உங்களுடைய பூர்வீக ஜன்மத்தை அறிந்து கொள்ள ஆர்வம் உண்டா?

 

பானுமதி வெங்கடேஸ்வரன்: 

எதிர்காலத்தில்?   செல்ஃபோனையே டி.வி. ரிமோட்டாக பயன்படுத்த முடியும் and vice versa என்னும் அளவிற்கு டெக்னாலஜி உயருமா?

* எப்போதிலிருந்தோ செல்ஃபோனையே டிவி ரிமோட் ஆகவும், மற்றும் அலெக்ஸாவை ப்ளூடூத்தில் இணைத்த பிறகு வெளியில் இருந்து கூட வீட்டில் இருக்கும் மின்சார சாதனங்களை கட்டுப்படுத்தும் ரிமோட்டாகவும் பயன்படுத்த முடிகிறதே...

# Vice versa என்று சொன்னால் சில சமயம் " Send to phone " என்று TV யில் வருவதையும் பார்க்கிறோம்.

சிவபெருமானுக்கும், முருகனுக்கும் நெற்றிக்கண் உண்டு என்று படித்திருக்கிறோம். ஒளவையார் எழுதியிருக்கும் விநாயகர் அகவலில் "மூன்று கண்ணும் மும்மதச் சுவடும்" என்று வருகிறதே, நெற்றிக்கண் உடைய விநாயகர் எந்த கோவிலிலாவது இருக்கிறாரா?

# இல்லாமலா இருப்பார் ? எங்கே என்றுதான் தெரியவில்லை!

* இந்தியாவில் ராஜஸ்தானில் உள்ள ரந்தம்போர் கோட்டையில் அமைந்துள்ள திரிநேத்ர விநாயகர் கோயில் மட்டுமே மூன்று கண்களுடன் விநாயகர் (விநாயகர்) சித்தரிக்கப்பட்டுள்ள ஒரே கோயில். இந்தக் கோயில் தனித்துவமானது, ஏனெனில் இங்கு விநாயகர் தனது முழு குடும்பத்தினருடனும், அவரது மனைவிகள் ரித்தி மற்றும் சித்தி, அவர்களது மகன்கள் சுப் மற்றும் லாப், அவரது வாகனமான முஷாக் ஆகியோருடன் வசிக்கிறார். மூன்றாவது கண், அல்லது திரினேத்ரா, ஞானம் மற்றும் தெய்வீக உள்ளுணர்வின் அடையாளமாகும்

ஒருவரை ஹிப்னாடிச தூக்கத்தில் ஆழ்த்துவதன் மூலம் அவருடைய முந்தைய பிறவிகளை அறிந்து கொள்ள முடியும் என்கிறார்களே?உங்களுடைய பூர்வீக ஜன்மத்தை அறிந்து கொள்ள ஆர்வம் உண்டா?

# ஆர்வம் யாருக்குத்தான் இருக்காது ? 

" மகனே நீ போன பிறவியில் கூவம் நதிப் பன்றியாக நன்கு பணியாற்றினாய் " என்பது போல ஏதாவது வருமென்ற பயமும் இருக்கிறது..

*எங்கு என்று தேடிக்கொண்டு போவது?  ஸ்டவ் ரிப்பர், குடை ரிப்பேர் வருவது போல தெருவில் கூவிக் கொண்டு வந்தால் அழைத்துப் பார்க்க வசதி!  இல்லையா, மரத்தடி ஜோசியர் மாதிரியாவது மலிந்திருக்க வேண்டும்.  அதுவும் நம்பக்கூடியதாக இருக்க வேண்டும்!

அடுத்த ஜென்மத்தில் யாராக பிறக்க ஆசை?

# பொள்ளாச்சி மகாலிங்கம் அல்லது TV சுந்தரம் ஐயங்கார்.‌

*இன்னொருத்தராக பிறப்பதைவிட, நாமாகவே பிறந்தால் நலம்!  இதற்கு கூட சுஜாதா ஏதோ சொல்லி இருந்தார்.

நெல்லைத்தமிழன்: 

சமையல் சாம்ராஜ்யத்தில் நல்ல வெற்றி பெற ஆரம்பித்தவுடன் இரண்டாவது மூன்றாவது திருமணம் என திசை மாறுவதன் காரணம் என்ன?அரசியலிலும் அப்படித்தான். 

# சமையல் சாம்ராஜ்யம் பற்றி நான் ஒன்றும் அறிந்திருக்கவில்லை .  அதில் வெற்றி பெற்றவர் யார் என்பதும் எனக்குத் தெரியவில்லை.  எனவே இந்தக் கேள்விக்கு என்னால் பதில் கூற இயலவில்லை !

ஒருவேளை உணவகங்கள் நடத்துபவர் பற்றி நீங்கள் கேட்டிருக்க கூடும் என்று தோன்றுகிறது. பிரமாதமான வெற்றி எந்தத் துறையில் பெற்றவராக இருந்தாலும் பெரும்பாலும் எல்லாரும் கேளிக்கை என்பதனை நோக்கி கவனம் செலுத்தத் தொடங்கி விடுகிறார்கள். கவர்ச்சி வலையில் சிக்கிக் கொள்வது மிக எளிதானது. மேன்மேலும் கவர்ச்சி வலையில் சிக்கிக் கொண்டே போகும் அவர்கள் குற்றங்கள் இழைக்கக் கூடத் தயங்குவது கிடையாது.  அபரிமிதமான பண பலம் அவர்களுக்கு இந்த தைரியத்தைக் கொடுத்து விடுகிறது.

*சமையல் ராஜ்ஜியத்தில் வெற்றி பெற்றவர்கள் மட்டும்தான் இரண்டாவது, மூன்றாவது திருமணம் செய்திருந்தார்களா என்ன!

என் எண்ணப்படி மூன்று-ஐந்து கோடி ரூபாய் இருந்தால் வாழ்க்கையை மேல்தட்டு வகுப்பினர் நன்றாகக் கழித்துவிடலாம். அப்புறம் ஏன் ஐம்பது கோடி, ஐநூறு கோடி ஐயாயிரம் கோடி என்றெல்லாம் ஆட்டயப் போடுகிறார்கள்?  ஐரோப்பாவில் திருமணத்தை வைத்துக்கொள்ளவேண்டும் காசு கொடுத்து விருந்தினர்களைக் கூப்பிட்டு கலந்துகொள்ள வைக்கணும் என்றெல்லாம் ஏன் மனிதன் சிந்திக்கிறான்?

# செல்வாக்கு இருந்தால் நீதியின் காவலர்களே கூட உங்களுக்கு அடிபணிந்து நீங்கள் இட்ட பணி ஏதுவானாலும்  (அது ஒரு கொலை ஆனாலும் கூட ) செய்யத் தயங்குவதில்லை  என்பதை காலம் நமக்கு உணர்த்துகிறது அல்லவா ?

*போதும் என்று சொல்லக் கூடியது, சொல்ல வைப்பது வயிற்றுக்கான உணவு மட்டுமே இல்லையா?!  "கேளு பாப்பா ஆசையின் கதையை..  ஆசையாலே வீழ்ந்தவர் நிலையை..  பணத்தில் ஆசை பதவியில் ஆசை..  பருவ நாடகம் காதலில் ஆசை.."

நேற்றைய நடிகைகளைக் கைவிட்டு இன்றைய நடிகைகள் பின் செல்வதுபோல, நேற்றைய கிரிக்கெட் சாதனையாளர்களை மறந்து இன்றைய கிரிக்கெட் சாதனையாளர்களை ஆராதிப்பதுபோல ஏன் எழுத்தாளர்களுக்கு நடப்பதில்லை? இன்றைக்கும் திஜர குபரா புபி ராகிர என்றெல்லாம் பஜனை பாடிக்கொண்டிருக்கிறார்களே அதன் காரணம் என்ன?

# நீங்கள் உதாரணமாக குறிப்பிட்டு இருக்கும் எழுத்தாளர்களில் ஒருவர் மட்டுமே காலம் கடந்து நிற்கிறார் என்று நான் நினைக்கிறேன். ஒரு பழமோ ஒரு மருந்தோ அதன் காலாவதி தேதியை த் தாண்டி சரியாக இயலாது. ஆனால் அடிப்படை மனித உணர்வை தொடக்கூடிய உயர்ந்த இலக்கியம் என்பது காலம் கடந்து நிற்கும் தன்மை வாய்ந்தது அல்லவா ?

எழுத்தாளர் சாரு நிவேதிதா, தன்னைச் சந்தித்துப் பேச வேண்டுமானால் ஒரு லட்ச ரூபாய் தரணும், தன்னுடைய எழுத்துக்களை இணையத்தில் படிப்பவர்கள் மாதச் சந்தா அனுப்பணும் என்றெல்லாம் சொல்வதை கிண்டல் செய்பவர்கள், பணம் பெற்றுக்கொண்டு அம்பானி வீட்டுத் திருமணங்களுக்கும் நெப்போலியன் வீட்டுத் திருமணத்துக்கும் செல்பவர்களைப் பற்றி வாய் திறப்பதில்லையே. எளியவன் எழுத்தாளன் என்றால் இவர்களுக்கு இளக்காரமா?

# பல கிண்டல் பதிவுகள் பொறாமையால் தூண்டப்பட்டு  எழுதப்பட்டவையாக இருப்பதுண்டு.  நான் சாரு நிவேதிதா எழுதிய எதையும் படித்ததில்லை. (குமுதத்தில் ஏதோ ஒரு கதை படித்ததாக ஒரு லேசான நினைவு இருக்கிறது).  

பேட்டி எடுக்க லட்ச ரூபாய் கொடுக்கத் தயாராக யாரும் இருந்தால் அவர் கேட்டுப் பெறுவதில் தவறு ஏதுமில்லை தான். நமக்கு இந்த அதிர்ஷ்டம் வாய்க்கவில்லையே என்று எண்ணுபவர்கள் கிண்டல் தான் செய்வார்கள்.  அது இயல்பு அல்லவா ? அவர்கள் வேறு எதையும் முயற்சிப்பது விபரீத விளைவுகளைத் தரக்கூடும்.

தமிழகத்தில் வளர்ந்து வரும் வட இந்தியர்கள், ஆபத்தை நோக்கித் தமிழ்நாடு, அகதியாகும் தமிழர்கள் என்றெல்லாம் பலர் கூற ஆரம்பித்திருக்கிறார்களே... இவங்க வேலை செய்யத் தயாராக இருந்தால் வட இந்தியர்கள் ஏன் தமிழகம் பக்கம் எட்டிப்பார்க்கப் போறாங்க? தொழில்கள் நடத்துபவர்களில் பலர், தமிழர்கள் வேலைக்கு ஒழுங்காக வருவதில்லை, வந்தாலும் வேலை பார்ப்பதில்லை, சரக்கடித்து வேலைக்கு மட்டம் போடுகிறார்கள் ஆனால் வட இந்தியாவிலிருந்து வரும் தொழிலாளர்கள் ஒழுங்காக வேலைக்கு வருகிறார்கள், எங்கள் தொழில் பாதிப்படைவதில்லை என்கிறார்களே... உங்கள் கருத்து என்ன?

# என் கருத்தும் அதுவேதான்.  அது தவறாக இருந்தால் மகிழ்ச்சிதான். பெரும்பான்மை தமிழ்நாட்டுப் பணியாளர்கள் எப்படியான வர்கள் என்பது குறித்த நேரடியான தகவல் நம்மிடம் இல்லை.  காதில் விழுந்த வரை பொறுப்புணர்வு,  வேலையில் ஈடுபாடு-சாமர்த்தியம் எல்லாமே அதிகமில்லை என்ற உணர்வு வருகிறது.

ஆண்களைப் போல, பெண்கள் விழுந்து விழுந்து (அதாவது படிப்பை விட்டுவிட்டு காதலே கதியாக) காதலில் ஈடுபடுகிறார்களா? எனக்கென்னவோ உலகத்தில் ஆணினம்தான் பெண்ணுக்காக ஏங்குகிறது என்று தோன்றுகிறது. நீங்க என்ன நினைக்கறீங்க? (அல்லது வாசகிகள் வாசகர்கள்)

# காதல் விளக்கங்கள் சொல்வது ஆணினம்தான் முனைப்புக் காட்டுகிறது என்றுதான்.  இதெல்லாம் ஹார்மோன்கள் படுத்தும் பாடு. கடவுள் செய்த நியமம்.

*ஆனா பாருங்க..   கள்ளக் காதலனுக்காக கட்டிய கணவனைக் கொலை செய்யும் பெண்கள் அதிகமாயிட்டே வர்றாங்க...!

ஜெயகுமார் சந்திரசேகரன் சமீபத்தில், கலைப்பொருட்களை வாங்குவதால் அவைகளைத் தயாரிக்கும் ஏழைகள் பலனடைவார்கள் என்று கருத்து கூறியிருந்தார். எளிய மக்களை ஆதரிக்கவேண்டும் என்பதற்காக தெருக்கூத்து, கிராமீய நாடகம் போன்றவற்றை (அவற்றைத் தொடர்ந்து ஒளிபரப்பும்) மக்கள் தொலைக்காட்சியில் பார்க்க முயற்சித்திருக்கிறீர்களா?

# கரகாட்டம், பொய்க்கால் குதிரை, கரகம் எல்லாம் எனக்கு ரசிக்கத் தெரியவில்லை.  தெருக்கூத்து கூட பெரும்பாலும் தரமாக இருப்பதில்லை. எனக்கு இவற்றில் ஆர்வம் இல்லை.

கே. சக்ரபாணி சென்னை 28.

ஒரு  திரைப்பட  பாடலை  நாம்  ஆடியோவாக  கேட்டு  பரவசமடைவது. பாடல்வரிகளுக்காகவா   இசையமைப்புக்காகவா  அல்லது  அதில்  நடித்த  நடிகைகளை  மனதில்  கொண்டா? 

# ஒரு பாடலை எடுத்துக் கொண்டால், ஒவ்வொருவர் ஒரு அம்சத்தை ரசிக்கக் கூடும்.‌ ஆக, எல்லாம் ரசிக்கப்படும்.‌

பேச்சு வழக்கில்  நகை நட்டு  என்கிறோமே - நட்டு என்பது எதைக்குறிக்கிறது? 

# நகை (ஆபரணம்) நோட்டு (பணம்) நோட்டு நட்டு ஆனது முதலெழுத்துத் திரிதல் விகாரம்.

= = = = = = = = = =

படமும் பதமும் 

1) பானுமதி வெங்கடேஸ்வரன்: 

சமீபத்தில் ஒரு பீச்சிற்கு சென்றிருந்தோம். இந்த ஊரில் ஏரியை பீச் என்கிறார்கள். அவைகளும் சமுத்திரம் போலத்தான் இருக்கின்றன. அங்கு சீகல் பறவை ஒற்றைக் காலில் நின்று கொண்டிருந்தது. புகைப்படம் எடுக்க அருகே சென்ற போதுதான் அதன் கால்கள் கட்டப்பட்டிருப்பது தெரிந்தது. ஆனால் கால்கட்டோடு அது பறந்தது.

2) நெல்லைத்தமிழன்: 

அரசியல் மனமாச்சர்யங்களை ஒதுக்கிவிட்டு இந்த ஆனந்தபவம் முன்பு உள்ள இந்த கல் நினைவுச் சின்னத்தைப் பார்க்கவேண்டும்.  ஆனந்தபவன் என்ற மாளிகை பிரயாக்ராஜில் (முன்பு அலஹாபாத்) இருக்கிறது. அங்குதான் 1920களில் நம் தேசத்தின் மீது பற்றுக்கொண்டிருந்த தலைவர்கள் கூடி, தேசத்திற்காக பல முடிவுகளை எடுத்தனர். எந்த ஒரு இயக்கத்திற்கும் பணக்காரர்களின் பொருளுதவி தேவை. லட்சியத்தை மனதில் கொண்டுள்ளவர்களிடம் பொருளிருக்காது. அதற்கான இடத்தைத் தந்து, பிறகு தேசம் விடுதலை பெற்றபோது, அதன் நினைவாக தன் வீட்டையே தேசத்திற்குத் தந்திருக்கிறார்கள். 

ஆனந்தபவன் மாளிகை இதுதான்.

= = = = =

இது ஒரு துயரமான படம். நாங்கள் அயோத்தியை அடையும்போது நள்ளிரவு. தங்குமிடத்தை இரவு 1 1/2 மணிக்கு அடைந்தோம். ஆனால் தங்குமிடத்தின் வாசலை அடையமுடியாமல் ஒரே சத்தம், ஏகப்பட்ட குரங்குகள் களேபரமாகக் கத்திக்கொண்டும் ஆவேசத்தோடும் இருந்தன. காரணம் ஒரு குரங்குக்குட்டி விளையாடிக்கொண்டிருந்தபோது கீழே விழுந்து அந்த இரும்பு வலையில் மாட்டி உயிர் துடித்து இறந்துவிட்டது. (நாங்கள் பேருந்திலிருந்து இறங்கும் சமயம்தான் இது நிகழ்ந்திருக்கவேண்டும்).  குரங்குக்கூட்டத்தின் ஒற்றுமையையும் ஆவேசத்தையும் அன்று நான் கண்டேன். பிறகு உள்ளிருந்த வேலைக்காரர்கள் கம்பைத் தூக்கிக்கொண்டுவந்து குரங்குகளை விரட்டினார்கள். அவைகளும் இது விபத்தினால் ஏற்பட்ட மரணம் என்று புரிந்துகொண்டிருக்கவேண்டும். ஒருவேளை இந்த மரணம் விபத்தில்லாமல், வேறு யாரேனும் செய்திருந்தால், நினைக்கவே அச்சமாக இருந்தது. நிச்சயம் குரங்குக்கூட்டம் வந்து புரட்டி எடுத்திருக்கும். அவைகளின் ஒற்றுமை என்னை ஆச்சர்யப்படுத்தியது. 

= = = = = = 

ஸ்ரீவில்லிபுத்தூர் ஆண்டாள் ரங்கமன்னார் கோயிலில், இரவு நேரம் நடை அடைப்பதற்கு முன்பாக, ஆண்டாள் ரங்கமன்னாருக்கு ஒரு ஆரத்தி காண்பிப்பார்கள். அதனை கோவிலில் நுழைந்தவுடன் இருக்கும் மண்டபத்திலிருந்துதான் காணமுடியும். வெகு தூரத்தில் ஒரு வெளிச்சப்புள்ளியாக அது தெரியும். அதை தரிசிக்க நிறையபேர் காத்திருப்பார்கள். அந்த ஆரத்தி முடிந்ததும் உடனே கோயில் நடை சார்த்தப்படும். அந்த ஆரத்தியின்போது சமர்ப்பிக்கப்படும் அரவணை பிரசாதம் மேலே உள்ள படம்.  எல்லாம் நல்ல பெரிய அளவில் இருக்கும்.  (எனக்கும் சீர் பட்சணங்களின் மீது அதீத ஆசை.  பலப்பல வருடங்களுக்கு முன்பு, சீர் மைசூர்பாக் என்றாலே அரை அடி அளவு இருக்கும். சீர் அதிரசம் கைகொள்ளாத அளவு இருக்கும். ஆனால் இப்போல்லாம் அந்த அளவைப் பார்க்கமுடிவதில்லை. பார்த்தாலும், நம் கைக்கு எட்டுவதில்லை.  எனக்குள்ள இந்த ஆசையைத் தெரிந்துகொண்டுதானோ என்னவோ, கீதா ரங்கன் அக்கா, அவர் மகன் திருமணத்தை வெகு தூரத்தில் தில்லியில் நடத்திவிட்டார்)

= = = = = = = = =

நீங்க கடைசியா எப்போ எருமைமாடுகளைப் பார்த்திருக்கீங்க?  நான் சின்ன வயதுல பார்த்ததற்கு அப்புறம் நகரங்கள்ல பசுமாடுகளையோ இல்லை காளைகளையோதான் பார்த்திருக்கிறேன். அதனால எருமை மாட்டைப் பார்த்தாலே எனக்கு சிறிய வயது நினைவு வந்துவிடும். இந்தப் படத்தை நான் எடுத்தது, அயோத்தியின் அருகே, ராமர் தன்னடிச்சோதிக்கு எழுந்தருளிய குப்தாகாட் அருகே. அங்கு நிறைய எருமை மாடுகள் உண்டு (அவற்றை வளர்க்கும் வீடுகளும்). அங்கு எருமை மாட்டில் பால் கறப்பதை நான் கொஞ்சம் வியப்பாகப் படம் பிடித்தேன். 

எருமை படங்களைப் பார்க்கும்போது, நம்ம அப்பா அல்லது அம்மா, நம்மை எருமை மாடே என்று திட்டியது உங்கள் நினைவுக்கு வந்தால், நீங்களும் நம்ம ஜாதிதான்! 

= = = = = =

& : நான் எருமை மாட்டை இன்று காலையில் கூட bathroom கண்ணாடியில் பார்த்தேன்!  

= = = = = = = = = = =

KGG பக்கம்: 

முதலில் சென்ற வாரம் குறிப்பிட்ட anurodh படத்தை பற்றி கூறுகிறேன் அந்தப் படத்தில் வினோத் மெகரா ஒரு கவிஞர். ஆனால் உடல்நலம் சரியில்லாதவர், அவர் இயற்றிய பாடல்களை  ராஜேஷ் கன்னா   மேடைகளில்  பாடுகிறார்.

வினோத் மெகராவைப் பார்க்கும்போது எப்படி இந்த மாதிரி நோயாளி கரெக்டருக்குப்  பொருத்தமாக ஒருவரை தேர்ந்தெடுத்து இருக்கிறார்கள் என்று நினைத்தேன். அப்புறம் கொஞ்சம் அப்படி இப்படி ஆராய்ந்து பார்த்ததில் அந்த வினோத் மெகரா என்னும் நடிகர் ஆயிரத்து தொள்ளாயிரத்து நாற்பத்து  ஐந்தில்  பிறந்து 1990 இறந்துவிட்டார் என்று தெரிந்து கொண்டேன். 

Mehra was close to Rekha in the mid-70s. Indeed, they were widely believed to have been married, but in a 2004 television interview with Simi Garewal, Rekha denied having ever been married to him, and referred to him affectionately as a well-wisher (but in Rekha's unofficial biography The Untold Story by Yasser Usman, it is mentioned that Mehra, Rekha's rumoured husband, took her to his house in Bombay, after getting married in Calcutta, and Vinod's mother pushed the actress away when the latter tried to touch her feet)."^[6] Mehra's first marriage to Meena Broca was arranged by his mother. The marriage was reportedly not consummated as Vinod suffered a heart attack shortly after the marriage. After he recovered, he eloped with his frequent leading lady of the time, Bindiya Goswami. Meena was left with no choice but to file for a divorce. Mehra's marriage with Goswami unraveled quickly and she soon divorced him to marry director J. P. Dutta.^[7] In 1988, Mehra married Kiran, the daughter of a Kenya-based transport businessman. The marriage lasted until Vinod's death in 1990 and the couple had two children: a daughter named Soniya (born in 1988) and a son named Rohan (born in 1991, after his death). Mehra died of a heart attack on 30 October 1990.^[8] He was only 45 years years old.

1945 - 1990 - 45 வயதுக்குள் 4 மனைவிகள் !! heart attack வராமல் என்ன செய்யும்! 

அடுத்து நான் பார்த்த (இந்தி) சினிமா ராஜேஷ் கன்னா நடித்த கத்தி பதங். வழக்கமான கதை அமைப்பு பார்ப்பதற்கு சுவாரஸ்யமாக இருந்த படம்.

என்னைப் போன்ற ஆஷா பரேக் ரசிகர்களுக்கு  மிகவும் பிடித்திருக்கும். மற்றபடி இந்திப் பட ஃபார்முலா கதை முற்றிலும் பொருந்திய படம். ஆனாலும் ரசித்தேன். 

சொல்ல வந்த முக்கியமான படம் : ஹேமமாலினி நடித்த ட்ரீம் கேர்ள் படம்.

படம் வந்த காலத்தில் விமர்சனங்கள் படித்த ஞாபகம் இருக்கிறது இது ஹேமமாலினியின் அம்மா தன் மகளை பலப்பல விதமான ஆடைகளில் பல வேடங்களில்  காட்டுவதற்காக எடுத்த படம்  என்று  சொல்லிருந்தார்கள். 

சரிதான் அந்தக் காலத்தில் தியேட்டர்களில் பார்க்காமல் விட்டுவிட்ட கனவு கன்னியை  இன்றாவது பார்க்கலாம் என்று படத்தைப் பார்த்தேன்.

முன்காலத்தில் (1968) இந்தியில் பிரம்மச்சாரி என்று ஒரு படம் வந்தது.

அந்தப் படத்தின் கதையை  அப்படியே காப்பி செய்து உல்ட்டா செய்த படம் இந்தக் கனவுக் கன்னி .

பிரம்மச்சாரி படத்தில் டம்மி கபூர் - சாரி - ஷம்மி கபூர் செய்த ரோலை உல்டா செய்து ட்ரீம் கேர்ள் படத்தில் ஹேமமாலினி நடித்துள்ளார். 

ஆனால் ஹீரோ தர்மேந்திரா நல்ல வேளையாக ஹேமாவின் அனாதை ஆஸ்ரமத்தில் வந்து சேராமல் வேறு எங்கோ இருக்கிறார். 

ட்ரீம் கேர்ள் படத்தின் க்ளைமேக்ஸ் இருக்குதே அதுதான் படத்தின் கடைசி 30 நிமிடங்கள். அதுவரை இந்தி, தமிழ், ஆங்கிலப் படங்களில் வந்த எல்லா க்ளைமாக்ஸ் காட்சிகளையும் எடுத்து ஒரு பாட்டிலில் போட்டுக் குலுக்கி கொடுத்துவிட்டார்கள்! கதாநாயகனும் வில்லனும் நீரில், நிலத்தில், ஆகாயத்தில், நெருப்பில், காற்றில் என்று பஞ்ச பூதங்களிலும் சண்டை போடுகிறார்கள்!

துப்பாக்கி, கராத்தே, கத்திச் சண்டை, கத்தாமல் சண்டை எல்லாம் போடுகிறார்கள்.

நமக்கு எல்லாம் அலுத்துப் போனபின் படம் முடிகிறது.

இன்னொரு சுவாரஸ்யமான விஷயம், 1968ல் வந்த பிரம்மச்சாரி இந்திப் படத்தை தமிழில் 1970ல் ' எங்க மாமா ' என்று எடுத்தார்கள். சிவாஜி & ஜெயலலிதா நடித்த வெற்றிப் படம்.

1977ல் வெளி வந்த ட்ரீம் கேர்ள் படத்தை பிறகு தமிழில் எடுத்திருந்தால் ' எங்க மாமி' என்று பெயர் வைத்திருப்பார்களோ! 

இப்போ அதே படத்தை ஹேமா நடித்து எடுத்தால் ... ' எங்க பாட்டி'

= = = = = = = = = =