வெள்ளி வீடியோ : ஈ நாடே ஏதோ அய்யிந்தீ... ஏ நாடு நாலோ ஜரகந்தீ

இன்றைய தனிப்பாடல்

நெஞ்சுக்கு நீதியும் என்னும் பாரதியார் பாடல்.  மனதுக்குள் புகுந்து இடம் பிடித்து அமர்ந்து விடும் பாடல். சக்தி ஓம் சக்தி ஓம் சொல்லும்போதும் சக்திவேல் சக்திவேல் சொல்லும்போதும் உணர்ச்சி பொங்கும்.  சிலிர்க்கும்.  பாரதியார் வரிகளா, ராகமா, எம் எஸ் அம்மா குரலா...  எல்லாம் சேர்ந்து செய்யும் மாயம்.

நெஞ்சுக்கு நீதியும் தோளுக்கு வாளும்

     நிறைந்த சுடர்மணிப்பூண்

பஞ்சுக்கு நேர்பல துன்பங்க ளாம் இவள்

     பார்வைக்கு நேர்பெருந்தீ.

வஞ்சனை இன்றிப் பகையின்றிச் சூதின்றி

     வையக மாந்தரெல்லாம்

தஞ்சமென்றே யுரைப் பீர் அவள் பேர் 

     சக்திஓம் சக்தி ஓம் சக்தி ஓம்

[2.நல்லதும் தீயதுஞ் செய்திடும் சக்தி

      நலத்தை நமக்கிழைப்பாள்;

அல்லது நீங்கும்" என்றேயுல கேழும்

      அறைந்திடு வாய்முரசே

சொல்லத்தகுந்த பொருளன்று காண் இங்குச்

      சொல்லு மவர்தமையே

அல்லல் கெடுத்தம ரர்க்கினை யாக்கிடும்

     ஓம்சக்தி, ஓம்சக்தி, ஓம்.]

3.நம்புவதேவழி என்ற மறைதன்னை

       நாமின்று நம்பிவிட்டோம்

   கும்பி ட்ட நேரமும் சக்தி யென்றாலுனைக்

        கும்பிடுவேன் மனமே .

    அம்புக்கும் தீக்கும் விடத்துக்கும் நோவுக்கும்

         அச்சமில்லாதபடி .

    உம்பர்க்கும் இம்பர்க்கும் வாழ்வு தரும்

          ஓம் சக்தி ஓம் சக்தி ஓம்.

5. வெள்ளை மலர்மிசை வேதக் கருப்பொரு

           ளாக விளங்கிடுவாய்!

     தெள்ளு கலைதமிழ் வாணி நினக்கொரு

            விண்ணப்பம் செய்திடுவேன் .

     எள்ளத் தனைபபொழு தும் பய னின்றி

             யிராதென்றன் நாவினிலே

      வெள்ள மெனப்பொழி வாய் 

சக்திவேல் சக்திவேல்  சக்திவேல்  சக்தி வேல்!

======================================================================================================

ஒரு பாடல்..  மூன்று மொழி.   முதலில் பிரேமா என்று தெலுங்குப் படத்தில்.  அதுதான் முதல்.  அடுத்து தமிழில் அதே படம் டப் செய்யப்பட்டு அன்பு சின்னம் என்கிற பெயரில்..  அப்புறம் அது ஹிந்தியில் Love என்ற பெயரில்.  தெலுங்கு தமிழில் வெங்கடேஷ், ரேவதி.  இயக்குனர் சுரேஷ் கிருஷ்ணாவுக்கு அது முதல் தெலுங்குப் படம்.  1989 ல் வெளிவந்த படம்.  90 ல் தமிழிலும், 91 ல் ஹிந்தியிலும் வெளியாகி வெற்றி பெற்ற படம்.  ஹிந்தியில் ரேவதியுடன் சல்மான்கான்.  இந்த படவரிசையின் வெற்றிக்கு முக்கிய காரணம் இளையராஜா.  

தெலுங்கிலும், ஹிந்தியிலும் எஸ் பி பாலசுப்ரமணியம் - சித்ரா குரலில் பாட, தமிழில் மனோ சித்ரா 

எங்கள் SPB ஒரே பாடலை தெலுங்கில் பாடும்போது எப்படி குழைகிறார், ஹிந்தியில் எப்படி மேஜிக் காட்டுகிறார் என்று கேளுங்கள்.  எல்லாம் இளையராஜாவின் மாயம்.  வயலினிலும், புல்லாங்குழலிலும்  விளையாடுகிறார்.