசஹொலாலு கோவிலுக்குச் சென்றோம். ஹொய்சாளர்களின் சிற்பத் திறமைகள் நிறைந்த இக் கோவிலின் வெளிப்புறச் சிற்பங்களைக் கண்டுகொண்டிருக்கிறோம்.

கல்லின் அடிப்பகுதியை மாத்திரம் close-upல் எடுத்துள்ளேன். குதிரையில் பயணிக்கும் வீரர்கள்.

இந்தக் கோவிலை, ஹொய்சாளர்களின் மிகச் சிறப்பான கட்டிடக் கலை இல்லை என்று பலர் அபிப்ராயப்படுகின்றனர். நட்சத்திர வடிவில் கீழ்த்தளம் இருந்தபோதும், ஆறடுக்குப் பகுதி கோவில் முழுவதும் இல்லை. கருவறையும் முன் மண்டபமும் சேரும் இடத்தில், ஆறு வரிசை இல்லாமல், நான்கு வரிசையாகவும் அமைந்துள்ளது. மற்றபடி சிற்பங்கள் மிகச் சிறியதாகவும், நுண்ணிய அழகியலைக் கொண்டும், சிறப்பாகவும் வடிவமைக்கப்பட்டுள்ளது என்பதில் சிறிதும் சந்தேகம் இல்லை.

கிருஷ்ணர் பிறப்பு மற்றும் வசுதேவர்-கழுதை சம்பந்தப்பட்ட பகுதி. கிருஷ்ணர் விஷ்ணுவின் அம்சம் என்பதைக் காட்டியுள்ளார்கள்.  குழந்தை பிறந்த தை அறிந்து கழுதை கத்திக் குரல் கொடுப்பதற்காகக் கம்சன் கட்டிவைத்திருந்தான் எனவும், கிருஷ்ணர் பிறக்கும்போது, கத்திக் காட்டிக்கொடுத்துவிடாதே என்று வசுதேவர் கழுதையிடம் வேண்டுவதாகச் சிற்பம்.

அடுத்த வாரமாவது கோவிலின் உள்ளே செல்லுவோமா? தெரியவில்லை. பார்க்கலாம்.

(தொடரும்)